Дваесет и седумгодишен охриѓанец е лишен од слобода кај Железничката станица во Скопје, откако бил пријавен дека физички ја нападнал поранешната 28-годишна партнерка, ѝ се заканувал, а потоа го нападнал и полицискиот службеник кој дошол да интервенира.

Инцидентот се случил вчера, а полициските службеници од СВР Скопје го привеле Е. С. околу 15:30 часот во близина на Железничката станица.

Според пријавата, 27-годишникот најпрво физички ја нападнал поранешната партнерка и ѝ упатувал закани. Подоцна, кога полициски службеник интервенирал по пријавениот случај, и тој бил физички нападнат.

Мажот бил лишен од слобода, а од Министерството за внатрешни работи информираат дека по целосното документирање на случајот ќе следува соодветен поднесок.

The post ЈА НАПАДНАЛ ПОРАНЕШНАТА ПАРТНЕРКА, ПА И ПОЛИЦАЕЦОТ Охриѓанец приведен кај Железничката станица во Скопје appeared first on plusinfo.mk.

Основното јавно обвинителство Куманово отвори истрага против 40-годишен кратовец осомничен дека со нож нападнал полицаец и му нанел тешки телесни повреди. За него е предложена и мерка притвор.

Нападот се случил на 11 септември, кога двајца полицајци преземале дејства за спречување кривично дело. Тие употребиле сила за да ја отворат заклучената врата од собата во која се наоѓал осомничениот, по што тој ги нападнал.

Еден од полицајците бил прободен со нож и се здобил со тешки телесни повреди – прободна рана и посекотина.

Обвинителството донело наредба за спроведување истражна постапка поради основано сомнение за кривичното дело напад врз службено лице при вршење работи на безбедноста, според член 383 став 3 во врска со став 1 од Кривичниот законик.

The post КРАТОВЕЦ ПРОБОЛ ПОЛИЦАЕЦ СО НОЖ, СЕ БАРА ПРИТВОР Драмата почнала кога полицајците отвориле заклучена врата appeared first on plusinfo.mk.

Шест жители на струмичкото село Просениково заработија кривични пријави поради насилен упад во куќа во селото Сарај, при што физички нападнале осум лица, меѓу кои и две малолетни деца. Двајца од нив се товарат и за противправно лишување од слобода, бидејќи се обиделе насилно да одведат една жена, додека еден од осомничените нападнал и полицајци.

Според СВР Струмица, кривични пријави се поднесени против Б.Д. (22), Т.Ј. (49), С.Д. (47), В.М. (36), Г.Т. (42) и М.Т. (21), сите од село Просениково. Тие се осомничени за кривичното дело „насилство“, а Т.Ј. и Г.Т. и за „противправно лишување од слобода“. Б.Д. се гони и за „напад врз службено лице при вршење работи на безбедноста“.

Настанот се случил на 24 јули околу 21:20 часот, кога осомничените насилно влегле во домот на К.Ѓ. во селото Сарај и физички ги нападнале К.Ѓ., З.Ѓ., Р.Ѓ., В.Ѓ., Б.М., Б.Ѓ. и две малолетни лица, нанесувајќи им телесни повреди. Во текот на нападот, Т.Ј. и Г.Т. се обиделе против нејзина волја да ја одведат Р.Ѓ.

При интервенцијата на полицијата, Б.Д. агресивно се однесувал кон полициските службеници и физички нападнал двајца од нив.

Сите шестмина биле лишени од слобода и задржани во Полициската станица Струмица, а за случајот бил известен јавен обвинител од Основното јавно обвинителство Струмица.

За време на инцидентот, сопственикот на куќата К.Ѓ. излегол на терасата и со ловечка пушка испукал два истрела во воздух. По целосното документирање на настанот, и против него ќе биде поднесена соодветна пријава.

