Три лица се лишени од слобода, а вкупно шест пријави се поднесени за семејно насилство во последното деноноќие, соопшти полицијата.

Како што соопшти полицијата, на 08.06.2026 во 01:15 часот во Скопје, на подрачјето на Гази Баба, полицајци го лишиле од слобода Д.К.(36) од Скопје, постапувајќи по претходна пријава дека на 07.06.2026 околу 23 часот во домот физички ги нападнал неговата 37-годишна сопруга и нејзината мајка, при што употребил и тврд предмет. Тој се заканувал со остар предмет и кршел дел од покуќнината. Откако пристигнал братот на пријавителката, кого претходно го повикала заедно со нејзиниот татко, брат ѝ бил нападнат и каснат од куче домашен миленик на Д.К., кое намерно го пуштил.

На 08.06.2026 во 03:30 часот во СВР Скопје, 43-годишна жена пријавила дека на 07.06.2026 во домот на подрачјето на Ѓорче Петров била физички нападната од нејзиниот сопруг И.С.(48).

На 07.06.2026 во 21:00 часот во СВР Скопје, 54-годишна жена пријавила дека во домот во Скопско била физички нападната од нејзиниот сопруг С.Н.(64).

На 07.06.2026 во 18:35 часот во Скопје, на подрачјето на Бит-пазар, полициски службеници од СВР Скопје го лишиле од слобода Е.А.(36) од Скопје, постапувајќи по претходна пријава дека во домот со остар предмет упатувал закани кон неговата 61-годишна мајка, а потоа откако дошла неговата сестра на двете им упатувал закани.

На 07.06.2026 во 08:13 часот во СВР Скопје, Н.М.(73) од Скопје пријавил дека околу 02:00 часот во семејниот дом на подрачјето на Бит-пазар во кој што живееле и нејзиниот брат Н.М.(60) и снаа А.М.(42) започнала вербална расправија, а потоа во домот пристигнале и нејзиниот втор брат Р.М. со неговата сопруга и според пријавеното сите физички ја нападнале. Исто така, на 07.06.2026 во 15:00 часот, А.М.(42) пријавила дека околу 00:30 часот во домот, по претходна расправија, била физички нападната од Н.М., а потоа откако во домот пристигнале Р.М. и неговата сопруга С.М., Н.М. физички ја нападнала и С.М..

На 07.06.2026 во 23:15 часот во Велес, полициски службеници од СВР Велес го лишија од слобода С.Ј.(43) од Велес, постапувајќи по претходна пријава од неговата 37-годишна поранешна сопруга која забележала повреда кај нивното дете, по поминат викенд со него. Тој бил приведен во полициска станица и известен бил јавен обвинител.

Полицијата презема мерки за расчистување на случаите и по нивно целосно документирање против сторителите ќе бидат поднесени соодветни пријави.

The post ГИ НАТЕПАЛ ЖЕНАТА И БАБАТА, ГО ПУШТИЛ КУЧЕТО ДА ГО НАПАДНЕ ШУРАТА По викенд кај татко му, дете си дошло дома со повреда appeared first on plusinfo.mk.

Во последното деноноќие четири лица се лишени од слобода за семејно насилство, а вкупно 8 пријави има во Скопје, Тетово и во Струмица, соопшти полицијата.

На 20.3.2026 година во 3:30 часот во Струмица полициски службеници од СВР Струмица го лишија од слобода Е.Д.(23) од Струмица, постапувајќи по претходна пријава дека на 19.3. во семејниот дом физички ја нападнал неговата 20-годишна сопруга.

На 20.3.2026 година во 00:10 часот, полициски службеници од СВР Скопје го лишија од слобода М.А.(23) од Скопје, постапувајќи по претходна пријава дека во смејениот дом на подрачјето Бит Пазар физички ја нападнал неговата 51-годишна мајка и ѝ нанел тешки телесни повреди, констатирани во Комплекс клиники „Мајка Тереза“ во Скопје.

На 19.3.2026 година во 15 часот во Тетово, полициски службеници од СВР Тетово го лишија од слобода А.А.(44) од селото Боговиње, тетовско, постапувајќи по претходна пријава од неговиот роднина Ј.Џ.(50) од  Боговиње дека подолго време поради меѓусебни недоразбирања му упатувал закани.

На 19.3.2026 година во 17:10 часот во Скопје, полициски службеници од СВР Скопје го лишија од слобода К.П.(38) од Скопје, постапувајќи по претходна пријава дека во домот физички ја нападнал неговата 53-годишна вонбрачна партнерка.

На 19.3.2026 година во 17:30 часот во СВР Скопје, 27-годишна жена од Скопје пријавила дека нејзиниот спруг Т.П. физички ги напаѓал нивните две малолетници деца.

