Ученик нападнал наставничка со нож утрово во просториите на стручно училиште во германскиот град Есен и ја избодел во стомакот.

Жртвата се здобила со сериозни повреди и била итно префрлена во Универзитетската клиника, каде што се во тек подготовките за итна операција. Засега не е познато дали е во животна опасност, објавува „Билд“.

Ројтерс напиша дека напаѓачот, 18-годишен ученик кој долго време бил во конфликт со наставничката, бил застрелан во полициската акција за негово апсење. Германската полиција соопштила дека напаѓачот во моментот добива медицинска нега.

Повредената наставничка се здобила со тешки телесни повреди и била итно префрлена во Универзитетска клиника, каде што се во тек подготовките за итна операција.

Голем број полицајци и специјални единици се забележани на терен во училиштето откако инцидентот беше пријавен околу 9:30 часот наутро. Над комплексот во образовниот парк во Есен кружеше хеликоптер.

#BREAKING : Teacher hurt in stabbing at college in German city of Essen

A teacher has been injured in a stabbing attack at a vocational college in the western German city of Essen, police confirmed on Friday.

“According to current information, the teacher suffered stab wounds… pic.twitter.com/CO7Ncihhvf

— upuknews (@upuknews1) September 5, 2025

The post 📷 ХОРОР ВО ГЕРМАНИЈА, УЧЕНИК ИЗБОДЕ НАСТАВНИЧКА Напаѓачот бил застрелан при апсењето appeared first on plusinfo.mk.

„На 27.02.2025 во 21:00 часот во СВР Скопје, Б.С.(35) од Скопје пријавил дека околу 17.20 часот во соблекувална од основно училиште на подрачјето на Бит Пазар, за време на час по физичко воспитување, неговата малолетна ќерка и неколку нејзини соученички биле физички нападнати од наставничката Е.Ј., која употребила и дрвен предмет“, се вели во полицискиот билтен.

Полицијата презема мерки за расчистување на случајот.

The post ГИ НАПАДНАЛА СО ДРВЕН ПРЕДМЕТ НА ЧАС ПО ФИЗИЧКО Наставничка истепала ученички во соблекувална appeared first on plusinfo.mk.

Наставничка од училиште во Шуто Оризари пријавила дкеа двапати била нападната од родителите на нејзината ученичка, информира скопската полиција.

„На 27.02.2027 во 17:50 часот во Полициското одделение Шуто Оризари, Д.К.(48) од Скопје пријавила дека на работното место во основно училиште на подрачјето на Шуто Оризари, во училницата во која држела час, а подоцна и во канцеларијата на педагогот во училиштето била физичка нападната од К.А. и Д.А., родители на нејзина ученичка“, се вели во полицискиот билтен.

Полицијата презема мерки за расчистување на случајот.

The post РОДИТЕЛИТЕ ДВАПАТИ ЈА НАПАДНАЛЕ НАСТАВНИЧКАТА Насилство во училиште во Шуто Оризари appeared first on plusinfo.mk.

Едно дете загина, а наставник и шест ученици се повредени во напад со нож што се случи утринава во основното училиште „Пречко“ во Загреб, Хрватска.

Иако медиумите утрово објавија дека напаѓачот е ученик во основно училиште, хрватската полицијата подоцна потврди дека напаѓачот е 19-годишен маж и дека е приведен.

Во Дневникот на ХРТ беше објавено дека децата кои го напуштале појадокот виделе крв во ходникот и млад човек како тепа момче.

Почнале да бегаат, настанала паника. Напаѓачот потоа влегол во првата училница на која наишол. Таму најверојатно избодел неколку лица.

Потоа истрчал од училиштето и побегнал во блискиот Здравствен дом, каде што се заклучил во тоалетот и се обидел да се самоубие, дознава ХРТ. Но, полицијата успеала да го спречи да изврши самоубиство.

Според информациите од местото на настанот, напаѓачот бил облечен во црно.

Децата повредени во напад со нож во основното училиште Пречко се пренесени во болниците во Загреб. Две од нив се во загрепската Детска клиника.

Едното повредено дете има 7, а другото има 11 години. Имаат повеќе убодни рани, но како што вели директорот на Клиниката, и двете се надвор од животна опасност.

Се врши дијагностичка обработка, по што на крајот ќе се утврди дали на некое од овие деца му е потребна операција. Детето кое со итен хеликоптер беше пренесено во болницата во Дубрава, односно до нивниот хелиодром, беше пренесено во КБЦ Загреб. Се работи на дијагностичка обработка и, детето е надвор од животна опасност.

Двајца од повредените, како што неофицијално дознава ХРТ, насилникот и наставничката се во клиничката болница Свети Дух.

Според хрватските медиуми, наставничката се бори за живот и ситуацијата е тешка. Насилникот си нанел опасни по живот повреди на себе во пределот на вратот.

