– Јас сум последниот човек во Македонија за кој можеш да помислиш дека се дружи со нарко босови. Но, знам некои од нејзиното најблиско опкружување кои се криминалци уште од раните 1990-ти и ако сега има ветинг, не би го поминале. Значи луѓе кои несразмерно се обогатиле, од кршење на санкциите на во тоа време од бивша Југославија, од раните 1990-ти, кога со фри шоповите на северна граница во еден ден се правеше промет од еден милион германски марки. Мојот имот е на показ, имам анкетен лист, нека проверат колку пари наводно ми префрлиле тие нарко босови. Но, повторувам во тој дел, споредба меѓу мене и неа, меѓу нејзините пајташи, другари што ја поддржуваат сега е невозможна. Значи станува збор за кандидатка која е предложена од политичката партија ВМРО-ДПМНЕ. Да ве потсетам, еден од првите случаи што Специјалното јавно обвинителство, СЈО, го отвори, беше не само за поединци од таа партија, туку и за партијата како таква во целост и поради тоа тие до ден денес имаат блокирана жиро сметка. Значи криминална организација ја кандидира госпоѓата, а таа мене ме обвинува дека сум бил другар со нарко-босови. Нека ѝ служи на чест – посочи Пендаровски.

Пендаровски истакна дека потребен е целосен ветинг на политичарите, но особено на судиите и обвинителите и тоа треба да се случи што е можно побрзо.

– Да не постои таков сомнеж или генерална перцепција кај народот дека за 10 ќебапчиња или за 50 денари од наплатна рампа се оди во затвор, а за украдени милијарди се живее лагодно на некој од даночните рајеви, за да го избегнеме тоа, јас сум за ветинг, за проверка на секој од нас – посочи Пендаровски.

КОИ СЕ СЕДНАТИТЕ НА СОФРА СО КРИМИНАЛЦИТЕ ОД ГРЧЕЦ, ШИША БАР, ХАНИОТИ? Силјановска Давкова вели дека сликите некогаш кажуваат повеќе од зборовите

The post „НЕКА Ѝ СЛУЖИ НА ЧЕСТ“ Пендаровски ѝ одговори на Силјановска Давкова за наводите дека седел на софра со наркобосови appeared first on plusinfo.mk.

Српска Нова пишува дека „браќата Срби“ на богатите Руси им обезбедуваат кокаин и тоа не само во најбогатите центри како Москва, Санкт Петербург и Екатериненбург, туку и во помалите гратчиња. Според извештајот тоа е така затоа што цената на кокаинот паднала бидејќи се зголемила понудата иако кокаинот генерално бил поскап во Русија отколку во западноевропските земји.

„Белиот прав“ направил да се збогатат наркобосовите. „Показател за ова е и престижот на Скоројевиќ“, се вели во статијата.

Има два пата до Русија, едниот е чисто српски

Извештајот сугерира дека кокаинот во Русија пристигнува од два правци. Првиот е Западна Европа, каде транспортот го организираат главно српско-црногорски групи, но и Албанци кои се однесуваат опортунистички – кога некој ќе им нареди, тие ја носат робата.

Центарот на дистрибуција им е Литванија, од каде кокаинот се разнесува низ Русија.

Но, вториот правец е оној „чисто српскиот“. Тоа е изменетата балканска рута. Во овој систем,  кокаинот доаѓа во грчките и турските пристаништа, но и во романските и бугарските. Оттаму „преку задната врата“ се транспортира во Западна Европа, но сè повеќе и во Русија.

Во меѓувреме количината на запленет кокаин во Романија и во Бугарија постојано се зголемува, а расте и бројот на корисници.

Дека криминалците од овие простори се присутни во овој дел на Европа покажува и обидот да се убие водачот на Кавачкиот клан, Радоје Звидер, во Киев во мај 2020 година, кога беше застрелан од членовите на ривалскиот Шкаљарски клан.

Тули од чист кокаин покрај Црното Море

На оваа „рута“ посочува и уште една интересна информација.

Имено, романските власти во март 2019 година останаа запрепастени кога на брегот на Црното Море почнаа да пронаоѓаат „тули“ од чист кокаин. Се испоставило дека тоа било дел од транспортот на огромно количество кокаин, а на дилерите сè им тргнало наопаку кога се превртел чамецот со кој се пренесувал кокаинот од бродот до брегот каде што чекале камионите.

Двајца камионџии кои го носеле кокаинот, Тоде Крстиќ и Немања Цветковиќ од Врањан, се осудени на 9 години и 4 месеци затвор поради вмешаност во шверц на дрога.

Исто така, како што се наведува во извештајот, во 2011 година во Санкт Петербург била разбиена организирана криминална група која се занимавала со шверц на кокаин. На нејзино чело бил Србин кој долго време живеел во Еквадор, а полицијата потоа запленила, според денешните стандарди, помала количина од „само“ 4,5 килограми кокаин.

Наркобосовите ќе ја навикнат и војната во Украина

На српскоцрногорскиот наркокартел толку добро му одела работата, што единственото нешто што го спречи „освојувањето“ на рускиот пазар беше војната во Украина која изби лани. И Украина и Русија беа отворени пазари за пласирање кокаин и заработка на огромни суми на пари, но сега транспортот на дрога е потежок, бидејќи и Црното Море стана воена зона, а и поради санкциите на земјите од Европската унија.

Транспортот на стока е помал, контролата е построга. Сепак, веројатно е дека балканските криминалци ќе се прилагодат на новите услови, исто како што се прилагодија на времето на короната, кога шверцот и потрошувачката на кокаин не само што не се намали, туку и се зголеми.

Перуанскиот кокаин сега завршува кај Старата Дама

Според извештајот, српските криминалци имаат директен контакт дури со производителите во Перу, односно со познатата организација „Група Америка“. Перуанските власти во 2016 година го уапсиле Зоран Јакшиќ, висок член на оваа група. Само уште Белгија и Италија од европските земји имаат ваков директен јаз со Перу.

Всушност, српските наркобосови се заслужни што перуанскиот кокаин сега наместо да оди во Колумбија и Мексико, во најголемиот дел завршува во старата дама, Европа.

The post „БЕЛОТО“ ВО РУСИЈА ГО НОСАТ СРПСКИТЕ НАРКОБОСОВИ Сега не е како порано, има и за сиромашните надвор од Москва! appeared first on plusinfo.mk.

– Според последните случувања со доделување на 200 пасоши на наркобосови и мафијаши од цела Европа и светот, само се докажува дека Република Македонија е урнисана од сите страни и безбедносната ситуација во земјата е ничкосана, односно ништо повеќе не може да ја изненади македонската јавност во однос на безбедноста. Дознавме дека неколку од овие матни луѓе кои ги добиле македонските пасоши, се возеле со службени државни возила во придружба на високи државни функционери. Замислете, луѓе кои убивале луѓе и криумчареле дрога и оружје, одеднаш крадат идентитети на македонски граѓани и функционираат низ светот. Тоа е еднакво на предавство, бидејќи така можат да настрадаат недолжни македонски граѓани – истакна Ковачки.

Тој нагласи дека Спасовски е должен да излезе и јасно да каже како стојат работите, наместо повторно гледајќи во земја да бара можност како да избега од одговорност.

– Наместо да ги бараат грешките во сите други и во опозицијата, треба да погледнат во својот двор и да видат дали треба да водат држава или мафија. За жал, се потврдува она дека во секоја држава има мафија, само во Македонија мафијата има своја држава – истакна Ковачки.

The post Ковачки: Мафијаши кои добиле македонски пасош се возеле во службени возила заедно со функционери appeared first on plusinfo.mk.