Американскиот претседател Доналд Трамп порача денеска дека иранската страна премногу одолговлекувала во преговорите со Соединетите Американски Држави и дека, наместо да постигне договор кој би бил добар за неа, сега ќе „мора да плати“.

Преку објава на својата социјална мрежа „Трут соушл“ (Truth Social), Трамп упати сериозни тврдења за состојбата на иранските сили, посочувајќи дека нивната војска е во состојба на потполн неред.

„Иранската војска е во потполн неред. Поголемиот дел од нивните сили, како што се морнарицата и воздухопловството, веќе и не постојат – тие се целосно поразени. Иран само зборува, а ништо не презема. Силеџијата на Блискиот Исток е мртов! Премногу одолговлекуваа и наместо да постигнат договор што е добар за нив, сега ќе мора да платат“, напиша Трамп.

Ваквиот остар тон доаѓа само еден ден по изјавата на американскиот претседател дека Иран и САД би требало да постигнат договор во наредните неколку дена, при што тогаш оцени дека преговорите се одвиваат „многу добро“.

Трамп вчера, исто така, изрази очекување дека Ормуската Теснина би можела повторно да биде отворена за пловидба во рок од наредните два до три дена. Тој нагласи дека сегашната американска воена блокада на Ормуската Теснина врши огромен притисок врз властите во Техеран со цел тие конечно да го потпишат мировниот договор.

Иранскиот претседател Масуд Пезешкијан изјави дека Иран и САД мора да излезат од сегашната состојба на „ниту војна ниту мир“, објави полуофицијалната новинска агенција Мехр.

Пезешкијан рече дека сегашната ситуација на долгорочна тензија без формална војна или мир не е одржлива и дека е потребно да се најде политичко решение.

Според него, таквата ситуација мора да се реши, што укажува на потребата од преговори како единствен излез од сегашната фаза.

„Ако сакаме да излеземе од состојбата ниту војна ниту мир, што треба да правиме? Ако не разговараме, која е алтернативата?“, рече Пезешкијан. Тој додаде дека врз основа на ова, врховниот лидер го одобрил продолжувањето на разговорите и во последната фаза наредил: „Одете и решете го проблемот“.

Од прекинот на огнот на 8 април, Иран постојано ги обвинува Израел и САД за воено кршење на договорените услови. Вашингтон, според овие тврдења, извршил напади врз ирански цели дури и во периодот кога се воделе индиректни преговори, додека Израел продолжил со интензивни напади во Либан и покрај ограничувањата на договорот.

The post ИРАНЦИТЕ ПРЕМНОГУ ОДОЛГОВЛЕКУВААТ, СЕГА МОРА ДА ПЛАТАТ! Трамп со нови закани, преговорите заглавени appeared first on plusinfo.mk.

Иран ги прекинува нападите врз Израел, соопшти денеска иранската војска на националното радио, пренесе ДПА.

„Исламската Република му даде болен одговор на Израел за нападите врз Либан. Во овој контекст, со ова се објавува суспендирање на операциите на вооружените сили“, се додава во соопштението на иранското воено раководство, пренесено од ДПА.

Одлуката следи откако во текот на ноќта и утрово Израел и Иран изведоа повеќекратни напади што претставуваше најсериозна ескалација откако во април стапи на сила прекинот на огнот во војната меѓу САД и Израел против Иран.

Иран синоќа лансираше ракети кон Израел, како одговор на израелските напади врз либанскиот главен град Бејрут, поттикнувајќи го Израел рано утринава да нападне цели низ Иран, додека истовремено продолжија и иранските напади врз Израел, потсетува германската агенција.

Трамп денеска ги повика двете страни „веднаш да престанат со пукањето“, откако наводно го замолил израелскиот премиер Бенјамин Нетанјаху да не возвраќа по иранските напади.

Само неколку часа подоцна, иранското воено раководство објави изненадувачки крај на операциите.

The post ИРАН ГИ ПРЕКИНА НАПАДИТЕ ВРЗ ИЗРАЕЛ Оцени дека му дал доволно „болен одговор“ за нападите врз Либан appeared first on plusinfo.mk.

Израел и Иран повторно разменија директни воени напади, што претставува најсериозна ескалација на конфликтот помеѓу двете земји по воспоставувањето на априлското примирје.

Израелската војска објави дека нејзините воздухопловни сили нападнале неколку цели во петрохемиски комплекс во Иран, лоциран во градот Махшахр, во југозападниот дел на земјата.