Министерката за здравство Ирена Хрстиќ изјави дека починатото дете имало седум години.

The post ЕДНО ДЕТЕ ПОЧИНА ВО МАСАКРОТ ВО ЗАГРЕБ, НАСТАВНИЧКА СЕ БОРИ ЗА ЖИВОТ Напаѓачот тргнал да се самоубива, полицијата го спречила appeared first on plusinfo.mk.

– Ќе бидат информирани и директорот и градоначалникот за да постапат по закон, но она што е поважно, според мене, е дека и во ова училиште и во неколку други училишта каде што имавме пријави за нерегуларности, каде што, чесно ќе кажам не се утврдени нерегуларности, но имало некаков револт, ќе спроведеме обука за соживот, мултукултурализам, мултиетничност, и за тоа ќе побараме поддршка и од ОБСЕ – изјави Јаневска денеска во Ректоратот на УКИМ каде што учествуваше на конференција „Подобро образование за посилен раст“.

Инспектори го посетија училиштето во тетовски Челопек откако таму на 28 ноември била организирана училишна приредба во која учествуваат ученици облечени во воени униформи со амблеми на УЧК и со пушки во рацете.

За настанот реагираше министерката за образование и наука Весна Јаневска, која оцени дека таквиот чин е законски казнив и побара од ДПИ да изврши надзор во училиштето.

The post ОДГОВОРНОСТ ЗА НАСТАВНИЧКАТА ШТО ЈА ОРГАНИЗИРАЛА ДЕТСКАТА ПРИРЕДБА ВО ЧЕЛОПЕК Нејзина била идејата учениците да облечат униформи на УЧК? appeared first on plusinfo.mk.

Taa рече дека 3 мај почнал како и секој друг ден, дека голем дел од децата дошле на училиште на фотографирање, „дури и оние кои одамна не доаѓале“. Татјана почнувала со својот час по историја кога слушнала звук на пукање во училиште.

– Мислев дека непослушните осмоодделенци фрлаат петарди. Втората мисла ми беше дека Драган (убиениот чувар) е тука, дека ќе го реши проблемот. Тој звук продолжи да се слуша. Беше морничаво. Во еден момент сите бевме замрзнати, како хипнотизирани. Ништо не се слушна, а потоа одекна вресок во ходникот – рече таа.

Токму кога помислила дека звукот што го слушнала можеби и не се петарди, вратата наеднаш се отворила. Немала време ниту да се сврти, била погодена во стомакот и паднала.

– Слушнав пукање во училницата, но бев на подот. Се онесвестив. Кога се разбудив, рацете ми беа крвави. До мене лежеше едно момче, беше бледо, неподвижно. Едно дете дојде кај мене да се сокрие, го прегрнав. Настана тишина, а потоа дојде наставникот по географија, праша што се случило, а едното дете одговори дека пукал Коста К. – изјави Татјана.

Таа истакна дека не можела да разбере дека сето тоа е возможно. Ѝ се чинело дека сè траело многу долго, а подоцна слушнала дека во прашање биле само две минути. Полицијата пристигнала во училницата, го почувствувале нејзиниот пулс. Тогаш, како што рече, сфатила дека не е добро, пренесе „Телеграф“.

Како што опишала, еден куршум ја погодил во стомакот од левата страна, пропуштил само еден милиметар да ја погоди стомачната артерија.

– Левата нога не ми работеше, нервот беше оштетен. Лекарите го извадиле куршумот, но не знаеле дали веднаш да го оперираат колкот. Сега е добро, но рекоа дека колкот побрзо ќе се влоши. Имав прострелни рани на двете раце. Имам плочка во десната подлактица, лекарите рекоа дека коската е како каша. Нервите во левата рака ми се скинати, не ја чувствувам раката  –  изјави Стевановиќ.

Наставничката по историја рекла дека поминала осум месеци во болница, а шест месеци била неподвижна. Таа истакна и дека поради оштетување на нервите не може да ја почувствува левата нога под коленото.

– Имаше пет проценти шанси нервот да се врати во функција. Имав среќа што тоа успеа благодарение на терапијата, семејството и мојата желба да закрепнам. Месец-два не можев да ги движам рацете – додаде таа.

Стевановиќ изјави дека на почетокот не чувствувала страв бидејќи не разбрала што се случило. Кога била погодена, изгубила воздух и паднала, била во шок, не можела да разбере што се случило. Стравот се развил подоцна.

– Во болницата не сакаа да ми кажат се’. Знаев дека Драган е убиен, а потоа полека ми ги кажуваа имињата на децата едно по едно. Морав да направам уште една операција. Тогаш почувствував страв. Сè може да се смени преку ноќ – изјави наставничката по историја.

Taa има лузни на рацете, по градите и стомакот. Чекори несигурно бидејќи не ја чувствува левата нога.

