Наставната програма, велат од БРО, не е задолжителна, односно наставниците во средните училишта имаат слобода да изберат кои содржини и соодветно на тоа кои работни листови ќе ги реализираат и во кој период од учебната година со цел да одговорат на потребите на адолесцентите.

„Наставната програма за Образование за животни вештини не се однесува на наставен предмет, туку може да се реализира на часот на класната заедница со учениците од прва до четврта година во сите видови средно образование (гимназиско образование, уметничко образование и средно стручно образование). Во програмите за средно образование (од прва до четврта година), во темата Здраво живеење има разработено содржини, цели и активности кои се однесуваат на сексуалното здравје. Со оглед на тоа дека Прирачникот (како и работните листови) и наставната програма за образование за животни вештини се изработени пред една деценија, истите ќе бидат предмет на ревизија во наредниот период кога се планира реформа на средното образование согласно нов Закон за средно образование. Имајќи ја предвид, брзината со која се шират сензационалистички и лажни вести на социјалните мрежи, повторно апелираме до граѓаните, а особено до родителите и младите да ги земат со голема доза на претпазливост и да ги проверуваат сите информации што се споделуваат во врска со образованието на младите, а коишто не се официјално потврдени од надлежните институции“, се вели во реакцијата.

Инаку, директно на официјалната веб-страница на Бирото можете да ги „прелистате“ работните листови по предметот Образование за животни вештини, а таму ќе ги прочитате следните прашања што треба да им ги поставуваат наставниците на учениците: „Што сметате дека ја предизвика вашата хетеросексуалност?“ „Дали е можно вашата хетеросексуалност да е само фаза којашто ќе ја надминете?“ „Дали е можно вашата хетеросексуалност да потекнува од страв од истиот пол?“ „Зошто вие хетеросексуалците се обидувате да ги натерате сите да бидат со вашата сексуална ориентација?“ „Дали би сакале вашето дете да биде хетеросексуалец/ка знаејќи ги проблемите со кои се соочуваат како прељуби, болести, разводи?“ „Ако хетеросексуалноста е нормална, тогаш зошто толку многу хетеросексуалци се лица со ментални нарушувања?“

Сличен скандал изби и во март годинава во основното училиште „Свети Кирил и Методиј“ во Скопје кога на учениците од прво одделение им биле поделени работни листови за домашна задача, на кои од децата се барало да напишат „рецепт за среќно семејство“.

На илустрацијата е прикажано семејство од двајца мажи и дете, а едниот од мажите го држи детето во раце. На истиот работен лист, во долниот дел, има илустрација и од две женски лица кои се држат за рака и разговараат.

Дел од корисниците на социјалните мрежи тогаш коментираа дека тоа е дел од „пропагандата“ која е застапена во училиштата, според која учениците треба да се навикнуваат дека семејството не мора да се состои од маж и жена, туку може да биде истополово.

Сепак, училиштето тогаш објави дека „станува збор за злонамерна, избрзана и извртена перцепција на целата ситуација, онака како што некој сакал да ја гледа и толкува“.

И тогаш, во одговор до Плусинфо, училиштето наведе дека не станува збор за работни листови од МОН, туку за наставни листови и дека „на илустрацијата, според наставната содржина, е прикажано еднородителско семејство и тоа; татко и синови и мајка и ќерка“.

КАКО ЗНАЕТЕ ДЕКА НЕ СТЕ ХОМОСЕКСУАЛЕЦ АКО НЕ СТЕ ПРОБАЛЕ? Скандалозен прашалник за средношколци во учебникот по Животни вештини

The post НЕ Е УЧЕБНИК, ТУКУ Е ПРИРАЧНИК! Бирото за развој на образованието не чувствува одговорност за шокантниот „сексуален“ прашалник за средношколци appeared first on plusinfo.mk.

Истата илустрација, која беше објавена на Фејсбук, може да се најде проследена со легендата „двајца татковци и нивниот син“. Единствената разлика меѓу оригиналното наставно ливче и ливчето што им е дадено на првооделенците во македонското училиште е насловот, односно во оригиналот пишува „Рецепт за специјално семејство“, додека другото е насловено „Рецепт за среќно семејство“. Освен тоа, овие илустрации се симнуваат за користење со плаќање.

На овие наставни листови реагираа родители, како и корисници на социјалните мрежи, кои тоа го протолкуваа како дел од ЛГБТ- пропаганда во македонските училишта, но училиштето тврди дека „станува збор за злонамерна, избрзана и извртена перцепција на целата ситуација, онака како што некој сакал да ја гледа и толкува“.

„Според наставната содржина децата на наставниот лист работат на рецепт за среќно семејство; мајка, татко и деца. Не станува збор за работни листови од МОН. Ова е наставен лист и учениците го работат за време на часот. Според официјалната наставна програма од МОН и Бирото за развој на образованието, предметот општество за прво одделение ја содржи методската единица „Семејство“. Истата е во корелација со содржините по предметите, македонски јазик, ликовно и музичко образование со точна дефиниција на целите на часот“ – се вели во одговорот од ОУ „Свети Кирил и Методиј“ до Плусинфо.

– Во објавената фотографија, односно завршна активност од часот, се претставени татко со синови и мајка со ќерка, еден пример на еднородителско семејство и пример на згрижувачко семејство – изјави директорката на училиштето Соња Кирковска за порталот „Вистиномер“.

На ова реагираше и Коалицијата за заштита на децата.

– Поради ваквите лаги и манипулации, сметаме дека нема место за г-ѓата Кирковска во образовните институции, со оглед на тоа што таа претставува типичен лош пример за децата. Затоа, бараме под итно да си даде оставка, а од родителите кои потпишале изјава побараа јавно да се извинат и да ја признаат грешката – велат од Коалицијата.