Претходно, Израелските одбранбени сили (ИДФ) соопштија дека вршат напади врз воени цели во централен и западен Иран, по што беа пријавени експлозии во неколку ирански градови.

Израелскиот амбасадор во САД, Јехиел Лајтер, појасни дека биле погодени локации за лансирање ракети земја-земја и воена инфраструктура која не е поврзана со енергетскиот сектор, како одговор на претходно испуканите балистички ракети од Иран.

„Ниту една земја во светот што се почитува себеси не би толерирала таков напад, а ниту Израел“, напиша Лајтер на X.

Од друга страна, Иран возврати со напади, а новинар од агенцијата Франс Прес извести дека слушнал експлозија над Ерусалим.

Техеран најавува „одговор на сите фронтови“

Иранската Исламска револуционерна гарда (ИРГЦ) соопшти дека започнала нова воена операција против Израел наречена „Наср“, насочена кон стратешките воздухопловни бази „Тел Ноф“ и „Неватим“.

Операцијата „Наср“, посветена на мачениците од 12-дневната војна“, претставува директен одговор на ракетниот напад на, како што наведува ИРГЦ, „ционистичкиот режим“ врз повеќе радарски локации во Иран.

„Сите борбени и оперативни единици на ИРГЦ се во целосна подготвеност за спроведување обемна операција за одвраќање на сите фронтови и имаат подготвени планови за различни непријателски сценарија“, се додава во соопштението.

Израелската армија потврди дека Иран лансирал втор бран ракети кон израелска територија, додека сирените за воздушна опасност се огласиле во повеќе делови од земјата.

Нападите уследија кратко време по израелските воздушни удари врз Иран, при што беа пријавени силни експлозии во Техеран, Табриз и Исфахан.

Трамп го убедувал Нетанјаху да ги одложи нападите

Според американски претставници, претседателот Доналд Трамп вчера телефонски разговарал со израелскиот премиер Бенјамин Нетанјаху и побарал од него да го одложи евентуалниот одговор кон Иран.

Трамп предупредил на ризикот од понатамошна ескалација и изразил уверување дека договорот со Иран е блиску, но израелската страна сепак одлучила да возврати по првичниот ирански напад.

Случувањата предизвикаа реакции и во американската политика. Демократскиот сенатор Крис Марфи упати остри критики кон американскиот претседател.

– Оваа војна веќе беше понижувачка за Трамп и за американската моќ, воопшто. Ако Трамп најави дека ќе му каже на Нетанјаху да не возвраќа, а неколку часа подоцна Израел сепак возврати, тогаш понижувањето станува уште поголемо – изјави Марфи.

The post НЕЗАПИРЛИВА ЕСКАЛАЦИЈА МЕЃУ ИЗРАЕЛ И ИРАН Балистички ракети гаѓаат радари, воени бази, нафтени постројки… appeared first on plusinfo.mk.

Во мај 2026 година, украинските одбранбени сили ја вратија контролата врз околу 250 квадратни километри, додека руските сили зедоа приближно 130, оставајќи го остатокот од 120 квадратни километри во корист на Украина.

Според украинскиот медиум „Милитарњи“, кој се повикува на свои извори во Одбранбените сили на Украина, руските трупи окупирале околу 130 квадратни километри територија во текот на мај. Еден месец претходно, таа површина била помеѓу 150 и 160 квадратни километри, што укажува на забавување на рускиот напредок.

Во исто време, украинските сили ја вратија контролата над околу 250 квадратни километри и ги одбија упадите на руските единици, додека во април беа ослободени околу 80 квадратни километри. Меѓу јавно објавените успеси беа акциите на специјалните сили на Главната дирекција за разузнавање на Украина во Степногорската област во Запорошката област, акциите на 23. јуришен полк РУГ во секторот Вовчанска, ослободувањето на селото Одрадна во Харковскиот регион од страна на 129-та тешка механизирана бригада, како и успешната офанзива во секторот Олександривка.

Аналитичарите на „ДипСтејт“ забележаа дека ова е првиот месец во последните години, од „Контраофанзива 2023“, во кој нето добивката на окупирана територија за Русија стана негативна. Тие додадоа: „Иако треба да се разбере дека од безбедносни причини, доцна известуваме за напредокот на украинските одбранбени сили, па без детали, подготвени сме да изјавиме дека ова е првиот месец во последните години од Контраофанзивата 2023, кога нето добивката на окупирана територија за Русите стана негативна“.