The post ХАОС ВО СТРУМИЧКО • ШЕСТМИНА УПАДНАЛЕ ВО КУЌА И ПРЕТЕПАЛЕ ОСУМЧЛЕНО СЕМЕЈСТВО Се обиделе да грабнат жена, настрадале и полицајци appeared first on plusinfo.mk.

СВР Штип поднесе кривична пријава против 26-годишен скопјанец осомничен за напад врз службено лице.

Инцидентот се случил на 27 јуни на Градскиот стадион во Штип, каде што се одржувала музичка манифестација. Според полицијата, пријавениот физички нападнал полициски службеник кој во тој момент извршувал службени задачи.

The post ПОЛИЦАЕЦ НАПАДНАТ НА КОНЦЕРТ ВО ШТИП Скопјанец кривично ќе одговара appeared first on plusinfo.mk.

СВР Велес поднесе кривична пријава против П.Н. (32) од Велес поради основано сомнение дека сторил кривично дело „напад врз службено лице при вршење работи на безбедноста“.

Според информациите од Министерството за внатрешни работи, инцидентот се случил на 23 мај годинава, откако велешанецот претходно бил лишен од слобода поради недолично однесување.

Додека бил пренесуван во службено полициско возило, пријавениот физички нападнал полициски службеник, при што му нанел телесни повреди.

По целосно документирање на случајот, СВР Велес до надлежното обвинителство поднело кривична пријава против осомничениот, а за случајот ќе одлучуваат надлежните судски органи.

The post ПРИВЕДЕН, ПА НАПАДНАЛ ПОЛИЦАЕЦ ВО ВОЗИЛОТО Велешанец удрил службеник и му нанел повреди appeared first on plusinfo.mk.

Полициска интервенција во центар за баратели на азил во холандскиот град Зајст прераснала во хаотична сцена. Бремена жена била оттурната и паднала на земја. Во истиот момент нејзиниот сопруг се стрчал кон полицаецот и го нападнал.

Снимките од инцидентот брзо се прошириле на социјалните мрежи. Според локалните медиуми, мажот бил Палестинец кој претходно дознал дека членови на неговото семејство во Газа загинале во конфликтот. Емоциите кулминирале истата вечер.

Полицијата претходно била повикана во центарот по пријави за оштетување на имот и закани со нож. Жената само побарала да го придружува својот сопруг до притворниот центар. Тогаш дошло до турканицата.

Од полицијата соопштија дека видеата што кружат во јавноста не ја прикажуваат целата случка. Според нив, на снимките се гледа само дел од интервенцијата.

Истрагата за настанот е во тек.

The post 📽️ ИНЦИДЕНТ ВО ЦЕНТАР ЗА АЗИЛ ЈА РАЗБРАНУВА ХОЛАНДИЈА Полицаец турна бремена жена, следеше хаос appeared first on plusinfo.mk.

72-годишен жител на Валандово бил уапсен откако физички ја нападнал сопругата, а при интервенцијата агресивно се однесувал и кон полицијата. Во неговиот дом подоцна било пронајдено и нелегално оружје.

Инцидентот се случил вчера попладне, кога припадници на Министерство за внатрешни работи постапиле по пријава дека мажот околу 16 часот во семејниот дом ја нападнал својата 68-годишна сопруга и ѝ нанел телесни повреди.

При интервенцијата, осомничениот агресивно се однесувал и кон полициските службеници и нападнал еден од нив. Поради тоа, веднаш бил лишен од слобода и задржан во полициска станица.

Со негова согласност бил извршен претрес во неговиот дом, при што полицијата пронашла три пиштоли, една ловечка пушка, 45 куршуми и седум ловечки патрони, кои ги поседувал нелегално.

За случајот бил известен јавен обвинител од Основно јавно обвинителство Гевгелија, а по целосно документирање на настанот против осомничениот ќе биде поднесена соодветна пријава.

The post ЈА ПРЕТЕПАЛ СОПРУГАТА, ПА НАПАДНАЛ И ПОЛИЦАЕЦ Приведен пензионер од Валандово, одземени пиштоли и муниција appeared first on plusinfo.mk.

