Мицкоски напомена дека во Македонија моментно има убедливо најниска цена на дизел и безоловното гориво споредено со која било земја од регионот, а потрошувачката е зголемена за околу 150 000 литри на ден.

Според премиерот, многу граѓани од соседните држави полнат гориво на нашите бензински пумпи. Притоа, притисокот е најголем на западната (Охрид, Струга, Дебар), јужната (Битола, Гевгелија) и северната (Куманово) граница.

Мицкоски потенцира и дека Владата во однос на горивата одлучила да презема поробусна интервенција која, како што објасни, ќе спречи драматично поскапување кое би удрило по стандардот на граѓаните.

– Имаме уште неколку мерки, но внимателно ја следиме ситуацијата. Граѓаните и бизнисот да бидат спокојни. Имаме предизвици, но електро-енергетската состојба е исклучително стабилна и снабдувањето со нафта и нафтени деривати е исклучително стабилно. Во овој момент, ги задоволуваме домашните потреби. Како земја имаме најниски давачки кон Владата кога станува збор за бензините и  дизел горивото. Правевме анализа, имајќи ги предвид цените на берзите и дојдовме до заклучок дека ако интервенираме во акцизите тогаш намалувањето на цената за бензините ќе беше еден денар за литар, а за дизелот два денара. Затоа се одлучивме за поробусна интервенција со која се намалуваат цените за околу 6,5 – 7 денари за литар. Сакавме поробусна интервенција за веднаш да почувствуваат граѓаните, да нема драматично зголемување кое би удрило по стандардот – рече Мицкоски.

Тој потсети дека на вчерaшаната седница Владата донесе одлука да прогласи кризна состојба од 30 дена и ја намали стапката на ДДВ за горивата од 18 на 10%.

-Ние сме една од ретките влади во Европа кои директно од Буџетот го поддржуваат стандардот на граѓаните и така ќе продолжиме. Тоа за нас е најголем интерес и приоритет и тоа е целта на една народна влада како оваа – рече Мицкоски.

Досега, информира тој, не е реализиран разговор со раководството на ОКТА.

-За тоа е задолжена министерката за енергетика. До овој момент немам информација дека е реализиран тој разговор. Очекувам денеска тоа да се рeализира и очекувам разбирање од ОКТА. Сега се моментите да си помогнеме едни на други – рече Мицкоски.

Во врска со коментарите на опозицијата дека Владата не прави доволно во однос на кризата, Мицкоски истакна дека единственото нешто по кое ќе бидат запамтени СДСМ е фактот дека како држава најлошо се справивме со КОВИД-пандемијата.

The post ДИРЕКТНО ОД БУЏЕТОТ СЕ ПОДДРЖУВА СТАНДАРДОТ НА ГРАЃАНИТЕ Дневно 200.000 евра од намалениот ДДВ остануваат кај граѓаните кои точат гориво appeared first on plusinfo.mk.

Колку ќе чинат прехранбените производите за кои од утре трговците слободно ќе наплаќаат маржа и дополнителни 5 отсто ДДВ? Се знае или не?

Владините мерки за ублажување на ценовниот шок завршуваат денеска на полноќ, а веќе од утре се очекува на полиците во маркетите да има нови повисоки цени на лебот, шеќерот, солта, брашното тип 400, суровото сончогледово масло, сончогледовото масло за јадење, трајното млеко со масленост од 2,8%, 3,2% и 3,5%, свежото месо и сувомеснатите производи, сирењето и урдата, оризот, јајцата, тестенините, пченицата, овошјето и на зеленчукот. Трговците и производителите веќе се подготвени од утре  да ги вратат цените за висината на  процентот на маржата и на Данокот на додадена вредност.

Дополнителен удар за граѓаните ќе бидат и новите цени на горивата, кои од полноќ ќе се пресметуваат со ДДВ од 18 отсто, бидејќи завршува и мерката за намалување на данокот за гориво на 10 отсто. Истовремено, завршува и мерката за намалување на акцизата врз основа на берзанските цени.

