41-годишен жител на скопското село Кондово пријавил дека бил нападнат и повреден со кундак од пиштол пред својот дом, откако се обидел да ја заштити својата малолетна ќерка.

Според информациите од полицијата, инцидентот се случил во неделата вечер околу 21:30 часот. Н.Ш. пријавил дека 18-годишниот Б.И. физички го нападнал и му нанел повреда удирајќи го со кундак од пиштол.

Како што навел во пријавата, претходно во текот на денот неговата малолетна ќерка имала расправија со друга малолетничка.

Кога вечерта забележал дека Б.И. и уште едно лице ја држат неговата ќерка за врат пред куќата, се обидел да интервенира и да ги оттурне, по што бил нападнат.

Од МВР информираат дека се преземаат мерки за целосно расчистување на случајот.

The post САКАЛ ДА ЈА СПАСИ ЌЕРКАТА, ПА ДОБИЛ УДАР СО КУНДАК Малолетничка држена за врат, таткото претепан appeared first on plusinfo.mk.

Синоќа разбојник на територијата на Бит Пазар со пиштол извршил грабеж, а потоа се обидел да ограби уште два објекти, заканувајќи им се на вработени и сопственик.

Првиот инцидент се случил околу 21:21 часот, кога напаѓачот влегол во продавница и со закана со пиштол се обидел да го земе дневниот промет. Кога не успеал, физички го нападнал сопственикот, 61-годишниот З.В.

Само половина час подоцна, во 21:48 часот, најверојатно истиот разбојник повторно имал обид, овојпат во спортска обложувалница. Со вперен пиштол кон вработената, успеал да одземе пари од дневниот промет и да побегне.

Третиот обид следел во 22:25 часот во казино, исто така на Бит Пазар. Напаѓачот повторно се заканувал со оружје, но овојпат не успеал да дојде до пари и избегал.

Полицијата трага по сторителот и работи на расчистување на случаите.

The post СО ПИШТОЛ СЕЕЛ СТРАВ НА БИТ ПАЗАР Разбојник нападнал три објекти за еден час appeared first on plusinfo.mk.

Снимка од безбедносна камера, објавена од телевизијата „21“, ја прикажува целата сцена на вооружениот напад што се случи попладнево во Куманово. На видеото се гледа како напаѓачот, облечен во качулка, се доближува до автомобилот со кој се возел д-р Зеќирија Шахини – носител на листата на ДУИ за советот на Општина Липково – и неколкупати пука кон него.

Наспроти првичната информација од МВР дека нападот го извршиле двајца напаѓачи, снимката покажува дека пукачот бил сам.

Д-р Шахини, лекар-пулмолог на скопската Клиника за пулмологија, бил ранет во ногата. Министерството за здравство соопшти дека неговата состојба е стабилна и дека закрепнува.

Од опозициската ДУИ остро го осудија нападот и побараа од полицијата и обвинителството веднаш да го пронајдат и казнат сторителот.

НАЈВЕРОЈАТНО НЕМА ПОЛИТИЧКИ МОТИВИ ЗА СТРЕЛАЊЕТО ВРЗ КАНДИДАТОТ ЗА СОВЕТНИК Внимателно се истражува инцидентот во Куманово

ЧЕТИРИ КУРШУМИ ВО ТЕЛОТО НА КАНДИДАТОТ Повредениот од пукањето е пренесен во Скопје и е надвор од животна опасност

РАНЕТ КАНДИДАТ ЗА СОВЕТНИК ВО ЛИПКОВО Пукање пред општинската зграда во Куманово

The post 📽️ (ВОЗНЕМИРУВАЧКО) ШОКАНТНО ВИДЕО ОД НАПАДОТ ВРЗ Д-Р ШАХИНИ Надзорна камера го сними обидот за убиство appeared first on plusinfo.mk.