– Лекарската комора го смета за неприфатлив секој облик на насилство врз лекарите и другите здравствени работници, без оглед дали се работи за физичко или вербално насилство и без оглед од кого или од каде доаѓа. Сите треба да инсистираме на нула толеранција кон секаков вид на агресивно или насилно однесување и без исклучок треба да го пријавуваме. Неопходно е лекарите да се чувствуваат безбедно на своето работно место за да можат непречено да ги лекуваат пациентите. Лекарите и пациентите се дел од иста целина и само со меѓусебно почитување и градење на доверба може да дојдат до заедничката цел, излекување – истакнува проф. д-р Калина Гривчева Старделова, претседател на Лекарска комора.

На иницијатива и залагање на Лекарската комора во 2023 година се направени измени на Кривичниот законик со што насилството врз здравствените работници е насилство спрема службени лица и претставува кривично дело. Со тоа делата како употреба на сила, сериозни закани, навреда, малтретирање, задавање телесни повреди или закана со употреба на оружје кон лекар при вршење на професионалните работни задачи се кривични дела за кои е предвидена казна затвор.

Комората апелира лекарите насилните инциденти да ги пријават во полиција, а потоа информација да достават и во Комора. Комората ги прибира овие податоци со цел да може да го следи постапувањето на надлежните институции, но и да се предлагаат мерки и политики за надминување на проблемот.

Во 2017 година во соработка со другите медицински комори како и Министерството за здравство беше потпишан Декларација – Стоп за насилството врз здравствените работници. Едно од начелата во Декларацијата беше да се изработат стратегии и планови на национално ниво и на ниво на здравствени установи за спречување на насилството врз здравствени работници. Друга предвидена активност со Декларацијата беше да се обезбеди систем од Владата и здравствените установи преку кој ќе се документираат сите инциденти на насилство во здравството. Комората ги охрабрува надлежните институции да ја забрзаат реализацијата на активностите кои ги предвидува оваа Декларација, бидејќи единствено безбедна средина во која се даваат здравствените услуги гарантира сигурна, стручна и квалитетна здравствена заштита за пациентите.

Во анкета спроведена од Лекарската комора пред две години – 78% од докторите пријавија дека биле изложени на некаков вид насилство на работното место. Од нив, 80% биле изложени на вербално насилство, додека 6.8% доживеале физичко насилство. Речиси 70% од нападите воопшто не се пријавени.

The post „СТОП ЗА НАСИЛСТВОТО ВРЗ ЗДРАВСТВЕНИТЕ РАБОТНИЦИ“ Лекарската комора бара системски решенија за нападите appeared first on plusinfo.mk.

-Конечно минатиот месец Северна Македонија ја одржа првата Меѓувладина конференција, го одржавме и првиот скрининг состанок, веќе имаме распоред финализиран во однос на одржувањето на билатералниот скрининг кој започнува на 15-ти септември. Многу скоро во текот на наредните денови Северна Македонија ќе ја официјализира и претстави преговарачката структура во однос на се она што се потребно да се направи во тој билатерален скрининг. Веќе се екипираат структурите во Секторот за европски интеграции во Секретаријатот за европски прашања, рече Ковачевски, соопшти владината прес-служба.

Според него, Северна Македонија има јасен патоказ на кој начин ќе се одвива пристапувањето на Северна Македонија во Европската Унија. Надминати се, како што посочил Ковачевски, одделни прашања и дилеми и во преговарачката рамка стои чист македонски јазик, загарантиран е идентитетот на македонскиот народ и целиот преговарачки процес, а историските прашања се дел од работата на Историската комисија и не се дел од преговарачкиот процес.

– Она што ние го имаме како обврска на тој пат, што впрочем го имаа и голем број на други земји е уставно прилагодување со тоа што Северна Македонија има уште една дополнителна активност, која треба да ја направи, а тоа е вклучување на делови од други народи кои живеат во нашата држава и тука веќе таква заинтересираност имаат изразено хрватскиот, црногорскиот, бугарскиот народ меѓутоа и други како што е еврејскиот, кој веќе искажа желба да бидат дел од Уставот – изјави Ковачевски.

