Како што раскажуваат од „Лајка“, станува збор за куче кое долги години било чувано, а кога веќе остарело, сопствениците не сакале повеќе да се грижат за него и го напуштиле.

– Сакаме да споделиме една свирепа и страшна приказна за животот на едно куче, а воедно и реалноста за сопственичките кучиња како завршуваат кога своите сопственици не сакаат повеќе да се грижат за нив – велат од „Лајка“.

Оттаму велат дека по пријава од граѓани за куче кое веќе подолго време е на јавен простор, напуштено, без сопственик, истото било заловено од нивните екипи на 18.10.2023 година во Општина Аеродром.

– По стандардна проверка се воспостави дека кучето има микрочип, а неговиот сопственик веднаш беше контактиран. Наредниот ден на 19.10.2023 кучето беше преземено од неговиот сопственик, кој си плати за заловување на кучето, согласно правилникот за работа на ЈП Лајка – раскажуваат од претпријатието.

Но, по една недела, добиле пријава од граѓани дека во напуштена фабрика во населбата Автокоманда има напуштено и заробено куче, по што нивните екипи веднаш заминале таму.

– Кога екипата пристигна на посочената локација го најде истиот германски овчар, напуштен и врзан во напуштената фабрика. Кучето беше изгладнето, изнемоштено и болно, свесно оставено без пристап до вода и храна, видно вознемирено, но среќно кога виде дека доаѓаат луѓе да му помогнат. Кучето веднаш доби вода и храна, а и самото влезе во нашето комбе. Овојпат кучето останува со нас до негово вдомување, случајот ќе биде пријавен до Агенција за храна и ветеринарство, а и ќе биде покрената кривична постапка согласно член 233 од кривичен законик за мачење на животни до сопственикот на ова куче. Кучето не е во најдобра здравствена состојба, се надеваме дека за брзо време ќе биде добро и ќе биде објавено за вдомување – порачаа од Лајка.

The post ОСТАРЕЛО ПА ГО ВРЗАЛЕ ДА УМРЕ БЕЗ ХРАНА И ВОДА! Тажната приказна за едно куче кое било напуштено од сопственикот appeared first on plusinfo.mk.

„ Стручните служби и Меѓуопштинскиот центар за социјална работа во Охрид постапуваат во врска со случајот на 11-годишното дете со церебрална парализа. За детето е обезбедена соодветна грижа и сместување во мал групен дом“, стои во соопштението.

Полицијата денеска соопшти дека вчера кај нив е пријавено дека Охриѓанка го напуштила своето 11-годишно неподвижно дете и го оставило само во куќата каде што живееле, без храна и без надзор.

The post Експресна реакција на социјалните служби: Згрижено напуштеното дете со церебрална парализа од Охрид appeared first on plusinfo.mk.