– Секој ден чувствувам страв. Се повлекувам ако има огномет, во ненадејни ситуации, кога гледам оружје на филм. Се вознемирувам – додаде таа.

Истакнала и дека Коста К. бил примерно дете и добар ученик и дека немала потреба да им се јавува на родителите, кои не ги ни познавала.

Правниот застапник на брачната двојка Кецмановиќ, Марина Ивеља, предложи прекинување на граѓанската постапка затоа што меѓу другото, Кецмановиќ се тужени за запуштање и запоставување на дете кое довело до смртен исход.

Адвокатот на оштетената посочи дека граѓанско-правната одговорност е многу поширока од кривично-правната одговорност и се спротивстави на предлогот на Ивеља. Судот го одби предлогот за запирање на постапката.

The post НАСТАВНИЧКАТА КОЈА ЈА РАНИ КОСТА К. ИМА ФОБИЈА ОД ОРУЖЈЕ Татјана се плаши и кога гледа оружје на филм appeared first on plusinfo.mk.

Полицијата соопшти дека 37-годишната Холи Роус-Свини договорила да се сретне со тинејџерот во нејзиниот поранешен дом и имала сексуален контакт со него во неколку наврати и покрај тоа што знаела дека е малолетен.

Мајката на тинејџерот ги пронашла несоодветните пораки на наставничката на WhatsApp и ја известила полицијата.

Наставничката Роус-Свини се изјаснила за виновна по две точки.

The post МАЈКА МУ ГИ ПРОНАШЛА БЕЗОБРАЗНИТЕ ПОРАКИ Наставничка во Англија сексуално злоупотребувала ученик appeared first on plusinfo.mk.

Коста Кецмановиќ, кој на крајот на јули ќе наполни 15 години, нема емоции, не се кае, е целосно рамнодушен што на 3 мај минатата година уби девет другари и училишен чувар во училиште, покажале резултатите од вештачењето, дознава Република.рс,

Вештаците кои се сретнале и разговарале биле шокирани. Коста Кецмановиќ  личел на празна школка, во која нема ништо. Без трошка емоции, емпатија, сочувство, а камоли каење за тоа што го направил. Ваков случај, според еден од експертите, би требало да се анализира на медицински  факултети.

Како што е познато, Вишиот суд во Белград нареди да се изврши невропсихијатриско вештачење на момчето како дел од граѓанската постапка, но во овој случај поради околноста на неговиот разум во моментот на делото. Судот наложи и невропсихијатриско вештачење на сите тужители во оваа граѓанска постапка, односно на членовите на семејството на убиените.

Она што е важно, велат соговорниците на порталот Република, е луѓето да разберат дека се работи за два различни процеси на вештачење.

Експертите на едно ниво ја утврдуваат општата психичка или подобро кажано психофизичка состојба на убиецот, а на второ размислуваат дали тој бил здрав во конкретната ситуација во моментот кога пукал во учениците и училишниот чувар.

Инаку, на рочиштата во постапката против родителите на Коста , Миљана и Владимир Кецмановиќ, сите сведоци, меѓу кои и училишниот психолог Лидија Макшиќ и училишниот педагог Јелена Вујичиќ, тврдеа дека не забележале ништо необично во однесувањето на момчето-убиец. . Рекоа дека наводно не се разликувал по однесувањето од другите ученици, а Макшиќ изјавила дека не видела никакви предупредувачки знаци кога го тестирала за упис во училиште.

Одговарајќи на прашањата таа изјави дека отсуствата на Коста Кецмановиќ главно се оправдуваат со медицинската оправданост на приватната клиника.

Наставничката на Коста К. Весна Б., неодамна пред Вишиот суд во Белград раскажа како момчето-убиец се однесувало од прво до петто одделение и истакна дека е шокирана од тоа што го направил, со оглед на тоа дека е соодветно дете.

– Коста беше мој ученик. Во тие четири години тој поминуваше повеќе време со мене отколку со своите родители. Беше одличен ученик, никогаш не доцнеше, работеше напорно на своите задачи и беше многу омилен во општеството. На децата им беше смешен бидејќи ги забавуваше прераскажувајќи им ги книгите што ги читал – изјави наставничката.

Исто така, таа во таа прилика објасни дека Коста бил различен по изгледот, вокабуларот и знаењето. Заедно со помалата сестра, на училиште го донела дадилка. И доаѓаше да ги земе, а понекогаш попладне доаѓаше и мајка ѝ да го земе.

