Полициски службеници од СВР Велес вчера вечерта, околу 22:30 часот, го уапсиле Д.Ш.(42) од Велес, постапувајќи по претходна пријава од неговата 68-годишна мајка дека во семејниот дом агресивно се однесувал и ја удрил со стаклен предмет.

Д.Ш. бил приведен во полициска станица, известен бил јавен обвинител и по документирање на настанот против него ќе биде поднесена пријава, информира МВР во билтенот.

The post ЈА УДРИЛ СВОЈАТА МАЈКА СО СТАКЛЕН ПРЕДМЕТ Уапсен насилен велешанец appeared first on plusinfo.mk.

Израелскиот кабинет за безбедност одобри буџет од 1,3 милијарди шекели (над 378 милиони евра) за изградба на 34 нови населби во окупираниот Западен Брег, изјави десничарскиот министер за финансии Безалел Смотрич.

Тој додаде дека ќе бидат одобрени уште 1,75 милијарди шекели (313 милиони евра) за изградба на патишта до новите населби.

Со планираните населби, нивниот вкупен број, за време на четиригодишен мандат на Смотрич, ќе се искачат на 103. Одобрениот буџет тој го оцени како историска одлука и му се заблагодари на премиерот Бенјамин Нетанјаху за неговата поддршка.

– Ја зајакнуваме безбедноста на Државата Израел, ја уништуваме идејата за создавање терористичка држава во срцето на земјата и ги зајакнуваме нашите упориште во татковините Јудеја и Самарија – изјави Смотрич, користејќи го библискиот термин за Западен Брег.

Смотрич е противник на палестинската државност. Тој е лидер на партијата Религиозен ционизам, чија поддршка доаѓа главно од доселеничките заедници.

Изминатите месеци зголемено е насилството на доселениците врз Палестинците и врз нивните имоти. Околу 700.000 израелски доселеници живеат меѓу 2,7 милиони Палестинци на Западниот Брег и во Источен Ерусалим.

За Обединети нации, за Палестинците и за поголем број држави, овие израелските населби се незаконски според меѓународното право и се пречка за постигнувањето мир.

The post ИЗРАЕЛ ЌЕ ГРАДИ УШТЕ 34 НОВИ НАСЕЛБИ ВО ЗАПАДНИОТ БРЕГ Издвои 378 милиони евра за таа намена appeared first on plusinfo.mk.

Основното јавно обвинителство Куманово поведе постапка против една 18-годишна девојка, а за две малолетнички на возраст од 15 и 14 години е поднесено барање за поведување подготвителна постапка до судијата за деца при Основниот суд во Куманово, бидејќи заедно учествувале во дејствија на кривично дело – Насилство согласно член 386 став 3 во врска со став 1 од Кривичниот законик.

На 13 март годинава тие повикале девојче кое тогаш имало 13 години да излезе од дома со нив и ја убедиле да влезе во запуштена просторија во близина на спортскиот центар „Соколана“. Таму жртвата грубо ја навредувале и физички ја нападнале, удирајќи ја по лицето и телото и ја кубеле за коса. Насилството го снимале со телефон, а на нападнатото девојче му се заканиле по живот доколку каже некому за настанот.

Јавното обвинителство, веднаш по објавата на видеото на социјалните мрежи презеде дејствија за обезбедување докази, а за полнолетната осомничена достави и предлог за определување мерки на претпазливост до надлежниот суд – задолжително јавување во судот, привремено одземање на патната исправа и забрана за приближување и воспоставување контакти со жртвата.

ЈА НАМАМИЛЕ, ЈА ПРЕТЕПАЛЕ И СÈ СНИМАЛЕ Расчистен случајот во Куманово, кривични за трите насилнички

The post ДВЕТЕ МАЛОЛЕТНИ НАСИЛНИЧКИ ОД КУМАНОВО ОДАТ ПРЕД СУДИЈА ЗА ДЕЦА За полнолетната предложени мерки за претпазливост appeared first on plusinfo.mk.

Излегуваат нови детали за семејната трагедија што се случи во Скопје, каде 31-годишен маж е осомничен дека смртно го избол својот татко по семејна расправија.

Според информациите од Министерството за внатрешни работи, трагедијата се случила во семејниот дом, откако, според првичните сознанија, 52-годишниот татко, кој бил под дејство на алкохол, физички ја нападнал својата сопруга. Во обид да ја заштити мајката, синот наводно употребил нож и му нанел смртоносни повреди.

Според информации што ги пренесуваат дел од медиумите, повикувајќи се на извори од истрагата, починатиот и претходно бил пријавуван за семејно насилство.

Истите извори наведуваат дека осомничениот подолг период имал нарушена психичка состојба и на блиски лица им тврдел дека е пророк, барајќи од нив да постапуваат според неговите убедувања. Овие информации засега не се официјално потврдени од надлежните институции.

Дополнително, според медиумските информации, починатиот пред извесно време поднел барање за промена на личното име, со кое сакал своето име да го промени во „Авни“.

