🎥 ТЕЈЛОР СВИФТ НАСТАПИ НА ПРЕМИЕРАТА НА „ПРИКАЗНА ЗА ИГРАЧКИТЕ 5“ Пејачката изненади со неочекувана изведба на песната од серијата

плусинфо — Wed, 10 Jun 2026 12:32:52 +0000

Американската поп-ѕвезда Тејлор Свифт изненади голем дел од присутната публика откако неочекувано се појави на премиерата на анимираниот филм „Приказна за играчките 5“.

Свифт се качи на сцената во театарот Долби, облечена во долга вечерна тоалета, и на пијано ја изведе песната „Го знаев тоа, те знаев тебе“ („I Knew It, I Knew You“), која, како што изјави, ја напишала специјално за новото продолжение на популарната анимирана серија. Таа ѝ се обрати на публиката велејќи дека е долгогодишен обожавател на филмскиот серијал „Приказна за играчките“, нагласувајќи дека ѝ претставува голема чест да биде дел од новото продолжение.

– Многу ми значи што можам да бидам мал дел од оваа серија – изјавила Свифт.

По својот настап, таа на сцената претстави уште еден неочекуван гостин, композиторот Ренди Њумен, автор на музиката и на дел од најпознатите песни од серијата „Приказна за играчките“.

Тие заедно ја испеаа „Јас сум ти пријател“, еден од најпрепознатливите музички хитови од првата сезона на серијалот. Во текот на вечерта, Свифт на црвениот тепих се појави заедно со актерите Том Хенкс и Џоан Кјузак, како и со останатите членови од екипата.

Анимираниот филм е во продукција на Пиксар, а неговото прикажување во кината ќе започне од 19 јуни.

The post 🎥 ТЕЈЛОР СВИФТ НАСТАПИ НА ПРЕМИЕРАТА НА „ПРИКАЗНА ЗА ИГРАЧКИТЕ 5“ Пејачката изненади со неочекувана изведба на песната од серијата appeared first on plusinfo.mk.

настсап Archives - plusinfo.mk

🎥 ТЕЈЛОР СВИФТ НАСТАПИ НА ПРЕМИЕРАТА НА „ПРИКАЗНА ЗА ИГРАЧКИТЕ 5“ Пејачката изненади со неочекувана изведба на песната од серијата