И би сакал на д-р Жан Митрев, на купувачот „БАХ“ и на сите засегнати со оваа зделка да им упатам искрени честитки.

Кога тоа ќе биде можно, се разбира.

Сега, за жал, тоа не е можно. Барем додека не се расчистат многу прашања поврзани со оваа зделка и со нејзината заднина. Некои од тие прашања новинари од повеќе медиуми веќе ги поставуваат јавно.

Впрочем, таков е редот и никој не треба да се лути. Најмалку д-р Митрев. Веста за аквизицијата е објавена во време кога тој е на обвинителна клупа за кривичното дело измама, а против него и против неговата болница се води жестока медиумска кампања под „кодното“ име „Нечиста крв“.

Кон веќе поставените прашања од страна на моите колеги, јас ќе се придружам со следниве седум:

1. Дали македонските власти знаат кој точно стои зад „Балкан алајанс хелткер“ и прецизно кои лица се инволвирани во сопственичките и во менаџерските структури на овој фонд и на неговите балкански филијали, каква што е „Американ хоспитал“ во Тирана, на пример?

Да потсетам, поранешниот премиер Зоран Заев, поранешниот министер за здравство Венко Филипче, поранешниот директор на Фондот за здравство Ден Дончев и актуелниот јавен обвинител Љубомир Јовевски имаат долга и прилично неславна историја на најмалку еден обид да влијаат и да спречат, всушност, аквизиција на приватен оператор во здравствениот сектор. Во тој случај е извршен класичен рекет, а сторени се и сè уште се сторуваат други тешки повреди на законите.

Но, на тој случај, за кој еднаш пишував и отворив афера после која Ден Дончев избега од Македонија, пак ќе се осврнам во некоја друга прилика. Наскоро ќе се случи тоа.

Поентата ми беше во следново – ако Жан Митрев и купувачот на неговата болница за зделката разговараат и преговараат од 2019 година, како што вели докторот, дилемата е дали Заев, Филипче, Дончев и Јовевски знаеле нешто за овие преговори и за заинтересираните страни? Дали провериле дали е сè чисто?

2. Некои колеги веќе открија дека централен лик кој стои зад „Балкан алајанс хелткер“ и зад зделката со д-р Митрев е контроверзниот албански бизнисмен Клодијан Алајбеу. Кој, како што читам, има и свои фирми и бизнис интереси и во Македонија. Ништо страшно, но сепак прашувам – дали е тоа точно?

3. Ако ликот Клодијан Алајбеу навистина има врски со зделката со Жан Митрев, како што откриваат некои мои колеги (на пример, порталот 360 степени), би сакал да прашам дали тој лик има некаква врска и со бизнисот за стерилизација на хируршки инструменти за Клиничкиот центар, кој е јавно-приватно партнерство?

Дополнително, би сакал јавно да прашам дали поранешниот министер Венко Филипче има некаква врска со тоа и дали органите на прогонот (покрај една политичка партија) некогаш се интересирале за тој случај?

4. Дали бизнис интересите на моќниот и несомнено способен бизнисмен Клодијан Алајбеу се протегаат и на Кванташкиот пазар во Скопје? Ако е така, јас верувам дека и тука нема ништо спорно, но сепак јавноста треба тоа да го знае. А треба да знае и дали луѓе од поранешната влада на Зоран Заев, вклучувајќи го и него самиот, имаат некаква врска со таа работа.

5. Би сакал јавно да прашам дали Венко Филипче и Зоран Заев биле посредници или олеснувачи на зделката за продажбата на болницата на д-р Жан Митрев? Ако не биле, никому ништо. Но ако биле, прашувам – кој бил нивниот интерес?

6. Дали целата драма околу „нечистата крв“ на д-р Жан Митрев беше режирана со намера да се намали цената на неговата болница и да им се овозможи на потенцијалните купувачи да ја купат по далеку пониска цена од нејзината реална вредност?

Ќе бидам индискретен и јавно ќе посведочам дека ова го имам слушнато лично од д-р Митрев. Нека повели нека ме демантира, ако смета дека тоа би било чесно од негова страна.

Патем речено, не ми е јасно и уште едно техничко, но важно прашање: дали имотот на д-р Жан Митрев е замрзнат, или сепак е слободен за продавање?

7. Дали некои новинари, со својата долготрајна и жестока кампања на оцрнување на д-р Митрев и на неговата болница, директно или индиректно влијаеле врз реализацијата на зделката, во која д-р Митрев веројатно влегува со големи надежи и очекувања и во поглед на своите шанси во судскиот процес што е во тек?

Со каква цел влијаеле? За чии интереси? Дали е тоа тој јавен интерес, во чие име се водеше кампањата? Што добива сега македонското здравство? Што добиваат пациентите во Македонија? Кој, всушност, добива, а кој губи?

