Камерата од проектот „Безбеден град“ поставена во општина Сарај не е украдена, изјави денеска министерот за внатрешни работи Панче Тошковски, демантирајќи информации што се појавија на социјалните мрежи.

-Не, не е украдена. За жал, има многу портали, Фејсбук и Инстаграм страници кои со лажни факти се обидуваат да привлечат внимание од различни интереси – политички, бизнис или други – рече Тошковски на заедничката прес-конференција со министерот за здравство Азир Алиу.

Тој нагласи дека проектот „Безбеден град“ има силна поддршка од граѓаните и дека МВР ќе продолжи со неговата имплементација како дел од европските стандарди за безбедност.

-Во тест периодот видовме дека и само со опомени, без казни, граѓаните придонесуваат за спасување човечки животи. Во 2024 година на територија на СВР Скопје имавме пет жртви во сообраќајни несреќи, а во декември 2025 година немавме ниту едно починато лице. Тоа е заслуга на граѓаните кои решија да го забават управувањето со возилата – истакна министерот.

The post НЕ Е УКРАДЕНА КАМЕРАТА ОД ПРОЕКТОТ „БЕЗБЕДЕН ГРАД“ ВО САРАЈ Тошковски вели дека системот има поддршка од граѓаните appeared first on plusinfo.mk.