Јапонката тенисерка Наоми Осака објави денеска дека се повлекува од Австралија опен пред дуелот од третото коло против домашната тенисерка Медисон Инглис.

„Морав да донесам тешка одлука да се повлечам со цел да се справам со нешто за кое на моето тело му беше потребно внимание, по мојот последен натпревар. Бев толку возбудена што ќе продолжам и овој настап ми значеше најмногу, па затоа запирањето тука ми го крши срцето“, напиша Осака на социјалната мрежа Инстаграм.

Инглис, со повлекувањето на Осака, автоматски се пласираше во осминафиналето во кое ќе игра против втората тенисерка во светот, Ига Швјонтек од Полска.

Осака (ВТА – 17) во првото коло ја победи Хрватката Антонија Ружиќ, а во второто беше поуспешна од Романката Сорана Кирстеа.

Поранешната светска тенисерка број 1, Осака, два пати ја освои титулата на Австралија Опен, во 2019 и 2021 година.

The post ОСАКА СЕ ПОВЛЕЧЕ ОД АВСТРАЛИЈА ОПЕН Со скршено срце објави дека ѝ треба пауза appeared first on plusinfo.mk.

Арина Сабаленка, првиот светски рекет, со восхит зборувала за изгледот на Наоми Осака на првиот натпревар од Отвореното првенство на Австралија, нарекувајќи ја нејзината облека „совршено огледало на нејзиниот карактер и култура“.

Дваесет и осумгодишната Осака, враќајќи се по пауза од мајчинство, го привлече вниманието на публиката во арената „Род Лејвер“ со нејзиниот уникатен изглед.

Таа излезе на терен со бел чадор со лице делумно покриено со бел превез и широка шапка.

– Убавината на модата е во тоа што можете да се изразите. Тоа е прилично слободен свет, нема осудување, само различни перспективи. Облеката на Наоми совршено го изразува нејзиниот карактер, нејзината култура и многу повеќе. Беше кул. Би сакала и (познатиот бренд за облека) Најк да ми дозволи да правам вакви работи. Не оваа година, но работиме на тоа. Би сакала да излезам како да сум на црвениот тепих. Ќе смислам нешто за следната година – изјавила Сабаленка на прес-конференција.

Ненадејното појавување на теренот во бела облека, Осака го заокружи со комбинација од сино-бел фустан со набори и мотиви на пеперутки. Тоа е симбол што долго ја следи во нејзината кариера.

Naomi Osaka, you ICON. pic.twitter.com/f1MlXxGYHX

— Tanya (@ScriptedTanya) January 20, 2026

The post 📽️ ОСАКА ПОКАЖА НЕВИДЕНА ЕЛЕГАНЦИЈА ВО СВЕТОТ НА ТЕНИСОТ Сабаленка ја пофали, посака да го направи истото со „Најк“ appeared first on plusinfo.mk.

Четирикратната Грен слем шампионка Наоми Осака проговори за своите цели за сезоната 2022 година.

– Имам само една голема цел за годината, а таа нема никаква врска со резултатите. Сакам само да излезам на теренот и да се чувствувам како да се забавувам. И по поразите морам да се чувствувам како да сум се трудела максимално. Имам и цел – никогаш повеќе да не плачам на прес-конференции. Се надевам дека ќе можам да го направам тоа. Генерално, премногу се грижев за резултатите, пласманот и слично, и требаше повторно да почнам да уживам во играта. Затоа што затоа почнав да играм тенис. По УС Опен немав план. Не знаев што ќе правам. Мислев дека ќе патувам, но поради ковид беше опасно, па седев дома. Имам пријатели во близина на Сан Франциско, па отидов да ги посетам. Откако играм тенис постојано патувам, никогаш досега не сум имала толку слободно време. Беше кул – истакна Осака.

Јапонската тенисерка поради психички проблеми нема играно уште од Отвореното првенство на САД минатата година.

The post НИКОГАШ ВЕЌЕ ДА НЕ ПЛАЧАМ НА ПРЕС КОНФЕРЕНЦИИ Тенисерката Осака посака пораз без солзи appeared first on plusinfo.mk.