Многу луѓе посегнуваат по капки за нос или спрејови кога ги мачи затнат нос, без оглед дали е поради настинка, алергии или синузитис.

Според Клиниката Кливленд, овие производи често содржат активни состојки како оксиметазолин или ксилометазолин, кои брзо ги стеснуваат крвните садови во носот и го олеснуваат дишењето. Сепак, ако се користат подолго од препорачаното, тие можат да доведат до посериозни проблеми.

Експертите не ги сметаат овие капки за зависност во класична смисла, како што е тоа случај со дрогите, но нивната продолжена употреба може да создаде физичка зависност, наречена ринитис медикаментоза или rebound феномен, односно, повратна затнатост.

Ова значи дека носот станува „зависен“ од спрејот за да остане одзатнат, па луѓето често ги користат капките подолго и почесто отколку што треба, само за да можат нормално да дишат.

Зошто се случува ова?

Кога се користат предолго, назалните деконгестанти предизвикуваат реакција во носната слузница што резултира со сè потешка и честа конгестија штом лекот престане да делува, па корисникот повторно го користи спрејот за да добие олеснување. Овој маѓепсан круг може да трае со денови, недели или дури години, пишува Клиниката Кливленд.

Симптомите што се јавуваат кога некој премногу често користи назални капки може да вклучуваат:

засилена затнатост на носот по прекинувањето на употребата, чувство дека не може нормално да се дише без спрејот, течење на носот и зголемено отекување на слузницата и потреба сè почесто да се користи спрејот.

Овие симптоми не се ист вид зависност како психоактивните лекови, но чувството на принуда повторно да се користи спрејот може да биде многу силно.

Совети од корисници на платформата Редит

На Reddit, една корисничка напишала за своето искуство со капките за нос: „Здраво на сите. Со месеци сум зависна од капки за нос поради алергии и настинки. Дали имате некои предлози за полесен начин за откажување? Ви благодарам однапред!“

Корисниците ги споделија своите совети и искуства во коментарите, при што некои дури наведоа до 10 или повеќе години секојдневна употреба, чувствувајќи се како да не можат нормално да дишат без нив, додека други ги опишаа типичните симптоми на „rebound“ реакција: тежина во носот, непријатност и потреба постојано да се користат капките.

– Престанете да ги ставате во едната ноздра, во другата ставајте. Нема да можете да дишете низ неа некое време. Кога ќе се навикнете на таа прва ноздра, престанете да го ставате и во другата.

За жал, за оваа зависност не се зборува многу, но е честа појава. Со среќа!

– Прво префрлете се на детски со помала концентрација на активната состојка, а потоа обидете се ноздра по ноздра.

– О, мојот пријател зема капки за нос речиси две години. Со среќа.

– Јас ги земам речиси 17 години… Ужасно е, не можете нормално да функционирате без нив. А за парите што ги потрошив на сите тие спрејови, лесно можев да направам ласерска операција на синусите.

Иако капките и спрејовите за нос можат брзо да ги ублажат симптомите на затнат нос, нивната долготрајна прекумерна употреба може да доведе до физичка зависност и влошување на симптомите. Експертите препорачуваат ограничување на употребата на неколку дена и користење алтернативи доколку е потребно, како и консултација со лекар за долгорочно решение.

The post ПАЗЕТЕ ДА НЕ СЕ НАВЛЕЧЕТЕ! Носот станува зависен по предолга употреба на капки или спреј appeared first on plusinfo.mk.

Домашните супи и чорбите од зеленчук биле предмет на истражување од страна на научниците за да се види како овие топли оброци „на лажица“, можат да им помогнат на возрасните да се опорават од инфекции на респираторниот тракт.

Во прегледна статија објавена во списанието Nutrients, истражувачите идентификувале студии кои сугерираат дека зеленчуковите супи и пилешките супи можат да ја подобрат сериозноста на симптомите и да го скратат времетраењето на болеста, веројатно поради намалувањето на инфламаторните маркери.

Респираторните инфекции се глобален здравствен проблем

Акутните респираторни инфекции остануваат голем глобален здравствен проблем, предизвикувајќи широко распространети болести и смртност, оптоварувајќи ги здравствените системи. Инфекциите на горните дишни патишта сочинувале повеќе од 17 милијарди случаи низ целиот свет во 2019 година, при што децата под пет години и постарите возрасни лица се изложени на најголем ризик.

Повеќе за ова прочитајте ТУКА.

