Премиерот на австралиската држава Нов Јужен Велс изјави денеска дека парламентот ќе се состане на почетокот од следната недела за итно да дебатира за сеопфатни реформи на законите за оружје и протести како одговор на најсмртоносното масовно пукање во Австралија во последните три децении.

Крис Минс, премиерот на државата Нов Јужен Велс, во која се случи нападот, на прес-конференција изјави дека парламентот ќе се состане на 22 декември за да ги разгледа „итните“ реформи, вклучително и ограничувањето на бројот на огнено оружје по лице и отежнувањето на пристапот до одредени видови пушки.

Владата на Нов Јужен Велс ќе разгледа реформи за да го отежне одржувањето на големи улични протести по терористичките напади за да се спречат понатамошни тензии.

– Имаме монументална задача пред нас. Огромна е одговорноста да ја обединиме заедницата. Мислам дека ни треба лето на мир и заедништво, а не на поделби – рече Минс.

Татко и син се осомничени за пукањето во неделата врз Евреите кои го прославуваа почетокот на Ханука на познатата плажа Бонди во Сиднеј, во напад што ја потресе нацијата и ги зголеми стравувањата од растечки антисемитизам и насилен екстремизам. Двајцата мажи биле на Филипините пред нападот во кој загинаа 15 лица и се верува дека бил инспириран од Исламска држава, соопшти вчера полицијата.

Саџид Акрам (50) беше убиен од полицијата на местото на настанот, а неговиот 24-годишен син Навед денеска се разбуди од кома откако и тој беше застрелан од полицијата.

– Тој ќе биде формално обвинет, ако веќе не е, очекувам тоа да се случи во наредните часови – рече утринава австралискиот премиер Ентони Албанезе во подкаст.

Навед Акрам бил предмет на кратка истрага од страна на австралиската разузнавачка агенција во 2019 година за наводни врски со Исламска држава, но во тоа време немало докази дека тој претставувал закана, рече Албанезе.

Навед ќе биде испрашуван кога ќе помине дејството на лековите и кога ќе биде присутен адвокат, рече началникот на полицијата на Нов Јужен Велс, Мал Ланион. Полицијата, во меѓувреме, изјави дека ќе поднесе обвинение против Акрам кога неговата здравствена состојба ќе биде соодветна.

Стотина ожалостени денеска се собраа во синагогата во Бонди на погребот на 41-годишниот рабин Ели Шлангер, кој беше убиен пред три дена на плажата Бонди. Шлангер неодамна стана татко по петти пат. Роден е во Велика Британија, но живее во Сиднеј во последните 18 години. Полициски службеници и приватни еврејски обезбедувачи ја обезбедуваа синагогата.

Премиерот на Нов Јужен Велс, Крис Минс, лидерката на федералната опозиција, Сусан Леј, и локалната пратеничка Алегра Спендер беа на погребот. Премиерот Албанезе не беше на погребот, а претходно денеска рече дека ќе дојде на погребот доколку биде поканет.

Американскиот претседател, Доналд Трамп, на настанот по повод Ханука во Белата куќа вчера изјави дека мисли на жртвите од „страшниот и антисемитски терористички напад“.

– Се придружуваме на жалоста за сите убиени и се молиме за брзо закрепнување на ранетите – рече тој.

Албанезе се соочува со критики дека неговата централно-левичарска влада не направила доволно за да го спречи ширењето на антисемитизмот во Австралија за време на двегодишната војна меѓу Израел и Газа и дека не успеала да спречи масовни пукања.

– Ќе соработуваме со еврејската заедница, сакаме да го искорениме антисемитизмот од нашето општество – им рече Албанезе на новинарите.

Здравствените власти денеска изјавија дека 22 ранети лица сè уште се лекуваат во неколку болници во Сиднеј.

The post НОВ ЈУЖЕН ВЕЛС ЌЕ ГИ МЕНУВА ЗАКОНИТЕ ЗА ОРУЖЈЕ ПО МАСАКРОТ НА ПЛАЖАТА БОНДИ Ќе се отежнат и масовните протести appeared first on plusinfo.mk.

Татко и син стојат зад еден од најсмртоносните терористички напади во поновата историја на Австралија. Саџид Акрам (50) и неговиот син Навид Акрам (24) се идентификувани како напаѓачи кои во саботата попладне извршија масакр за време на еврејската прослава на Ханука на плажата Бонди во Сиднеј, при што загинаа најмалку 16 лица, меѓу нив и 10-годишно девојче, а повеќе од 40 лица беа повредени.

