Во услови кога бројките на новоинфицирани со SARS-CoV-2 вирусот секојдневно се зголемуваат и со цел заштита на јавното здравје, „Аџибадем Систина“, како одговорна здравствена институција која од самиот почеток на пандемијата е вклучена и придонесува во спречувањето на ширењето на вирусот, продолжува да излегува во пресрет на пациентите и граѓаните преку двојно зголемување на капацитетите за тестирање, продолжување на работното време на пунктовите за тестирање од 8 до 17 часот секој ден (вклучително и викендите) и намалување на цените и времето на добивање на резултатите (истиот ден најдоцна со 24 часот).

Новата цена на PCR-тестот за детекција на SARS-CoV-2 вирусот изнесува 2.700 денари, а болницата нуди и фамилијарен пакет – тестирање на над 3 члена од семејство по цена од 2.500 денари по лице и  пакет групно тестирање за компании – над 3 три лица по цена од 2.500 денари по лице.

Серолошкиот тест за утврдување на вкупната концентрација на IgM и IgG антитела во крвта, кој се изведува нa реномираниот имунолошки анализатор на SIEMENS и се врши преку примерок од крв, чини 1.200 денари. Станува збор за ултра сензитивен тест со кој јасно може да се утврди точниот имунолошки статус кај пациентите. Одредувањето на вкупната концентрацијата на имуноглобулини lgM и IgG е од исклучителна важност при одредување на третманот на секој ковид-позитивен пациент индивидуално.

Болницата нуди и пакет цена која ги вклучува овие два теста – PCR и серолошки SIEMENS тест за утврдување на вкупната концентрација на IgM и IgG антитела по цена од 3.800 денари. Двата теста ја даваат целосна слика за здравствениот статус на пациентот, односно дали е носител на вирусот и каков е неговиот имунолошки статус. На овој начин се олеснува мониторирањето на пациентот преку следење на концентрација на антителата, кои, пак, понатаму го одредуваат текот на ковид-третманот на пациентот.

„Аџибадем Систина“ од неодамна прва започна да прави и мултиплекс PCR-тест кој истовремено детектира ковид-19 и сезонски грип. Цената изнесува 3.000 денари, тестирањето се изведува со земање брис од нос и грло.

За граѓаните кои имаат потреба од брзи резултати достапен е и ургентниот PCR-тест по цена од 12.000 денари. За хоспиталните пациенти истиот тест чини 6.000 денари, а резултатите се добиваат за 2 часа.

Со цел обезбедување најбезбеден и навремен третман на пациентите и максимална заштита и безбедност на вработените, низата тестови за ковид-19 кои „Аџибадем Систина“ ги нуди се надополнува и со нов брз антиген-тест за детекција на ковид-19 наменет за пациентите кои се примаат на Ургентен центар, а на кои им е потребен понатамошен третман, итна интервенција или хоспитализација. Тестот се изведува преку брис од нос, резултатите се добиваат за 15 минути и чини 1.200 денари.

За корисниците на останатите здравствени услуги кои ги нуди „Аџибадем Систина“, болницата нуди дополнителен попуст на PCR-тестот за детекција на коронавирусот, по цена од 2.500 денари. Ваучерот за попуст пациентите ќе можат да го искористат во рок од еден месец.

The post „Аџибадем Систина“ ги намали цените на тестовите за ковид-19 appeared first on plusinfo.mk.

– Ризикот од заразување може да биде малку поголем, но оваа мерка ќе го намали притисокот врз словенечката економија, смета епидемиологот Бојана Беовиќ.

Како што пренесува агенцијата СТА, овој предлог е поддржан и од словенечкиот министер за здравство Томаж Гантар, со образложение дека поголемиот дел од заразените од Ковид-19 покажуваат симптоми на болеста во рок од 10 дена.

The post Словенија го крати карантинот од 14 на 10 дена appeared first on plusinfo.mk.

Цената на златото се намали дури за 5,2 отсто и унца се тргуваше за 1.921,50 долари, што е најголем дневен пад во изминатите седум години и е многу помалку од вредноста во петокот кога унца злато се тргуваше за 2.072,50 долари.

И цената на среброто забележа пад од 13,8 проценти, најголемо намалување од октомври 2008 година и овој благороден метал се тргуваше по 25,24 долари по унца.

Вредноста на платината се намали за 4,7 отсто на 940,08 долари, а во исто време забележан е и пад на цената на паладиумот на 2.116,33 долари за унца.

– Ова е мини удар. Не можевме да ги игнорираме ударните медиумски наслови за потенцијалната руска вакцина, така што продолжи оптимизмот на инвеститорите за вложување во компаниски акции, изјави аналитичарот од брокерската куча „Оанда“, Едвард Моја.

На американските берзи цената на златото се намали за 4,6 отсто и унца се тргуваше за 1.946,30 долари.

– Подобрите од очекуваните економски податоци во САД влијаеја на распродажбата на жолтиот метал, посочи Мора.

Тој додаде дека и понатаму е силна вредноста на златото.

The post Руската вакцина против ковид-19 драстично ја намали цената на златото во Азија и во САД appeared first on plusinfo.mk.

За новиот закон за организација и обем на органите на државната управа гласаа 85 пратеници, 30 беа против, а шестмина воздржани.

Владеачката коалиција наведува дека со новиот закон владата ќе стане пофункционална и пооперативна и ќе овозможи спроведување на програмата што мандатарот Андреј Пленковиќ ќе ја претстави в четврток.

Парламентарната опозиција, меѓутоа, смета дека оваа реорганизација е само од козметичка природа и дека не мора нужно да доведе до заштеда, како и дека ќе се спојат некомпатибилни оддели.

Според новиот закон владата ќе има 16 министерства, што е за четири помалку од порано, а останува истиот број на централни државни канцеларии, бидејќи таа за спорт се интегрира во Министерството за туризам, а формирано е и нова за демографија и млади

The post Хрватска ги скастри министерствата од 20 на 16 appeared first on plusinfo.mk.