Јас сум сигурен дека крајот на оваа рашомонијада ќе ја исфилтрира нечистата совест на некои новинари, но никој да не очекува јас да се занимавам со тоа прашање. Не, тоа е прашање со кое сега веројатно ќе треба да се позанимава пошироката новинарска заедница. Но, ќе видиме …

Што се однесува до надежите и очекувањата на д-р Жан Митрев, кому навистина му посакувам сè најдобро – ова бесплатно, како и секогаш до сега – ќе му порачам само една работа. Да се сети докторот на онаа стара муртинска, која јас ја патентирав – со мајмун шах не се игра!

The post Нечиста совест appeared first on plusinfo.mk.

Причина за повторното одложување на процесот е тоа што одбраната „не успеала да изврши увид во списите на предметот кои сè уште се во Апелација“.

Судот претходно го прифати барањето на Обвинителството за замрзнување на имотот на Клиниката „Жан Митрев“, на што одбраната се жалеше пред Апелација.

Јавната обвинителка Искра Хаџи Василева побара од Судот да се закажат повеќе следни рочишта со цел предметот да добие на динамика, додека одбраната на Жан Митрев побара доволен простор од најмалку два месеци за да се запознаат со списите на предметот, како и да се обезбедат соодветни услови за судење.

Основното јавно обвинителство – Скопје поднесе обвинителен акт против доктор Жан Митрев, како физичко лице и Обвинителен предлог против неговата болница, како правно лице, за продолжено кривично дело „измама“ од член 247 од Кривичниот законик.

Предметот е оформен по допрен глас, откако ИРЛ минатата година го објави документарец „Нечиста крв“, во кој обелодени дека приватната болница „Жан Митрев“ им наплаќала на пациенти високи суми пари за хемофилитрација при лекување од ковид-19, по што беше отворен и предметот во ОЈО Скопје.

The post ОДБРАНАТА НЕ УСПЕАЛА ДА ИЗВРШИ УВИД ВО ДОКАЗИТЕ Одложено судењето за д-р Жан Митрев appeared first on plusinfo.mk.

„Би сакал на почеток да ја истакнам мојата поддршка за истражувачкото новинарство што како Здружение на новинари го промовирате. Се надевам дека ќе успеете да ги одржите високите стандарди на известување во медиумите со подигнувањето на нивото на етика и одговорност на сите чинители во јавниот живот“, пишува д-р Жан Митрев.

Во писмото посочува дека со разочарување ја прочитал веста за доделената награда на ИРЛ.

„Може да кажам дека не очекував да добие награда сторија каде што вината не е докажана и каде очигледно со ваквите постапки сум осуден и пред да заврши судењето. Јас како човек сум сигурен во една работа, дека немам вина во целиот инсцениран случај и затоа се борам да ја докажам вистината и се обратив и на Вас лично да ми помогнете во таа борба. Моето барање беше едноставно, да ги заштитите вашите колеги кои се на линч од нивните колеги поради обидите да ја претстават мојата страна на приказната. Тогаш се сеќавам дека ми се обративте дека треба да се објаснам со ИРЛ околу целиот случај. Јас премногу ја ценам вашата професија и сметам дека како претседател на Здружението имате обврска кон вашите колеги, но секако и кон јавноста. А јавноста има право да ги знае двете страни од приказната“, додава тој.

Митрев вели дека не сака да навлегува во причините за тоа зошто токму сторијата на ИРЛ добила награда, а во целата таа сторија, пишува докторот, прикажани се само двајца од над 1.000 пациенти во ковид-одделот.

„Не сакам да навлегувам во семејни врски, туку само побарав од Вас став дека никој новинар не смее да биде попречуван во својата намера да објави некаква информација. Најмалку тој треба да биде попречуван од свои колеги, што беше случај во минатото. Очигледно моето барање не е научна фантастика, туку е изразување на поддршка на секој новинар што сака да објави некоја сторија. Јас не сум човек што затвора врати, јас сум човек што ја отвори вратата на Клиниката да помогне на илјадници луѓе. Јас не сум човек што е конфликтен, туку сум емотивен човек што вложил многу во Клиниката и сум основоположник на приватното здравство во Македонија. Никој од нас не е совршен, но никој од нас не треба да осудува друг. Јас знам дека во случајов немам што да кријам, затоа што не сум направил никаков криминал, никаква злоупотреба, но времето ќе покаже и тоа секогаш покажува кој бил на страната на вистината, а кој на страната на интригите. Ви посакувам уште многу успеси во борбата за независно новинарство“, напиша Митрев во писмото.

