Не се исклучува и можноста некои од нив да стават клуч на вратата, коментираат бизнисмени по објавување на бројката дека околу 83.000 работници не ја добиле јануарската плата.

Според бизнисмените, процесот е веќе започнат и тешко дека ќе запре. Драстичниот раст на бројот на компании кои не успеваат да исплатат плата и процентот на отпуштени работници се првите знаци дека е влошена и нестабилна состојбата во компаниите. Лани 6% од работниците добиле отказ поради тоа што компаниите немале работа, а бројот на работници кои не примиле плата само за јануари годинава е зголемен за повеќе од три пати во однос на лани.

– Плати не се исплаќаат само тогаш кога компанијата одлучува дали да се затвори или не. Ако очекува некаков прилив на пари од купувачите на нејзините производи, тогаш се обидува да опстане и се доцни со исплата на платите. Но, ако купувачот ја затворил фирмата и нема од каде да добие пари тогаш одлуката е јасна – се отпуштаат работниците и се затвора фирмата – вели Ангел Димитров од конфекцијата „Мода“ од Свети Николе.

Тој тврди дека ниедна компанија која досега исплаќала плати намерно не би ја запрела исплатата на платите бидејќи ѝ се пресметуваат дневни казнени камати.

– Не е прашање на желба дали се сака да се исплати плата, туку се работи за тоа дека компанијата има проблем во работењето. Инаку, зошто некој би сакал да плаќа камати на долг кој мора да го плати, ако има пари тоа навреме да го стори. Секако, ако сопственикот сака да не ги плаќа работниците треба да ја затвори компанијата – вели Димитров.

Поради кризата на германскиот пазар каде што извезува и „Мода“ отпушти 26 работници, а за платите како и сите во секторот е зависна од ликвидноста на странскиот купувач на производите.

– Состојбата е таква. Еве на пример за да им исплатиме плата на нашите работнички пред празникот на жената 8 Март побаравме нашиот купувач да ни плати за испорачаната стока. За среќа тој се согласи и сега ќе ја исплатиме платата. Ако не ни платеше немаше да ја исплатиме платата пред празникот. Ќе чекавме прилив на средства тоа да го направиме подоцна во законскиот рок – додава тој.

Димитров смета дека главна причина за големата зависност на македонските компании од своите партнери во странство е тоа што компаниите немаат финансиски резерви поради лошата структура на капиталот.

– Повеќе од 72% од компаниите немаат резерви, а тоа произлегува од политиката на отворање на фирми со обртен капитал од 5.000 евра. Така, уште при првата плата овие фирми мораат да се задолжат во банките бидејќи немаат доволно капитал за да работат. Проблемот подоцна се продлабочува кога настапуваат кризи. Секоја промена кај купувачот на производите значи и криза за компаниите – појаснува тој.

И претседателот на Бизнис конфедерацијата, Миле Бошков вели дека бројката на неисплатени плати  покажува дека состојбата во економијата не е стабилна, компаниите имаат зголемени трошоци и долгови.

Според него, проблемот со неисплатени плати ќе се заостри ако се зголеми минималната плата повеќе од законски утврденото. Тоа може да предизвика и бран отпуштања на работниците, но и пораст на сивата економија бидејќи дел од фирмите кои не можат да ги плаќаат платите ќе се затворат и ќе работат на црно или ќе се пререгистрираат.

– Тоа покажува дека политиките за раст на платите не се како што треба. Барањето за плус 5.000 денари повисок минималец нето или најмалку 8.000 денари бруто е бројка која навистина ќе предизвика бран отпуштања и бројка која не може да ја издржи бизнисот. Најголем дел од самостојните вршители на дејност се пријавени на минималец, и сега со најавата за зголемување, ќе предизвика дел од нив да се одјават и да работат на црно – вели тој.

