неда украден Archives - plusinfo.mk

НЕДА УКРАДЕН ОБЈАВИ ФОТОГРАФИЈА СО ЌЕРКАТА Зетот на пејачката од почит го истетовирал името на баба му

плусинфо — Mon, 20 Apr 2026 06:41:48 +0000

Регионалната музичка дива Неда Украден сподели со смоите следбеници на Инстаграм емотивна честитка за роденденот на нејзината ќерка Јелена.

Со заедничка фотографија направена во прекрасна околина покрај море, Неда не ги криеше своите емоции и испрати искрени и топли зборови до својата наследничка.

– На овој ден, мајка ја роди својата убавина, својата среќа, своето најголемо богатство! Среќен роденден, моја драга Јецо! Да живееш долг, здрав и среќен живот со твоите прекрасни деца и мојот зет Пецо. Ти посакува твојата мајка Неда – напиша таа во описот.

Објавата брзо собра бројни лајкови и коментари, а обожавателите се придружија со честитки, посакувајќи ѝ на Јелена сè најдобро.

Ќерката Јелена, која инаку живее подалеку од медиумските рефлектори, секогаш предизвикува голем јавен интерес со своите појавувања.

Јелена ја гради својата кариера како маркетинг директор и сопственичка на салон за убавина. Таа има три деца со сопругот Предраг, кој пак од особена почит и благодарност, дури и го има истетовирано името на Неда. Пејачката не крие дека тие секогаш ја имаат нејзината поддршка.

The post НЕДА УКРАДЕН ОБЈАВИ ФОТОГРАФИЈА СО ЌЕРКАТА Зетот на пејачката од почит го истетовирал името на баба му appeared first on plusinfo.mk.

📷 НЕДА УКРАДЕН ВООДУШЕВИ СО ФОТОГРАФИЈАТА ВО БИКИНИ! Пејачката на 74 години има тело на девојка

плусинфо — Thu, 17 Jul 2025 05:15:25 +0000

Неда Украден, на 74 години, позираше во костим за капење и ги воодушеви обожавателите на Инстаграм. Еве како го одржува својот младешки изглед!

Популарната пејачка Неда Украден уште еднаш докажа дека годините не ѝ можат ништо! Со објавување фотографија во костим за капење на својот инстаграм-профил, таа воодушеви десетици илјади следбеници кои не штедеа комплименти.

На фотографијата, таа позира насмеана, зрачи со самодоверба и елеганција, а нејзината беспрекорна линија предизвика вистинска лавина од коментари.

Иако наполни 74 години, Неда Украден изгледа барем две децении помлада. Пејачката никогаш не ја криела тајната на својата младоликост – комбинација од здрава исхрана, умерена физичка активност, позитивен став кон животот и редовна нега на кожата е нејзиниот секојдневен рецепт за виталност.

Неда често нагласува дека никогаш не пушела, дека внимава што јаде и дека се движи редовно, без оглед на нејзините обврски и возраст.

– Нема чудотворна формула, освен да се сакаш себеси, да бидеш дисциплиниран и да не се споредуваш со другите. Секој си има свој пат, но здрав дух во здраво тело секогаш дава резултати – рекла своевремено Неда.

Неда во моментот ужива во летувањето и го користи секој момент за одмор и за полнење на батериите. Пејачката редовно им испраќа поздрави на своите обожаватели од морето и споделува мотивациски пораки, честопати придружени со фотографии кои потврдуваат дека стилот е безвременски.

The post 📷 НЕДА УКРАДЕН ВООДУШЕВИ СО ФОТОГРАФИЈАТА ВО БИКИНИ! Пејачката на 74 години има тело на девојка appeared first on plusinfo.mk.

НИКОГАШ НЕ Е ДОЦНА ЗА ОНА ШТО ИСКРЕНО ГО САКАТЕ Неда Украден го оствари својот најголем сон на 74 години!

плусинфо — Thu, 29 May 2025 05:35:25 +0000

Една од најистакнатите музички ѕвезди на Балканот, Неда Украден, вчера сними нова верзија на својот легендарен хит „Зора је“ во познатото лондонско студио. Оваа песна, која пред точно 40 години заземаше значајно место на музичката сцена на поранешна Југославија, сега доби ново, симфониско руво благодарение на соработката со Кралската филхармонија.

Видливо возбудена и емотивна, Неда не крие колку многу ѝ значи овој момент.

„Дојде тој ден“, изјавила пејачката, нагласувајќи дека е пресреќна што токму песната што го обележи почетокот на нејзината кариера сега добива таков уметнички врв.

Во текот на престојот во Лондон, Неда го посетила легендарното студио „Аби Роуд“, познато во светот по соработката со бројни музички икони, вклучувајќи ги и „Битлс“. Таа, исто така, прошетала и по познатата улица каде што е направена насловната фотографија за нивниот истоимен албум, оставајќи со тоа симболичен белег во историскиот простор на современата музика.