Истакнувајќи дека тој самиот смета дека ова е добро, бидејќи постојат држави во ЕУ коишто имаат и по 25 делови од народи во својот Устав, а ние веќе имаме други народи во Уставот како што се српскиот народ, влашкиот, албанскиот, ромскиот и така натаму.

The post ДРЖАВИ ОД ЕУ ИМААТ И ПО 25 НАРОДИ ВО УСТАВОТ Ковачевски вели имаме јасен патоказ за начинот на пристапување appeared first on plusinfo.mk.

Требало седум недели да пешачи низ пустината за да стаса до таму. Кога исцрпен се приближил до градот, бил фасциниран од неговата убавина. Но, на влезот кај главната порта, увидел бројни гробови на чии спомен-плочи пишувало страшни нешта. На едниот пишувало – „Мегхалаја Јамму – ги убил своите деца“, на другиот – „Махараш Хандихра – ги убил своите родители“! На секоја спомен-плоча пишувало за убиени блиски роднини!

Кхалиб избезумен почнал да се тресе и како полуден трчал од гроб до гроб! Солзите му течеле како чешма. Уште повеќе прснал во плач, кога видел огромен гроб со најскапа спомен-плоча и безброј орнаменти каде што пишувало – „Јхаркханд Накобхар – убил илјадници невини луѓе“. „Па со кој морал му изградиле таков скап споменик на овој крвник!?“ – извикал Кхалиб низ солзи!

Вратарот му објаснил дека овие покојни луѓе се прогласени за убијци на своите блиски, оти го помогнале алчниот Накобхар да дојде на власт, по што луѓето масовно изгиналe од глад. А кога луѓето му се спротивставиле, тој Накобхар употребил едно чудно оружје за масовно уништување наречено – Брахмаширас, и бил уништен целиот град. По три века, дури сега почнал животот тука да се враќа!

Такви алчни водачи и нас не водеа низ декади, оти самите ги заслуживме! Оти тука нормалноста тешко проаѓа, ама клептоманијата со помош на лажниот патриотизам лесно станува до клептократија.

А нормалноста одамна е избегана оттука и продолжува некаде далеку (многу повеќе од што статистиката покажува)! И тие кои сè уште се тука, живеат со комични или трагични драми. Етничка драма, економска драма, финансиска драма, криминална драма. Овде е сè драматизирано!

Станавме убијци на чесноста, вистината, правдата, достоинството и прогресот. А со тоа и на иднината како целина. Тука се драматизирашe нормалната идеја на Тупурковски за договор за заедничка држава! После многу години и трауми дојдовме до тоа! Се драматизирашe Уставот, Охридскиот договор, Преспанскиот договор, пописите и што не! Како алтернатива се нудеа бројни квази-проекти кои се продаваа како мед и млеко, а испаднаа само лук и вода!

Зошто барем еднаш не се запрашаме – зошто само нам ни се случува, пред секоја важна одлука, да се запали јавноста со цел да ја изминира истата!? Дури и да се работи за странски агентури кои посакуваат распад на државата, па со помош на нивните инсталации се лансираат бројни „одбранбено-патриотски“ работи, за да ја постигнат целта. А нивната цел е да ја блокираат и уназадуваат државата, за полесно да се распадне. И за чудо, многу луѓе паѓаат во таква замка! И неслучајно сме тука каде што сме. По распадот на СФРЈ бевме веднаш по Словенија. Хрватска беше во војна. Бугарите едвај преживуваа продавајќи кај нас сè и сешто „за една червена“! Романија беше во хаос. Да бевме барем малку паметни, ние ќе станевме членка на ЕУ во 2004 година, три години пред Бугарија, па тогаш ние ќе ја условуваме!