Покрај текстилната индустрија – производството на облека, кризата на европскиот пазар ја чувствува и автомобилската индустрија. Први најави за намалување на работници дојдоа од „Аптив“ која најави дека до крајот на годината ќе ја напушти земјава поради преструктурирање на производството на европскиот пазар и ќе ги отпушти работниците и од „Џонсон Мети“ која најави дека ќе го намали бројот на работници.

Дел од компаниите од овој сектор соопштија дека имаат намален број на нарачки.

Официјалните податоци се дека бројот на работниците во текстилната индустрија за изработка на облека во декември лани се намалил за 14,7%, во кожарската индустрија за 11,7 додека во секторот производство на возила пак бројот на работници се намалил за 5,9%.

The post ЧЕКАЈЌИ ЈА ЈАНУАРСКАТА ПЛАТА Бизнисите се борат за ликвидност, работниците тонат во неизвесност appeared first on plusinfo.mk.

Јануарска плата лани фирмите не им исплатиле на околу 25.000 работници.

Од Управата за јавни приходи (УЈП) информираат дека на компаниите што не го испочитувале рокот веќе им се испратени опомени, доколку не ја исплатат платата во наредниот период, ќе биде спроведена присилна наплата.

Не се знае колку од фирмите што не исплатиле плата се во приватниот, а колку во јавниот сектор и дали има неисплатени плати за повеќе месеци.

Според законските обврски, рокот за исплата на јануарската плата бил 15 февруари.

Управата за јавни приходи објави дека плата во декември не зеле речиси 82.000 вработени, додека во ноември скоро 70.000.

Во земјава има  70.000 фирми со вкупно 551.264 вработени.

The post ШТО СЕ СЛУЧУВА СО ФИРМИТЕ? Речиси 83.000 работници на ја добиле јануарската плата appeared first on plusinfo.mk.

Тој рече дека има земјоделци на кои државата им должи за субвенции од 2020 година.

– Сумата е огромна. Со ребалансот на буџетот се обезбедени 30 милиони евра со кои очекуваме заклучно со 2024 година да се исплатат сите субвенции – информира Трипуновски.

Тој додаде дека поради сложените бирократски процедури, 9.000 земјоделци не успеале да ги добијат субвенциите.

– Никаде во светот нема авансно исплаќање на субвенции како кај нас. Ние планираме да ги олесниме процедурите за аплицирање на земјоделците и редовно да ги исплаќаме субвенциите – рече Трипуновски.

Запрашан за тоа кога оризот ќе се откупува за стокови резерви рече дека тоа ќе се случи од наредната реколта.

– Оризот е влезен во стратешките култури, но е потребен посебен план за непречен откуп на оваа култура во стоковите резерви. Агенцијата за стокови резерви ќе треба да го изработи овој план за да нема проблеми. Очекувам од наредната реколта и оризот да почне да се откупува во стоковите резерви – рече тој.

Трипуновски информира дека е запрена постапката за откуп на 15.000 тони пченица во стоковите резерви со образложение дека поранешното раководство на Агенцијата за стокови резерви имало неповолни критериуми за домашната пченица.

– Во тек е промена на критериумите со што ќе се овозможи во стоковите резерви да влезе домашната пченица, а не да се обезбедуваат резерви со увозна пченица – рече Трипуновски.

The post ДРЖАВАТА 4 ГОДИНИ ИМ ДОЛЖИ НА НЕКОИ ЗЕМЈОДЕЛЦИ До Нова година треба да се исплатат заостанати 30 милиони евра за субвенции appeared first on plusinfo.mk.

– Од нив, 1.912 доцнеле повеќе од 1 месец, а 700 доцнат со платата 9 месеци. Кај сите се преземени соодветни мерки за присилната наплата – рече Сања Лукаревска, директорка на УЈП на брифинг со новинарите.

За септември 2023, обврска не ја исполниле 68.893 работодавачи за 552.193 вработени лица. Од нив, пресметка имаат 59.708 работодавачи за 535.058 вработени лица, од кои 47.116 работодавачи за 462. 017 вработени исплатиле палата  во законски рок до 16 октомври, а останатите  со задоцнување.