И покрај ова, интензитетот на борбите на фронтот беше највисок од почетокот на руско-украинската војна. Генералштабот на вооружените сили на Украина објави дека во мај се регистрирани вкупно 7.008 борбени конфликти, што е за 37 проценти повеќе отколку во април, кога имало 5.085. Најтешкиот ден беше 26 мај со 317 борбени контакти за 24 часа.

Врховниот командант на вооружените сили на Украина, Олександр Сирски, во интервју за „Милитарњи“ изјави дека во мај веќе е забележан ден кога бројот на офанзивни акции на украинските сили за прв пат го надмина бројот на руски напади.

Според него, ова е резултат на систематски напори за неутрализирање на непријателската жива сила и намалување на нејзините офанзивни способности.

Во текот на мај, Русија одржуваше многу високо ниво на воздушни напади. Според Генералштабот, руските сили употребиле 7.500 воздушни бомби со модули за наведување и корекција, што е втор највисок месечен број од почетокот на целосната инвазија; повеќе се регистрирани само во март, кога имало 7.987.

The post УКРАИНЦИТЕ ТВРДАТ ДЕКА ВО МАРТ ВРАТИЛЕ 250 КВАДРАТНИ КИЛОМЕТРИ ТЕРИТОРИЈА Русите, пак, зазеле други 130 квадратни километри appeared first on plusinfo.mk.

Санкт Петербург утрово бил цел на масовен напад со беспилотни летала, соопшти гувернерот на градот Александар Беглов. Во исто време во три одделни руски напади врз јужната украинска област Херсон загинаа пет луѓе.

„Утрово, на 6 јуни, Санкт Петербург беше изложен на напад од големи размери со беспилотни воени летала. Системите за противвоздушна одбрана се активни“, напиша Беглов на платформата Макс, пренесува РИА Новости.

Тој ги повика жителите да останат во своите домови и да избегнуваат излегување, предупредувајќи дека се можни прекини во интернетот и мобилната телефонија. Аеродромот Пулково е затворен за слетувања и полетувања на авиони, јавува РИА.

Гувернерот на Ленинградската област Александар Дрозденко соопшти дека се уништени 86 дронови. Во меѓувреме, руското Министерство за одбрана соопшти дека во текот на изминатата ноќ над руските региони, Црното и Азовското Море и Абхазија биле соборени вкупно 376 беспилотни летала.

Градоначалникот на Москва, Сергеј Собјанин, изјави дека осум беспилотни летала биле соборени додека се движеле кон главниот град.

Во средата, на отворањето на форумот во Санкт Петербург, украински дронови погодија нафтена рафинерија и воен објект.

Во текот на изминатата ноќ во три одделни руски напади врз јужната украинска област Херсон загинаа пет луѓе.

Гувернерот на Херсон, Олекдсандар Прокудин на Телеграм објави дека во еден од нападите загинале три лица над 70 години, чии тела биле откриени во нивните домови.

Херсонската област е една од четирите региони анектирани од Русија по инвазијата врз Украина во 2022 година. На почетокот на војната Русија зазеде голем дел од областа, но украинската армија успеа да ги врати под своја контрола териториите, како и градот Херсон.

The post РУСИЈА И УКРАИНА СЕ ПРАВАТ „САЛАТА“, ДАЛИ СЛЕДУВА ЦЕЛОСНА ЕСКАЛАЦИЈА? „Граѓани, не излегувајте од дома“, порача гувернерот на Санкт Петербург appeared first on plusinfo.mk.

Руските системи за противвоздушна одбрана синоќа соборија 123 украински дронови над десетина руските региони, како и на Азовското и Црното Море, соопшти Министерството за одбрана на Русија.

„Во текот на изминатата ноќ, од 20:00 часот по московско време на 4 јуни до 7:00 часот наутро по московско време на 5 јуни, системите за тревога за воздушна одбрана пресретнаа и уништија 123 украински беспилотни летала над териториите на Белгородскиот, Брјанскиот, Воронежскиот, Калушкиот, Курскиот, Нижни Новгородскиот, Орјолскиот и Тулскиот регион, Московскиот регион, Република Крим и над водите на Азовското и Црното Море“, се вели во соопштението.

Градоначалникот на Москва, Сергеј Собјанин информираше дека системот за противвоздушна одбрана соборил дрон кој летал кон рускиот главен град. Претходно беше објавено дека се уништени уште два украински дрона насочени кон руската престолнина.

The post РУСИТЕ НОЌЕСКА СОБОРИЛЕ 123 УКРАИНСКИ ДРОНОВИ Под бараж десетина руски региони appeared first on plusinfo.mk.

