Меѓународен тим научници од Русија и од САД дошол до фасцинантен заклучок. Tимот анализиран древен човечки катник пронајден во Сибир. Според истражувачите, неандерталците користеле камени алатки за дупчење на оштетени заби во обид да ја ублажат силната болка.

– Откритието јасно укажува дека тие веројатно биле запознаени со можноста за ублажување на забоболка преку ваков вид третман – се наведува во официјалниот извештај од истражувањето.

Станува збор за заб стар околу 59.000 години, откриен во пештерата Чагирскаја на планинскиот масив Алтај во Сибир. Научниците велат дека ова е еден од најстарите познати материјални докази што упатуваат на можни стоматолошки интервенции кај пралуѓето.

The world’s oldest example of successful dentistry can be traced back to Neanderthals about 59,000 years ago, new research suggests https://t.co/4L7ZqVlm2N

— The Wall Street Journal (@WSJ) May 14, 2026

Експертите забележале голема празнина што се протега од површината за џвакање до пулпната комора на забот. Според нив, оштетувањето не изгледа природно.

– Ова недвосмислено укажува на намерно и свесно механичко дејствување – наведуваат истражувачите.

Антропологот од Универзитетот во Аризона, Џон Олсен, оценил дека ваквиот наод укажува на високо ниво на рачна умешност и когнитивни способности кај неандерталците.

– За успешно изведување на толку сложени зафати биле потребни напредни способности и добра координација – посочил Олсен.

The post ЗАБ СТАР 59.000 ГОДИНИ ЈА МЕНУВА ВИСТИНАТА Неандерталците биле повешти одошто се мислеше appeared first on plusinfo.mk.

Физиачрите сметаат дека конечно ја побија познатата теорија дека нашиот универзум и сè што гледаме е симулација како во некоја видеоигра или холограм. Кој е аргументот против оваа теорија, која се сметаше за целосно можна?

Ново истражување на физичарот Мир Фајзал и неговиот тим од Универзитетот на Британска Колумбија тврди дека реалноста не може математички да се пресмета и дека, токму затоа, универзумот не може да биде симулација.

Речено поедноставно, тоа значи дека не постои алгоритам, ниту квантен суперкомпјутер, што може да ја пресмета целосно. Истражувањето, објавено во Journal of Holography Applications in Physics (јуни 2025), ја поврзува познатата Теорема за непотполност на математичарот Годел со Тарски и Чајтин, мислители што докажале дека постојат вистини кои логички системи не можат да се докажат сами по себе, јави Science Daily.

Со други теории, која било математичка теза не може да биде докажана со сопствените постулати, тие се недоволни за таа да биде докажана.

Меѓутоа, тимот на Фајзал првпат ја проширил оваа идеја и во физиката, тоа значи во целиот универзум.

Значи, ако во природата постојат процеси кои едноставно не можат да се пресметаат со математичка равенка, тогаш универзумот не може да биде код, програмерски код, ниту пак производ на некаква симуалција.

– Ниту еден (компјутерски) алгоритам не може да го совлада бесконечното математичко пресметување – истакнува Фајзал.

Со тоа, според авторите на статијата, се руши темелот на теоријата дека нашата реалност е холограм во нечиј процесор.

Сепак, ова откритие не ја поништува идејата дека универзумот е направен од инфорамции, па може да се каже дека е информатички универзум.

Напротив, тезата укажува дека таа структура од информации е подлабока од логиката и од математичкото пресметување.

Понатаму, авторите прашуваат: ако светот не е компјутер, што тогаш е? Енергија што самата се мисли? Или нешто што никогаш не може целосно да се дефинира?

Фајзал нагласува дека ова не е напад врз технологијата, туку потсетник дека математиката има граници.

– Можеби живееме во реалност којашто е акт на непоимливост – додава тој.

The post УНИВЕРЗУМОТ НЕ Е СИМУЛАЦИЈА, НИТУ КОД, ЕВЕ ЗОШТО! Реалноста е недофатлива и непоимлива, вели ново истражување appeared first on plusinfo.mk.

Рибарите кои ја фатиле првата позната „портокалова ајкула“ во водите на Њујорк не можеле да поверуваат во очите. Телото на животното било обвиткано со боја слична на кора од портокал, блескаво и мазно, но не предизвикано од болест или загадување.

Научниците од Универзитетот во Флорида објасниле дека уникатната боја се должи на ретка комбинација на пигмент и биохемиска реакција во мускулното ткиво, јави Тајмс оф Индија.

Притоа, тимот истакнал дека ова не е генетска мутација, туку природен феномен предизвикан од исхраната на ајкулата.

– Телото апсорбира голема количина астаксантин, супстанца што се наоѓа во раковите и салмоните – изјавил професорот Марк Чејс, еден од авторите на истражувањето.