По наредба на јавен обвинител, телото на починатиот е предадено на обдукција, додека осомничениот се наоѓа во полициски притвор. Надлежните институции продолжуваат со истрагата, која треба да ги утврди сите околности под кои се случила семејната трагедија.

СИН ГО УБИ СВОЈОТ ТАТКО ВО СКОПЈЕ Семејна трагедија завршила со убоди од нож

The post СЕ СМЕТАЛ СЕБЕ СИ ЗА ПРОРОК, СИ ГО УБИЛ НАСИЛНИОТ ТАТКО Излегуваат детали за семејната трагедија во Скопје appeared first on plusinfo.mk.

Основното јавно обвинителство и СВР Куманово преземаат мерки за расчистување на случајот со врсничко насилство, откако денеска на социјалните мрежи беше објавена видеоснимка на која се гледа физички напад врз девојче.

Според првичните информации, настанот се случил пред околу четири месеци, но до денеска не бил пријавен во надлежните институции.

Шефицата на Основното јавно обвинителство Куманово, Теута Бедиу – Рамадани, за МИА изјави дека веднаш по објавувањето на снимката е отворен предмет и се постапува по итна постапка.

– Случајот ќе се работи по итна постапка. Едната инволвирана е полнолетна, додека другите две се малолетнички. Настанот се случил пред четири месеци и до денеска не сме имале пријава. Откако снимката беше објавена, веднаш почнавме да постапуваме – изјави Бедиу Рамадани.

Од СВР Куманово за МИА потврдија дека интензивно работат на случајот и најавија дека по завршување на проверките ќе соопштат повеќе детали. Видеоснимката денеска се прошири на социјалните мрежи и предизвика реакции во јавноста.

ТРИ ДЕВОЈКИ БРУТАЛНО ИСТЕПАЛЕ ДЕВОЈЧЕ ВО КУМАНОВО Се појави снимка, МВР го расчистува случајот

The post ДЕВОЈЧЕТО БРУТАЛНО ГО ПРЕТЕПАЛЕ ДВЕ МАЛОЛЕТНИЧКИ И ЕДНА ПОЛНОЛЕТНА ДЕВОЈКА Првични наоди за видеото со врсничко насилство во Куманово appeared first on plusinfo.mk.

Јавното обвинителство побара да се поведе постапка против четири малолетници поради насилниот инцидент што на 30 јуни се случи во скопската населба Аеродром, кога 12-годишно девојче беше физички нападнато, а целиот настан беше снимен со мобилен телефон.

Од Обвинителството информираат дека до надлежниот судија за деца е поднесено барање за поведување подготвителна постапка против две 14-годишни девојчиња, за кои постои основано сомнение дека сториле дело кое според Кривичниот законик се квалификува како насилство.

Воедно, за 15-годишно момче се бара постапка поради сомнение дека им помагало на девојчињата при извршувањето на насилството, како и за кривичното дело неовластено снимање. Истото кривично дело му се става на товар и на уште едно 14-годишно момче.

Според Обвинителството, нападот се случил на игралиште зад трговски центар во населбата Аеродром. Осомничените ја принудиле 12-годишната девојка да клекне и да им се извини, по што ја удирале со шлаканици и ја влечеле за косата. Девојчето се здобило со телесни повреди, а кај сведоците и јавноста биле предизвикани чувство на страв и несигурност.

Едно од момчињата, според обвинителството, ги советувало и охрабрувало девојчињата за време на нападот, додека двете момчиња без дозвола го снимиле целиот настан со мобилен телефон, нарушувајќи ја приватноста на жртвата. Снимката подоцна им ја испратиле на девојчињата кои учествувале во нападот.

Јавниот обвинител побарал од судот да им изрече мерки на претпазливост, со кои на сите осомничени малолетници ќе им биде забрането меѓусебно да контактираат, како и да воспоставуваат каков било контакт со 12-годишното девојче.

The post ЗАПОЧНУВА ПОСТАПКА ЗА МАЛОЛЕТНИТЕ НАСИЛНИЦИ ОД АЕРОДРОМ Побарана забрана да ѝ се доближуваат на 12-годишната жртва appeared first on plusinfo.mk.

СВР Скопје соопшти дека целосно го расчистил случајот од 30.06.2026 во 21:40 часот, кога во парк во општина Аеродром 12-годишно девојче беше физички нападнато од малолетнички, а други присутни малолетници снимале со мобилни телефони.

