Четири лица се уапсени под сомнение дека физички нападнале натпреварувач од Грција и членови на неговиот тим по натпревар во кикбокс во српскиот град Нови Пазар.

Приведените се на возраст од 28 до 52 години, а српската полиција издаде потерница по уште четири лица на возраст од 28 до 33 години кои се во бегство.

„Идентификацијата на другите учесници е во тек, а јавноста ќе биде навремено информирана за тоа“, соопшти Обвинителството во Нови Пазар.

Инцидентот, како што денеска јавија српските медиуми, се случил во неделата вечер, кога голем број луѓе нападнале кикбоксер од Грција и членови на неговиот тим откако извојувал победа против локален натпреварувач од Нови Пазар.

The post ВО НОВИ ПАЗАР ГРЧКИ КИК-БОКСЕР ИЗЕДЕ ЌОТЕК НАДВОР ОД ТЕРЕНОТ Победил локален натпреварувач, го истепале навивачи appeared first on plusinfo.mk.

Канадскиот сноубордер Макс Паро освои златен медал во дисциплината слоуп-стајл на Олимписките игри во Пекинг. Најдобри оценки ги доби за второто возење, 90,96, благодарение на што стана олимписки шампион. Паро го освои вториот олимписки медал во кариерата, откако пред четири години го освои среброто.

Успехот во Пекинг стана уште поважен ако се знае дека по натпреварот во Пјонгјанг му беше дијагностициран карцином. По шест месеци хемотерапија, болеста била надмината, па Паро му се вратил на спортот што го сака.

Второто место му припадна на 17-годишниот Џиминг Су. Кинезот беше одличен и во второто возење, кога доби 88,70 поени.

Бронзениот медал му припадна на Канаѓанецот Марк МекМорис, кој за третото возење беше оценет со 88,53 поени.

Меѓу најдобрите пет се најдоа Американецот Редмонд Џерард и Италијанецот Емилијано Лаучи.

The post ПРЕКРАСНА ПРИКАЗНА ОД ПЕКИНГ Паро го победи ракот и дојде до злато на Олимпијада (ВИДЕО) appeared first on plusinfo.mk.