Пејачката Џејла Рамовиќ се огласи по инцидентот во Кичево, каде што беше приведена заедно со нејзиниот бенд поради наводен настап без работна дозвола, и објави дека веќе во петок се враќа во Скопје на нов настап.

Рамовиќ во својата изјава тврди дека целата документација за настапот била уредна и дека проблемот настанал по вина на организаторот, поради што полицијата ја прекинала вечерта неколку минути пред крајот. Таа им се извини на присутните што дошле да ја слушаат и нагласи дека ситуацијата била надвор од нејзина контрола.

– Сакам да нагласам дека од моја страна и од страна на мојот бенд, сите потребни документи и дозволи за настапот во Кичево беа правилно подготвени и доставени до организаторот, со целосната постапка што редовно ја следиме кога доаѓаме во Македонија – вели Рамовиќ.

Таа додава дека организаторот ја уверил дека ги добил сите преостанати дозволи и дејствувал согласно договорот.

– И покрај ова, настапот беше прекинат неколку минути пред крајот, наводно поради недостаток на работни дозволи, иако нашата документација беше целосно во ред. Жал ми е за непријатностите што ги доживеаја сите што дојдоа на мојот настап. Ситуацијата се појави од причини на кои не можев да влијаам на никаков начин, ниту пак е вина на мојот тим и мене – изјави пејачката.

Рамовиќ повтори дека инцидентот нема да влијае на нејзината врска со македонската публика.

– Македонија е земја што многу ја сакам и секогаш сакам да се враќам. Исто ќе биде и сега, бидејќи веќе се дружиме во петок во Скопје – порача таа.

Инцидентот се случил во ноќта меѓу 29 и 30 ноември, кога полициски службеници од ОВР Кичево и РЦГР Запад влегле во угостителски објект каде настапувала Рамовиќ. При контролата било утврдено дека таа и нејзиниот бенд настапуваат без потребната работна дозвола, по што биле приведени за натамошна постапка.

ПЕЈАЧКАТА ЏЕЈЛА РАМОВИЌ ПРИВЕДЕНА ВО КИЧЕВО Познатата ѕвезда од БиХ е фатена како настапува без работна дозвола

The post ЏЕЈЛА ПРОГОВОРИ ПО ДРАМАТА ВО КИЧЕВО Пејачката вели дека документите ѝ биле уредни и најави нов настап во Скопје appeared first on plusinfo.mk.

Популарниот српски турбо-фолк пејач Аца Лукас синоќа го прекина настапот во познат кавадаречки локал, откако околу полноќ во објектот влегле полициски службеници и ја запреле забавата, потврдуваат видеа кои кружат на социјалните мрежи.

На снимките се гледа како Лукас го напушта локалот во придружба на полицијата, додека во движење наводно се обидува да им објасни нешто на службениците. Според присутни гости, атмосферата била одлична сè до моментот на доаѓањето на полициските екипи, по што настапот бил прекинат.

Од Министерството за внатрешни работи се очекуваат официјални детали во текот на денот, со оглед дека причината за интервенцијата сè уште не е официјално соопштена.

The post ПОЛИЦИЈА ГО ПРЕКИНА НАСТАПОТ НА АЦА ЛУКАС Српскиот пејач од локалот пренесен во полициската станица во Кавадарци appeared first on plusinfo.mk.