На последното тестирање пред заминувањето за Дебрецин позитивни на коронавирусот во редовите на „црвено – жолтите“ беа голманскиот тандем Никола Митревски и Марко Кизиќ, како и Гоце Ојлески и Михајло Младеновиќ, кои поради тоа останаа во Скопје. Позитивен на коронавирусот беше и кондицискиот тренер Петар Баснарков.

Својот воведен дуел во рамки на групата А македонските ракометари ќе го имаат утревечер со почеток од 18 часот против Словенија, а по две дена следи дуелот против Црна Гора, во чиј редови денешното тестираше донесе три позитивни случаи на ковид-19.

The post РАКОМЕТАРИТЕ ЗДРАВИ ЌЕ ИМ СЕ СПРОТИВСТАВАТ НА СЛОВЕНЦИТЕ Нема заразени со корона во македонската експедиција appeared first on plusinfo.mk.

– Се тестираат деца во средните училишта во Скопје и во повеќе основни училишта во повеќе градови. Досега нема стигнат позитивен тест на ниедно дете во училиштата, било во основните, било во средните што е одличен знак. Но, да почекаме сѐ уште е рано. Тие родители кои не даваат согласност се оди на алтернатива на друго дете во класот согласно методологијата. Досега некаков отпор нема, не верувам дека ќе има. Апелирам да се свесни родителите дека со земање обичен брис не е никаков ризик и како метода многу ќе научиме за ситуацијата со епидемијата кај нас – рече Филипче.

Во врска со скринингот за хронично болните, посочи дека за скринингот разговараат со претставници на Светската здравствена организација и ќе ги вклучат и тие експерти и тоа ќе трае подолго време.

– Не е тоа анализа што може да ја завршиме за кратко време, ниту пак може нешто да научиме за кратко време. Сепак е тоа анализа на ситуацијата во однос на хроничните болести кај сите граѓани во нашата земја, така што тоа е процес што ќе започне и веројатно ќе трае повеќе месеци – истакна Филипче.

Во однос на постковид пациентите, појасни, има пациенти кои доаѓаат со различни симптоми што се манифестираат со срцеви или белодробни манифестации.

– Клиниката за пулмологија е таа што е референтна да ги прима, анализира, соодветно третира доколку треба постковид пациентите. Нема некој значаен наплив на пациенти, нема притисок кон Клиниката за пулмологија. Меѓутоа, има пациенти кои се јавуваат за преглед – додаде Филипче.

The post НЕМА ПОТРЕБА ОД СТРАВ, СЕ ЗЕМА ОБИЧЕН БРИС Негативни на коронавирус се сите досега тестирани деца appeared first on plusinfo.mk.

За слично искуство раскажува сограѓанка која минала два стресни дена. Вели дека била вакцинирана со две дози во Бугарија, каде што требала да патува на деловен состанок и притоа да си го земе сертификатот за извршената вакцинација, па поради тоа ѝ бил потребен ПЦР тест за влез.

– Доживеав два страшни дена во приватните лаборатории низ земјава и навистина не знам кој ги контролира. Вакцинирана сум со „Модерна“ во Бугарија, имам прележано ковид-19, целото семејство сме вакцинирани и правиме сè што е потребно да се заштитиме од вирусот, па сепак завршив во изолација 10 дена – вели оваа скопјанка.

Таа објаснува дека пред да замине во Бугарија направила ПЦР тест во една приватна лабораторија, а резултатот бил позитивен. Истиот ден направила уште еден тест во друга лабораторија, при што резултатот бил негативен, а во истата лабораторија следниот ден направила уште еден тест и повторно добила негативен резултат.

– Два дена стрес за мене и за целото семејство. Испуштен деловен состанок во Софија, потрошени 5.500 денари за тестови. Ставена сум во изолација со што ќе изгубам 10 дена од работа, а работам приватно. А да не зборувам за психичките трауми што ги поминав. Ќе се обратам до сите можни институции и како е можно и покрај двата негативни теста да те стават во изолација – прашува таа зачудено.

Слично искуство споделува уште еден граѓанин кој поради првиот позитивен ПЦР тест, иако имал уште два негативни теста, тој и неговото семејство не можеле да отпатуваат на долгоочекуваниот одмор.

