Aко цената на гасот достигне 70 евра за мегават час, Италија би можела да ги реактивира термоелектраните на јаглен, изјави денеска министерот за животна средина и енергетска безбедност на земјата, Гилберто Пикето Фратин.

– Доколку цените на гасот надминат 70 евра за мегават час, можеби ќе биде потребно да се реактивираат термоелектраните на јаглен – изјави Пикето Фратин пред новинарите на маргините на состанокот „Светиот грал на енергијата“ во Милано.

Тој рече дека станува збор за „голема бројка“.

– Зборуваме за вонредно сценарио, а не за вообичаено работење. Јагленот останува преостанато решение, но мора да бидеме подготвени доколку е потребно – заклучи министерот.

Италија има четири електрани на јаглен во режим на подготвеност.

Во март поради војната во Иран, владата објави дека го одложува трајното затворање на своите електрани на јаглен за 13 години, до 2038 година.

The post ИТАЛИЈАНСКИТЕ ТЕРМОЕЛЕКТРАНИТЕ НА „ГОТОВС“ Ќе се активираат, ако гасот достигне цена од 70 евра за мегават appeared first on plusinfo.mk.