Тешката болест на Кадиров, наводно, била дијагностицирана на почетокот на 2019 година, по што тој веднаш почнал да оди на хируршки зафати најмалку двапати годишно во Централната клиничка болница на Административниот оддел на претседателот на Руската Федерација.

Сепак, тврди руското издание на весникот, состојбата на чеченскиот лидер не остава надеж за закрепнување и Москва сега треба брзо да одлучи како да ја одржи стабилноста по заминувањето на Кадиров. Нема едноставно решение, Москва многу добро разбира дека нема да има друг Кадиров, а засега се истакнува еден од неговите најблиски соработници.

Новаја Газета потсетува дека на 18 декември минатата година во Москва се одржа конгрес на Единствена Русија, каде делегатите ја поддржаа кандидатурата на Владимир Путин за петтиот претседателски мандат. Тој настан се разликуваше од претходните само по еден начин, бидејќи за прв пат еден од централните говорници беше Чеченец. На присутните им се обрати командантот на чеченските специјални сили „Ахмат“ и херој на Русија, генерал-мајор Апти Алаудинов.

Зборуваше смирено и неговата интонација беше во остра контраст со агресивниот манир на другите чеченски функционери, кои не можат ни да отворат уста на лош руски јазик без да се заканат дека ќе му „стават куршум“ во челото на некому.

Овој декемвриски настап на Апти Алаудинов стана првиот важен сигнал за неговиот метеорски подем во неговата кариера. Во јануари се појавија вести дека Алаудинов му бил доверлив човек на Путин на претседателските избори. Шефот на Чеченија во февруари му честиташе за одличното завршување на студиите на Академијата на Генералштабот на руските вооружени сили.

Во март, Алаудинов успешно ги заврши преговорите за префрлање на јадрото на ПВК на Вагнер во специјалните сили „Ахмат“, а потоа Путин потпиша наредба за назначување на младиот командант на позицијата заменик началник на Главниот директорат за воено-политичка работа на Министерството за одбрана на Русија.

Наредбата на Путин е уште една потврда дека руската претседателска администрација се чини конечно одлучила за наследникот на Рамзан Кадиров.

The post 📷 КАДИРОВ ИМА НЕКРОЗА НА ПАНКРЕАС, НЕМА НАДЕЖ ДА ОЗДРАВИ?! На површина излегоа нови детали за болеста, еве кој ќе биде новиот лидер на Чеченија appeared first on plusinfo.mk.