Владата досега не понуди нови мерки, ниту пак се изјасни за продолжување на актуелните . Според најавениот дневен ред на денешната владина седница, нема точка поврзана со мерките.

За граѓаните ова не е веќе изненадување, бидејќи и досега секој ден имаа нови цени на прехранбените производи кои за една година, официјално според статистиката, се зголемија за 13 отсто.

За опозициската ВМРО-ДПМНЕ ова е нов удар врз стандардот на граѓаните. Опозицијата најави предлог на нови измени на законот за ДДВ, според кои нема да се плаќа ДДВ за прехранбени производи, а данокот за горивата да изнесува 5 отсто.

Почнувајќи од утре лебот и брашното со повисока маржа и пресметан ДДВ од 5 отсто ќе имаат повисока цена за 5 до 6 денари, а поскапи ќе бидат и другите производи за кои досега имаше ограничена маржа, а не се пресметуваше ДДВ. Но, сѐ ќе зависи од тоа во кој маркет ќе се купуваат овие производи, бидејќи трговците самостојно го утврдуваат процентот на маржата. Пред ограничувањето на маржите на 5 отсто односно на 10 отсто кај трговците на големо и мало, тие пресметуваа маржа од 20 отсто до 30 отсто. Маржата, пак, која ја пресметуваа производителите во крајната цена на производите се движеше од 2 отсто до 3 отсто. Според ова, јасно е дека треба да се очекува поскапување од најмалку 15 отсто, поради маржата и поради дополнителните 5 отсто за ДДВ за производите за кои во изминативе три месеци не се плаќаше ДДВ.

Владата неодамна најави дека се прават анализи кои ќе ги одредат следните чекори по завршувањето на претходните мерки за ограничување на маржата и намалувањето на ДДВ, за што ќе ја информира и јавноста. Но, до овој момент нема најава за нови мерки.

Плусинфо денеска ги праша и Владата и Министерството за економија дали има некакви измени во однос на мерките или дали се подготвуваат нови мерки, но до објавувањето на овој текст не доби одговор.

Пред една недела од владата се повикаа на антикризните мерки вредни 400 милиони евра.

– За да се ублажат влијанието на новата енергетска криза и на ценовната криза врз стандардот на граѓаните и врз ликвидноста на стопанството, веќе донесовме пакет мерки во вредност од над 400 милиони евра. Во рамките на тој пакет се опфатени и мерките за намалување, односно укинување на стапката на ДДВ на основните прехранбени производи, од 5 на 0 отсто, намалена е стапката на ДДВ од 18 на 10 отсто за нафтените деривати, како и стапката на ДДВ за електричната енергија која е намалена уште минатата година од 18 на 5 отсто и таа стапка ќе се применува до крајот на годината – изјавија за Плусинфо тогаш од Владата.

Најавата дека завршуваат мерките за ублажување на ценовниот шок ги натера граѓаните да ги наполнат продавниците. Вчера попладне, а и денеска, видливи се турканици пред полиците на некои од производите.

– Да, знам дека денеска завршуваат мерките на ограничени маржи и намален ДДВ за прехранбени производи. Еве, затоа и вчера и денеска има турканици во маркетите. И јас планирам да земам дополнителни количини масло и брашно, но знам дека тоа не е решение за проблемот. Веќе утре ќе имаме нови цени на производите, иако набавките трговците ги направиле во периодот кога маржата и ДДВ беа намалени. Тоа е работа на инспекторите, а ние ќе си плаќаме повисоки цени сè додека можеме да издржиме или ќе почнеме да штедиме повеќе отколку што треба, а некои производи нема да ги купуваме. Никој не мисли на тоа со каков буџет располагаат домаќинствата во земјава и колку од нив се на работ на сиромаштија. Не ги коментирам овде цените на горивата, бидејќи таму можеме да штедиме ако се возиме со автобус и користењето на автомобилите го сметам за луксуз – вели граѓанка што ја затекнавме во еден од маркетите.