Драматична сцена на магистралниот пат Крива Паланка – Куманово завршила со тешко повреден полицаец и кривична пријава за 38-годишен возач од Василево.

Според информациите, сè започнало кога полициски службеници дале знак за запирање на возило „ауди а6“, но возачот не само што не застанал туку продолжил да бега.

По кратка потера, полицијата успеала да го запре возилото кај селото Страцин. Наместо да се предаде, возачот излегол од автомобилот и физички нападнал еден од полицајците.

Во нападот, службеното лице се здобило со тешка телесна повреда.

Од Министерството за внатрешни работи информираат дека против Р.П.(38) е поднесена кривична пријава за „спречување службено лице во вршење службено дејствие“ и „напад врз службено лице“.

The post БЕГАЛ СО „АУДИ“, ПА НАПАДНАЛ ПОЛИЦАЕЦ Кривична за возач кој тешко повреди службеник кај Страцин appeared first on plusinfo.mk.

На 12 декември 2025 година, полициски службеници од СВР Охрид дале знак за запирање на патничко возило на регионалниот пат Охрид-Струга. Возилото, управувано од Е.О.(27) од Охрид, не застанало и се обидело да удри полицајци, по што возачот избегал.

Подоцна истиот ден, во село Требеништа, општина Дебарца, пријавениот бил забележан од полициски службеници. При обидот за лишување од слобода, тој повторно физички ги нападнал службениците и се обидел да избега.

СВР Охрид веднаш поднесе кривична пријава против Е.О. за напад врз службено лице при вршење работи од безбедноста. Инцидентот повторно ја потврдува опасноста од одбивање на наредби од полицијата и ризиците при напади врз службени лица.

The post СЕ ОБИДЕЛ ДА ПРЕГАЗИ ПОЛИЦАЈЦИ, ПА ГИ НАПАДНАЛ ПРИ АПСЕЊЕ Драма на патот Охрид-Струга, приведен 27-годишник appeared first on plusinfo.mk.

Американски државјанин со потекло од Нигерија е осомничен за напад врз полицаец и нелегално поседување оружје, откако бил уапсен пред ноќен клуб во скопскиот Градски парк.

Инцидентот се случил на 21 декември во раните утрински часови, кога полицаец се обидел да го легитимира осомничениот. Наместо да постапи по наредбата, тој физички го нападнал службеното лице и со удари со тупаници му нанел телесни повреди.

По интервенцијата, осомничениот бил совладан, а при претрес кај него бил пронајден полуавтоматски пиштол „Глок“ калибар 9 милиметри, заедно со две рамки со по 30 куршуми.

По утврдување дека престојувал во хостел во Скопје, по наредба на јавен обвинител бил извршен претрес и во собата. Таму, според обвинителството, било пронајдено поголемо количество оружје и муниција, уште еден пиштол „Глок“, три рамки со по 15 куршуми, дополнителни 75 куршуми спакувани во ќеси, како и комплет за чистење оружје.

Покрај оружјето, во просторијата биле пронајдени и три ножа, фантомка, тактички ракавици, бандажери за раце, сајли за врзување, како и усб-уреди и хартиени документи, кои се одземени и ќе бидат предмет на вештачење.

Основното јавно обвинителство Скопје против осомничениот поведе истражна постапка за неовластено држење и тргување со оружје и експлозивни материи, како и за напад врз службено лице при вршење работи на безбедноста.

До судијата на претходна постапка е доставен предлог за определување мерка притвор, поради опасност од бегство, можност за влијание врз сведоци и постапката, прикривање на докази, како и ризик од повторување на кривично дело.

The post АМЕРИКАНЕЦ ФАТЕН ПРЕД ДИСКО СО „ГЛОК“ И ДЕСЕТИЦИ КУРШУМИ Истрага за оружје и напад врз полицаец appeared first on plusinfo.mk.