The post НАСТИНАТИ СТЕ ИЛИ ИМАТЕ ГРИП? Еве како чорбите помагаат во намалувањето на симптомите appeared first on plusinfo.mk.

Ова е наведено во ризиците од престојот во климатизирани простории дома или на работно место, кои ги објавија во Институтот за јавно здравје (ИЈЗ). Оттаму предупредуваат за ризиците, но и за придобивките од клима уредите.

„Во ризици спаѓаат и сушењето и иритацијата на мукозните мембрани. Клима уредите може да ги поттикнат или интензивираат проблемите со очите како што се конјунктивитис и блефаритис, а предизвикуваат и проблеми со контактните леќи кај лицата кои истите редовно ги користат. Може да предизвикаат мускулна пареза. Клима уредите ги влошуваат ефектите од артритисот и невритисот. Со постојаната циркулација на воздухот може да се пренесат причинители на инфективни заболувања на дишните органи. Прашината, органските честички и габите може да предизвикаат алергиски реакции“, наведено е во објавата на ИЈЗ.

Во врска со придобивките, наведено е дека интензивната топлина има негативно влијание врз менталната и физичката активност на човекот, а употребата на клима уредите во одреден степен ги подобрува истите во периодот на летните месеци.

„Клима уредите ги подобруваат и зголемуваат нивоата на удобност при работа и одмор. Ја подобруваат ефикасноста на работата и може да резултираат со зголемена физичка и интелектуална активност. Пониската температура го намалува присуството на паразити, инсекти, влечуги и други видови животни. Пониската температура придонесува за помалку потење, намален губиток на течности и намалување на ризикот од дехидрација. Чистиот систем за климатизација помага во отстранувањето на надворешните алергени како што се полените. Ако уредот за климатизација е добар и добро се одржува, го обновува и го подобрува квалитетот на воздухот во внатрешната средина“, наведуваат во ИЈЗ.

Оттаму препорачуваат климатизираните простории редовно да се проветруваат.

„Професионалната инсталација и одржување се од суштинско значење и за уредите за централна климатизација и за клима уредите со внатрешна и надворешна единица. Најдобро е собна температура да се одржи во интервалот 21º до 25ºC. Меѓутоа, за време на топлотен бран, собната температура не треба да биде под 25ºC. Потребно е да се одржува релативната влажност на просторијата помеѓу 60 отсто и 70 отсто. Клима уредите треба редовно и правилно да се чистат и дезинфицираат, по можност два пати годишно пред зимската и летната сезона“, наведено е во препораките.

Агенцијата за заштита на животната средина на Соединетите Американски Држави (USEPA или ЕРА) предупредува дека концентрацијата на загадувачките честички во воздухот во затворените простории може да биде поголема од тие во загадениот воздух во надворешната средина. Ова значително го зголемува ризикот за луѓето со респираторни проблеми и кардиоваскуларни болести кои поминуваат дел од своето време во затворен простор.

„Климатизацијата, според EPA, може да придонесе за контаминација и ширење на бактериите, мувлата, вирусите, полените и животинските секрети и екстракти. Како и во случајот со многу други болести, ризична група се децата, адолесцентите, бремените жени и постарите лица, посебно оние со респираторни заболувања и слаб имунолошки систем. ИЈЗ препорачува прилагодување на телото од најмалку 15 минути во просторија со температура поприближна на надворешната температура. Тоа може да го направите, на пример, со исклучување на климата, престој во потопла просторија и слично“, наведуваат во ИЈЗ.

The post РЕСПИРАТОРНИ ИНФЕКЦИИ, ФАЦИЈАЛИС, НО И ПОДОБРА МЕНТАЛНА АКТИВНОСТ Еве кои се придобивките, но и маните при користењето на клима уредите кога надвор е топло appeared first on plusinfo.mk.

Есента пристигна и многу луѓе деновиве веќе шмркаат и киваат. Ако фатите настинка или грип, веројатно ќе побарате соодветен лек.

Агенцијата dpa ги прашала научниците до кој степен се ефикасни во лекувањето на настинки и грип, познатите домашни „лекови“.

Што велат научниците за некои од најпознатите домашни лекови прочитајте на порталот „Арт кујна“.

The post ГАРГАРА, ИНХАЛАЦИИ, ПИЛЕШКА СУПА… Колку се ефикасни домашните лекови за настинка? appeared first on plusinfo.mk.

Болка во градите и мускулите, силна и постојана кашлица, отежнато дишење, главоболка и висока температура или грозница проследена со тремор – сето тоа се симптоми на воспаление на белите дробови или пневмонија.

