Стопанска банка а.д. Битола донесе одлука за измени во својата Тарифа на надоместоци за физички и правни услуги, кои од 1 октомври 2025 година значително ќе се намалат и делумно ќе се укинат надоместоци за користење на услугите.

Со оваа одлука Банката ја потврдува својата заложба за поголема транспарентност и финансиска достапност, олеснувајќи им на граѓаните и компаниите пристап до современи и поволни банкарски решенија.

Клучни измени и поволности за физички лица

– Поголема достапност на електронските плаќања: сите трансфери што граѓаните ги вршат преку интернет или мобилно банкарство кон сметки во рамки на Стопанска банка а.д. Битола отсега ќе бидат целосно бесплатни.

– Електронски трансфери по пониски цени: кредитните трансфери преку интернет и мобилна апликација кон други банки преку МИПС се намалуваат за 50%, од 110 денари на 55 денари.

– Намалени надоместоци на шалтер: трансферите кон сметки во други банки преку МИПС се намалуваат од 250 денари на 200 денари.

– Интернет банкарство без дополнителни трошоци: целосно се укинува еднократниот надоместок за издавање на БТ Токен апликација (која досега чинеше 200 денари).

Поволности за правни лица

– Пониски надоместоци за онлајн трансакции: безготовинските кредитни трансфери преку интернет услуги кон други банки преку МИПС се намалуваат за 25 %, од 120 денари на 90 денари.

– Пониски надоместоци за кредитни трансфери преку МИПС: намалување од 320 денари на 280 денари по налог.

Со овие измени, Стопанска банка а.д. Битола значајно го олеснува користењето на платежни сметки, електронско и мобилно банкарство и трансфери на средства – со што се создаваат услови за побрзо, поедноставно и поекономично секојдневно банкарско работење.

The post СТОПАНСКА БАНКА БИТОЛА ГИ НАМАЛИ ТРОШОЦИТЕ ЗА СЕКОЈДНЕВНИТЕ УСЛУГИ За кои поволности станува збор? appeared first on plusinfo.mk.

Советот на Народната банка донесе одлука за воведување нов модел на надоместици што банките ги плаќат за услугите на Македонскиот интербанкарски платен систем (МИПС) кој ќе стартува од 1 август, информира денеска гувернерот Трајко Славевски.

Тој рече дека со ова се воспоствува поедноставна и поконкурентна структура на тарифите, а тоа ќе овозможи пониски трошоци за електронските плаќања на банките кон Народна банка и отвора можност за намалување на надоместоците на банките кон нивните клиети.

-Очекуваме банките да покажат разбирање за јавниот интерес и за придобивките за економијата во целина од едноставните, лесно достапни и евтини платежни услуги во државата. Новиот модел го поедноставува и ги намалува трошоците на банките за порамнување на трансакциите кај Народна банка, што создава простор за намалување и поедноставување на надоместоците што банките ги наплаќаат од граѓаните- рече Славески.

Тој додаде дека банките треба да ги слеат сингланиле на Народна банка и да ги намалат надоместоците не само за електронските плаќања, туку и да направат дополнитлени намалувања на обврскитен на граѓаните кон банките.

-Не даваме никакви рокови, станува збор за одговорни субјекти кои треба да ги ревидираат своите тарифи и мислам дека повеќето од нив тоа го работат во моментот – рече Славески.

Во спротивно, како што рече, има начини и идеи како да се постапи во иднина.

– Како НБ се разликуваме од банките во третманот на платниот систем. Платниот систем е крвоток на економијата и тоа е третманот на јавна корист која не се разликува снабдување со вода, струја, телекомуникации.. Да се овозможи значителен пристап до секој полнолетен граѓанин до услугите на платниот систем за извршување трансакции кои се дел од секојдневното живеење мора да има и таков тртеман. НБ во соработка со други државни органи, Владата, парламентот, има начини, идеи, како во случај на повторно неследење на сигналите би постапила во иднина – рече Славески.

Тој исто така очекува банките да ги следат потезите на централната бака во однос на тарифите за државните институди за плаќањето во евра со земјите од СЕПА. и да ги применуваат за нивните клиенти – компании и граѓани.

-Советот на Народната банка, во својата област на дејствување воведе тарифа за плаќањата на државните органи во евра со земјите од СЕПА во фиксен износ од 3 евра по трансакција за електронски иницираните налози и 5 евра за налозите иницирани на хартија. Тоа значи дека од просечните 14 евра по трансакција преку коресподентно банкарство, со новиот тарифник се воведува фиксен надомест од 3 евра за електронски плаќања и од 5 евра за хартиени.Тоа е сигнал на Народната банка што треба да го следат и применуваат банките – рече Славески.

Според него, ниските и фиксни надоместоци по трансакција, треба да доведат до значителна заштеда за државата при извршувањето на плаќањата на државните органи со европските земји.

-Одлуката е донесена во контекст на приклучувањето на нашата земја кон СЕПА и фазата на усогласување со европските стандарди којашто е во тек, а со која се создава основа за пошироко намалување на трошоците за прекуграничните плаќања во евра, како од страна на Народната банка за државните органи, така и од страна на банките за своите клиенти- рече Славески.

The post НАРОДНА БАНКА ЈА ОТВОРИ ПАНДОРИНАТА КУТИЈА НА БАНКАРСКИТЕ НАДОМЕСТОЦИ Славески очекува банките да го намалат трошокот на граѓаните при плаќање во денари и евра appeared first on plusinfo.mk.