„Бамби“, една од најпознатите кондиторски компании во регионот, е нов принципал во портфолиото на компанијата Нелт СТ, членка на Нелт Група. Со оваа соработка, Нелт СТ ја започнува дистрибуцијата на производите на Бамби на пазарот во Северна Македонија.

Партнерството на компанијата „Бамби“ со силен регионален бренд и на компанијата Нелт СТ, која располага со исклучителна локална експертиза во областа на дистрибуцијата и развојот на пазарот, претставува цврста основа за долгорочен раст, унапредување на достапноста на производите и создавање дополнителна вредност за трговските партнери и крајните потрошувачи.

– Со преземањето на дистрибуцијата на брендот „Бамби“ продолжуваме со проширување на портфолиото на стратешки принципали, потпирајќи се на силен дистрибутивен систем и долгорочни партнерства. Силата на Нелт Група произлегува од принципиелната соработка со лидери во различни категории и од високите стандарди што ги одржуваме во секој дел од операциите. Убеден сум дека и соработката со компанијата „Бамби“ ќе биде успешна и долгорочна, бидејќи ги споделуваме истите вредности – квалитетна услуга, професионален пристап и јасен фокус на потрошувачите – изјави Драган Димоски, менаџер на дивизија Нелт СТ.

Компанијата „Бамби“ е дел од групацијата Coca-Cola HBC Србија, а ја одликува силна пазарна препознатливост, широка база на потрошувачи и значителен потенцијал за понатамошен раст на пазарот во Северна Македонија.

Нелт Група и „Бамби“ веќе со години успешно соработуваат на пазарите во Србија и во Босна и Херцеговина, а новата соработка во Северна Македонија дополнително ја продлабочува регионалната соработка. Фокусот на заедничките активности ќе биде насочен кон зајакнување на позицијата на брендот Бамби, развој на портфолиото и проширување на достапноста на производите преку силната дистрибутивна мрежа на Нелт СТ.

The post НЕЛТ ГРУПА ЌЕ ДИСТРИБУИРА ПРОИЗВОДИ НА „БАМБИ“ ВО МАКЕДОНИЈА Брендот има многу потрошувачи и потенцијал за раст на македонскиот пазар appeared first on plusinfo.mk.

– Ни претставува огромно задоволство што ова напредно решение после пазарите на Србија, Босна и Херцеговина и Црна Гора успеавме да го имплементираме и на пазарот во  Македонија со што продолжуваме да го следиме нашето заложување за примена на најсовремените технологии и процеси во секојдневното работење. Наш партнер, кој од самиот почеток ги препозна сите бенефити кои ги носи овој нов процес и безрезервно нè поддржа во оваа имплементација е Рамстор. Денес, со Рамстор имаме имплементирано комплетно дигитализиран процес од нарачка до испорака и архивирање на документација во дигитален формат – вели Методија Христовски, менаџер на логистика во Нелт СТ и додава: Нелт СТ како дел од Нелт Група, ќе продолжи да биде целосно фокусиран на потребите на нашите клиенти, постојано подобрување на нивното искуство од нивото на нашите услуги, воведувајќи решенија кои ќе придонесат за заеднички развој.

Клучната причина за оваа трансформација е елиминирање на хартиената форма на фактурите и корективните документи кои досега ја следеа стоката или настануваа при самата испорака. Сега, сите тие детали се управуваат во реално време преку таблетите на доставувачите. Секое неопходно коригирање се прави при самата испорака за време на процесот на проверка на количини, а на крајот двете страни ги потврдуваат деталите во таблетот. Така финализираните податоци се испраќаат во системот на Нелт каде што се генерираат фактурите во дигитална форма врз основа на реално примените количини кај купувачот.

Дигиталните фактури се електронски потпишани, архивирани и испратени директно до клиентите преку е-пошта која тие ја споделуваат. Покрај системот на Нелт, дигиталните фактури дополнително се архивираат и чуваат од страна на овластен архивар (Инбокс) на територијата на Македонија со што се овозможува максимална безбедност.

– Особено важно да се спомене е дека заедно со компанијата Инбокс развивме Cloud платформа која овозможува лесен начин за клиентите да го потврдат приемот на дигиталната фактура или да пријават какви било неправилности, со што процесот не завршува додека сите прашања не бидат разрешени. Ова ја подобрува точноста и ефикасноста, придонесува за точно задолжување во секое време и ослободување на кредитен лимит, дава пристап на клиентите и купувачите до платформата Track & Trace (следење во живо), дава исправни фактури и сторно документи истиот ден без употреба на корективни документи, а и значително ја намалува и употребата на хартија. Нелт СТ свесно и одговорно се залага за одржливост и заштита на животната средина – велат од компанијата.

