Налозите за апсење што ги издаде Меѓународниот кривичен суд (МКС) против рускиот претседател Владимир Путин и уште петмина руски државјани ќе останат во сила, дури и доколку за време на мировните разговори предводени од САД биде договорена општа амнестија, соопштија обвинители од Судот.

Заменик-обвинителите Маме Мандиај Нијанг од Сенегал и Назхат Шахим Хан од Фиџи, кои го водат тековното работење додека главниот обвинител Карим Ахмад Хан е на одмор, истакнаа дека укинување на веќе издадени судски налози е можно само со резолуција на Советот за безбедност на ООН.

МКС ја издаде наредбата за апсење на Путин и на уште пет лица за нивната улога во злосторства извршени во Украина. Путин и Марија Лвова-Белова, руска комесарка за правата на детето, се обвинети за незаконска депортација на стотици украински деца.

Русија не ја признава надлежноста на Судот и постојано ги отфрла обвинувањата.

Меѓу останатите обвинети се поранешниот министер за одбрана Сергеј Шојгу и началникот на рускиот Генералштаб Валериј Герасимов, обвинети за воени злосторства и злосторства против човештвото поради напади врз цивили.

– Доколку мировниот договор доведе Советот за безбедност да побара одложување на истрагата, тоа е политичка одлука на Советот. Но тоа не ја запира правдата, изјави обвинителката Хан, повикувајќи се на Римскиот статут.

The post НАЛОГОТ ЗА АПСЕЊЕ НА ПУТИН МОЖЕ ДА ГО СИМНЕ САМО СОВЕТОТ ЗА БЕЗБЕДНОСТ НА ООН Меѓународниот кривичен суд не ја повлекува наредбата дури и ако се склучи мировен договор appeared first on plusinfo.mk.

Судот во Сеул денеска ја отфрли жалбата поднесена од суспендираниот јужнокорејски претседател Јун Сук-Јол, со која се бара укинување на судските налози за негово апсење и претрес на претседателската резиденција, соопштија судски претставници.

Окружниот суд во Сеул ја донесе одлуката неколку дена откако тимот правни советници на претседателот Јун поднесе приговор за суспендирање на извршувањето на наредбата, која ја нарекоа „незаконска“, пренесува јужнокорејска новинска агенција.

Засега нема достапни детали за образложението на судот за тоа на основа на кои параметри е одбиено барањето на Јун, но истиот суд одобри налог за апсење на Јун поради испрашување во врска со неговата улога во неуспешниот обид за воведување вонредна состојба на 3 декември.

Истражители од службата за борба против корупцијата на високи претставници, кои го водат случајот со вонредната состојба и Јун Сук-Јол се обидоа завчера да ги спроведат судските наредби и да го уапсат суспендираниот претседател, но ги повлекоа своите службеници по тензичниот шестчасовно соочување со претседателската служба за безбедност, кој го блокираше влезот.

The post ОДОБРЕН Е НАЛОГОТ ЗА АПСЕЊЕ НА ЈУН Судот ја одби жалбата на суспендираниот јужнокорејски претседател appeared first on plusinfo.mk.

• НАЛОГ ЗА АПСЕЊЕ НА НЕТАНЈАХУ И НА ГАЛАНТ Меѓународниот кривичен суд издаде потерница

Меѓународниот кривичен суд (МКС) вчера ги издаде налозите за апсење, кои беа одобрени од предистражниот совет во Хаг, по барањата поднесени од главниот обвинител Карим Кан во мај.

Бајден, во изјавата објавена доцна синоќа, го нарече потегот „шокантен“.

– Дозволете ми да бидам јасен уште еднаш: што и да имплицира МКС, нема еквивалентност – ниту една – меѓу Израел и Хамас. Ние секогаш ќе стоиме со Израел против заканите за неговата безбедност – нагласи Бајден.

Израелскиот премиер, Бенјамин Нетанјаху, исто така ја осуди како „антисемитска“ одлуката на Меѓународниот кривичен суд.

Тој рече дека МКС „лажно“ ги обвинува „за намерно гаѓање цивили, кога прави сѐ во негова моќ за да се избегнат цивилни жртви“.

– Антисемитската одлука на меѓународниот суд во Хаг е модерно судење на Драјфус и ќе заврши на ист начин. Судот во Хаг нѐ обвинува за намерна политика на гладување. Ова се случува во време кога ја снабдивме Газа со 700.000 тони храна за да ги нахраниме жителите на Газа. Испраќаме милиони СМС пораки, телефонски повици и летоци до граѓаните на Газа за да ги извадиме од опасност додека терористите на Хамас прават сѐ во нивната моќ да ги задржат во опасност, вклучително и со пукање во нив, а и со користење како човечки штит – изјави Нетанјаху.

За контекст, младиот артилериски капетан од еврејско потекло, Алфред Драјфус, во 1894 година бил осуден на доживотен затвор за предавство иако немало доволно докази за тоа. Две години подоцна, во 1896 година бил откриен вистинскиот виновник – мајорот Фердинанд Валсин Естерхази.