И производителите, под притисок на повисоките цени на суровините и на енергенсите, на струјата и на бензинот, подолг период најавуваат повисоки цени на своите производи, за да се извлечат од можното одење во загуба и отпуштање работници. За четири месеци од годинава, прехранбената индустрија, според податоците на Државниот завод за статистика, ги зголеми цените на производите за 11 отсто, а само во април за 3,1 отсто.

– Цените на производите ќе се формираат врз основ на внатрешни анализи кои ги прави секоја компанија водејќи се од тоа дека имаме значајно зголемување на цените на енергенсите, суровините, работната сила и секако врз основ на пазарните критериуми и отежнатите услови за работа поради нарушените синџири на снабдување. Компаниите мора да изнајдат начин да останат ликвидни за да може редовно да ги подмируваат обврските кон државата и секако кон вработените. Никој нема да има корист од зголемување на бројот на невработени или пак од згаснување на деловни субјекти – велат од Сојузот на стопански комори (ССК).

Поради укинување на бесцаринскиот увоз на суровини за производство на сувомесни производи, најавено е зголемување на цената на овие производи за 15 до 20 отсто веќе од 5 јуни. Повисоки цени производителите најавуваат и за брашното и лебот, поради усогласувањето на процентот на маржите и на ДДВ од 5 отсто.

– Враќањето на маржите и на ДДВ од утре, на брашното и на лебот, зависно од производот, ќе значи поскапување од 5 до 6 денари. Ние веќе ги информиравме трговците за новите цени, а верувам дека и тие веќе ги пресметале маржите и ДДВ – вели Горан Малишиќ од Здружението на мелничко-пекарската индустрија во Стопанската комора.

Но, додава тој, нови цени на брашното и лна ебот можат да се очекуваат по завршување на жетвата.

– Колкав ќе биде процентот на зголемување на цената ќе зависи од откупот на пченица и цената на увезената пченица која се продава по берзански цени. Дополнително, тука влегуваат и цените на енергенсите, кои вртоглаво растат, како и платите на вработените. Соодветно на растот на цената на брашното треба да се очекува и повисока цена на лебот – додава тој.

Од ВМРО-ДПМНЕ сметаат дека со слободното формирање на цените, односно по престанок на важењето на владините мерки, се очекува вртоглав раст на цените на прехранбените производи кое најмногу ќе ги погоди сиромашните граѓани.

– Очекувам да се случи пазарен шок од проста причина што досегашното искуство со регулирање на цените покажа дека владата не се снајде со проблематиката, ги замрзна цените на основните производи, сега тој рок поминува и најавите се дека ќе остави пазарот слободно да си го направи своето. Ако Владата во оваа ситуација не најде механизми да интервенира на пазарот преку државните резерви, преку соодветни политики, преку понуда на производи, ние може да очекуваме ценовни шокови и тоа ќе удри најмногу врз сиромашните, затоа што цените на храната вртоглаво ќе растат – вели пратеникот од ВМРО-ДПМНЕ Здравко Трајанов во изјава за Слободна ТВ.

Од оваа партија најавуваат Закон со кој производите за човечка исхрана ќе бидат ослободени од ДДВ до 31 декември 2022 година. Дополнително, се бара ДДВ за течните горива да биде 5 отсто до крајот на оваа година.

Експертите се согласни дека актуелните мерки се ограничувачки и на подолг рок би дале спротивен ефект, но Владата има можност да донесе други мерки кои би биле од корист за граѓаните и бизнисите. Предлагаат интервентен увоз, или интервенција со стокови резерви, со цел државата да го понесе товарот на ценовните разлики со бенефицирани цени, со субвенционирани цени да се ублажи притисокот. Втор начин е да донесат социјални мерки, односно помош за најранливите категории, за полесно да го совладаат товарот на оваа криза

Според статистичките податоци, во април, цените на мало пораснале за повеќе од 11 отсто, а инфлацијата достигнала 10,5 отсто.