На 19.3.2026 година во 14:30 часот во СВР Скопје, 23-годишна жена од Скопје пријавила дека незјиниот сопруг Б.Ф. во домот повеќе пати физички ја напаѓал и психички ја малтретирал.

На 19.3.2026 година во 23:15 часот во СВР Скопје, 65-годишна жена од Скопје пријавила дека последната недела нејзиниот син И.И. често ја вознемирувал, тропал на вратата од нејзиниот дом и ѝ се заканувал.

На 19.3.2026 година во 18:25 часот во СВР Скопје, 45-годишна жена од Скопје пријавила дека нејзиниот сопруг А.Б., со кого е во бракоразводна постапка, често ја вознемирувал, ѝ се заканувал и преку нивниот син се обидувал да дознае каде е сместена и каде се движи.

Полицијата информира дека презема мерки за расчистување на случаите и по нивно целосно документирање против сторителите ќе поднесе соодветни кривични пријави.

The post МАЖИ ИЗВРШИЛЕ НАСИЛСТВО ВРЗ СОПРУГИ, МАЈКИ, ДЕЦА, РОДНИНИ… Уапсени четворица насилници, 8 пријави за семејно насилство во еден ден appeared first on plusinfo.mk.

Шест пријави за семејно насилство имало вчера, а пет лица од Гостивар, Крива Паланка, Битола и од Охрид се лишени од слобода, соопшти МВР.

На 10.03.2026 во 22:30 часот, полициски службеници од ОВР Гостивар го лишиле од слобода Ј.З.(27) од селото Долна Бањица, Гостиварско, постапувајќи по претходна пријава од неговата 26-годишна сопруга дека поради меѓусебно недоразбирање, упатувал закани на нејзината мајка на социјална мрежа.

Истиот ден лишени се од слобода Т.Д.(18) од Крива Паланка затоа што физички го нападнал неговиот татко и Е.В.М.(49) од Крива Паланка затоа што физички нападнал 16-годишник, син на неговата сопруга.

На 10.03.2026, полициски службеници од СВР Битола го лишиле од слобода И.Р.(33) од битолско село, затоа што, според пријавеното, во семејниот дом физички ја нападнал неговата 25-годишна сопруга.

Завчера, 45-годишна прилепчанка пријавила дека во семејниот дом во Прилеп била физички нападната од нејзиниот сопруг Е.Ш..

Во вторникот е лишен од слобода О.Л.(44) од Охрид затоа што претходно во семејниот дом физички ги нападнал неговата невенчана сопруга и нивното малолетно дете.

Полицијата презема мерки за расчистување на случаите и по нивно целосно документирање против сторителите ќе поднесе соодветни пријави.

The post ШЕСТМИНА ПРИЈАВЕНИ ЗА СЕМЕЈНО НАСИЛСТВО Кој нападнал татко, кој жена, кој дете appeared first on plusinfo.mk.

Тројца насилници минатиот месец нападнале вработен во пунктот на „Водовод“ во населбата Шуто Оризари и му ги скршиле коските со дрвени палки и со метални шипки. Обвинителството соопшти дека отвора истрага за нападот, а за еден напаѓач предкага притвор.

„Јавен обвинител од ОЈО Скопје донесе наредба за спроведување истражна постапка против 3 лица поради сомненија дека сториле кривично дело Насилство предвидено во член 386 став 3 од Кривичниот законик. На 2 јуни, пред пункт на „Водовод“ во населбата Шуто Оризари, осомничените во група ја загрозиле сигурноста и извршиле грубо насилство врз еден оштетен, вработен во пунктот“, соопшти Јавното обвиннителство.

Додека тој го паркирал возилото пред влезната врата на објектот, тројцата осомничени го нападнале од зад грб, видно агресивни без посебен повод или причина, се додава во соопштението.

„Почнале да го удираат со дрвени и со железни палки, клоци и боксови по главата и по телото, нанесувајќи му тешки телесни повреди – фрактури на повеќе коски. Со насилството била предизвикана вознемиреност и страв и кај други лица кои биле сведоци на настанот. До овој момент лишен е од слобода еден од осомничените, 29-годишник за кого јавниот обвинител денеска поднесе предлог за определување мерка притвор до Судот, поради можноста да се даде во бегство, да го повтори делото или да влијае врз сведоците и врз оштетениот. Останатите двајца осомничени се идентификувани, тие се од Сингелиќ, на возраст од 38 и 40 години, но се во бегство од моментот на извршување на делото, па јавниот обвинител издава насоки за нивно пронаоѓање и лишување од слобода“, се вели во соопштението на Јавното обвинителство.

The post МУ ГИ СКРШИЛЕ КОСКИТЕ СО МЕТАЛНИ ШИПКИ Тројца нападнале вработен во „Водовод“, еден е во притвор, двајца во бегство appeared first on plusinfo.mk.

