НАТО потврди дека пресретна уште една ракета насочена кон Турција. Претходно, турското Министерство за одбрана објави дека балистичка ракета лансирана од Иран е соборена во турскиот воздушен простор.

Во соопштението се наведува дека ракетата е уништена од системите за воздушна одбрана на НАТО распоредени во Источен Медитеран и дека делови од ракетата паднале во југоисточна Турција.

„НАТО повторно пресретна ракета што се упатуваше кон Турција. НАТО цврсто стои во својата подготвеност да ги брани сите сојузници од каква било закана“, објави на Икс портпаролката на НАТО, Алисон Харт, без да наведе дали проектилот е соборена во турскиот воздушен простор.

Турскиот претседател Реџеп Таип Ердоган изјави дека Анкара испратила предупредување до Иран откако балистичка ракета влегла во турскиот воздушен простор, по што била пресретната од системите за противвоздушна одбрана на НАТО.

Ердоган зборуваше по седницата на турската влада во Анкара, осврнувајќи се на војната меѓу САД и Израел против Иран.

Според него, турските власти испратиле јасна порака до Техеран откако денеска била соборена втора балистичка ракета која влегла во турскиот воздушен простор.

Тој оцени дека Иран продолжува да презема погрешни и провокативни чекори.

– Ниту еден чекор не смее да ја фрли сенка врз нашите илјадагодишни соседски и братски односи со Иран – изјави Ердоган.

Турскиот претседател најави и дополнителни мерки за зајакнување на безбедноста, откако Турција во понеделник распореди 6 борбени авиони Ф-16 во северниот дел на Кипар.

Северен Кипар е самопрогласена држава формирана во 1983 година, која ја признава единствено Турција, додека остатокот од меѓународната заедница островот го признава како Република Кипар. објави Скопје1.мк

The post НАТО ПРЕСРЕТНА ВТОРА РАКЕТА НАД ТУРЦИЈА Иран е предупреден, вели Ердоган appeared first on plusinfo.mk.

Небото на 28 февруари 2026 година ќе понуди редок спектакл. Шест планети ќе се појават по иста небесна линија, создавајќи таканаречена планетарна парада.

Во порамнувањето ќе учествуваат Меркур, Венера, Јупитер, Сатурн, Уран и Нептун. Тие нема да бидат во совршена права линија, туку ќе се појават приближно на истата еклиптична патека, по која се движат сите планети околу Сонцето.

Што всушност значи „порамнување“?

Астрономски, ваквите настани не се магични редици во вселената. Планетите секогаш се движат по релативно иста рамнина. Реткоста е во тоа што од перспектива на Земјата тие ќе изгледаат групирани во ист сектор од небото.

Венера, Јупитер и Сатурн ќе бидат видливи со голо око, особено во самракот или раните утрински часови. Меркур ќе биде пониско на хоризонтот и ќе бара чисто небо. Уран и Нептун ќе бараат двоглед или телескоп.

Колку е навистина редок настанот?

Планетарни групирања со пет или повеќе планети се случуваат на неколку години, но конфигурација со 6 планети видливи во релативно краток временски прозорец е поретка.

Ова нема гравитациско влијание врз Земјата. Нема научна основа за поврзување со катастрофи или астролошки прогнози. Станува збор за визуелен астрономски феномен.

Како најдобро да се набљудува?

• Бегајте од светлосно загадување

• Изберете место со чист хоризонт

• Користете апликации за мапа на небото

• Почекајте периодот веднаш по зајдисонце или пред изгрејсонце

Љубителите на астрофотографија ќе имаат ретка шанса да уловат повеќе планети во еден кадар.

The post 📽️ 6 ПЛАНЕТИ ЌЕ СЕ НАРЕДАТ Ретка небесна парада нè чека на 28 февруари appeared first on plusinfo.mk.

Воздушниот простор над Венецуела стана центар на нова дипломатска бура. Владата во Каракас остро реагирала по изјавата на американскиот претседател Доналд Трамп, кој побара регионот над оваа земја да се смета за „целосно затворен“, јави Ројтерс.

Американски службеници изјавиле дека не знаат за било какви воени операции во врска со Венецуела. Пентагон не одговорил на барањата за коментар, а Белата куќа молчи.

• ДРАМАТИЧНО ПРЕДУПРЕДУВАЊЕ ОД ТРАМП ДО СИТЕ ПИЛОТИ, ДИЛЕРИ И ТРГОВЦИ СО ЛУЃЕ Воздушниот простор над и околу Венецуела е целосно затворен

Реакцијата од Каракас е остра. Министерот за надворешни работи Иван Гил Пинто преку Телеграм објави:

„Оваа екстравагантна, нелегална и неоправдана агресија е закана против нашиот суверенитет“.

