Во најновиот американски воен напад врз брод во Карибите за кој постоело сомнение дека превезува дрога за првпат има и преживеани, потврди висок американски функционер.

Засега не е познат бројот на луѓе што биле на бродот, ниту колку преживеани се пронајдени, објави Си-Би-Ес Њуз.

Во досегашните 6 напади врз бродови во водите на Карипско Море загинаа најмалку 27 луѓе.

Функционерот, кој зборуваше под услов да остане анонимен, рече дека не е јасно дали последната операција била дизајнирана да остави преживеани и не кажа дали преживеаните се спасени или дали моментално се во американски притвор.

Пентагон не одговори на прашања за детали од нападот.

САД ги нарекуваат нападнатите субјекти „наркотерористи“, наведувајќи ја потребата од порешителна борба против шверцерските мрежи кои делуваат од Венецуела.

Во претходните американски напади сомнителните бродови беа целосно уништени и немаше извештаи за преживеани.

Видеата објавени од администрацијата на американскиот претседател Доналд Трамп покажаа уништени цели, а операциите беа претставени како дел од „војната против наркотероризмот“.

Службениците на администрацијата на Трамп тврдат дека традиционалните методи за борба против трговијата со дрога, како што се апсења и запленување на товар, не успеале и дека е неопходна воена сила.

Во меѓувреме, военото присуство на САД во Карибите се интензивираше – во регионот се распоредени разурнувачи со наведувани ракети, борбени авиони Ф-35, нуклеарна подморница и околу 6.500 војници.

Трамп вчера откри дека ја овластил Централната разузнавачка агенција (ЦИА) да спроведува тајни операции во Венецуела, дополнително поттикнувајќи ги шпекулациите за можни планови за соборување на претседателот Николас Мадуро, истакнуваат британските медиуми.

Амбасадорот на Венецуела во ОН, Самуел Монкада, испрати писмо до Советот за безбедност на ОН во кое тврди дека нападите на САД во близина на брегот на Венецуела се нелегални и бара официјална осуда на САД и потврда за суверенитетот на неговата земја.

The post ИМА ПРЕЖИВЕАНИ ВО НАЈНОВИОТ АМЕРИКАНСКИ НАПАД ВРЗ БРОД ОД ВЕНЕЦУЕЛА Во 6 воени напади досега загинаа 27 луѓе appeared first on plusinfo.mk.

Американскиот претседател Доналд Трамп денеска соопшти дека САД погодиле брод кој, според него, превезувал дрога во меѓународни води кај брегот на Венецуела.

„Врз основа на моите постојани овластувања како врховен командант, утрово министерот за војна нареди смртоносен кинетички напад на брод поврзан со означена терористичка организација (ДТО) која се занимава со трговија со наркотики во зоната на одговорност на Јужната команда на САД – веднаш до брегот на Венецуела“, напиша Трамп на својата социјална мрежа „Truth Social“.

Според шефот на САД, разузнавачките служби потврдиле дека бродот тргувал со наркотици, дека е поврзан со илегални нарко-терористички мрежи и дека пловел по позната рута на ДТО.

#VNZWatch: Today, the US carried out another drug-boat strike off the coast of Venezuela, killing six.

As Pres. Rafael Caldera’s chief economic adviser (1995-96), I keep my eye on Venezuela.

Stay tuned.pic.twitter.com/wJHpdxdNVB

— Steve Hanke (@steve_hanke) October 14, 2025

The post 📽️ САД НАПАДНАА БРОД КАЈ БРЕГОТ НА ВЕНЕЦУЕЛА Според Трамп, се работи за пловило на терористичка организација appeared first on plusinfo.mk.

Американскиот претседател Доналд Трамп денеска потврди дека американските сили претходната ноќ погодиле уште еден брод за кој се тврди дека транспортирал дрога покрај брегот на Венецуела.

Трамп, за време на говорот во американската поморска база Норфолк во Вирџинија, веднаш до носачот на авиони „Хари С. Труман“, рече дека САД ќе почнат да ја истражуваат трговијата со дрога што се одвива и на копно.