Иран оштетил 20 американски воени бази од почетокот на војната, покажуваат сателитски снимки и видеа анализирани од Би-би-си, што укажува дека нападите се пообемни отколку што се смета во јавноста.

Иран напаѓаше клучни објекти во осум земји на Блискиот Исток од крајот на февруари, предизвикувајќи штета од милиони долари на најсовремените системи за воздушна одбрана, авиони за полнење гориво и радари.

Моџтаба Хамнеи, врховниот водач на Иран, минатата недела кажа дека Блискиот Исток повеќе не е безбедно место за американските бази.

Иако Белата куќа постојано тврди дека иранската војска е речиси целосно уништена, аналитичарите велат дека штетата што е забележана во американските објекти сугерира дека одмаздничките удари на Техеран биле попрецизни и пообемни одошто се признава.

Сателитски снимки покажуваат штети на објекти што се наоѓаат во Саудиска Арабија, Обединетите Арапски Емирати, Катар, Кувајт, Ирак, Јордан, Бахреин и Оман. Некои аналитичари проценуваат дека бројот на погодени бази достигнува до 28.

Меѓу оштетената вредна опрема се три најсовремени антибалистички ракетни системи во воздухопловни бази во ОАЕ и Јордан. Познато е дека САД располагаат само со осум системи „ТХААД“, кои се распоредени во бази низ целиот свет и чинат по околу една милијарда долари. Секој систем има потреба од екипаж од околу 100 војници, додека пресретнувачите што ги испукува чинат околу 12,7 милиони долари по проектил.

Иранските напади силно ги погодија и американските авиони за полнење гориво и надзор во воздухопловната база „Принц Султан“ во Саудиска Арабија, покажува експертската анализа на сателитските снимки. Еден авион беше идентификуван како „Е-3 сентри“, кој чини околу 700 милиони долари.

Тешко е да се процени обемот на штетата предизвикана на американските објекти, но според проценката на Пентагон во мај, операцијата „Епски бес“ дотогаш чинела 29 милијарди долари. Извештајот, исто така, откри дека се уништени или оштетени најмалку 42 авиони, вклучувајќи борбени авиони „Ф-15“ и „Ф-35“, 24 беспилотни летала и еден јуришен авион „А-10“.

Извор: Anadoly Agency

The post ОШТЕТЕНИ СЕ НАЈМАЛКУ 20 БАЗИ НА САД ВО ЗЕМЈИТЕ ОД ЗАЛИВОТ Иранските напади далеку поефикасни отколку што се мислеше appeared first on plusinfo.mk.

Американската војска соопшти дека извела напади врз југот на Иран, таргетирајќи локации за лансирање ракети и бродови кои, според Вашингтон, се обидувале да постават мини, и покрај актуелното примирје меѓу двете земји.

Централната команда на американската војска, Цент-ком, соопшти дека нападите биле изведени во „самоодбрана“ и имале цел да ги заштитат американските трупи од заканите што ги претставувале иранските сили.

„Американската војска продолжува да ги брани своите сили со воздржаност за време на тековното примирје“, изјавил портпарол на Цент-ком.

Додека официјален одговор од Техеран сѐ уште нема, иранските државни медиуми веќе жестоко реагираа на американските воздушни удари.

Државната телевизија ИРИБ ги осуди нападите, оценувајќи дека е контрадикторно САД да ги нарекуваат „самоодбрана“, додека, според нивните тврдења, во нападите биле убиени десетици илјади Иранци.

За ваквите бројки не беа понудени докази, а тие не се независно потврдени и значително ги надминуваат досегашните проценки.

Иранската новинска агенција ИРНА објави опширен коментар во кој се нагласува дека Иран излегол „силен и отпорен“ од конфликтот.

„Зацврстувањето на оваа победа и конечниот успех ќе се одвиваат не само на теренот, туку и во преговарачките соби и во управувањето со домашната економија“, се наведува во текстот.

ИРНА додава дека, според нивна анализа, „војната сѐ уште не е завршена“ и дека претстои „битка со зборови од која застанува здивот“ за време на преговорите.

We just found out that it is possible to kill 80,000 people, including more than 10,000 children, displaced 2 million people and call it self-defense! https://t.co/0zhgBuvuAR

— IRIB (Islamic Republic of Iran Broadcasting) (@iribnews_irib) May 26, 2026

The post И ПОКРАЈ ПРИМИРЈЕТО САД ИЗВРШИЈА НОВИ НАПАДИ НА ЈУГОТ НА ИРАН Централната команда соопшти дека делувала во самоодбрана appeared first on plusinfo.mk.