The post РАЗОЧАРАН СУМ ЗА НАГРАДАТА ШТО ЈА ДОБИ ИРЛ ЗА „НЕЧИСТА КРВ“ Жан Митрев му пиша писмо на претседателот на ЗНМ appeared first on plusinfo.mk.

Од „Жан Митрев“ велат дека со хемофилтрацијата тие не вршеле клиничко испитување, бидејќи за тоа ниту имаат дозвола, ниту пак поднеле такво барање. Велат и дека не секоја употреба на медицинско средство, во случајот хемофилтрација, може да се толкува како клиничко испитување. Според  болницата се работи за научен труд со сублимирани лабораториски резултати.

Посочуваат и дека за употребата на апаратот за хемофилтрација, филтрите, тие ги имаат сите дозволи од надлежните органи и документи од производителот. Тие ги охрабруваат државните органи да ги извршат потребните инспекции за „да се побијат сите невистини и небулози кои беа изнесени во јавноста“.

Во продолжение  ја пренесуваме целата реакција на „Жан Митрев“:

„Во однос на досегашните напади и обвинувања со кои се соочуваме овие денови, би сакале да го истакнеме следното:

Во Клиничката болница Жан Митрев Скопје не се вршени клинички испитувања, а објавената публикација не е и не може да претставува клиничко испитување. Всушност, станува збор за научен труд со сублимирани лабораториски резултати и искуства од употреба на оваа метода за лекување.

Клиничко испитување на медицинските средства претставува откривање, односно потврдување на безбедноста на медицинските средства, нивната корисност и усогласеност со општите и посебните услови во согласност со намената дефинирана од страна на прозиводителот, а спонзорот на клиничкото испитување или неговиот овластен претставник е должен да го пријави клиничкото испитување во Малмед. Во овој контекст, Клиничка болница Жан Митрев Скопје ниту вршела проверка на безбедноста на медицинското средство за хемофилтрација (бидејќи тоа е обврска на производителот на медицинското средство), ниту пак е спонзор или овластен претставник за да може да пријавува, да бара или добива дозволи за вршење на клинички испитувања.

Употребата на медицинското средство за хемофилтрација е начин на лекување, а секоја употреба на медицинско средство не е и не може да претставува клиничко испитување.

Пред сѐ, ние лекувавме пациенти од последиците предизвикани од ковид-19 вирусот со сите дозволени ресурси, меѓудругото и со помош на хемофилтрација – метода која е меѓународно сертифицирана.

За употребата на ова медицинско средство (филтри), Клиничката болница Жан Митрев Скопје има соодветни дозволи и одобренија од страна на надлежните органи, кои ги набавила како купувач согласно склучен договор за купопродажба, и ги употребувала како купувач – за лекување, а не како спонзор.

Според договорот за купопродажба на медицинското средство, Клиничката болница Жан Митрев Скопје не е определена како истражувачки центар, за што е потребно да има посебен договор со продавачот за клиничко испитување согласно соодветниот Правилник од Министерството за здравство, ниту пак е овластен подносител на пријава за клиничко испитување согласно законските прописи.

Од продавачот на медицинското средство (апаратот) на Клиничката болница Жан Митрев Скопје му е предадено и Решение со кое се дозволува продажба и користење на тоа средство, што подразбира дека продавачот/производителот обезбедил соодветен документ за сообразност.

Оттаму, Клиничката болница Жан Митрев Скопје како и другите здравствени установи кои купиле и користат вакво средство не се надлежни да вршат било какво испитување на ова средство чија употреба претходно веќе ја одобрил надлежен државен орган.

Потенцираме дека податоците извадени од веб-страници во други држави и други здравствени системи не се предвидени како доказ дека се врши клиничко испитување според прописите за клиничко испитување во РСМ. Без оглед на тоа како некој сака да ги толкува нашите објавени стручни трудови и споделени искуства од лекување, тоа не претставува системско клиничко испитување.

Во однос на интрахоспиталните инфекции (ИХИ), појаснуваме дека Клиничка болница Жан Митрев Скопје, ги исполнува сите пропишани обврски за заштита на населението од заразни болести во однос на ИХИ односно: има донесена Одлука за именување на членови на Kомисија за интерхоспитални инфекции, има донесено Програма за контрола и превенција на ИХИ за 2021 до 2023 година, има изготвени Критерими за иницирање на истрага на ИХИ, врши контрола на  хигиената, има изготвен План за контрола на ИХИ, Методологии за надгледување на ИХИ, систем за надзор на ИХИ, и ги поседува сите други пропишани поединечни акти според прописите за заштита на населението од заразни болести.

Клиничка болница Жан Митрев Скопје веќе 22 години работи согласно законите и прописите на оваа држава и така и ќе продолжи.

