Подготвени ли се домашните институции за евентуален наплив на црниот пазар со нелегални алтернативни никотински производи?! Холандија едвај се справува со битката, откако на почетокот на минатата година ја забрани продажбата на никотински ќесички и електронски цигари со вкусови и ароми. Македонија предвидува иста мерка со најавениот Закон за заштита од пушење и веќе регистрира нелегална трговија на производи кои не поминале никаква лабораториска анализа. Властите во Холандија само за првите три месеца од воведувањето на забраната, во неколку акции, запленија над 185 илјади нелегални електронски цигари. Сега, планирани се уште повисоки казни за оние ќе пуштат во продажба електронска цигара со вкус. Слични проблеми има и Данска. За ваквите појави претходно алармираше и Европол.

„Растот на пазарот на е-цигари/вејпови во последниве години доведе до последователно зголемување на фалсификувани производи за вејпинг што влегуваат на пазарот на ЕУ. На многу од овие фалсификувани производи и делови за е-цигари им недостасуваат контроли за квалитет и не ги исполнуваат безбедносните и здравствените барања, што претставува ризик за потрошувачите“, се наведува во извештај од Европол.

Холандскиот орган за безбедност на храна и производи за широка потрошувачка (NVWA) има дозвола да запленува вејпови и е-течности од почетокот на 2025, а веќе во јануари се случи голема заплена.

„NVWA пронашла над 42.000 нелегални вејпови во магацински простор во Барендрехт. Инспекторите сакале да го пребараат магацинскиот простор поради сомнежи дека сопственикот врши нелегална продажба во неколку продавници во различни делови од земјата. Сопственикот бил принуден да ја отклучи вратата и да им ја покаже на инспекторите нелегалната залиха“, пишува NL Times.

Сега, предложени се законски измени за зголемување на казните до четири илјади евра, почнувајќи од први јули годинава.

„Предлогот има за цел да испрати јасна порака дека нелегалната продажба повеќе нема да се третира како мал прекршок. Продажбата на нелегални вејпови ќе ве чини скапо, дури и за прв прекршок. Остриот пораст е наменет да ги таргетира повторните прекршители, како и продавниците и дистрибутерите вклучени во онлајн и неформалната продажба на пазарот“, изјави привремената министерка за здравство Јудит Тиелен.

Холандските регулатори известуваат дека нелегалната продажба на вејпови и цигари останува честа појава и покрај забраните за продажба на ароматизирани е-течности и ограничувањата за достапност на мало. Холандија има едни од најстрогите регулативи за вејпови во Европската Унија. И покрај ова заострување на регулаторната рамка, инспекторите велат дека нелегалната продажба на вејпови останува постојана, особено преку малите маркети, неформалните трговци на мало и платформите на социјалните медиуми.

Според NVWA, нелегалните вејпови честопати не ги исполнуваат стандардите за составот, стандардите за дизајн или ограничувањата на концентрацијата на никотин, а многу од нив се од нерегистриран увоз надвор од ЕУ.

Пред три месеца и данската полиција заплени 12.000 нелегални ароматизирани никотински производи во голема рација, спроведувајќи ја забраната од 2024 година, а случајот ги открива предизвиците за ограничување на профитабилниот црн пазар на вејпови. Експертите предупредуваат дека нерегулираните производи претставуваат сериозни здравствени ризици.

„Данската акција против нелегалните ароматизирани вејпови кулминираше со масовна заплена. Полицијата во Престо, по анонимна дојава, конфискуваше 12.000 нелегални е-цигари од складиште, а со тоа се истакнува тековниот предизвик на црниот пазар. 33-годишен маж од Сeеборг сега се соочува со обвиненија, додека властите проценуваат потенцијални даночни казни за значителниот обем на забранети производи. И покрај забраната, самиот обем на оваа заплена укажува на постојана и профитабилна подземна трговија.“, пишува Nordic Today.

Експертите за јавно здравје од Данска предупредуваат дека оваа нерегулирана состојба претставува дополнителна опасност.

„Кога купувате од црниот пазар, немате гаранција што има во течноста. Концентрацијата на никотин може да биде опасно висока, а може да има и други штетни супстанции што не се наоѓаат во регулираните производи. Ова создава парадокс каде што политиката дизајнирана да го подобри јавното здравство може ненамерно да ги насочи некои корисници кон поризични, нерегулирани алтернативи“, изјавил медицински работник.

Од друга страна, држави како Шведска, Велика Британија, Норвешка, Нов Зеланд и други, ја стимулираат достапноста до алтернативните никотински производи, гледајќи на ваквите производи како на помалку штетна алтернатива на цигарите, целејќи да ја намалат стапката на пушење.