Украина изведе еден од најмасовните и најсмелите напади врз руска територија од почетокот на војната, таргетирајќи нафтени постројки, воени цели и клучна инфраструктура во Московската област и на окупираниот Крим. Според украински извори, нападот бил координиран од Службата за безбедност на Украина (СБУ) во соработка со украинските одбранбени сили, а биле употребени голем број беспилотни летала.

Рафинерија во Москва меѓу главните цели

Украинските медиуми, повикувајќи се на СБУ, објавија дека биле погодени: московската нафтена рафинерија, пумпните станици „Солнечногорскаја“ и „Володарскаја“ и фабриката „Ангстрем“, која произведува полупроводници за рускиот воено-индустриски комплекс.

Дроновите го погодиле и истражувачко-производствениот комплекс „Елма“ во градот Зеленоград, околу 30 километри северозападно од центарот на Москва, по што избувнале пожари.

Според непотврдени информации, ова би можело да биде првпат украински сили успешно да погодат нафтена рафинерија во самиот главен град на Русија. На социјалните мрежи се појавија драматични снимки од пожари и интервенции на пожарникари во Москва.

Нападната и воената база Белбек на Крим

Паралелно со нападите во Русија, украинските сили извршиле удари и врз воената воздухопловна база Белбек на окупираниот Крим.

Според СБУ, погодени биле системот за противвоздушна одбрана „Панцир-С2“, радарската опрема за системот С-400, системите за управување со дронови „Орион“ и „Форпост“ и контролна кула и хангар на аеродромот.

Русија тврди дека соборила 556 дронови

Од руската страна пристигнаа тврдења дека станува збор за масовен напад со дронови, при што руското Министерство за одбрана соопшти дека биле соборени 556 беспилотни летала. Руските власти потврдија најмалку три жртви и повеќе повредени лица во различни региони на земјата.

Гувернерот на Московската област, Андреј Воробјов, соопшти дека една жена загинала во градот Химки и двајца мажи загинале во селото Погорелки. Најмалку 12 лица биле повредени, повеќето од нив во близина на влезот на московската рафинерија за нафта. Во нападите биле оштетени и станбени згради и објекти од критична инфраструктура.

Зеленски: Русија мора да сфати дека мора да ја прекине војната

„Украинските возвратни удари, што стигнаа до Московскиот регион – на 500 километри од границата, јасно покажуваат дека Русија мора да ја заврши војната што ја започна“, изјави денеска претседателот на Украина Володимир Зеленски.

„Нашиот одговор на долготрајната војна и на руските нападите врз нашите градови и заедници, е целосно оправдан. Овој пат, украинските возвратни мерки стигнаа до Московскиот регион и ние испраќаме јасна порака до Русите: нивната земја мора да ја заврши својата војна“, нагласи украинскиот претседател на Фејсбук.

„Концентрацијата на руската против-воздушна одбрана во Московскиот регион е највисока, но ние ја пробивме“ – нагласи Зеленски.

Енергетската инфраструктура станува главна мета

Последните напади покажуваат дека Украина сè повеќе се насочува кон руската енергетска и логистичка инфраструктура, со цел да го ослаби снабдувањето на руската воена машинерија. Нафтените постројки, складиштата за гориво и транспортните јазли во последните месеци стануваат редовна цел на украинските дронови.

Воедно, ваквите операции носат и силен психолошки ефект, бидејќи ја демонстрираат способноста на Украина да погодува цели длабоко во руската територија, вклучително и во близина на Москва.

Аналитичарите предупредуваат дека ваквите напади дополнително го зголемуваат ризикот од ескалација на конфликтот меѓу Русија и Украина.

A very large fire in the Eastern part of Moscow.

Locals report hearing an explosion before the fire. pic.twitter.com/VWEV6sdypX

— Anton Gerashchenko (@Gerashchenko_en) May 17, 2026

pic.twitter.com/zPGLyWAuOf

— MilitaryNewsUA (@front_ukrainian) May 17, 2026

The post 🎥 УКРАИНА ИЗВЕДЕ ДОСЕГА НАЈЖЕСТОКИ НАПАДИ ВРЗ МОСКВА И ВРЗ КРИМ Горат рафинерија, воена фабрика, воздухопловна база… appeared first on plusinfo.mk.