Drone footage of terrorist attack occurred at Sydney’s Bondi Beach during a Hanukkah celebration organized by the local Jewish community. pic.twitter.com/RNFS9zHmBk

— NextMinute News (@nextminutenews7) December 14, 2025

Нападот, кој траел речиси 11 минути, е снимен од повеќе агли – од сведоци, безбедносни камери, дронови и од медиумски екипи, а видеата ја покажуваат ладнокрвноста на напаѓачите, хаосот меѓу цивилите и контроверзното доцнење на полициската интервенција.

Планирање и профил на напаѓачите

Според австралиската полиција, нападот бил внимателно испланиран во објект за краткотрајно изнајмување, оддалечен околу половина час возење од плажата Бонди.

Саџид Акрам во Австралија пристигнал во 1998 година со студентска виза, подоцна добил постојан престој и легално поседувал огнено оружје, со дозвола за рекреативен лов и членство во стрелачки клуб.

Неговиот син Навид, роден во Австралија, им бил познат на безбедносните служби уште од 2019 година поради сомнежи за врски со терористичка ќелија на Исламска држава во Сиднеј. Иако тогаш било проценето дека не претставува „непосредна закана“, истрагата по нападот укажува дека двајцата напаѓачи се заколнале на верност на ИД.

Како започнал масакрот

На новообјавената снимка јасно се гледа моментот кога еден од напаѓачите зазема позиција на пешачкиот мост меѓу Кемпбел Параде и Арчер Парк. Вториот, облечен во бели панталони и со ранец на грб, отвора оган врз лица кои панично се обидуваат да побегнат.

Пукањето е речиси непрекинато. Напаѓачот на мостот периодично застанува за да го наполни оружјето и им се заканува на минувачите кои се приближуваат. Покрај него се гледа и резервна пушка со долга цевка. Во следните шест минути тој само еднаш накратко се симнува по скалите, а потоа повторно се враќа на погорна позиција и продолжува да пука кон толпата.

Sky News has obtained footage of the gunmen around Bondi Beach during the terror attack.

One of the gunmen has been named as 24-year-old Naveed Akram. pic.twitter.com/XDU83ZuAhx

— Sky News (@SkyNews) December 14, 2025

Вториот напаѓач и херојското разоружување

Во меѓувреме, вториот напаѓач се движи по мостот и се засолнува зад дрво, на триесетина метри од местото каде што семејства со мали деца ја слават Ханука. Продолжува да пука сè додека, според друго потврдено видео, не е нападнат и разоружан од храбар минувач – локален продавач на овошје, идентификуван како Ахмед ал Ахмед.

По кратката борба, напаѓачот успева да се врати на мостот и да земе резервно оружје, но веќе е јасно дека полицијата се приближува.

„Каде е полицијата?“ – минути на страв и хаос

Иако сирени се слушаат уште од првите секунди, а полициско возило поминува во близина само 22 секунди по почетокот на видеото, поминуваат повеќе од четири минути пред да бидат испукани првите полициски истрели кон напаѓачите.

Во видеото се слушаат очајнички повици од сведоци: „Каде е полицијата?“ и „Ги убиваат луѓето!“. По нешто повеќе од четири минути, започнува престрелка. За триесет секунди, напаѓачот во белите панталони е погоден и паѓа на земја. Една минута подоцна, и вториот напаѓач е неутрализиран, што предизвикува аплауз и извици на олеснување кај преживеаните.

Саџид Акрам е убиен на самото место, додека Навид Акрам е префрлен во болница во критична состојба.

Fusillade en Australie, à Bondi Beach, à Sydney.
Un australien, a failli prendre une balle par la police, et a failli être lynché par une foule en colère. pic.twitter.com/zBemTtTNZI

— L’oeil Medias (@LoeilMedias1) December 14, 2025

Сведоштво: „Тоа беше масакр“

Фотограф на британскиот „Дејли мејл“, кој се нашол лице в лице со напаѓачите, сведочи дека видел како црн автомобил застанува, од кој излегуваат двајца мажи, развеваат црно знаме со бел симбол и трчаат кон мостот.

– Едниот, помлад, зазеде позиција горе и почна да пука, другиот влетуваше меѓу луѓето. Се криев зад ѕид и фотографирав. Пукањето траеше како вечност. Луѓето лежеа зад автомобили, никој не стоеше исправено – раскажува фотографот.

По престанувањето на пукањето, видел тела на земја и ранети кои се обидувале да им помогнат на блиските.

– Една мајка лежеше неподвижна, а до неа мало дете плачеше. Тоа беше масакр – вели тој.