До 7 ноември, пресметката не ја доставиле 3.730 работодавачи за 8.673 работници, додека 5.455 работодавачи за 8.462 вработени лица воопшто не поднеле пресметка за октомври 2023.

Лукаревска вели дека со пресметките за плати во септември доцнат 3.945 работодавачи. Најмногу се од угостителската дејност (241 деловен субјект), товарен патен транспорт (218), адвокатски дејности (161), одржување и поправка на моторни возила (141), фризерски салони и салони за убавина (130).

Најголем број доцнења има кај 1.552 даночни обврзници од Скопско, а 754 се од Полошкиот Регион.

Од доцнењето на платата во септември се засегнати 8.700 работници, од кои 6.141 вработени и околу 1500 кои се даночни обврзници со еден вработен.

Работодавач на најголем број работници зафатени од доцнењето, вкупно 378, е скопска компанија од дејноста чистење згради и објекти, потоа 148 работници се од скопска компанија за приватна заштита, 84 работници се кај работодавач од дејноста високо образование и 79 вработени во јавно претпријатие во Виница.

The post 700 ФИРМИ 9 МЕСЕЦИ НЕ ДАВАЛЕ ПЛАТА Во октомври без плата останале 8.462 работници appeared first on plusinfo.mk.

– До законски предвидениот род до 15 април бруто плата не исплатиле 14.998 работодавачи за 54.662 вработени лица –  рече Лукаревска.

За разлика од март, февруарската плата не ја исплатиле 3.774 работодавачи за 9.947 работници.

Работодавачите од денеска можат да аплицираат за државната помош за исплата на платите за февруари и март.

The post Мартовската плата не ја зеле 54.662 работници appeared first on plusinfo.mk.

Компаниите на кои им е исплатена државна помош за минимална плата, а не ги уплатиле средствата на своите вработени се достапни на: https://vlada.mk/sites/default/files/dokumenti/neplateno_2020_11.pdf

Директорката на Управата за јавни приходи Сања Лукаревска во саботата објави дека платата за ноември 2020 година не ја примиле 782 вработени од 245 работодавачи кои користат финансиска помош од државата како една од владините мерка за справување со пандемијата од ковид-19.

За ноември минатата година поднесени се 13.851 барања и на 13.178 работодавачи се исплатени 1.028.448.344 денари за вкупно 65.950 вработени.

За 245-те работодавачи се изготвени опомени за неисплатена плата, а ако не ја исплатат во рок од една седмица ќе следи присилна наплата на плата со блокада на нивната сметка и пренос на трансакциските сметки на вработените лица. Во ноември 351 работодавец исплатил плата по опомената на УЈП, информираше Лукаревска.

Од компаниите кои не исплатиле плати во ноември, 43 се од дејноста трговија на мало кои не им исплатиле плата на 84 вработени, 37 фирми за подготвување оброци и служење храна и не им исплатиле на 108 вработени, а 22 фирми се од транспортот кои не исплатиле плати на 127 работници. Најмногу од фирмите се од Скопје 73, потоа Тетово 22, Гостивар 10 и други.

Злоупотреби на државната помош за исплата на плати имаше и во месеците од вториот квартал, по што кај компаниите кои не ја исплатиле платата за април, мај и јуни 2020 година, е спроведена присилна наплата за исплата на плата. Со состојба на 3 декември 2020 година априлската плата сè уште не ја исплатиле 50 компании за 108 вработени, платата за мај не ја исплатиле 38 компании за 66 вработени, а за јуни 64 компании за 160 вработени. Вкупниот број компании кои не исплатиле плата за еден, два или три месеци е 125 и за нив се доставени податоци во ЈО за поведување кривична постапка.

The post Еве кои фирми зеле државна помош, а не исплатиле плати за ноември appeared first on plusinfo.mk.