Пневмонијата ги зафаќа алвеолите, малите воздушни кеси кои се полнат со течност или гној, што резултира со отежнато дишење.

Оваа болест ги погодува дури и младите и здрави луѓе, а кога станува збор за оние со многу слаб имунитет и лошо здравје, пневмонијата може да биде дури и фатална.

Токму затоа е важно не само да се зајакне имунитетот, туку и да се исчистат белите дробови од вишокот слуз и токсини.

Повеќе за ова на порталот „Арт кујна“.

The post ПРИРОДНО ЛЕКУВАЊЕ НА ПНЕВМОНИЈА Неколку рецепти од нашите баби за воспаление на белите дробови appeared first on plusinfo.mk.

Најчестата причина се настинка или алергија, кои предизвикуваат оток на мукозната мембрана на носот и овој симптом поминува кога човекот или детето ќе оздрави.

Но, ако носот остане затворен и не се третира, тогаш може да биде причина за други заболување на синусите, а може да придонесе и за белодробни инфекции.

Воздухот треба непречено да се движи низ носот, затоа што кога се дише со подотворена уста воздухот навлегува во белите дробови без првата најприродна филтрација, каде воздухот исто така се загрева. Носот како орган има сериозна улога во превенцијата од настинки и други заболувања, односно ги спречува микроорганизмите да навлезат во телото.

Како да се ослободат дишните патишта?

Независно која е причината што носот е затнат и колку долго тоа ќе трае, убаво е веднаш да се почне со третман и на носот. Кога ќе се ослободи дишењето секој може во комфорно расположение да продолжи со дневните и работните активности.

„Покрај традиционалните лекови, побрзи и поефикасни за справување со затнат нос се спрејови кои содржат состојки од категоријата на деконгестиви како ксилометазолин, оксиметазолин и други, кои ги стеснуваат крвните садови и со тоа го намалуваат отокот на мукозната мембрана во носот. RINOFF спрејот кој содржи ксилометазолин е производ на Галеника, која на македонскиот пазар е присутна речиси осум децении во кои со потрошувачите изгради релација со висока доверба благодарение на висококвалитетните производи што ги нуди“, велат од компанијата Галеника.

Спрејот ги олеснува симптомите на затнат нос и помага во случаи на настинка, вазомоторен ринитис (течење од носот) и алергиски ринитис. Исто така го олеснува празнењето на секретот од носот при воспаление на параназалните синуси и воспаление на средното уво поврзано со настинка. Спрејот може да се користи и во случаи на поленова треска која предизвикува иритации и воспаленија во носот и очите.

Во аптеките низ Македонија, Галеника нуди две варијанти на спрејот, едната наменета за деца на возраст од 2 до 6 години и другата наменета за возрасни и за деца над 6 години.

Постојат и повеќе традиционални третмани за носот, кои во комбинација со спрејовите може да помогнат носот побрзо да се врати во функција. Инхалациите се еден од најраспространетите домашни метод за третирање на носот, иако многумина го избегнуваат затоа што подолго време треба да се седи над сад со водена пареа. Сепак, неколку капки од масло од евкалиптус помага да се намали или ослободи конгестијата во носот.

За полесно дишење кога сте настинати, покрај спрејот добро е да ја подигнете и перницата. На тој начин полесно се дише.

Течностите се одлична препорака, како кога сте здрави, така и во период на настинка или друго воспаление. Вода, цедени сокови и чаеви може да бидат од полза за секој.

„Дека настинките и алергиите се појави со кои често се соочуваат граѓаните покажа и националното истражување на Галеника за состојбата со здравјето и употребата на лекови во урбани и рурални средини во земјава, кое беше спроведено минатата година. Меѓу населението на возраст од 18-70 години, истражувањето покажува дека до домашната аптека меѓу најприсутните лекови се оние за настинка, воспалено грло и кашлица – 75 проценти, а производи против алергија ги има во домовите на 47 отсто од населението. И двете појави се рангираат високо меѓу најчестите акутни болести, односно 61 отсто се пожалиле на респираторните инфекции. И тоа 38 проценти се изјасниле дека со респираторни проблеми се соочуваат еднаш до три пати годишно, а 24 отсто рекле дека состојбата се повторува повеќе од четири пати годишно. Алергијата, пак, е присутна во анкетите на 36 отсто од испитаниците“, информираат од Галеника.

The post ПОЧНУВА СЕЗОНАТА НА ЗАТНАТИ НОСОВИ Галеника со совети за нормално дишење appeared first on plusinfo.mk.