Млад жител на неготинското село Пепелиште пријавил во полиција напад од три лица, а според пријавеното, нападнати биле и неговите родители и баба му, информира МВР.

„Синоќа околу 20 часот во ОВР Неготино, А.М.(27) од село Пепелиште, неготинско, пријавил дека во неговиот дом бил физички нападнат од М.Д.(27) од Пробиштип, М.Д.(30) и М.Д.(48), двајцата од село Пепелиште, при што бил удрен и со стаклен предмет. Според пријавеното, тој побегнал во домот на неговите родители, каде што дошле лицата и физички ги нападнале неговите родители и неговата баба, а ја оштетиле и влезната врата од куќата“, соопштија од СВР Велес.

The post МОМЧЕ ОД НЕГОТИНО БИЛО ПРЕТЕПАНО ОД ТРОЈЦА НАСИЛНИЦИ Побегнало кај родителите, удриле и по нив appeared first on plusinfo.mk.

„Општина Карпош е згрозена од синоќешниот немил настан во ромската населба во Злокуќани. Такво насилие, крволочност, со употреба на лопати, секири, ножеви… (за среќа извадениот пиштол не успеал сопственикот да го репетира), е незапаметено во историјата на Карпош. Оваа масовна тепачка во ова населено место не е прва. Дел од ромската населба во Злокуќани станува гето, опасност за живеење на жителите кои сакаат мирно да ги поминуваат деновите, но уште поопасно за граѓаните кои што гравитираат во тој дел, како и фирмите кои што имаат имот во оваа населба. Речиси да нема граѓанин кој што физички не бил нападнат. Не постои куќа или фирма која повеќе пати не е брутално ограбена, а сторителите се познати и на мештаните и на органите на прогонот“, се наведува во соопштението од Општина Карпош.

Градоначалникот Стевчо Јакимовски повеќе пати разговарал со полициската станица Карпош и со Основното јавно обвинителство за насилниците да бидат санкционирани.

„Општина Карпош бара од полицијата, обвинителството и судот, најстрого да бидат санкционирани учесниците во оваа нецивилизирана, преполна со агресија тепачка својствена на средниот век, а не на цивилизирана заедница како што е оваа општина. Доколку овој немил настан не се санкционира соодветно, а границата е помината веќе со години, состојбата ќе биде уште полоша, а агресивните насилници ќе земаат сѐ повеќе замав“, предупредуваат од Општина Карпош.

The post „КРВОЛОЧНА МАСОВНА ТЕПАЧКА ВО РОМСКАТА НАСЕЛБА ВО ЗЛОКУЌАНИ“ Жителите на три населби се во опасност од насилници, предупредува Општина Карпош appeared first on plusinfo.mk.

Тројца мажи од Тирана сопственици на продавница, се осомничени дека во неделата киднапирале млад човек, го држеле во заробеништво и го тепале наизменично, тврдејќи дека им недостасувале пари во касата.

20-годишното момче наводно било силувано од тројца мажи на плоштадот Скендербег во Тирана. Албанските медиуми објавија дека тие биле сопственици на продавницата во која работел младиот човек.

Д.Б., Е.Х. и Х.П. се осомничени дека во неделата го киднапирале младиот човек, го држеле во заробеништво со часови и наизменично го тепале тврдејќи дека им крадел и дека им недостигаат пари во касата.

Според полицијата, напаѓачите со часови  ѕверски се изживувале над младиот човек, тврдејќи дека во касата на продавницата им недостасуваат околу 10 милиони леки (околу 100.000 евра). Но, тие наводно подоцна на полицијата и споменале други суми.

Полицијата привела двајца од напаѓачите како и уште едно лице кое било запознато со нападот, но не презело ништо да го спречи, додека потера по третиот напаѓач сè уште трае.

„Во понеделникот во полиција пристигнала пријава од млад човек дека тројца мажи го киднапирале и го силувале, приведени се Д.Б.(36), Е.Х.(31), кои се осомничени за кривично дело, додека за Х.П.(19) сè уште се трага, а Т.К.(28) е приведен поради сомнение дека знаел за нападот, но не реагирал за да го спречи, ниту пак го пријавил случајот“ – стои во известувањето до албанската полиција.

The post УЖАС НА ПЛОШТАДОТ СКЕНДЕРБЕГ ВО ТИРАНА Тројца сопственици на продавница силувале вработен затоа што недостасувале пари во касата appeared first on plusinfo.mk.

– Сликите и снимките од крвавите настани, за кои на овој начин денеска пред македонското собрание потсетуваме, нека останат паметник за тоа какви последици има од десничарскиот режим на ДПМНЕ. Насилници, поттикнати од ВМРО-ДПМНЕ извршија упад во Собранието, обидувајќи се да убијат пратеници, да повредат новинари и вработени во собраниските служби, да го урнат уставниот поредок – рече Спасовски.