– Во последните недели морнарицата ја поддржа нашата мисија за расчистување на терористите на картелот од водата… Извршивме уште еден (напад) синоќа. Сега едноставно не можеме да најдеме ниту еден брод. Тие веќе не доаѓаат по море, па сега ќе мора да почнеме да бараме по копно, бидејќи ќе бидат принудени да одат по копно – рече Трамп.

Тој процени дека зголемувањето на присуството на американската војска во Карибите ја запрело трговијата со дрога од Јужна Америка во САД.

Американскиот претседател минатата недела му рече на Конгресот дека утврдил дека САД се во „немеѓународен вооружен конфликт“ со наркокартелите.

The post „ЌЕ ГИ ГОНИМЕ НАРКОКАРТЕЛИТЕ ПО КОПНО, ВЕЌЕ НЕ НОСАТ ДРОГА СО БРОДОВИ“ Трамп потврди дека морнарицата уништила уште еден брод со наркотици од Венецуела appeared first on plusinfo.mk.

Американската војска повторно нападна брод што транспортира дрога од Венецуела, при што загинаа три лица на бродот, соопшти синоќа американскиот претседател Доналд Трамп.

„Нападот се случил додека овие потврдени наркотерористи од Венецуела биле во меѓународни води транспортирајќи нелегални дроги (смртоносно оружје што ги труе Американците!) кон САД“, напиша Трамп на својот Твитер профил, додавајќи: „Овие екстремно насилни картели за трговија со дрога се закана за националната безбедност на САД, надворешната политика и за виталните интереси на САД“.

Ако носите дрога што убива Американци, ќе ве ловиме, додаде Трамп.

„Овие активности со декади убиваа милиони Американци. Нема повеќе“, напиша Трамп.

Трамп вели дека нападот е извршен вчера. Сличен беше извршен пред две недели, при што загинаа 11 лица.

САД го оправдаа претходниот напад како неопходна ескалација, со цел да се запре протокот на дрога во САД.

Сепак, неколку американски сенатори, и демократи и некои републиканци, изразија незадоволство од образложението на администрацијата и ја доведоа во прашање легалноста на акцијата. Тие го гледаат тоа како пречекорување на извршната власт, делумно поради употребата на војската за цели на спроведување на законот.

The post „АКО НОСИТЕ ДРОГА ШТО УБИВА АМЕРИКАНЦИ, ЌЕ ВЕ ЛОВИМЕ“ Американската војска повторно нападна брод од Венецуела appeared first on plusinfo.mk.

Снимка од моторен чамец кој брзо се движи по немирните води близу Венецуела објави американскиот претседател Доналд Трамп велејќи дека во големата операција на американската војска се убиени 11 наркотерористи.

– Пловилото било во меѓународните води и превезувало илегални наркотици наменети за САД. Американските сили уништија брод со многу дрога во близина на Венецуела. Како резултат на нападот убиени се 11 наркотерористи – кажа Трамп.

Donald Trump reventó un barco que llevaba 11 narcoterroristas venezolanos.

Le llegó el fin al dictador Maduro. pic.twitter.com/brHJadNO9Y

— Rocky Mileista (@BalboaMilei) September 2, 2025

Тој додаде дека американската војска нападнала членови на венецуелската банда Трен де Арагва и дека моторниот чамец превезувал дрога во Јужни Кариби.

Од друга страна, венецуелскиот министер за комуникации Фреди Нуњес кажа дека видеото е направено со вештачка интелигенција.

Аналитичарите велат дека испраќањето бродови во водите на Венецуела е форма на притисок на САД врз лидерот на Венецуела, претседателот Николас Мадуро.

Од јануари владата на Трамп прогласи неколку организации во Венецуела за терористички, меѓу кои и Картелот на сонцето.

The post 📽️ ВО АКЦИЈАТА БЛИЗУ ВЕНЕЦУЕЛА БИЛЕ УБИЕНИ 11 ЛИЦА Трамп вели дека се работи за наркотерористи опасни за САД appeared first on plusinfo.mk.