– Лани поради пандемијата не заминавме на одмор и многу се радувавме што оваа година ќе одиме. Имавме уплатено аранжман во Турција и на два дена пред да полетаме направивме ПЦР тестови за да можеме да влеземе во земјата. Според резултатите, јас и сопругата испаднавме позитивни, но веднаш заминавме во друга лабораторија, каде добивме резултати дека сме негативни. Другиот ден повторно направиме тестови и повторно бевме негативни, но од ИЈЗ добивме решение за самоизолација и така пропадна нашиот одмор – вели гневниот скопјанец.

Поради овие зачестени појави побаравме одговори од Министерството за здравство, од каде за Плусинфо велат дека и покрај негативните тестови, сепак како валиден се зема позитивниот тест и лицето мора да остане во самоизолација.

– Секогаш кога има различни резултати од тестови, се зема предвид позитивниот тест и согласно епидемиолошката анкета и анамнеза, лицето добива решение за изолација одреден број денови. Нашата земја ги следи и применува препораките на СЗО. Во дневната статистика на новодијагностицирани пациенти, како позитивни се евидентираат исклучиво лицата кои се тестирани во една од лиценцираните лаборатории кај нас. Секој позитивен резултат, ИЈЗ го идентификува како новодијагностициран пациент – велат од Министерството за здравство за Плусинфо.

The post ЏАБЕ ДВА НЕГАТИВНИ ПЦР ТЕСТА Еден позитивен тест ве носи во изолација appeared first on plusinfo.mk.

Лабораторијата наплатувала околу 70 евра за спорните тестови а купувачи најмногу биле туристи, кои патувале во земји за кои неопходно било да се има негативен ПЦР тест. Лабораторијата тестовите ги нудела во рок од еден час, пишува Ла Вангуардиа.

Здравствениот центар е специјализиран за услуги на повозрасни лица, а градоначалникот на местото во кое центарот се наоѓа присиуствувал на затврање на објектот. Тој, чинот на продавање на негативните тестови го окарактеризирал како Сериозно злосторство против јавното здравје.

Од друга страна, министерот за здравство на Чиле, Енрике Парис постапката на лабораторијата ја нарекол исклучително сериозна.

– Не знам која е целта, да се заработат пари, тоа е сигурно, но да го шириш вирусот на овој начин, тоа е за многу сериозна казна – вели чилеанскиот министер за здравство.

Веста ги затече граѓаните на Чиле во среде вториот бран на пандемијата. Чиле има 19 милиони жители и речиси 700.000 заразени.

The post Скандал во Чиле, продавале негативни ПЦР тестови за 70 евра appeared first on plusinfo.mk.

Според неделниот извештај на Институтот за јавно здравје во периодот од 11 до 10 јануари 2021 биле тестирани вкупно 14.111 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со зголемување од 8,4% во однос на минатата недела.

Регистрирани сe 2.397 нови позитивни случаи од 34 градови во државата со намалување од 3,0% во однос на минатата недела. Најголем дел од регистрираните случаи се од Скопје (n=1.089; 45,4%), со неделна инциденца – 176,3/100.000. Највисока неделна инциденца од 238,5/100.000 е регистрирана во Ресен.

Процентот на позитивни од тестирани во периодот на известување се движи од 11 до 19%, просечно 16%, што претставува намалување од 3% во споредба со минатата недела.

Регистрирани се заболени лица во сите возрасни групи. Најзастапена е возрасната група на лица на возраст над 60 (n=631, 26,3%). Голем број на заболени се регистрира и кај лицата во возрасните групи од 40-49 (n=446; 18,6%), 30-39 (n=422; 17,6%), 50-59 (n=403; 16,8%) и 20-29 (n=352; 14,7%). Најмал број е регистриран кај децата од 0-9 (n=31; 1,3%) и 10-19 години (n=112; 4,7%).

По добиени 2 негативни теста за присуство на SARS-CoV-2 или со употреба на новиот алгоритам, како оздравени се водат 5.785 лица кои биле хоспитализирани или на домашно лекување, 29,7% повеќе во споредба со минатата недела.

