Претседателот на САД Доналд Трамп планира да ублажи некои царини за челични и за алуминиумски производи, објави денес британскиот весник „Фајненшл тајмс“ (FT), повикувајќи се на извори запознаени со ова прашање.

Службеници во Министерството за трговија и канцеларијата на американскиот трговски претставник веруваат дека царините им штетат на потрошувачите бидејќи ги зголемуваат цените на стоките, вклучувајќи ги и калапите за пита и лименките за храна и пијалаци. Дополнително гласачите низ целата земја се загрижени за потрошувачките цени, а се очекува трошоците за живот да бидат главен фактор за Американците пред среднорочните избори во ноември.

Минатата година, Трамп воведе царини до 50% за увоз на челик и алуминиум. Министерството за трговија на САД тогаш ги зголеми царините за челик и за алуминиум за повеќе од 400 производи, вклучувајќи ветерни турбини, мобилни кранови, домашни апарати, булдожери и друга тешка опрема, како и железнички вагони, мотоцикли, морски мотори, мебел и стотици други производи.

Администрацијата на Трамп сега го разгледува списокот на производи опфатени со царините и планира да ослободи некои од нив, да го запре ширењето на списокот и наместо тоа да започне целни истраги за национална безбедност за одредени видови стоки.

The post ТРАМП РАЗМИСЛУВА ДА ГИ НАМАЛИ ЦАРИНИТЕ ЗА НЕКОИ ЧЕЛИЧНИ И АЛУМИНИУМСКИ ПРОИЗВОДИ Ги поскапеле производите во калапи и лименки во САД appeared first on plusinfo.mk.