Нелт Група во претходната година забележа неделно намалување на потрошувачката од 160.000 листови хартија, што претставува 800 килограми хартија. Со заштеда од речиси 65 проценти во делот на корективните документи, годишно се трошат 40 тони помалку хартија, со што се зачувани 1.000 дрвја кои инаку би се користеле за производство на хартија. На овој начин, Нелт Група се стреми да ги зачува природните ресурси и да го намали својот еколошки отпечаток, а со тоа да придонесе за одржлив развој на бизнисот и заедницата.

Нелт Груп е еден од најуспешните деловни системи во регионот Адриа во областа на логистика и дистрибуција на стоки за широка потрошувачка, тутун и фармацевтски производи. Како меѓународна групација, вработува повеќе од 5.500 луѓе во 14 компании, на 12 пазари во Европа и Африка. Водечката позиција и успесите постигнати во текот на 30 години бизнис се резултат на постојано инвестирање во едукација и развој на вработените, иновации и примена на нови технологии, а инклузивната и отворена корпоративна култура е заштитен знак на компанијата.

The post ДИГИТАЛНА ИСПРАТНИЦА – РЕШЕНИЕ ЗА ПОЕФИКАСНА ИСПОРАКА Нелт СТ поставува нови стандарди во дистрибутивните процеси appeared first on plusinfo.mk.

Соработката со корпорацијата Фортенова во делот на дистрибуција на брендовите Јамница и Дијамант, заедно со почетокот на дистрибуција на брендовите Чачански чипс, Грицко и Флипс на српската компанија Chips way, ја одбележаа годината која изминува.

– Горди сме на нашиот јубилеј. Веќе 25 години постоиме на пазар полн со предизвици и сме лидери во иновации и дигитализација во делот на ланците на снабдување. Сепак, би рекол дека клучен е фокусот кон нашите вработени, кои денес ги имаме близу 300. Применуваме корпоративни вредности кои во фокусот ги ставаат луѓето и го докажуваме тоа со воведувањето на т.н. „work-life balance“ пристап кој вклучува флексибилно работно време, работа од дома и приватно осигурување за одредени работни позиции – изјави Сашко Блажевски, извршен директор на Nelt Grupа за пазарот на Северна Македонија.

Сашко Блажевски, извршен директор на Nelt Grupа за пазарот на Северна Македонија

Блажевски нагласи дека компанијата е спремна за нови партнерства и дека ја надраснале инфраструктурата што ја имаат во земјава поради што бараат нови простори од околу 13.000 метри квадратни.

Нелт СТ денес дистрибуира глобални лидери во FMCG индустријата, како што се: P&G, Mondelez, Jaffa, Banini, Jacobs, BIC, Dr Oetker, Duracell, Sebamed и Johnson & Johnson. Покрај гореспоменатите Jamnicа, Dijamant и Chips Way, Нелт СТ го снабдува пазарот со Neoplantа, Baby Food Factory (Nutrino), и националниот лидер во својата категорија – Mama’s.

– Водечката стратегија на Nelt Grupа – ACCELERATE2025 – дополнително го изостри фокусот на компанијата кон дигиталната трансформација и резултираше со лансирање апликации и инвестиции во архитектура и алатки за управување со податоци што ги развиваме со компаниите Microsoft и SAS. Сакаме да продолжиме со инвестиции и нови вработувања во Северна Македонија и да ја зацврстиме лидерската позиција на пазарот во годините што доаѓаат – рече Милош Јелиќ, извршен директор на Nelt Grupа.

Милош Јелиќ, извршен директор на Nelt Grupа

Nelt Grupа работи со повеќе од 80 принципали и над 100 логистички клиенти преку 18 компании на 12 пазари во Адриатик регионот и Африка. Членки на Nelt Grupа се: Nelt Co, Nelt BiH, Neregelia, Nelt ST, Montenomax C&L, Java storja Srbija, Nelt Angola, Nelt Zambia, Nelt Mozambique, Nelt Albania и Nelt KS. Членки на групацијата се и Neoplanta, Baby food factory, Chips Way, Banim reklame i Čenej Agrar.

Остварените консолидирани приходи на групацијата во 2022 година изнесуваат 1.165.000.000 евра.

Дарко Лукиќ, извршен потпретседател на Нелт група

Дарко Лукиќ, извршен потпретседател на Нелт група, најави фокус на нови принципали кои во моментов не се активни, како што е соработка со фармацевтските компании и нивните производи.

The post ДИСТРИБУТЕРОТ НА НАЈПОЗНАТИТЕ БРЕНДОВИ ПРОСЛАВИ 25 ГОДИНИ ВО МАКЕДОНИЈА Зголемени приходи, нови партнерства и нови колеги appeared first on plusinfo.mk.