The post ХОЛАНДИЈА И ДАНСКА СЕ МАЧАТ ДО НЕЛЕГАЛНА ТРГОВИЈА НА НИКОТИНСКИ ПРОИЗВОДИ Шверцерите профитираат, државата губи, корисниците во опасност appeared first on plusinfo.mk.

Над 7.000 парчиња пиротехника беа запленети денеска на влезот на скопскиот Бит Пазар, во акција спроведена од полициски службеници на СВР Скопје – ЕВР Центар и Бит Пазар, со цел да се спречи нелегалната продажба на опасни пиротехнички средства пред празничниот период.

При контролата биле пронајдени вкупно 7.107 парчиња пиротехнички средства, распоредени на три импровизирани тезги. Полицијата веднаш ги одзела средствата, а во тек се мерки за пронаоѓање на лицата кои стојат зад нивната продажба. По идентификацијата, против нив ќе биде поднесена соодветна пријава.

Од Министерството за внатрешни работи информираат дека ваквите контроли ќе продолжат и во наредните денови, со засилен надзор на локации каде традиционално се појавува нелегална трговија со пиротехника. МВР апелира до граѓаните, доколку забележат продажба на пиротехнички средства, веднаш да пријават во најблиска полициска станица или на телефонските броеви 112 и 192.

The post ЗАПЛЕНЕТА ПИРОТЕХНИКА НА БИТ ПАЗАР Полицијата одзеде над 7.000 парчиња, следуваат пријави appeared first on plusinfo.mk.

Царинските службеници во Тетово спречија обид за криумчарење 2.000 килограми фалсификуван прашок за перење со ознаки на познатата марка Ариел, наменет за увозник од Скопје. Според Царинската управа, овој производ е особено ризичен затоа што непознатиот хемиски состав може да предизвика сериозни здравствени последици и да ја загадува животната средина.

Контролата била извршена на товар натоварен во Турција, по што цариниците посомневале во оригиналноста на производот. Одделението за нетарифни мерки и заштита на правата од интелектуална сопственост веднаш го известило правниот застапник на носителот на правата на брендот. Од таму било потврдено дека станува збор за фалсификат.

– Овој случај уште еднаш потврдува дека царината секојдневно спречува влез на небезбедни и штетни производи на нашиот пазар. Фалсификатите не се само економска закана, тие многу често се опасни по здравјето и животната средина – велат од Царинската управа.

Бидејќи сопственикот на правата дал согласност, стоката ќе биде уништена. По целосното спроведување на постапката, против сторителот ќе биде поднесена соодветна пријава.

The post ФАЛСИФИКАТ АРИЕЛ ЗАПЛЕНЕТ ВО ТЕТОВО Царина спречи влез на 2 тони опасен прашок appeared first on plusinfo.mk.

Државниот пазарен инспекторат на ден 17.11.2025 година и 18.11.2025 година, изврши инспекциски надзори на територија на градовите Скопје, Тетово, Гостивар, Кичево и Струга кај 23 правни субјекти кои вршат трговија на мало со тутун и производи од тутун.

При извршените инспекциски надзори кај 16 правни субјекти затекнати се количини на тутунски производи за кои правните субјекти не поседуваат документи за набавка од добавувач и ги немаат потребните ознаки – акцизни марки.

Следуваат документи за набавка од добавувач и ги немаат потребните ознаки – акцизни марки.

Согласно законските надлежности, затекнатите производи во количина од над 3.000 пакувања со вредност од над 1.000.000,00 денари се привремено одземени и предадени во Агенцијата за управување со одземен имот на Република Северна Македонија.

За констатираните прекршоци, Државниот пазарен инспекторат постапувајќи согласно законските надлежности издаде прекршочни платни налози.

Државниот пазарен инспекторат, за констатираните неправилности достави известување и до другите надлежни институции, Царинската управа и Министерството за внатрешни работи за нивно понатамошно постапување.

„Државниот пазарен инспекторат ќе продолжи со спроведуведување на инспекциските надзори со цел утврдување и санкционирање на нелегалната трговија на територија на Република Македонија согласно законските надлежности.

Акцијата е дел од посветеноста на Државниот пазарен инспекторат за борба против корупцијата и криминалот“.

The post ИНСПЕКТОРИТЕ УДРИЈА ПО ЦРНИОТ ПАЗАР, ЗАПЛЕНЕТИ 3.000 ПАКУВАЊА СО ТУТУН Фирми во 5 градови шверцувале производи без акцизна маркичка appeared first on plusinfo.mk.