Јавен обвинител од Основното јавно обвинителство Скопје поведе постапка против три лица, осомничени дека заедно извршиле кривично дело – Напад на службено лице при вршење работи на безбедноста од член 383 став 2 во врска со став 1 од Кривичниот законик.

Тројцата соизвршители, заедно со уште едно дете против кое ќе се води соодветна постапка согласно Законот за правда за децата, на 5 август во вечерните часови, на улицата Босна и Херцеговина нападнале тројца полициски службеници.

„Полицајците постапувале по дојава дека на наведената локација има вооружени лица со автоматски пушки. Се обиделе да ги легитимираат осомничените, но тие одбиле и физички ги нападнале полицајците, удирајќи ги со боксови. Полициските службеници успеале да ги совладаат и ги привеле“, информира Обвинителството.

Јавниот обвинител, ценејќи ги сите околности, предложи на осомничените да им бидат определени мерки на претпазливост – забрана за напуштање на живеалиштето, односно престојувалиштето, обврска да се јавуваат повремено на определено службено лице или кај надлежен државен орган и привремено одземање на патна или друга исправа за преминување на државната граница, односно забрана за нејзино издавање.

The post ГИ УДИРАЛЕ СО БОКСОВИ Обвинителството бара куќен притвор за напаѓачите на полицајците во Чаир appeared first on plusinfo.mk.

Рано утрово во два одделни настани се нападнати полицајци кои биле на должност. Полицаец е нападнат при легитимирање на маж на Средно Водно, а на улица Ордан Поп Јорданов разгневен маж со тврд предмет го искршил стаклото на полициско возило во кое имало полицајци.

Според соопштеното од МВР  во првиот случај полицаец од единицата за интервентна полиција е вербално навредуван и нападнат 02.10 часот на паркингот на Средно Водно. Тој службено легитимирал машко лице. Мажот прво почнал да упатува вербални навреди и пцовки а во еден момент замавнал и со двете раце  го удрил полициски службеник во пределот на градниот кош. По настанот, поради болка во градниот кош полицискиот службеник е однесен во ГОБ „8-ми Септември“ за укажување за лекарска помош.

Вториот случај се одвивал на  улица Ордан Поп Јорданов во 1,15 часот. Полицајците прво на улица Благоја Стефковскиво се обеиделе да запрат „пежо“ со скопски регистарски таблички, но возачот не застанал и настанала бркотница до улицата Ордан Поп Јорданов каде што „пежото“ било запрено.

Притоа констатирано е дека со возилото управувал Ф.Ј. (32) од село Петровец и во него имало уште три машки лица, а констатирани се и неколку прекршоци за коишто биле пишани и платни налози.

По завршувањето на вообичаената службена проверка  полицајците се повлекле во своето возило, но нивната работа на завршила на тоа. Едно од трите лица од „пежото“ со тврд предмет го удрил и искршил задното стакло од службеното полициско возило, и потоа се дало во бегство.

Нема информации што се случило потоа.

The post ДВА СЛУЧАЈА НА НАПАД ВРЗ ПОЛИЦАЈЦИ УТРОВО ВО СКОПЈЕ Еден полицаец е повреден appeared first on plusinfo.mk.