Машиновозачите во Британија размислуваат да штрајкуваат поради недостаток на тоалети, а синдикатите предупредуваат дека основните потреби на работниците сè уште не се задоволени. Проблемот не е решен ниту една година откако регулаторот им наложи на операторите да обезбедат повеќе санитарни услови и да ги подобрат условите.

Синдикатот на машиновозачи Aslef  соопшти дека компаниите не успеале да обезбедат соодветни тоалети или да го скратат максималното време на возење без пауза за одење во тоалет , пишува The Guardian. 

Многу возачи не можат да пристапат до соодветни тоалети, па затоа се принудени да користат шишиња или да вршат нужда во кабините.

Во извештајот на синдикатот се истакнува дека ова стана сериозен проблем со здравјето и безбедноста. Возачите се дехидрирани затоа што избегнуваат да пијат течности за да не мора да одат во тоалет, што ја загрозува безбедноста на патниците и персоналот.

Синдикатот истакнува дека жените се особено погодени и дека оваа ситуација ги одвраќа од работа на железницата, токму во време кога секторот се обидува да привлече повеќе жени.

Повелбата за благосостојба на работниците, која требаше да се спроведе во рок од 12 месеци, повикува на „безбедни, чисти, достапни и достоинствени“ тоалети низ целата мрежа.

Во неа се предвидува дека возачот може да помине максимум четири часа зад воланот без можност да оди во тоалет. Се верува дека состојби како што се длабока венска тромбоза, проблеми со мочниот меур и рак на простата и дебело црево се поврзани со недостаток на паузи за тоалет.

-Железничките оператори имаат законска обврска да обезбедат соодветни санитарни услови за својот персонал и очекуваме од нив да ја исполнат оваа обврска. Силно ја охрабруваме индустријата да соработува за да обезбеди пристап до овие услови. Прашањата за благосостојбата на работниците како што е ова ќе бидат земени предвид при транзицијата кон моделот на Големите британски железници- изјави портпаролот на Министерството за транспорт.

Штрајковите во железницата се релативно ретки откако договорите за плати во 2024 година ставија крај на речиси двегодишните повремени протести. Сепак, во моментов се зборува за штрајк на возачите во LNER и Avanti, додека членовите на синдикатот RMT во East Midlands Railway ќе штрајкуваат на 1 август поради проблеми со новите возови.

Синдиаот Unite, исто така, води кампања за подобри тоалети за возачите на автобуси и камиони и го опишува недостатокот на тоалети како огромен проблем.

The post НЕХУМАНО, ПРИНУДЕНИ СЕ ДА МОКРАТ ВО ШИШИЊА Британските машиновозачи најавуваат штрајк бидејќи немаат пристап до тоалет appeared first on plusinfo.mk.