– Мојот сон се оствари – напишала пејачката во описот на фотографијата.

Да потсетиме, песната „Зора је“, првпат емитувана на 28 јануари 1985 година, оттогаш стана еден од најпрепознатливите хитови од овие простори. Благодарение на интерпретацијата и емоционалната сила на Неда, песната стана евергрин кој и денес со задоволство се слуша, а новата верзија ветува дека ќе ја доближи до новите генерации публика.

The post НИКОГАШ НЕ Е ДОЦНА ЗА ОНА ШТО ИСКРЕНО ГО САКАТЕ Неда Украден го оствари својот најголем сон на 74 години! appeared first on plusinfo.mk.

📽 ДОНЧИЌ ПОТПИША ДРЕС ЗА ВНУЧЕТО НА НЕДА УКРАДЕН Пејачката му заблагодари на Инстаграм

плусинфо — Tue, 11 Mar 2025 12:29:15 +0000

Познатата пејачка Неда Украден му се заблагодари на словенечкиот кошаркар Лука Дончиќ кој потпиша дрес за нејзиниот внук.

„Драг Лука, сите знаат дека си фудбалер од светска класа. Но, мојот внук Дуле, кому му си пример и инспирација, исто така виде дека си прекрасен човек. Ти благодарам што израдува едно момче од Белград со овој потпишан дрес”, напиша Неда покрај снимката од нејзиниот воодушевен внук на Инстаграм.

Модриќ на својот дрес додаде и посвета за малиот Душан.

Неда Украден има три внуци, близначките Александра и Неда и внукот Душан. Тие се деца на нејзината единствена ќерка Јелена, која Неда ја имаше во бракот со покојниот режисер Милан Билби.

The post 📽 ДОНЧИЌ ПОТПИША ДРЕС ЗА ВНУЧЕТО НА НЕДА УКРАДЕН Пејачката му заблагодари на Инстаграм appeared first on plusinfo.mk.

📷 НЕДА УКРАДЕН ГИ ЗАСУКА РАКАВИТЕ, ПА ПОКАЖА КАКО ВИТКА САРМА ЗА СВЕТИ АРХАНГЕЛ Пејачката секогаш средена ја покажа и луксузната кујна

плусинфо — Fri, 22 Nov 2024 05:51:52 +0000

Неда Украден вчера го прослави празникот Свети Архангел Михаил, а таа, како и повеќето традиционално, сака достојано да ја подготви празничната трпеза.

Иако сме навикнати да ја гледаме често средена и дотерана, а освен тоа, готвењето би можела да им го препушти на другите, Неда решила да ги засука ракавите во кујната и како и повеќето домаќинки да се фати за работа.

Многумина знаат дека Неда е одлична готвачка, но за оние кои се сомневаа, пејачката докажа дека сака да ги подготвува најубавите јадења за своите најблиски. Бидејќи ова е славата што ја слави нејзиното семејство, Неда одлучила да направи сарма која, барем според приложеното, очигледно одлично ја прави.

Неда на Инстаграм објави видео како внукот и помага во тоа, што особено ја израдувало.

Неда претходно зборуваше од каде го добила својот талент за готвење:

– И од мама и од тато и од баба и од поранешниот сопруг и од золвите… Ние сме луѓе кои сакаме добро да готвиме и добро да јадеме, а јас сè научив од мајка ми. Најмногу ми се допаѓа медитеранската исхрана – изјавила пејачката.

Иако многумина не можат да разберат како Неда е голем гурман и во исто време изгледа одлично, пејачката тврди дека во голема мера за тоа е заслужна генетиката, но се грижи и за себе.

– Мојот труд и мака. Борбата да не се прејадам и да не јадам работи што не треба да се јадат. И второ, сама правам вежби секој ден – открила таа.

The post 📷 НЕДА УКРАДЕН ГИ ЗАСУКА РАКАВИТЕ, ПА ПОКАЖА КАКО ВИТКА САРМА ЗА СВЕТИ АРХАНГЕЛ Пејачката секогаш средена ја покажа и луксузната кујна appeared first on plusinfo.mk.

📷 „БЕЗ ФИЛТЕР, САМО СОНЦЕ И МОРЕ“ Неда Украден на 73 години објави фотографија во костим за капење

плусинфо — Tue, 23 Jul 2024 17:45:57 +0000

Неда Украден (73) на Инстаграм објави фотографија во костим за капење, а пејачката во Бока которска ја фотографирала нејзината внука.

„Без филтри, без ефекти! Само сонце, море и понта! Најдобро ме фотографира мојата внука“, напишала во описот на објавата со која ги воодушевила своите обожаватели.