-Имаше коса до рамениците. Одел во музичко училиште и глумел. Знаеше сè за сè. Тој не беше непослушен како другите момчиња. Еднаш отидовме на саем за цвеќе во близина на театарот и тој ни се јави да ни каже кој цвет е и знаеше сè за цвеќињата – раскажа учителката, а потоа додаде:

– Доаѓаше весел и не покажуваше знаци дека некој го притиска. Тој сакаше да чита. Мајка му и татко му доаѓаа на училиште и остануваа некое време. По пет минути. Тие стоеја мирни и прашуваа: „На што да внимаваме?“. Тоа беа некои ситници, но можеше да се види дека тие сериозно работат дома. Имаше многу богат речник, пред се – изјави наставничката.

The post ВЕШТАЦИТЕ ТВРДАТ: КОСТА К. НЕ ПОКАЖУВА ЕМПАТИЈА НИТИ ЧУВСТВО НА ВИНА Наставничка раскажа каков бил малиот убиец до петто одделение appeared first on plusinfo.mk.

– За тоа што го направив вчера, не беше ни време ни место, тоа не е оправдување, насилството не е решение, но бев многу револтирана и испровоцирана од однесувањето на наставничката – вели таа.

Мајката наведе и дека таа и нејзиниот сопруг, кој исто така учествувал во овој немил настан, најпрвин се обиделе „најнормално да ѝ пријдат на наставничката“. Таа тврди дека учителката била многу арогантна.

На новинарско прашање што му направила наставничката на нејзиното дете, мајката вели дека наставничката го турнала бидејќи влегло во кадар додека снимала други деца.

– Толку силно го турна детето што падна врз другарчето. Инаку, детето има сериозен здравствен проблем. Некои весници објавија кој проблем го има детето, што сосем не е во ред – рече мајката.

Мајката и таткото на болното дете ја поканиле наставничката на разговор, но таа била груба.

– Беше многу груба и безобразна. Сето ова немаше да се случи ако кажеше „извини“ и одвоеше една минута за разговорот на кој ја поканивме – одговори мајката на изјавите на некои родители и на нападнатата наставничка дека не била груба со детето.

Таа додаде дека и тогаш наставничката била „премногу безобразна“.

– Ја искубав за коса, што не е во ред, откако ѝ кажав дека 5 години се борам за животот на тоа дете, дека не е во ред и дека детето е исплашено, ја прашав дали тоа значи дека детето не може да се дружи и дали да го носам в џеб, на што таа рече: „Да, треба да го носиш во џеб“ – рече таа.

Мајката тврди дека во училиштата се случуваат многу нешта кои не се медиумски покриени.

– Многу нешта се случуваат во училиштата, но тие се медиумски покриени само кога родителите ги напаѓаат наставниците, а обратното не се дознава. Мора да се слушне и другата страна – рече мајката на ученичката од трето одделение во ОУ „Свети Сава“.

Таа заклучи дека е свесна дека извршила насилство и дека со сопругот ќе ја чека полицијата.

The post СИЛНО ГО ТУРНА НАШЕТО БОЛНО ДЕВОЈЧЕ, А ТОА ПАДНА ВРЗ ДРУГАРЧЕТО Мајката што ја нападна наставничката во Србија ја кажа својата верзија appeared first on plusinfo.mk.

– Мајката дојде пред отворената врата и ја праша наставничката по биологија зошто нејзиниот син добил оценка 2, кога тој има просек од 3. Притоа не знаела дека и оценката од првото полугодие е собрана. Мајката ѝ кажала ужасни нешта: „Не знаеш која сум јас, кучко, ќе ти ја ебам мајката“ – вели наставничка, од белградското основно училиште „Јован Дучиќ“, која со повредената колешка отишла во болница.

Потоа се заканила дека ќе оди кај директорот, што наставничката по биологија го поддржала. Меѓутоа, таа одеднаш се вратила. Ја потегнала за коса, наставничката паднала наземи и мајката ѝ ја удрила главата.

– Нема да работиш на ниедно друго место, нема да работиш во ова училиште, ќе се сеќаваш на мене, не знаеш која сум. Ќе ти го убијам семејството – извикувала арогантната мајка.

Бидејќи било одмор, никој не ги слушнал повиците на нападнатата учителка за помош, па разгневената мајка продолжила да вреска и да вели: „Никој не те слуша, ќе те убијам“.

Дури тогаш наставничката успеала да избега, дотрчала кај што вообичаено бил полицаецот, но тој не бил таму. Вработените потоа повикале полиција која дошла и земала изјава.

– Колешката има контузија на градниот кош, повредени се и ногата и раката, а има и гребаници – рекол еден од колегите на повредената наставничка.

Мајката наводно во полиција признала дека завршила курс за боречки вештини.

Родителите на децата од споменатото училиште тврдат дека знаат која е жената која ги нападнала.

Со одлука на колективот О.Ш. „Јован Дучиќ“, денеска во тоа училиште нема да има настава.

The post КУЧКО, НИКОЈ НЕ СЛУША, ЌЕ ТЕ УБИЈАМ Мајка на ученик во Белград претепала наставничка по биологија appeared first on plusinfo.mk.