Словенечкиот кошаркарски ас Лука Дончиќ е на чекор да остане без индивидуални признанија поради еден натпревар помалку, но НБА легендите Трејси Мекгрејди и Кармело Ентони јавно застанаа зад него.

И покрај повредата што ја заврши сезоната, Дончиќ е најдобар стрелец во лигата и според нив – заслужува награда.

– Не беше во прашање повреда, не беше повреден, немаше одмор, едноставно стана татко и патуваше во друга држава – изјави Трејси Мекгрејди.

Тој додаде дека очекува НБА да постапи фер со Дончиќ.

– Сигурен сум дека НБА ќе постапи правилно – порача Мекгрејди.

Со него се согласи и Кармело Ентони. Тој истакна дека бројките на Дончиќ се доволни и дека правилото за минимум натпревари не треба да биде пречка.

Лука Дончиќ одигра 64 натпревари оваа сезона. Минимумот за награди е 65. Сепак, тој бележи 33,5 поени по натпревар. Со тоа е најдобар стрелец во НБА.

Словенечкиот ас ја заврши сезоната поради повреда и во моментов е на лекување во Шпанија. Неговиот тим размислува за жалба.

Причината е што дел од натпреварите ги пропуштил поради раѓање на дете.

The post СТАНА ТАТКО, A ПАК ВОДИ ВО НБА Легенди бараат Дончиќ да биде награден appeared first on plusinfo.mk.