Втората шанса беше пропуштена во 2006 година, кога пак во име на некој лажен патриотизам, беше изгласан Груевски, па видовме до каде стасавме! А пред тоа имавме цврсто ветување од Западот и Грците дека ќе можеме да станеме членка на ЕУ во 2010 година, ама со времената референца FYROM. И тоа пропадна. Дури стасавме до „Заплакала Македонија за Путин“, „НАТО – терористичка организација“!!! А зошто барем еднаш не се запрашаме зошто сите наши добри бродови ни потонуваат во плитки води!? Зошто сите наши добри шанси перфектно ги прокоцкуваме, настојувајќи едниот ѓавол да го избркаме со помош на друг ѓавол!?

Зошто барем еднаш низ овие три декади не престанавме да се однесуваме како лути феферончиња!? A зошто некому е важно дали Бугарија има или нема расчистено со „нацифашизмот“!? Тоа е исто како да се лутите до бесвест за тоа што комшијата не ја изорал својата нива! Тоа е нивен проблем и на ЕУ како целина, особено тогаш кога формираат такви здруженија низ светот, кои нема да ги посетуваат ниту двајца без тројца!? Тие самите нека се справат со тоа. Кој е тој паметен што на противникот сака да му изнајде убаво име!? Дури некој добро информиран македонски анти-бугарин, ќе требаше да се радува на таквите бугарски будалаштини. Бугарскиот премиер во моментот е под голем притисок да се изнајде решение за Македонија, па е принуден да ја игра и таа нивна блесава бугарска егоцентрична игра, со цел да ја заврши работата со Македонија, која се гледа од Месечината дека со душа сака да ја заврши.

Нели овој народ сè уште не е уморен од евтини збиднувања и евтини политичари кои настојуваат во политиката да опстанат со евтини нешта. Па мисли ли некој дека на оваа држава и треба економија, развој, наука, образование, здравство, инфрастуктура? Мисли ли некој, дека луѓето имаат природно право на пристоен живот и тогаш кога наивно се нафаќаат во замката на квазипатриотите кои штом дојдат на власт веднаш се конвертираат во финансиски патриоти!?

Видовме што прашина се дигна по пописот, кој последното што треба да го има е етничкото. Добрите демографи велат дека во државата нема резидентно население повеќе од 1.5 милиони жители. Друго прашање е тоа што низ целата територија на државата се запишани како резидентни граѓани и една бројка која реално работи надвор од државата, за да се прикрие срамот што со декади не следи.

Тие кои се власт, барем после толку декади изгубени, конечно нека се нафатат за сериозна работа. Нешто почна да се мрда во борбата против корупцијата и криминалот, ама има и други сегменти. А тие што се опозиција, нека понудат развојни проекти и идеи, а не секој ден да свират на истраени „инструменти“ за масовно уништување!

Нашата тажна судбина не ни е по некоја случајност, туку тоа е по наш избор. А утре кога тука ќе се населат Африканци и Индијци, можеби и нам ќе ни се пишува по гробови – „Н.Н. ги истерал своите деца од државата“!

The post Бугарите ич не се виновни! appeared first on plusinfo.mk.

1. „Мустанзи“ од Роберт Глен, во Тексас (САД)…

2. „Експанзија“ од Пејџ Бредли, во Њујорк, САД… Ја отсликува хармонијата и убавината на внатрешното просветление.

3. „Пробиј се низ својата закоравеност“ од Зенос Фрудакис, Пенсилванија (САД).

4. „Црниот дух“, Клајпеда, Литванија…

5. „Статуата на патникот“ од Бруно Каталоно во Франција… Ја прикажува празнината на печалбарот кој е далеку од својот дом.