Според него, најавите за помилување на лицата што упаднаа во Собранието „се скандалозни и недозволиви и покажува дека ништо не е променето во ДПМНЕ“.

– 27 ми април е тежок, крвав потсетник колку лесно опасна власт може да ја втурне земјата во провалија. Не смееме да заборавиме и не смееме да се откажеме од борбата за слобода, демократија, правда и правичност. СДСМ не се откажа на 27 април, нема да се откаже ниту на 8 мај – рече Спасовски, барајќи поддршка за неговата партија и коалиција на парламентарните избори.

The post ТОА СЕ НАСИЛНИЦИ, НЕ УСТАВОБРАНИТЕЛИ Спасовски против помилување на лицата кои упаднаа во Собранието на 27 април appeared first on plusinfo.mk.

– Јас најпрво очекував дека на денешниот ден некој ќе стане од партијата ВМРО-ДПМНЕ и конечно да се извини за најгрозоморниот чин кој што се има случено во ова Собрание кога на најкравав начин беа тепани пратеници и други службеници во Собранието, само со цел да се задржи власта. Но, еве шест години по ред извинување нема, туку напротив има наградување со финансиски средства од буџетот, на оние кои го извршија тој чин – изјави Ковачевски.

Прв на листата за пратенички прашања беше пратеникот од ВМРО-ДПМНЕ, Бојан Стојаноски.

The post НАМЕСТО ДА СЕ ИЗВИНАТ, ТИЕ НАСИЛНИЦИТЕ ГИ НАГРАДУВААТ Ковачевски вели дека шест години по насилствата од 27 април сѐ уште нема извинување од ВМРО-ДПМНЕ appeared first on plusinfo.mk.

– Не знам дали се проруски настроени, но знам дека се антисрпски. За да сакаш некој друг, претпоставувам дека е нормално прво да го сакаш својот народ, а не да се гордееш со своите врски со некој друг, да работиш против својот народ и земја. Имаме многу длабоки емоции кон Русија и рускиот народ, ние сме единствената држава која не воведе санкции… Не ми треба некој од Вагнер да ме тапка по рамо и да ми објаснува што можам и што не можам да направам. Доволно ми е да верувам што е правда, што е вистина и што е најдобро за Србија – изјави Вучиќ за Пинк по средбата со претставници на безбедносните органи.

Како што неофицијално дознава РТС, во тек се апсења во врска со заканите кон претседателот на Србија. Истата информација доцна синоќа ја пренесоа повеќе белградски медиуми, повикувајќи се на полициски извори.

Вучиќ рече дека учесниците на вечерашниот протест повикале на најжестоко насилство и праша што значи изјавата дека протестирачите се „подготвени на многу повеќе од бунт“, ако тоа не е крвопролевање.

– Дали навистина мислите дека е можно, мислите дека нема да има одговор на тоа – рече тој и рече дека државата ќе реагира многу ефикасно, многу брзо, многу сериозно и многу одговорно.

– Оние кои мислат дека можат да ја урнат Србија со нивните невистини, нивните брутални лаги, оние кои мислат дека можат да урнат сериозна држава со закани со неколку пиштоли, нивните врски што ги имаат во некоја странска земја, поддршката што ја добиваат во пари, главно во кеш од некои странци, оправдувајќи го тоа со голем патриотизам, а бидејќи прават многу добри работи за својата земја, никогаш не можат да ја победат Србија – додава српскиот претседател.

– Државата нема да дозволи никакви насилници, со каква било заштита однадвор, ниту од Запад, ниту од Исток, да го загрозат интегритетот и уставниот поредок на Србија – нагласи тој.

Според Вучиќ претседателите на четири политички партии вчера биле присутни на протестот.

– Реков дека доаѓа тешко време, дека сите ќе ги скршат копјата над грбот на Република Србија. Во тек е голем светски конфликт, наше е да го зачуваме мирот и да размислуваме за она што ни претстои. Немаме повеќе деца за фрлање – рече тој.

Протестирачите вчера бараа и ослободување на лицата кои биле уапсени во Србија. Претходно, новосадската полиција го приведе Дејан Бобочек, член на ултрадесничарската група „Народна патрола“ од Бачка Паланка , кај кого била пронајдена пушка со оптички нишан и муниција, потврдија за медиумите од МВР.

Вучиќ рече дека секогаш е подготвен за избори. Тој потврди дека ќе присуствува на безбедностната конференција во Минхен „за да не го оставиме Курти да кажува што сака и да ја обвинува Србија за сè“.

The post НЕ МИ ТРЕБА ОД ВАГНЕР ДА МЕ ТАПКААТ ПО РАМО Вучиќ одговори на насилните протести и закани во Белград appeared first on plusinfo.mk.