Руските сили продолжуваат со едни од најжестоките напади врз Украина од почетокот на војната. Бројот на загинати во последниот напад врз престолнината Киев се искачи на 24, а ноќеска беа извршени жестоки напади врз пристанишниот град Одеса, во кој исто така има човечки жртви. Во меѓувреме, украинските сили вршат одмазнички напади длабоко во руска територија, при што се таргетирани воени и индустриски цели, јавија украинските медиуми.

Во кусо соопштение на службите објавено на Фејсбук утрово, се наведува дека смртоносниот биланс при нападот на областа Дарницки во Киев изнесува најмалку 24 загинати лица, меѓу кои има и три деца.

Според украинските медиуми, спасувачките екипи и понатаму трагаат по 17 исчезнати лица под урнатините на уништена станбена зграда, додека десетици повредени се наоѓаат на лекување.

Во нападите врз Киев, како што наведуваат службите за спасување, повредени се 47 лица, меѓу кои и две деца, а спасени се вкупно 30 луѓе од областите што се нашле на удар на руските дронови и проектили.

„Спасувачите продолжуваат со деноноќната потрага по луѓе во уништената заграда во населбата Дарницки“, објавија украинските власти на социјалните мрежи.

Русија ноќта во средата кон четврток изврши еден од најмасовните и најдолгите напади врз Украина од почетокот на војната во февруари 2020 година, користејќи повеќе од 800 дронови.

Според објавите во медиумите, градоначалникот на Киев, Виталиј Кличко, го прогласи петок, 15 мај, за ден на национална жалост во спомен на жртвите од големиот руски напад врз главниот град.

Украинскиот претседател Володимир Зеленски претходно изјави изјави дека во нападот биле употребени 1.567 беспилотни летала и 56 ракети од различни видови.

Како што објавија украинските служби за цивилна заштита, ноќеска руските сили извршиле нови напади врз Украина, а цел бил пристанишниот град Одеса. Според првичните извештаи и во овој напад има жртви.

– Четири куќи и една зграда се оштетени во станбениот сектор – дел од куќите се уништени, има скршени прозорци и оштетени структури, а оштетени се и три автомобили. Две лица се повредени. Критичната инфраструктура исто така беше на удар – имаше пожари кои спасувачите брзо ги елиминираа. Спасувачите на СНС, локалната противпожарна екипа и припадници на Здружението на доброволни пожарникари на Украина беа вклучени во отстранувањето на последиците – се наведува во објавата на социјалните мрежи.

Украинците се одмаздија со напади врз рафинерии

Во меѓувреме, Украина изврши голем напад со беспилотни летала врз воена и енергетска инфраструктура во повеќе руски региони, а на социјалните мрежи се појавија снимки од голем пожар во рафинерија за нафта во Рјазањ.

Фотографии и видеа објавени на интернет прикажуваат густ чад и голем пожар во рафинеријата во Рјазањ, која се смета за една од најголемите во Русија, со годишно производство од над 17,1 милиони тони нафта.

Жителите на градот изјавиле дека виделе повеќе дронови пред да се слушнат силни експлозии во близина на рафинеријата. Рјазањ се наоѓа на околу 450 километри од украинската граница и 180 километри југоисточно од Москва, што ја покажува зголемената способност на украинските дронови за удари длабоко во руска територија.

Apocalyptic scenes from Russia’s city of Ryazan at this hour, as Ukrainian strikes manhandle the remnants of the Russian oil industry. pic.twitter.com/LzuGAPJgBM

— Jay in Kyiv (@JayinKyiv) May 15, 2026

Истовремено, руски Телеграм-канали објавија дека по дејствување на противвоздушната одбрана бил забележан чад над воениот аеродром во местото Јејск во Краснодарскиот регион.

Градоначалникот на Москва, Сергеј Собјанин, соопштил дека биле соборени пет украински дронови кои се приближувале кон рускиот главен град. Поради нападите привремено бил прекинат сообраќајот на аеродромите Домодедово и Шереметјево.

Експлозии се пријавени и на окупираниот Полуостров Крим, поточно во градовите Евпаторија и Саки, објави Телеграм-каналот „Кримски ветер“.

Украинската војска засега официјално не се огласила за нападите.

The post 🎥 ЖЕСТОКИ НАПАДИ ВРЗ КИЕВ И ОДЕСА, 24 МРТВИ, МНОГУ ЗАТРУПАНИ Украина возвраќа, горат руска рафинерија и аеродром appeared first on plusinfo.mk.