„Изгледате одлично. Вистинска дама – секогаш насмеана, весела и позитивна“, „Најубава си, не ти требаат никакви филтри“, „Дама“, „Дива“, „Секоја чест за изгледот“, се некои од коментарите под фотографијата.

Пејачката неодамна проговори за својот изглед. Таа вели дека е поборник за природниот изглед.

„Јас сум некој којшто е поборник за природна убавина во смисла да го истакнеш она што ти е убаво, не биди роб на некои правила по секоја цена, бидејќи сега постои море од истите ликови, море од идентична убавина“, изјавила Неда за „Пинк“. „Не одам на секои шест месеци некој да ме затегнува, користам неинвазивни методи“, додала пејачката.

Таа претходно изјави дека никогаш не ставила силикони.

– Немам ниту грам силикон во мене. Постои кралски пилинг и третман кој го практикувам со години, на секои шест месеци. Ми се чини дека тој ми одговара и дека резултатот е видлив. Господ ми дал ваква градба и вакво лице. Кога само ќе се сетам колку плачев поради тоа кога бев помлада, а сега сум пресреќна – рекла пејачката пред неколку години.

Таа вели дека го сака своето лице и дека не морала ништо да коригира.

– Постојано и се жалев на мајка ми зошто ми поради заоблени образи наместо да бидам долгнавеста и слаба. Сега ми е мило што имам такви јаболчници и такво лице, па не морав ништо да пумпам ниту да коригирам. Исто така, и понатаму секое утрео правам вежби и водам сметка за своето тело, а не само за лицето – нагласила таа тогаш.

ФОТО: Инстаграм

The post 📷 „БЕЗ ФИЛТЕР, САМО СОНЦЕ И МОРЕ“ Неда Украден на 73 години објави фотографија во костим за капење appeared first on plusinfo.mk.

🎥 НЕДА УКРАДЕН ЈА РАСПЛАКА ПУБЛИКАТА Песната со посвета остави белег на исклучителниот концерт во Белград

плусинфо — Fri, 15 Mar 2024 10:24:45 +0000

Легендарната пејачка Неда Украден одржа концерт за паметење во салата МТС во Белград. Концертот на 74-годишната Неда Украден очекувано изобилуваше со емоции, од еуфорија до солзи и на пејачката и на нејзината публика.

Поп дивата ја поддржаа бројни колеги кои беа во публиката.

Најголема поддршка очекувано и биле членовите на семејството, ќерката Јелена, зетот Пеѓа, како и внуците Александра, Неда и Душан, пренесуваат српските медиуми.

фото: принтскрин

Публиката со огромен аплауз го проследи моментот кога внукот на Неда излезе на сцената со огромен букет цвеќе. Овој негов потег предизвика громогласен аплауз и солзи кај пејачката.

Но посебен белег на големиот концерт на Неда Украден во Белград остави емотивниот момент кога пејачката после долги години ја изведе песната „Ех, да сам тебе слушала“ посветена на нејзиниот татко.

Оваа песна Неда Украден последен пат ја отпеа на фестивалот во Будва, три месеци по смртта на нејзиниот татко.

The post 🎥 НЕДА УКРАДЕН ЈА РАСПЛАКА ПУБЛИКАТА Песната со посвета остави белег на исклучителниот концерт во Белград appeared first on plusinfo.mk.

🎥 ШПАНЦИТЕ Ѝ ЈА УКРАЛЕ ПЕСНАТА НА НЕДА УКРАДЕН ЗА ЕВРОВИЗИЈА Пејачката се огласи и откри дали ќе ги тужи

плусинфо — Tue, 06 Feb 2024 15:19:36 +0000

Откако на социјалните мрежи кружи веста дека одреден број луѓе ги обвинуваат овогодинешните претставници на Шпанија на Евровизија дека ја „украле“ песната „Бомба“ на Неда Украден, и пејачката се огласи за српски „Телеграф“.

Неда сега откри дали ќе ги тужи претставниците на Шпанија на Евровизија.

– Само што пристигнав од Америка, доаѓам при себе. Го слушнав тоа, не го преслушав внимателно, но ако е вистина, прво тоа ми е комплимент, а второ, ако тоа навистина е плагијат, ќе се договорам со авторот, постои начин тоа да се санкционира – рекла Неда за „Телеграф“, па продолжила:

– Ќе се договорам со авторот Душан Бачиќ, тој е овде во Белград, можеби е слично за неколку тактови или нешто во изразот, но ако е поголема копија, тогаш секако подлежи на санкции за авторски права, па лесно ќе реагираме ако е копија. Но, мислам дека сите се воздржуваат од таа „буквална“ кражба, туку едноставно преземаат некој сегмент кој добро се вклопува во нивната нова претстава. И мислам дека нашата музика генерално се слуша многу повеќе отколку што се претпоставува и во другите европски земји.