„Од страна на ОКР Аеродром и Драчево во содејство со ОКР Кисела Вода до ОЈО Скопје е поднесена кривична пријава против две малолетнички за сторено кривично дело „насилство”, предвидено и казниво по чл. 386 од Кривичниот законик, против еден малолетник за сторени кривични дела „поттикнување” предвидено и казниво по член 23 од Кривичниот законик во врска со член 386 став 1 од Кривичниот законик и „неовластено снимање” предвидено и казниво по член 152 во врска со член 386 став 1 од Кривичниот законик, против еден малолетник за сторено кривично дело „неовластено снимање” предвидено и казниво по член 152 во врска со член 386 став 1 од Кривичниот законик, како и против родителите И.В., М.В., М.П., И.А. и И.А. за сторено кривично дело „запуштање и малтретирање на дете” предвидено и казниво по член 201 од Кривичниот законик“ – соопшти СВР Скопје.

(ВОЗНЕМИРУВАЧКО) „ЌУТЕТЕ ДА СЛУШНЕМЕ КАКО ЌЕ ПУКА“ Девојче клекнато на колена додека други девојчиња го удираат и влечат за коса

The post КРИВИЧНИ ПРИЈАВИ ЗА БРУТАЛНОТО ТЕПАЊЕ НА ДЕВОЈЧЕТО ВО АЕРОДРОМ Ќе одговараат четири деца и петмина родители appeared first on plusinfo.mk.

Јавен обвинител предложи мреки за претпазливост за тројцата осомничени дека нападнале малолетник во паркот во скопско Маџари. Основното јавно обвинителство соопшти дека се работи за насилство врз дете родено во 2011 година.

„Според првичните сознанија, на 22 јуни осомничените учествувале во насилничките дејствија кон малолетникот, го удирале со тупаници и клоци и му нанеле расекотини со нож по телото“, вели ОЈО за осомничените.

Случајот за кој се пишуваше минатата недела ја потресе јавноста откако се прошири вознемирувачко видео.

Медиумите минатата недела ја пренесоа изјавата на родителите на момчето кои тврдат дека нивниот син бил избоден 7 пати во грбот и побараа од полицијата да го расчисти случајот. Родителите велат дека момчето било пресретнато од напаѓачите, а било упатено да се сретне со своите братучеди.

Обвинителството ги соопшти предложените мерки за осомничените напаѓачи. Тие вклучуваат – забрана за напуштање на живеалиштето односно престојувалиштето, обврска да се јавуваат повремено на определено службено лице или кај надлежен државен орган, привремено одземање на патна или друга исправа за преминување на државна граница, забрана за посетување на местото каде се случил кривично-правниот настан, забрана за приближување или воспоставување какви било контакти со оштетеното дете и со неговите родители.

Во меѓувреме, продолжуваат да се вршат вештачења на пронајдени траги и се преземаат други дејствија за прибирање докази.

Случајот е потврден и од Министерството за внатрешни работи. Во полицискиот билтен е наведено дека на 22 јуни околу 23:05 часот било пријавено дека на подрачјето на Општина Гази Баба малолетник бил физички нападнат од 3 лица.

Според родителите, нападот се случил дента околу 21:30 часот. Момчето излегло од дома за да се сретне со братучедите и се движело кон улицата Финска, а било пресретнато пред да стигне на договореното место.

 

View this post on Instagram

 

A post shared by 24 info (@24info.mk)

ВОЗНЕМИРУВАЧКО 14-ГОДИШНИК НАПАДНАТ ВО ЧЕНТО Му нанеле 7 убоди па избегале, го пронашол случаен минувач

The post 📽️ МЕРКИ ЗА ОСОМНИЧЕНИТЕ ПО НАПАДОТ СО НОЖ ВО МАЏАРИ Го сечеле момчето по телото откако го истепале и исклоцале appeared first on plusinfo.mk.

Дванаесетгодишно момче заврши во болница со повреди нанесени со остар предмет по инцидент што се случил во скопската населба Шуто Оризари во петокот.

Од болницата „Св. Наум Охридски“ случајот го пријавиле во полиција, а според првичните информации, повредите му ги нанел друг малолетник.

Подоцна во полициското одделение пријава поднела и мајката на уште едно малолетно момче, која навела дека нејзиниот син бил физички нападнат од четворица малолетници, при што еден од нив го повредил со остар предмет.

Полицијата презема мерки за целосно расчистување на случајот.

The post МАЛОЛЕТНИК ИЗБОДЕН ОД ДРУГ МАЛОЛЕТНИК Случај на врсничко насилство во Шуто Оризари appeared first on plusinfo.mk.

Во ОВР Кичево вчера било пријавено дека во понеделникот во 20.15 часот, И.И. на улицата „4 јули” во Кичево физички ја нападнал неговата малолетна внука.

Исто така во ОВР Кичево 40-годишна жена вчера пријавила дека на 29.06.2026 нејзината малолетна ќерка била физички нападната од нејзиниот поранешен свекор, а кон двете упатил закани.

Се преземаат мерки за целосно документирање на двата случаи, и против сторителите ќе бидат покренати соодветни пријави, информира СВР Охрид. .

The post ЕДНИОТ ИСТЕПАЛ ВНУКА, ДРУГИОТ ПОРАНЕШНА СНАА Два случаи на насилство во Кичево appeared first on plusinfo.mk.