The post 📽️ ВОЗНЕМИРУВАЧКИ 11 МИНУТИ НА ПЛАЖАТА БОНДИ Татко и син биле напаѓачите во Сиднеј appeared first on plusinfo.mk.

Фудбалер на македонскиот клуб Рокдејл Илинден, 27-годишниот Ден Елкајам, е убиен во терористичкиот напад во Сиднеј на плажата Бонди во Сиднеј, објави клубот на социјалните мрежи.

„Со екстремен шок и така соопштуваме дека нашиот фудбалер Ден Елкајам е жртва на страшните, трагични и бесчуствителни настани кои се случија на Бонди плажата во недела на 14 декември 2025 година. Ден беше интегрален член на нашиот тим, кој беше екстремно талентиран и популарна личност меѓу соиграчите. Наша најголема тага и сочувство за фамилијата на Ден, пријателите и сите кои го познаваа. Ќе недостасува. Нека почива во мир“, обави клубот Рокдејл Илинден.

Нападот го извршија татко и син. Убија 15, а ранија 40 луѓе. На плажата Бонди за време на нападот се одржуваше настан по повод првиот ден од еврејската прослава на празникот Ханука. Нападот официјално е прогласен за терористички инцидент.

Елкајам е француски државјанин. Неговата смрт ја потврди францускиот министер за надворешни работи Жан-Ноел Баро.

„Со огромна тага дознавме дека нашиот сонародник Дан Елкајам е меѓу жртвите на терористичкиот напад што ги погоди еврејските семејства собрани на плажата Бонди во Сиднеј. Тагуваме со неговото семејство и најблиските, со еврејската заедница и австралискиот народ“, напиша министерот на социјалните мрежи.

Според неговиот профил на ЛинкедИн, Елкајам работел како ИТ аналитичар и се преселил во Австралија минатата година.

ќ

The post ФУДБАЛЕР НА МАКЕДОНСКИ КЛУБ Е УБИЕН ВО ТЕРОРИСТИЧКОТ НАПАД ВО СИДНЕЈ Минатата година се преселил во Австралија appeared first on plusinfo.mk.

Најмалку 12 лица се убиени, а 29 се повредени на плажата Бонди во Сиднеј, потврди полицијата на Нов Јужен Велс. Меѓу загинатите се девет жртви и еден напаѓач. Во инцидентот се повредени и двајца полицајци.

Според првичните информации, еден маж за кој се верува дека е напаѓач е убиен, додека друг наводен напаѓач е во критична состојба.

Премиерот на Австралија Ентони Албанезе го опиша инцидентот како „шокантен и вознемирувачки“.

Израелскиот претседател Исак Херцог го осуди нападот, наведувајќи дека оние што биле цел дошле да запалат свеќа за празникот Ханука.

Полицискиот комесар на Нов Јужен Велс, Мал Ланион, изјави дека најмалку 12 лица се убиени, а 29 се повредени. Ланион, исто така, рече дека го прогласил нападот за терористички инцидент во 21:36 часот по локално време.

– Овој напад беше наменет да ја таргетира еврејската заедница во Сиднеј. На првиот ден од Ханука, она што требаше да биде ноќ на мир и радост прославена во таа заедница со семејствата и поддржувачите беше уништено од овој ужасен, злобен напад – рече Минс.

Плажата Бонди е позната по тоа што е преполна со локални жители и туристи, особено во топлите вечери. Полицијата пронашла „голем број сомнителни предмети“ во областа на нападот, кои ги испитуваат експерти. Областа е затворена за јавноста.

Видеата споделени на интернет покажаа хаотични сцени со пукање и луѓе што бегаат. На една видео снимка се гледа како граѓанин се справува со еден од вооружените напаѓачи. На снимката се гледа како мажот го напаѓа вооруженото лице одзади, се бори со него и успева да му го одземе оружјето, по што го врти оружјето кон напаѓачот и го принудува да се повлече.

WATCH: Bystander disarms active shooter at Bondi Beach in Sydney pic.twitter.com/g7lrayGWYr

— BNO News (@BNONews) December 14, 2025

Police have detained/shot the shooter pic.twitter.com/jBsGZYUO1d

— SLAYER (@slayer00kk) December 14, 2025

UPDATE – New video shows cops performing CPR on alleged shooters.
Please everyone pray for the victims but not these savages. #bondi #shooting pic.twitter.com/TP6iujexdz

— ConservativeAussie (@ConservativeeAu) December 14, 2025

The post 🎥 НАЈМАЛКУ 12 ЛИЦА УБИЕНИ НА ПЛАЖА ВО СИДНЕЈ Убиен е и напаѓачот appeared first on plusinfo.mk.