Мисијата на НАТО во Ирак безбедно го премести целиот свој персонал во Европа, соопшти воениот сојуз.

„Мисијата ги советува ирачките безбедносни сили и не е вклучена во борба. Мисијата на НАТО во Ирак ќе продолжи од Командата на здружените сили во Неапол“, се вели во соопштението.

– Би сакал да им се заблагодарам на Република Ирак и на сите сојузници кои помогнаа во безбедното преместување на персоналот на НАТО од Ирак – изјави генералот на воздухопловните сили на САД, Алексус Гринкевич, врховен командант на силите на НАТО во Европа.

Мисијата на НАТО во Ирак, што има задача да им помага и да ги советува ирачките сили во нивната борба против џихадистичките групи, го повлече својот персонал поради безбедносни причини, јавија претходно француските медиуми повикувајќи се на безбедносни претставници.

– Тоа е привремено повлекување. Тие се загрижени за ситуацијата на Блискиот Исток – вели претставник на Алијансата.

Друг претставник  на НАТО вели дека „целиот персонал на мисијата е повлечен“, освен мал број лица.

Мисијата, што вклучува „стотици персонал“, се наоѓа во ирачка воена база во центарот на Багдад, близу амбасадата на САД, што е цел на чести напади од проирански фракции во текот на војната на Блискиот Исток.

The post НАТО СЕ ПОВЛЕЧЕ ОД ИРАК ПОРАДИ БЕЗБЕДНОСНИ ПРИЧИНИ Советодавната мисија ќе продолжи од Неапол appeared first on plusinfo.mk.