Да потсетиме, Шпанија ја претставува групата „Небулоса“, а нивната песна „Zorra“ наводно многу потсетува на „Бомба“ на Неда.

„Извинете Шпанци, но ја имавме Неда Украден уште пред 4 години“, се наведува во едно од објавите на мрежите.

„Пресмешно е“, „Не е дека нема сличности“, „Сега кога Неда им објаснува дека тоа не може така“, „Одиш на Евровизија и те обвинуваат дека си копија, па подобро да не оди“, се дел од коментарите.

The post 🎥 ШПАНЦИТЕ Ѝ ЈА УКРАЛЕ ПЕСНАТА НА НЕДА УКРАДЕН ЗА ЕВРОВИЗИЈА Пејачката се огласи и откри дали ќе ги тужи appeared first on plusinfo.mk.

📷 „ЗА ДА ГО САКА БАБАТА“ Зетот на Неда Украден го истетовира нејзиното име на раката

плусинфо — Fri, 01 Dec 2023 14:12:08 +0000

Музичката дива Неда Украден (73) на својот Инстаграм профил често споделува семејни фотографии со ќерката Јелена и нејзиниот сопруг Предраг, а пејачката сега во интервју за српски Информер ја откри и приказната за тетоважата што и ја посветил нејзиниот зет.

Вели дека тоа не го направил за некаква имотна корист, туку од благодарност.

– Сопругот на ќерка ми го прифатив како мое дете. Пеца не го истетовира моето име поради недвижниот имот, туку затоа што му помогнав со неговото здравје. Инсистирав да оди на клиника и успешно решивме сè. Се работеше за оштетување на видот и тоа беше сериозно. Можеше да ослепи на едното око. Фала му на Бога, сè помина добро и од благодарност реши да го истетовира мојот потпис – откри Неда Украден.

Инаку, Неда Украден поседува неколку имоти, меѓу кои стан во Загреб, вила во Бока Которска, два стана на Баново брдо во Блеград и имот во култниот кварт „Београд на води“.

Пејачката беше во брак со режисерот Милан Билбија, кој почина во 2013 година на 77-годишна возраст од мозочен удар. Со него ја има ќерката Јелена.

The post 📷 „ЗА ДА ГО САКА БАБАТА“ Зетот на Неда Украден го истетовира нејзиното име на раката appeared first on plusinfo.mk.

НЕДА УКРАДЕН ОТКРИВА КАКОВ МАЖ ПОСАКУВА Ова се моите услови, не сакам да му бидам мајка

плусинфо — Thu, 28 Jul 2022 06:30:06 +0000

Пејачката Неда Украден откри каков маж сака во животот, а веќе долги години е слободна жена.

Неда за српски „Експрес“ откри дека се обидувале да ја освојат мажи од различни возрасти, а рекла и што мисли за тоа.

„Им се допаѓав и помладите и постарите. Не би сакала да биде таква разлика, да можам да го родам. Не значи дека тоа е врвна морална мисла, но не би сакала да бидам нечија мајка“, рекла таа и додала дека не ѝ е важен изгледот на нејзиниот иден партнер, туку неговата личност и интелигенција.

„Кога би можела да дадам толку едноставен одговор, веројатно би имала некого покрај себе. Секоја доба во која се наоѓав имаше свои предности и недостатоци. Сега би барала нешто поинакво. Зрелоста носи друг вид на размислување“, рекла Неда.

„Тој мора да биде многу, многу интересен, духовит, паметен, да му се восхитувам, да биде успешен, да не биде иксомплексиран, да биде човек кој знае и што е добро вино и квалитетна храна и убав цвет и поддршка и комплимент… И дека знае кога тгреба да удри со тупаница на масата! Сето ова е услов на сите услови. Бојата на очите и висината се сосема неважни“, додала таа. Освен карактеристиките што ги набројала, најважно ѝе нејзиното здравје.

„Сега кога ја гледам масата полна, кога ги гледам моите внуци како растат, кога ќе ми влетаат во станот, па сите се гушкаме од вратата, тоа е радост. Со сета моја виталност, енергија, воодушевување и ентузијазам, што човек повеќе може да посака нешто освен здравје. Што е можно подолго да уживам во моите песни и во семејството е мојата најголема и единствена желба“, рекла таа.

Неда беше во брак со режисерот Милан Билбија, кој беше 14 години постар од неа. Тој почина во 2013 година на 77-годишна возраст од мозочен удар, а оттогаш пејачката ретко зборува за својот љубовен живот. Заедно ја имате ќерката Јелена.

ФОТО: Инстраграм

The post НЕДА УКРАДЕН ОТКРИВА КАКОВ МАЖ ПОСАКУВА Ова се моите услови, не сакам да му бидам мајка appeared first on plusinfo.mk.