Extremely rare bright orange shark with white eyes discovered in the Caribbean.

The nurse shark, which measured more than six feet long, stood out from the species’ usual brown colouring. The shark was captured on a sport fishing trip near Tortuguero National Park, Costa Rica,… pic.twitter.com/J39HcqH970

— Massimo (@Rainmaker1973) October 10, 2025

Меѓутоа, бојата не ја менува нејзината природа како предатор. Оваа ајкула припаѓа на видот катракс, обично сива и тешко забележлива во длабочина. Но портокаловата нијанса ја прави лесна мета за поголеми предатори. Научниците сметаат дека тоа е можен пример за природен експеримент во еволуцијата.

Понатаму, се забележало дека нејзината кожа содржи микрокристали што ја рефлектираат светлината различно во зависност од аголот на гледање. Овој ефект создава илузија на „светкање под морето“, нешто што ретко се забележува кај поголеми морски животни.

Сепак, случајот отвора пошироко прашање за влијанието на климатските промени врз морските екосистеми. Од друга страна, експертите предупредуваат дека вакви феномени можат да станат почести бидејќи температурите и исхраната во океаните се менуваат.

На крај, Чејс додал дека ајкулата веќе е вратена во морето и дека тимот ќе продолжи да го следи нејзиното однесување преку сателитски сигнал.

The post 📽️ МОРСКО ЧУДО ВО ЊУЈОРК Портокалова ајкула ги збунува научниците appeared first on plusinfo.mk.

Таложењето килограми во средовечноста им е познато на многумина, но заедничкиот изговор е – забавување на метаболизмот. Но, според новите истражувања, големиот стомак во средната возраст најверојатно се должи на животниот стил, навиките за вежбање и начинот на исхрана. Тоа е објавено во списанието „Сајенс“.

Меѓународен тим истражувачи, предводен од Универзитетот Дјук во Дурам,Северна Каролина, САД, ја анализирале брзината на метаболизмот на една личност во текот на нејзиниот живот. Податоците покажале дека кога ќе се роди бебе, тоа користи иста количина енергија како и возрасен имајќи ја предвид разликата во големината и масата на телото, пропорционално. Меѓутоа, метаболизмот речиси веднаш станува за 50 отсто побрз кога детето ќе наполни една година.

„Нешто се случува во клетките на бебето што го прави поактивно, а ние сѐ уште не знаеме какви се тие процеси“, вели Херман Понцер, еден од авторите на трудот и вонреден професор по еволутивна антропологија на Универзитетот Дјук.

Ова интензивно темпо продолжува сѐ додека детето не наполни две години, но потоа забавува за околу три отсто годишно. Постепениот пад продолжува до зрелоста и се стабилизира на околу 20 години.

Потоа, меѓу 20-тата и 60-тата година, метаболизмот останува стабилен. Спротивно на она што многу луѓе го мислат – метаболизмот не забавува така „одеднаш“ во 30-тите до 50-тите години од животот. Според новите наоди, брзината на метаболизмот опаѓа дури околу 60-та година.

Во испитувањата учествувале повеќе од 6.600 луѓе од 29 земји, со возраст од една недела до 95 години. Учесниците пиеле специјална вода која се состоела од „тешки“ изотопи на водород и кислород што може да се следат за да се види колку брзо се исфрлаат од телото. Ова им овозможува на научниците прецизно да ја проценат метаболичката брзина на една личност земајќи ја предвид енергијата потрошена од сите телесни процеси, од дишење и варење на храната до вежбање и шетање куче.

Оваа техника е испробана и проверена, а децениските податоци од различни институции се собрани за трудот, исто така.

„Сѐ ова укажува дека метаболизмот на ткивата и работата на клетките се менуваат во текот на животот, на начини што досега не сме ги процениле целосно“, нагласи д-р Понцер.

Д-р Тимоти Роудс, од одделот за медицина при Универзитетот Висконсин-Медисон, не бил вклучен во истражувањата, но напишал осврт на новите наоди, со д-р Розалин Андерсон од истиот универзитет.

„Се смета дека падот по 60-годишна возраст ја одразува промената на метаболизмот специфичен за ткивата, т.е. енергијата потрошена за одржување“, пишуваат тие.  „Не може да биде случајно што зголемувањето на инциденцата на незаразните болести и нарушувања се појавува во истата временска рамка“.

Незаразните болести се состојби што не можат да се пренесат од едно на друго лице, како што се мозочни удари, срцеви заболувања, дијабетес и деменција. Тие стануваат почести со возраста и сочинуваат околу 70 насто од сите смртни случаи, според Светската здравствена организација.

Фото: Unsplash

The post НАУЧНО „ОПРАВДУВАЊЕ“ ЗА ГОЛЕМИОТ СТОМАК Истражувачки тим ја открил тајната за големиот стомак во средовечноста appeared first on plusinfo.mk.