Притоа, венецуелската Влада ги обвини САД за „обид да наметнат екстратериторијална јурисдикција“, што, според Венецуела, претставува директно кршење на меѓународното право.

The post „ЗАТВОРАЊЕ НА НЕБОТО, ТОА Е КОЛОНИЈАЛИЗАМ!“ Венецуела му одговори на Трамп appeared first on plusinfo.mk.

Светлината што ќе го преплави ноќното небо вечерта на 4 ноември ќе биде најсилна во целата 2025 година. Месечината, во својата најголема и најсветла форма, ќе се доближи до Земјата за речиси 27.000 километри повеќе од вообичаено.

Астрономите ја нарекуваат „супермесечина“ затоа што изгледа до 7% поголема и до 16% посјајна од вообичаената полна месечина, јави Ројтерс.

Меѓутоа, овојпат совпаѓањето меѓу полната фаза и нејзината најблиска точка, перигејот, ќе биде речиси совршено. Тоа создава идеална комбинација за визуелен спектакл што ретко се повторува. Следната ваква месечина ќе се појави дури на 24 ноември 2026 година.

Највеличествената и најсветлата месечина ќе биде видлива на 4 ноември, приближно од 17 до 18 часот по македонско време, кога ќе се појави над источниот хоризонт.

Сепак, целосно полната месечина ќе настапи на 5 ноември во 14:19 по средноевропско време (CET), односно во 15:19 по македонско време, бидејќи Македонија веќе е во зимско сметање на времето.

Притоа, највпечатливиот момент за набљудување ќе биде во првиот час по нејзиното појавување над источниот хоризонт. Тогаш, поради таканаречената илузија на Месечината, таа ќе изгледа огромна и златно-портокалова. Овој оптички ефект се создава кога нејзината светлина се споредува со објекти на земјата – дрвја, згради или ридови – а атмосферата ги расфрла сините бранови, оставајќи ги потоплите нијанси.

Дури и со мобилен телефон може да се направат драматични фотографии, особено ако во кадар се фатат силуети на луѓе или покриви кои даваат чувство на длабочина.

Во текот на ноќта Месечината ќе минува низ соѕвездието Бик, каде нејзиниот сјај ќе ја надмине речиси секоја ѕвезда. Со двоглед ќе може да се види портокаловата ѕвезда Алдебаран – окото на Бикот – како и ѕвездениот кластер Плејади, познат како „Седумте сестри“. Заедно ќе создадат впечатлив небесен триаголник што ретко се гледа со голо око.

Гледајќи ја оваа „златна месечина“ што ја осветлува земјата, луѓето ширум светот ќе имаат редок потсетник на вселенскиот ритам што ги поврзува со космосот од античките времиња до денес.

The post СУПЕРМЕСЕЧИНАТА ВЕЧЕРВА ЌЕ БИДЕ НАЈГОЛЕМА ЗА 2025 ГОДИНА Златно-портокалова светлина ќе го обои небото appeared first on plusinfo.mk.

Европските земји бараат од американскиот претседател Доналд Трамп да распореди борбени авиони во Романија како дел од безбедносните гаранции на САД за завршување на војната во Украина, објавува британскиот весник „Тајмс“.

Според публикацијата, високи европски воени лидери разговараат за распоредување на американски борбени авиони Ф-35 во Романија, каде што НАТО ја гради својата најголема воздухопловна база во Европа.

Воените лидери се собраа во Вашингтон за да разговараат за логистиката на американската поддршка, по состанокот во понеделникот меѓу американскиот претседател Доналд Трамп, украинскиот претседател Володимир Зеленски и европските лидери.

Трамп ја исклучи можноста за распоредување американски трупи во Украина, но рече дека е подготвен да обезбеди „воздушна“ поддршка како дел од безбедносните гаранции на САД, забележува „Тајмс“.

НАТО моментално спроведува мисии за воздушна полиција над Црното Море од воздухопловната база „Михаил Когалничеану“ во Романија, која беше центар на американските сили за време на војната во Ирак и е најверојатната локација за американските борбени авиони, забележува весникот. Весникот, исто така, забележува дека од почетокот на војната во Украина, РАФ спроведува извидувачки мисии со авиони „Ривет Џоинт“ произведени од „Боинг“, но на авионите „Боинг“ им е потребно одобрение од САД за да летаат.

Покрај распоредувањето на американски борбени авиони во Романија, европските земји бараат гаранции за континуирана употреба на американски ГПС и извидувачки сателити во Украина. Тие сакаат САД да се обврзат да ја снабдуваат Украина со ракети за воздушна одбрана „Патриот“ и „НАСАМС“ за да ги одвратат руските напади, како и дозвола за шпионски авиони да летаат над Црното Море.