Затоа сме згрозени од ваквиот исцениран јавен напад, со кој се злоупотребува трагедијата на одредени семејства, креирајќи комплетно искривен приказ на ковид-19 третманот на пациентите, медицинскиот пристап и институциите кои згрижувале тешко болни пациенти во време на пандемија.

Напоменуваме дека, во нашата здравствена установа се лекувани голем број на пациенти од ковид-19, а само кај дел од нив е користена хемофилтрација, по оцена на одговорните лекари за секој конкретен случај одделно. На пациентите кај кои не е вршена хемофилтрација им се вратени претходно авансираните парични средства за хемофилтрација, за што постои уредна книговодствена документација. Навистина не ни е јасно зошто не се пишува за сите оние успешно излекувани пациенти од ковид – 19 кои биле примени со најтешка клиничка слика, а токму поради лекувањето со хемофилтрација нивните животи биле спасени.

Продолжуваме крајно професионално и одговорно да ја извршуваме здравствената дејност во интерес на нашите пациенти. Ги охрабруваме сите инспекциски органи, како и многупати досега да ги извршат сите потребни контроли и надзори, на кои ќе им биде доставена целокупната документација со која располагаме, со цел надлежните стручни органи да ги побијат сите невистини и небулози кои беа изнесени во јавноста“, се вели во реакцијата од клиниката „Жан Митрев“.

The post НЕ ВРШЕВМЕ КЛИНИЧКИ ИСПИТУВАЊА Од „Жан Митрев“ објаснуваат дека се работи за сублимирани лабораториски резултати appeared first on plusinfo.mk.

The post ИРЛ ОБЈАВИ БОНУС СЦЕНА ОД „НЕЧИСТА КРВ“ Жена од Велес зборува за нејзиниот сопруг (ВИДЕО) appeared first on plusinfo.mk.

Мицкоски потенцираше и дека за овој случај наместо да се формираат комисии и да се развлекува, требало веднаш да се реагира и да се расчисти.

– Требаше да се реагира според мене многу робусно, веднаш, а не да се формираат комисии и жалам повторно што министерот најверојатно некој го советувал погрешно, но тоа е што е, во Македонија овие политичари за да ја распродаваат, како што ја распродаваат, единствена цел им е да останат ден повеќе и да ги користат привилегиите кои што им ги дава народот или да бидам попрецизен да крадат и забораваат дека ќе дојде денот кога ќе се соочат со одговорност. Јас паметам и други  времиња и други политичари кои што мислеле дека вечно ќе траат во политиката, но дошол денот кога се соочиле со одговорноста. Тоа што го правите сега, многу скоро во иднина ќе има влијание без разлика дали е тоа позитивно или негативно. Мислам дека од погрешен чекор во погрешен влегуваат и само дополнително забраздуваат во проблемите, но тоа е нивна работа. Наша работа е што можеме да поправиме од тоа што може да се поправи, а потоа да добиеме мнозинство од граѓаните и овие грешки од изминативе 5 години да ги санираме – истакна Мицкоски.

Мицкоски додаде дека ако не се случи тоа  ќе останат крадците таму каде што се без одговорност, а народот се помалку ќе го има во Македонија, а Македонија ќе се празни.

The post КОМИСИЈА СЕ ФОРМИРА ЗА ДА СЕ ЗАТАШКА РАБОТАТА Мицкоски побара вистинска истрага за аферата „нечиста крв“ appeared first on plusinfo.mk.

„За конкретниот скандал кој ја бранува јавноста, одговорноста на Филипче е дека не превземал никакви мерки да ги заштити граѓаните и нивното здравје од непроверени методи. Како што информираат медиумите тој како министер за здравство знаел и ништо не превземал, туку напротив на еден или на друг начин ја промовираше здравствената институција. Овде се работи за целосно затајување на системот. Како што дознаваме од медиумите Филипче и институциите дозволиле да се применува метода на лечење која ниту домашните, ниту странски институции не ја признавале и дозволувале“, порачаа од ВМРО-ДПМНЕ.

Од партијата сметаа дека обвинителството треба да ја прошири истрагата и да утврди дали Филипче свесно го овозможувал тоа што се посочува во случајот „нечиста крв“?

„Дали и какви финансиски бенефити имал Филипче од овој скандал? Зошто Филипче и покрај предупредувањата на одредени медицински авторитети дозволил некој на грбот на народот да спроведува скапи третмани за кои сега дознаваме дека не биле научно потврдени“, додаваат од ВМРО-ДПМНЕ.

The post КАКВА ВРСКА ИМА ФИЛИПЧЕ СО „НЕЧИСТА КРВ“? Од ВМРО-ДПМНЕ прашуваат зошто не е приведен поранешниот министер appeared first on plusinfo.mk.