Во периодот на известување, пријавени се 79 смртни случаи од 23 града, со зголемување од 6,8% во однос на минатата недела. Во однос на возраста, 62 лицa биле над 60 години, 13 лица на возраст од 50-59 години, 3 лица на возраст од 40-49 години и едно лице од 30-39 години.

Деталниот извештај на Институтот за јавно здравје за состојбата со ковид-19 за периодот од 11 до 17 јануари 2021 година, како и кумулативната состојба со ковид-19 во Република Северна Македонија се објавува на веб страницата на Институтот за јавно здравје: http://iph.mk/.

The post ИЈЗ: Зголемен бројот на смртни случаи и на оздравени, намален на позитивните лица appeared first on plusinfo.mk.

Претходно Собранието информираше дека собраниската Комисија за финансирање и буџет денеска нема да ја продолжи седницата на која се одвива амандманската расправа за Буџетот за 2021 година, откако претседателот на ова собраниско тело Тимчо Муцнски вчера објави дека е позитивен на ковид-19.

Од Собранието информираат дека денеска во претпладневните часови завршило земањето брис од страна на Институтот за јавно здравје на вработените во Комисијата и на дел од пратениците, кои биле во контакт со претседателот на комисијата Тимчо Муцунски.

– Веднаш штом пристигнат, истите ќе бидете известени за времето на продолжување на работата на комисијата – соопштија од Собранието.

The post Пратениците негативни на ковид-19, продолжува комисиската расправа за буџетот appeared first on plusinfo.mk.

Римскиот аеродром „Фиумичино“ соопшти дека е постигнат договор меѓу италијанскиот авиопревозник „Алиталија“ и американскиот „Делта ер лајнс“ за специјални летови помеѓу определени американски градови и италијанската престолнина од следниот месец.

Слични коридори ќе бидат отворени меѓу Рим и германските градови Минхен и Франкфурт. Во септември, ваквите летови започнаа да се реализираат помеѓу Рим и Милано.

Новите протоколи за патување, планирани на експериментална основа за летови од САД до италијанскиот аеродром во Рим, ќе стапат на сила најрано на почетокот на декември.

The post Првиот воздушен коридор од Европа кон САД за патници негативни на ковид-19 appeared first on plusinfo.mk.

Француските власти приведоа седум лица кои продавале фалсификувани негативни резултати од тестови за новиот коронавирус, јави ДПА.

Тие ги продавале потврдите со фалсификувани податоци на патници на парискиот аеродром Шарл де Гол. Таквиот лажен сертификат чинел помеѓу 150 и 300 евра, според обвинителството. Истражителите откриле повеќе од 200 лажни резултати на мобилните телефони на осомничените.

Француската гранична полиција почна истрага откако патник кој леташе кон главниот град на Етиопија, Адис Абеба, беше фатен со лажен негативен тест за вирусот.

Судскиот процес против фалсификаторите – шест мажи и жена е закажан за во март. Тие се соочуваат со затворска казна од пет години и парична казна до 375.000 евра.

The post Фалсификатори за 300 евра продавале негативни резултати од корона тестови appeared first on plusinfo.mk.

Откако се покажа дека пикерот е позитивниот, беа извршени тестирање врз сите останати ракометари и членови на стручниот штаб, а во таборот на „вардарци“ владееше страв од поголем број заразени пред саботниот дуел со Нексе, во СЕХА лигата.

Но, сите „вардарци“ беа негативни, по што ќе му бидат на располагање на тренерот Алушовски за продолжување на тренинзите пред пресметката со Нексе.

The post Освен Стоилов, сите „вардарци“ се негативни на ковид-19 appeared first on plusinfo.mk.

Како што објави грчката телевизија „Мега“, туристите во неколку држави од регионот можат да добијат лажен документ и потврда за ковид-19. Според телевизијата, десетина луѓе се вратени во својата земја затоа што на граничниот премин Промахонас покажале, како што подоцна се испоставило, фотокопија од негативен ковид-19 тест, а не оригинал.

Инаку, коронавирусот се врати на голема врата во Грција, многу луѓе не знаат каде и како се заразиле, а исто така забележано е и драматично зголемување на бројот на хоспитализирани лица кај кои е потврдена оваа инфекција.

The post Лажни негативни тестови за ковид-19 се продаваат за влез во Грција? appeared first on plusinfo.mk.