Како дел од таканаречената Коалиција на подготвените, Велика Британија понуди да распореди борбени авиони „Тајфун“ во западна Украина и бригада од 3.000-5.000 војници за обука на украинската армија. Франција, Канада и Австралија, исто така, би можеле да испратат војници во западна Украина, објави „Тајмс“. Сепак, Русија се спротивставува на распоредувањето на какви било западни војници.

The post ВОЕНИ ЛИДЕРИ БАРААТ ТРАМП ДА РАСПОРЕДИ АВИОНИ ВО РОМАНИЈА Дали ќе има воздушна поддршка на украинското небо? appeared first on plusinfo.mk.

Израелските одбранбени сили уништија една третина од иранските лансери за балистички ракети и успеаја да попречат „големи делови“ од плановите на Иран за напад врз Израел, изјави портпаролот на Израелските одбранбени сили (ИДФ), бригаден генерал Ефи Дефрин.

Дефрин на прес-конференција изјави дека израелските воздухопловни сили воспоставиле „целосна воздушна супериорност“ над Техеран.

What did the IAF accomplish in Iran last night?

20+ surface-to-surface missiles were dismantled minutes before they were to be launched toward Israel’s home front.

Approx. 100 military targets were struck in Isfahan, central Iran.

Around 50 fighter jets and aircraft… pic.twitter.com/8FLXjp6qI0

— Israel Defense Forces (@IDF) June 16, 2025

ИДФ соопшти дека иранските напади се состоеле од околу 30 до 60 ракети поединечно и дека Иран се обидел да испука стотици балистички ракети одеднаш, но дека нападите на израелските одбранбени сили врз системи за лансирање балистички ракети во Иран ги попречиле нивните напади.

Дефрин изјави дека 65 ирански балистички ракети и десетици дронови биле лансирани врз Израел вчера вечерта и утрово, во два напада, од кои повеќето биле пресретнати, и дека осум лица биле убиени, а речиси 300 ранети во три напади.

The post „ЦЕЛОСНА НАДМОЌ ВО НЕБОТО НАД ТЕХЕРАН“ Израел тврди дека уништил третина од иранските лансери за ракети appeared first on plusinfo.mk.

На 10, 11 и на 12 јуни 2025 година, светот сведочи еден редок и визуелно спектакуларен небесен настан кај народот познат како „Месечина на јагодите“ или „Розова месечина“. Но, оваа година, таа не е обична: ова е најниската полна месечина на небото од 2006 година и нема повторно да се случи до 2043 година.

Полниот месечев диск достигнува врв на осветленост на 11 јуни утрото пред изгрејсонце, но ќе биде забележлив и вечерта 11 за 12 јуни.

 Зошто оваа појава е толку ретка?

Феноменот се должи на природниот 18.6-годишен астрономски циклус кој е карактеристичен по долгото задржување на Месечината (Major Lunar Standstill). Во овој период, патеката по која се движи Месечината на небото го достигнува својот најјужен (или најсеверен) екстрем, при што во летните месеци полната месечина изгрева и останува многу ниско на небото, објави Earth Sky.

Во Северната хемисфера, оваа јунска полна месечина ќе го следи истото плитко трасирање како и Сонцето во декември, оставајќи ја ниско над хоризонтот во текот на целата ноќ. Оваа појава е астрономски ретка и визуелно силна – не само поради нејзината позиција, туку и поради нејзиниот златно-портокалов сјај, што настанува кога светлината од Месечината минува низ погуста атмосфера.

Зошто се вика Месечина на јагодите или „розова“ месечина?

Името „Месечина на јагодите“ не значи дека Месечината ќе биде розова или црвена. Тоа потекнува од староседелските народи на Северна Америка, особено племињата Алгонкин, кои ја користеле оваа месечина како сигнал дека е време за берење на дивите јагоди.

Денес, името се задржало како поетски симбол за летниот почеток, а астрономи и љубители на небото ширум светот го користат за оваа јунска полна месечина.

Исто така, се смета дека оваа појава се нарекува и Розова месечина по вид розово цвеќе што обично цвета во раната пролет.

Ами Ниескенс од „Алманахот на стариот фармер“ објаснува дека априлската полна месечина се нарекува Полна розова месечина затоа што се совпаѓа со појавата на приземниот флокс, познат и како „розов мов“ – еден од првите весници на пролетта. Таа додава дека оваа месечина е позната и под други имиња што го најавуваат пролетниот период, како што се Месечина на ртењето на тревата, Месечина на јајцата и Рибја месечина.

