Полициски службеници од СВР Велес вчера го лишиле од слобода М.П.(31) од Велес по пријава од 55-годишна велешанка.

Како што информира денеска МВР, жената пријавила дека М.П. на работното место во здравствена установа во Велес ја заклучил во една од просториите. Според пријавата, М.П. кршел предмети, физички ја нападнал и се заканил со остар предмет и со средство за чистење ја испрскал во очите.

М.П. бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

The post ЈА ЗАКЛУЧИЛ ВО КАНЦЕЛАРИЈА И Ѝ ГИ ИСПРСКАЛ ОЧИТЕ СО ДЕТЕРГЕНТ Велешанка едвај извлекла жива глава appeared first on plusinfo.mk.

Три непознати лица сред бел ден нападнале и ограбиле сопственичка на менувачница во Бања Лука. Според неофицијалните информации што ги пренесуваат локалните медиуми, во филмскиот грабеж во Бања Лука, крадците украле околу еден милион евра.

Грабежот се случил  околу 16:00 часот, крадците направиле заседа пред домот на сопшственичката на менувачницата. Кога жената излегла од возилото со парите, тие се нафрлиле врз неа, ја оттурнале и ѝги одзеле трите торби во која ги носела парите, пренесува Српскаинфо.

– Очевидци велат дека се работи за тројца разбојници, кои користеле автомобил со црн „седан“ со регистрација од Полска. По грабежот побегнале со тоа возило – вели изворот на АТВ.

Полицијата интензивно трага по разбојниците кои го извршиле грабежот од околу 2 милиони марки (1 милион евра), а во потрагата е вклучен и полициски хеликоптер на Република Српска.

Во потрагата по возилото со кое разбојниците побегнале се користат и дронови, а се прегледуваат и снимки од надзорните камери и од населбата Лауш во Бања Лука каде што се случил грабежот пренесува Српскаинфо.

Жителите на улицата каде што се случил грабежот велат дека на улицата со часови било паркирано црн „сеат“ со странски регистарски таблички. Дури подоцна им стана јасно зошто.

Првите информации од терен укажуваат дека разбојниците биле маскирани, а дека по нападот на местото на грабежот бил фрлен солзавец.

The post ФИЛМСКИ ГРАБЕЖ ВО БАЊА ЛУКА Сред бел ден украле милион евра од сопственичка на менувачница appeared first on plusinfo.mk.

Два случаи на семејно насилство се пријавени во Скопје во текот на вчерашниот ден. Во семејниот дом на подрачјето на општина „Ѓорче Петров“, 77-годишна жена била нападната од својот сопруг. Во Чаир 38-годишна жена пријавила дека била физички нападната и малтретирана од сопругот и од неговото семејство.

„Во СВР Скопје, вчера во 18 часот,  77 – годишна жена пријавила дека околу 13.50 часот во домот на подрачјето на Ѓорче Петров, физички ја нападнал нејзиниот сопруг П.Х. од Скопје.

Вчера во 01.00 часот во СВР Скопје, 38 – годишна жена пријавила дека на 05.11.2023 околу 19.30 часот во домот на подрачјето на Чаир била физички нападната од нејзините сопруг А.И.(46), свекрва С.И.(71) и золва А.И.(43), сите од Скопје“ – стои во известувањето од МВР.

Полицијата презема мерки за расчистување на случаите.

The post ПЕНЗИОНЕР ЈА ПРЕТЕПАЛ 77-ГОДИШНАТА СОПРУГА Во еден ден две пријави за семејно насилство во Скопје appeared first on plusinfo.mk.

47-годишна скопјанка била физички нападната од едно лице додека се возела во автобус на ЈСП. Жената го пријавила случајот во полиција и покрената е истрага.

„На 20.10.2023 во 16.30 часот во СВР Скопје М.П.(47) од Скопје пријавила дека околу 15.50 часот на подрачјето на Карпош, во автобус на ЈСП, била физички нападната од едно лице. Се преземаат мерки за расчистување на случајот“ – стои во известувањето од МВР

The post СКОПЈАНКА НАПАДНАТА ВО АВТОБУС НА ЈСП Физичкиот напад се случил на подрачјето на општина Карпош appeared first on plusinfo.mk.

Српските медиуми објавија дека насилникот прво ја влечел жената за коса, а потоа ја удрил и ја притиснал со главата на ѕидот од зградата на болницата во Сремска Митровица пред која се случил инцидентот, а потоа брутално ја гризнал и ѝ откинал парче од образот.

Поголема трагедија спречиле двајца случајни минувачи кои и притекнале на помош на жената и успеале да го избркаат насилникот, а видеото од оваа случка се појави на социјалните мрежи.

pic.twitter.com/YsBdLpLR3i

— Kalabaster (@KalabasterJak) August 22, 2023

Човекот кој го избрка насилникот и објави видео од инцидентот на социјална мрежа вели дека не знае што ќе се случело со жената доколку не и притрчале на помош.

– Со сета сила ѝ ја залепи главата за ѕид и потоа ја гризна за образот. Жената рече дека се разведени и дека тој има забрана за приближување, но полицијата не реагира на тоа. Жената отишла во болница и излегла со медицински документи, но полицијата сепак не дошла. Некои минувачи гледаа се, без да реагираат, како да се во театар – напишал човекот кој ја спречил трагедијата и го објавил видеото за да го разоткрие насилникот.

The post 📽 УАПСЕН НАСИЛНИКОТ ОД СРЕМСКА МИТРОВИЦА На поранешната сопруга и го одгризал образот, луѓето гледале и не реагирале appeared first on plusinfo.mk.