Во самото објаснување на работната задача, велат од Коалицијата, го пишува следново:

„Самостојни активности за месецот на историјата на ЛГБТ+ Прославете го месецот на историјата на ЛГБТ+ со овој забавен лист со KS1 (за деца на возраст од 5-7 год.) активности за славење различни семејства. Овој лист вклучува листа со зборови и образец за пишување за учениците да создадат свој рецепт за посебно и со љубов исполнето семејство. Совршен е за предавања во врска со различноста и еднаквоста за време на месецот на историјата на ЛГБТ+, Прајд месецот или во кое било време од годината.“

Плусинфо се обрати повторно до ОУ „Свети Кирил и Методиј“ со барање да одговори на овие најнови сознанија за потеклото и природата на илустрацијата употребена во нивните наставни листови и евентуалниот одговор ќе го објави, како што го објави и претходниот.

НЕ СЕ ИСТОПОЛОВИ СЕМЕЈСТВА ТУКУ ТАТКО СО СИНОВИ И МАЈКА СО ЌЕРКА! Училиштето ја реши мистеријата со збунувачките наставни листови

ДВАЈЦА ТАТКОВЦИ И ДЕТЕ – РЕЦЕПТ ЗА СРЕЌА!? Какви работни листови добиваат првоодделенци

The post СЕПАК НЕ БИЛ ТАТКО СО ДВЕ ДЕЦА, ТУКУ ДВАЈЦА ТАТКОВЦИ И ДЕТЕ! Илустрацијата на ОУ „Св. Кирил и Методиј“ преземена од сајт за настава за ЛГБТ содржини appeared first on plusinfo.mk.

Во одговор до Плусинфо, училиштето уште појаснува дека не станува збор за работни листови од МОН, туку за наставни листови и дека „на илустрацијата, според наставната содржина, е прикажано еднородителско семејство и тоа; татко и синови и мајка и ќерка“.

„Според наставната содржина децата на наставниот лист работат на рецепт за среќно семејство; мајка, татко и деца. Не станува збор за работни листови од МОН. Ова е наставен лист и учениците го работат за време на часот. Според официјалната наставна програма од МОН и Бирото за развој на образованието, предметот општество за прво одделение ја содржи методската единица „Семејство“. Истата е во корелација со содржините по предметите, македонски јазик, ликовно и музичко образование со точна дефиниција на целите на часот“ – се вели во одговорот од ОУ „Свети Кирил и Методиј“.

Во прилог на одговорот училиштето испраќа „Демант и извинување од родител кој ненамерно ја објавил грешната информација“, како и „Заклучоци од самоиницијативен состанок на родителите“ и список на присутни родители на истиот, одржан на ден 30.03.2023 година, односно денеска претпладне.

Демантот од родителот што ја објавил „грешната информација“, чиј идентитет е соопштен, но ние ќе го објавиме само со иницијали, И.Т., сам по себе е многу интересен и говори можеби и повеќе од објаснувањето на училиштето. Затоа ќе ви го пренесеме во целост:

„Повод за моето обраќање е целиот настан којшто излезе од контрола и би сакал да дадам изјава.

Јас, И.Т. родител на ученик од прво одделение, се извинувам за недоразбирањето што настана, во врска со задачата од наставниот материјал по општество, на тема Семејство.

Ситуацијата ненамерно и во момент на афект и неразмислување за последиците по угледот на Училиштето и наставниот кадар излезе сосема од контрола за кое искрено жалам. Се обврзувам дека во иднина прво детално ќе се консултирам, распрашам и информирам со наставничкиот кадар кој е прекрасен и кој одлично ми го воспитува детето, пред да донесам било каков заклучок.

Постот по убав и темелен разговор и без каков било притисок е тргнат во најбрз можен момент и објавена е исправка и демант но воедно и големо жалење за настанатото недоразбирање.

Уште еднаш изразувам искрено жалење ако на било каков начин сум наштетил на угледот на училиштето на нашите предобри наставнички кој се залагаат за толеранција, меѓусебно разбирање и еднакви вредности помеѓу луѓето.“ Следува име и презиме и потпис на родителот.

Но, работата во ОУ „Свети Кирил и Методиј“ денеска не застанала тука. Итно бил свикан „самоиницијативен состанок на родителите од одделелението 1-2“, на кој присуствувале 19 родители и издале заедничко соопштение или изјава, која гласи:

„Ние родителите на учениците од 1-2 одделение од ОУ „Св. Кирил и Методиј“ во Скопје се извинуваме во врска со недоразбирањето кое настана во врска со задачата од наставниот материјал по предметот општество на тема – Семејство. Истото беше објавено по социјалните мрежи, извадено од контекст и пренесена погрешна порака до јавноста за работата на наставниците и училиштето како реномирана институција. Се надеваме дека нашето извинување ќе биде прифатено и ќе дадеме допринос за маргинализирање на штетата“.

И ние се надеваме дека извинувањето ќе биде прифатено, а штетата маргинализирана. Само ни останува дилемата дали илустрацијата на наставните листови е неуспешна или навистина „станува збор за злонамерна, избрзана и извртена перцепција на целата ситуација, онака како што некој сакал да ја гледа и толкува“. Одлучете сами:

ДВАЈЦА ТАТКОВЦИ И ДЕТЕ – РЕЦЕПТ ЗА СРЕЌА!? Какви работни листови добиваат првоодделенци

The post НЕ СЕ ИСТОПОЛОВИ СЕМЕЈСТВА ТУКУ ТАТКО СО СИНОВИ И МАЈКА СО ЌЕРКА! Училиштето ја реши мистеријата со збунувачките наставни листови appeared first on plusinfo.mk.