Многу од традиционалните имиња на полната месечина потекнуваат од културата на староседелските народи од Северна Америка. За нив, месечевите фази биле важен природен календар, еднакво значаен како и годишниот сончев циклус на кој се темели денешниот грегоријански календар.

Што се гледа?

Покрај ниското трасирање, оваа Месечина ќе биде визуелно збогатена со неколку дополнителни фактори:

• Лунарна илузија – Поради ниската позиција, нашето око ја перцепира Месечината како многу поголема отколку кога е високо на небото.
• Златно-жолта боја – Атмосферската рефракција и густината на воздухот во ниските слоеви создаваат ефект сличен на зајдисонце.
• Астрономска двојка – Месечината ќе се наоѓа блиску до ѕвездата Антарес, црвениот „срцев удар“ на соѕвездието Шкорпија, што ќе создаде драматичен контраст на небото.

Небесна сцена што не се пропушта

Ако се водиме според астрономите, вакви појави треба да се гледаат не само со очи, туку и со свест. Бидејќи ова е единствен момент од 2006 година, па наваму, таа не е само визуелно привлечна, туку е и научно вредна за разбирање на цикличноста на небото.

Следната ваква месечина, која ќе биде толку ниско на небото, ќе се случи дури во 2043 година.

Како вчера, оваа вечер, исто така, можете да излезете и да погледнете нагоре, ве очекува прекрасна глетка.

The post РОЗОВА МЕСЕЧИНА НА МАКЕДОНСКОТО НЕБО Каков е овој редок феномен што се појавува еднаш на 18 години? appeared first on plusinfo.mk.

Индија го затвори својот воздушен простор за авиони на пакистанските авиокомпании, јавија светските агенции, повикувајќи се на Известување до воздухопловците (NOTAM) издадено од индиската Влада.

Исламабад презеде сличен чекор пред неколку дена против авионите на индиските авиокомпании, поради зголемените тензии меѓу двете земји по нападот во кој загинаа 26 лица во индискиот дел на Кашмир, за кој Њу Делхи го обвини Пакистан.

Затворањето на воздушниот простор стапува на сила денеска и ќе трае до 23 мај, соопштија индиските власти.

The post ИНДИЈА ГО ЗАТВОРА НЕБОТО ЗА АВИОНИ ОД ПАКИСТАН Нападот во Кашмир ги разбуди стравовите appeared first on plusinfo.mk.

На видеото објавено на социјалните мрежи се гледа БА А350-1041 паркиран на меѓународниот аеродром Сао Паоло Гуарулхос.

Застрашувачката снимка ја снимил патник додека чекал лет.

– Додека гледавме низ прозорецот, беше јасно дека гром удри во близина на аеродромот, па отидов да снимам нешто, мислејќи дека би било добро да го снимаме нашиот авион. Имав среќа и громот се случи токму пред мене – рече патникот.

Amazing video captures lightning striking a British Airways A350-1041 at Sao Paulo Guarulhos International Airport.

Following an inspection the aircraft continued to its destination with a 6 hour delay.

@bernaldinho79 pic.twitter.com/xNnTXmBCJ4

— Breaking Aviation News & Videos (@aviationbrk) January 25, 2025

Неговата снимка го покажува авионот паркиран на капијата, а покрај него стои најмалку еден член од персоналот на аеродромот.

Одеднаш, молња блесна од облачното небо и удри во опашката на авионот.

– По прегледот, авионот продолжил до целта со шестчасовно задоцнување – се вели во соопштението на властите.

The post 📽️ ГРОМ УДРИ ВО АВИОН Патник сакал да ја сними бурата, но го фатил застрашувачкиот момент appeared first on plusinfo.mk.

По полетувањето од Анталија во петокот во 17:05 часот, патничкиот авион морал да ја промени маршрутата откако добил предупредување од контролната кула при слетувањето во Ван.

Патниците во авионот, кој според упатствата на контролата на летот слетал на аеродромот во Дијарбакир наместо на аеродромот во Ван, за ситуацијата биле информирани од кабинскиот екипаж.

По тој инцидент, екипите на Одделот за воздухопловство на полициската управа Ван извршиле детално скенирање на воздушниот простор со помош на дронови против можна безбедносна закана.

Меѓутоа, за време на опсежното истражување, наводно не бил пронајден никаков предмет на небото.

По принудното слетување во Дијарбекир, авионот на линијата Анталија-Ван со мерки на претпазливост сепак ги однел патниците до Ван каде доцна синоќа во 22.10 часот слетал.

The post ИТНО СЕ ПРИЗЕМЈИЛ АВИОН ВО ТУРЦИЈА ПОРАДИ МИСТЕРИОЗЕН ОБЈЕКТ Полицијата не пронашла ништо на небото appeared first on plusinfo.mk.