The post ЛЕБОТ ОД УТРЕ ПОСКАП ЗА 6 ДЕНАРИ Нов бран поскапувања поради враќање на маржите и на 5 отсто ДДВ appeared first on plusinfo.mk.

Ова вечерва го најави лидерот на партијата, Христијан Мицкоси и јавно побара од Владата, односно нејзините пратеници, да ги поддржат амандманите кои уште во понеделник ќе бидат ставени на седница на Комисијата за финансирање и буџет.

– Ќе имаме амандман според кој намалувањето на ДДВ-то на сметките за електрична енергија да не биде само за домаќинствата, туку и за компаниите, зашто има можност предлогот да има краток век по завршувањето на локалните избори, а потоа некој да го обжали на Уставен суд, да падне и повторно да се врати ДДВ-то на 18 отсто и да плаќаме 12,5 отсто поскапа електрична енергија. Нема да има дополнителни оптоварувања, кај фирмите тоа е влезен дел, го пребиваат, ама ќе се подобри нивната ликвидност. Вториот амандман ќе биде за цената на електричната енергија што во иднина ќе ја добива ЕСМ од приватните трговци. Ако цената биде иста, тогаш да, можеме да бараме зголемување на ДДВ, но ако не биде иста, тогаш да остане цело време пет отсто, а не само една година, додека не поминат локалните избори. Ги повикувам Заев, Бесими и Ковачевски да ги поддржат овие два амандмана – рече Мицкоски.

Според него, одлуката на Регулаторна комисија е по 5,36 денари да се продава киловатчас.

– Ако тоа се спореди со цената лани, 4,77 денари, се доаѓа до покачување за приближно 12,5 – 13 отсто за кое зборував. Признавам, јас реков 15 проценти дека ќе биде. Ако денес цената е 5,36 денари киловатчас, а вчера беше 4,77, кој ја даде идејата за намалено ДДВ и кој го понуди тоа решение за да останат сметките на граѓаните исти? ВМРО-ДПМНЕ – истакна партискиот лидер.

Во врска со изградбата на новиот клиничкиот центар, Мицкоски рече дека нема никаква комуникација со СДСМ. Тој упати отворена покана до власта за средба на која, рече, би се соочиле концептите и би се нашло соодветно решение.

– Нашиот став е дека овој клинички центар е потенцијален извор на сериозна пљачка и корупција. Никогаш не сме рекле дека сме против клинички центар, ние сме за нов клинички центар, сме понудиле и решение и подготвени сме да разговараме – да имаме клинички центар со кој ќе одговориме на потребите на граѓаните, но истовремено да не ги опљачкам – истакна Мицкоски.

The post ВМРО-ДПМНЕ ќе бара намален ДДВ за електрична енергија и за компаниите appeared first on plusinfo.mk.

Според оваа одлука,  цената на струјата која ќе им се пресметува на домаќинствата од 1 јули годинава до 30  јуни следната година  во високата тарифа ќе изнесува 6,69 денари, односно 3,36 денари за киловат за ниска тарифа. Кај домаќинствата со еднотарифно броило ќе се пресметува цена од 5,36 денари за киловат.

Досегашната  цена на струјата кај високата тарифа изнесуваше  5,95 денари за киловатчас и 2,99 денари во ниската тарифа.

Од Регулаторната комисија за енергетика денеска појаснија дека намалениот Данок на додадена вредност за струјата од 18 отсто на 5 отсто ќе го анулира ова зголемување на цената на струјата за домаќинствата  и сметките за потрошени исти киловатчасови струја ќе бидат исти.

Со оглед дека законот со кој се намалува ДДВ за струјата од 18 отсто на 5 отсто сѐ уште не е донесен, прашање е дали првиот месец за граѓаните сметките ќе бидат исти како и сега за ист број на киловати потрошени во текот на месецот.

Регулаторите информираа и дека евтината струја останува и оваа година во истите термини како и досега.

The post Регулатрона ја зголеми цената на струјата на 6,69 денари со надеж на понизок ДДВ за струјата appeared first on plusinfo.mk.