6. Споменикот „Нелсон Мандела“ во Јужна Африка…

7. Сатиричната статуа „Де Варткапоен“, Брисел, Белгија…

8. „Скулптурите на нилските коњи“ во Тајпеј, Тајван…

9. Необичниот споменик посветен на поетот Михај Еминеску во Онести, Романија…

10. Сцена од Првата светска војна со статуи во реална големина, Еџеабат, Турција…

11. „Келпис“, Гранџмаут, Обединето Кралство…

12. Игуана Парк, Амстердам, Холандија…

13. Споменикот „Непознатиот минувач“, во Вроцлав, Полска…

14. Споменикот „Чевлите на брегот на Дунав“, во чест на Евреите жртви на наци-фашизмот… Се наоѓа во Будимпешта, Унгарија.

15. „Малата сирена“ која станува жена – бронзена статуа на брегот на Копенхаген, Данска, дело на Едвард Ериксен.

The post НЕ МОЖЕТЕ ДА БИДЕТЕ РАМНОДУШНИ КОГА МИНУВАТЕ КРАЈ НИВ Ова се некои од најуникатните споменици во светот (ФОТО) appeared first on plusinfo.mk.

Светот брои 195 земји, а дури 11 од нив го смениле своето официјално име. Освен спорови со соседите земјите често го менувале името кога станувале независни од некоја колонија, па го отфрлале колонијалното име или од некоја федерација, како што Слободната Држава Ирска станала само Ирска. Понекогаш се работи само за ребрендирање, па така Република Чешка реши да биде позната под краткото име Чешка.

Менувањето на името, освен што било тешко да се изведе во политиката, било и скапо и некои од овие држави ги чинело милиони долари, пишува ИндиаТајмс. Еве кои се 10-те земји со ново име, освен Македонија.

Персија во Иран

Персија било официјалното име на Иран во западниот свет сè до 1935 година. Тогаш, иранската влада побарала од земјите со кои имала дипломатски односи, Персија да ја нарекуваат „Иран“, што инаку е името на земјата на персиски јазик. Се вели дека предлогот за промената дошол од иранскиот амбасадор во Германија, кој бил под влијание на нацистите.

Република Чешка во краткото име Чешка

Среде распадот на СССР, Чехословачка во 1993 година беше поделена на две републики, Словачка и Чешка. Република Чешка реши да се ребрендира и за свое кратко име да биде позната само како Чешка, на англиски „чехија“. Ова им олеснува на компаниите и на спортските тимови името да го ставаат на нивните производи. Сепак, Чешка не се откажува од долгото име. Таа ќе има две имиња, исто како што Франција е кратко за Француската Република.

Холандија (Holland) во Netherlands, (во превод, ниска земја)

Од јануари 2020 година, регионите на Јужна Холандија и на Северна Холандија се обединиле во Холандија под името Netherlands, во превод ниска земја. Многумина сметаат дека ова беше маркетиншки потег на земјата, а беше сменето името и на фудбалскиот тим.

Слободна Држава Ирска во Ирска

Во 1937 година, Слободната Држава Ирска се преименуваше во Ирска за и дефакто да ги отстрани сите асоцијации со Обединетото Кралство под кое претходно припаѓала. Поради тоа што го сменила името, земјата две години имала жестока војна со Велика Британија.

Countries that have changed their names https://t.co/5yTImvCq0W pic.twitter.com/5hc7U6ptjT

— OnlMaps (@onlmaps) January 17, 2019

Сиjам во Тајланд

Тајланд е една од ретките земји од Југоисточна Азија која никогаш не била колонизирана од Британците или Французите. Со векови, регионот бил управуван од крал и бил познат како Сијам. Во 1939 година, кралот кој управувал со земјата го сменил името откако таа станала уставна монархија.

На нивниот локален јазик името се изговара „Prathet Thai“, што значи „земја на слободни луѓе“.

Демократска Кампучија во Камбоџа

Камбоџа неколку пати го менуваше своето име. Помеѓу 1953 и 1970 година, земјата се преименуваше во Кралство Камбоџа, а потоа Република Кмер до 1975 година. Под транзицискиот орган на ОН од 1989 до 1993 година, таа стана држава Камбоџа. По обновувањето на монархијата во 1993 година, таа беше преименувана во Кралство Камбоџа.

