Патниците во Шведска повеќе нема да мора да покажуваат негативен тест за ковид-19 пред да влезат во земјата, соопшти тамошната влада.

Шведска на 28 декември минатата година воведе мерки против ширењето на варијантата омикрон на коронавирусот, согласно кои за влез во земјата беше неопходен негативен ПЦР тест. Оттогаш, Шведска постојано бележи нови рекордни дневни бројки на заразени со сега, целосно доминантниот сој, омикрон.

„Веќе не се смета дека патниците претставуваат посебен ризик за ширење на омикрон во Шведска“, се вели во соопштението на владата.

Шведска забележа повеќе од 20.000 нови инфекции во изминатите неколку дена, приближно двојно повеќе од рекордниот број во претходните бранови. Бројот на заразени го оптоварува здравствениот систем, но не во иста мера како пред воведувањето на вакцинацијата.

The post ШВЕЃАНИТЕ РЕЛАКСИРАНИ За влез во Шведска веќе не се бара негативен ПЦР тест appeared first on plusinfo.mk.

Властите дозволија концертот на шпанската рок група „Love of Lesbian“ да се одржи со задолжителен тест, а со цел да се тестира ефикасноста на тестирањето во спречување на ширење на заразата на големи културни настани.

Луѓето кои ќе присуствуваат на концертот ќе можат слободно да се движат, но задолжително ќе мора да носат маски. Властите побараа лица со срцеви заболувања, карцином или оние кои биле во контакт со некои од заразените, да не се пријавуваат за присуство на концертот.

Оние кои купуваат билет можат да изберат од три локации во Барселона каде ќе можат да бидат подложени на брз антиген тест. Посетителите со негативен резултат ќе добијат код на нивниот мобилен телефон, што ќе го потврди нивниот билет за концертот во салата „Палау Сан Ѓорди“ во 19 часот.

Организаторите наведуваат дека ова е прв настан од толкав обем во Европа од почетокот на пандемијата.

Цената на билетот, која изнесува од 23 до 38 евра, ќе ги вклучува трошоците за тестирање и висококвалитетната маска, која сите ќе треба да ја носат освен додека консумираат храна или пијалоци.

Во Шпанија во сила се мерки што дозволуваат присуство на само четири лица во затворен простор.

The post Вечерва рок концерт во Барселона за 5.000 лица со негативен ПЦР тест appeared first on plusinfo.mk.

Според одлуката на словенечката влада, од денеска веќе не е можно да се влезе во таа земја со направен негативен ПЦР тест во институции во земји кои не се членки на ЕУ, односно на шенген зоната, соопштено е на веб-страницата на Амбасадата на Словенија во Белград.

Како што јави дописникот на МИА од Белград, за влез во Словенија веќе не важат ПЦР тестовите од Србија, Северна Македонија, Босна и Херцеговина, Црна Гора и Косово.

Како што е наведено, почнувајќи од 25 декември, влез во Словенија без одење во карантин можен е само со негативен ПЦР тест од ЕУ, односно од шенген зоната, не постар од 24 часа.

Со одлуката се предвидува дека влез во Словенија од земјите на црвената листа, без упатување дома во карантин или без приложување негативен ПЦР тест е дозволен само за седум исклучоци.

Тоа се лицата кои се вработени во една од земјите-членки на ЕУ или друга земја од шенген зоната, за што имаат доказ, односно потпишана изјава со која се докажува причината за преминување на границата како дневен работник-мигрант и се враќаат во рок од 14 часа по преминувањето на границата, оние кои вршат меѓународен транспорт, како и лица кои превезуваат стока во Словенија или од Словенија во комерцијален сообраќај или во товарен сообраќај во транзит и ја напуштаат Словенија во рок од осум часа по преминувањето на границата.

Исто така, иземени се лица што патуваат транзитно низ Словенија и ја напуштаат не подоцна од шест часа по влегувањето, претставници на странски безбедносни органи, кои извршуваат службена задача и ја напуштаат Словенија што е можно поскоро по извршување на задачата, лица кои се донесени во Словенија со брза помош и медицинската придружба во тоа возило, како и лица со дипломатски пасош.

The post Во Словенија со негативен ПЦР тест ќе влегуваат само граѓани од ЕУ appeared first on plusinfo.mk.

Сите оние кои од денеска до 30 ноември ќе пристигнат со меѓународни летови во Грција, потребно е да имаат негативен ПЦР тест, направен 72 часа пред патувањето, јави дописничката на МИА од Атина.

Одлуката е за периодот додека земјата е во карантин, а според издадените упатства Службата за цивилно воздухопловство на Грција, утрово стапи во сила.

Од понеделникот, домашните летови во Грција се само за есенцијални патувања.

The post Грција веќе не прима странци без негативен ПЦР тест appeared first on plusinfo.mk.