Бурма во Мјанмар

Првично наречена Бурма, владејачката воена хунта го промени своето име во Мјанмар во 1989 година, една година откако илјадници беа убиени во задушувањето на народниот бунт. Промената беше признаена од Обединетите нации и од земји како Франција и Јапонија, но не и од Соединетите Држави и Велика Британија.

Цејлон во Шри Ланка

Во 1505 година, Португалците го откриле античкиот Цејлон наречен Цеилао. Потоа, во почетокот на 19 век, Британската империја му го сменила името во Цејлон. По независноста, островската влада конечно го сменила името во Шри Ланка. Во 2011 година, сите референци на Цејлон биле отстранети од администрацијата и од компаниите кои го користеле старото име Цејлон.

Свазиленд во Есватини

Во април 2018 година, кралството Свазиленд во Африка се преименуваше во Есватини. Тоа не ги изненади неговите жители бидејќи тие веќе го користеле тоа име. Есватини е всушност превод на името Свазиленд на нивниот локален јазик. Со други зборови, „земја на Свазите“. Промената била направена бидејќи старото име некои го мешале со „свицерланд“, односно името на Швајцарија.

Родезија во Зимбабве

Родезија била колонијалното име на денешно Зимбабве. Помеѓу 1953 и 1963 година, Јужна Родезија била споена со Северна Родезија и Нјасаланд во Федерацијата на Родезија и Нјасаланд. Земјата била меѓународно признаена дури по нејзината независност во април 1980 година како Република Зимбабве, а потоа била преименувана само во Зимбабве.

The post ОСВЕН МАКЕДОНИЈА, УШТЕ 10 ДРЖАВИ СИ ГО СМЕНИЛЕ ИМЕТО Сами сакале, никој не ги натерал appeared first on plusinfo.mk.

– Русија смета дека канцеларијата на Високиот претставник треба да се затвори – посочи Лавров.

Поради таквиот став на Русија двата други членови на Претседателството на БиХ, Шефик Џаферовиќ и Жељко Комшиќ ја бјкотираа средбата со Лавров.

Лавров на средбата со Турковиќ истакна дека е неопходно усогласување на проектите и договорите што се однесуваат на инвестициите и странските вложувања, културната соработка и друго.

– Се договоривме да ја подобриме нашата трговска размена, што е забавена поради коронавирусот. Мислиме дека е неопходно и потребно посилно да работиме во рамките на Комисијата за трговија и економска соработка. Многу ни е мило дека во БиХ функционираат нашите проекти, како „Газпром“, „Сбербанк“ – посочи Лавров.

The post Лавров: Народите во БиХ сами треба да одлучат appeared first on plusinfo.mk.

Познатиот сајт за запознавање BeautifulPeople.com објави листа на народите кои се најубави на светот, судејќи според бројните читатели кои гласале и тоа за спротивниот пол. Така впрочем постојат две одвоени листи – за мажи и за жени.

На листата ги нема Македонците.

Дамите од Норвешка се на врвот на женската листа, додека Германките според овие бројки се најгрди.

Иако за оваа популарна платформа велат дека е многу контроверзна бидејќи членови можат да бидат само убави луѓе, таа има повеќе од 5 милиони корисници ширум светот.

Најатрактивни мажи на светот

На прво место се Швеѓаните, по нив веднаш се Бразилците, па Данците, Италијаните, Португалците, Аргентинците, Норвежаните, Шпанците, Американците и десети се Канаѓаните.

На последно 21-во место се Ирците.

Најатрактивни жени на светот

Најубави жени според оваа листа, се Норвежанките. На второ место се Швеѓанките, па Исланѓанките, Бразилките, па Аргентинките. Ирките и Французинките го делат шестото место, а веднаш зад нив се Американките, па Канаѓанките, Италијанките и десети се Русинките.

На 21-то место како најгрозни се Германките.

The post Топ листа на најубави народи на светот, нас нѐ нема! appeared first on plusinfo.mk.