„Има основа да се верува дека Нетанјаху и поранешниот министер за одбрана, Јоав Галант, намерно и свесно го лишиле цивилното население во Газа од предмети неопходни за неговиот опстанок – вклучувајќи храна, вода, лекови и медицински материјали, како и гориво и електрична енергија“, соопшти вчера МКС.

Налог за апсење беше издаден и за воениот началник на Хамас, Мохамед Деиф, за кој се верува дека го организирал терористичкиот напад врз Израел на 7 октомври 2023 година, во кој беа убиени околу 1.200, а киднапирани 250 луѓе.

ОН и оваа недела предупредија дека Палестинците „се соочуваат со сè помали услови за преживување“ во делови од северна Газа, кои се под опсада на израелските сили, бидејќи практично не била доставена помош во последните 40 дена.

The post ХАМАС И ИЗРАЕЛ – НЕБО И ЗЕМЈА Бајден и Нетанјаху строго ги осудија налозите за апсење од Меѓународниот кривичен суд appeared first on plusinfo.mk.

Налогот е издаден од судија кој води случаи поврзани со тероризам, на барање на Обвинителството. Овој потег следи по немирите предизвикани од оспорените претседателски избори во Венецуела.

Претходно, венецуелското обвинителство објави дека против Едмундо Гонзалес и опозицискиот лидер Марија Корина Мачадо се водат истраги по обвиненија за узурпација на службена позиција и поттикнување на бунт.

Централната изборна комисија, лојална на владата, го прогласи Николас Мадуро, кој е на власт од 2013 година, за победник на претседателските избори на 28 јули. Сепак, комисијата сѐ уште не ги објавила деталните резултати.

Опозицијата ја обвинува владата за изборни измами и тврди дека Гонзалес ги добил изборите.

Неколку држави, меѓу кои САД, Перу, Аргентина, Еквадор, Панама, Уругвај и Костарика, го признаа Гонзалес како вистинскиот победник, укажувајќи на изборни измами. ЕУ и Организацијата на американските држави ги доведоа во прашање изборните резултати.

The post ИЗДАДЕН НАЛОГ ЗА АПСЕЊЕ НА ВЕНЕЦУЕЛСКИОТ ОПОЗИЦИСКИ ЛИДЕР Обвинет е за узурпација на власт и поттикнување на бунт appeared first on plusinfo.mk.

„Јулија Борисовна не им беше достапна на истражните органи во претходната истрага. Во врска со тоа таа е ставена на потерница“, се наведува во соопштението на судот, пренесено од руските медиуми.

Судот појаснува дека одлучил да донесе превентивна мерка против Јулија Навална откако ја разгледал претставката на истражните органи.

„Таа е обвинета за сторено кривично дело според делот 2 од член 282.1 од Кривичниот законик на Руската Федерација – учество во екстремистичка организација“, се додава во соопштението.

Притворот се смета од моментот на екстрадиција на територијата на Русија или од моментот на задржување на територијата на Руската Федерација.

Федералното надзорно тело за финансии Росфинмониторинг денеска донесе одлука Навална да ја вклучи во регистарот на организации и поединци вклучени во екстремистички активности или тероризам.

The post РАСПИШАНА Е МЕЃУНАРОДНА ПОТЕРНИЦА Суд во Москва издаде налог за апсење на Јулија Навална appeared first on plusinfo.mk.

Весникот наведува дека главниот обвинител на судот, Карим Кан, ѝ се заблагодарил на Клуни, велејќи дека таа е дел од „експертите за меѓународно право“ на кои тој чим се обратил за совет.

– Комисијата е составена од експерти со огромна репутација во меѓународното хуманитарно и кривично право – рече Кан.

Во соопштението објавено од Фондацијата за правда Амал Клуни, беше објаснето како таа учествувала во случајот во кој МКС побара налог за апсење на израелскиот премиер Бенјамин Нетанјаху, министерот за одбрана Јоав Галант и лидерот на Хамас за наводни воени злосторства и злосторства против човештвото.

– Пред повеќе од четири месеци, обвинителот на Меѓународниот кривичен суд (МКС) ме замоли да му помогнам да ги проценам доказите за сомнителни воени злосторства и злосторства против човештвото во Израел и во Газа. Се согласив и се приклучив на панелот меѓународни правни експерти. Заедно, се вклучивме во обемен процес на преглед на докази и правна анализа во Меѓународниот кривичен суд во Хаг – рече Клуни.

Според неа, и покрај различното потекло на лицата, правните наоди на експертите биле едногласни и тие утврдиле дека судот е надлежен за злосторствата извршени во Палестина и од палестински граѓани.

– Едногласно заклучуваме дека постојат разумни основи да се верува дека лидерите на Хамас, Јахја Синвар, Мохамед Дајф и Исмаил Ханија извршиле воени злосторства и злосторства против човештвото, вклучително и земање заложници, убиства и злосторства на сексуално насилство. Едногласно заклучуваме дека има разумни основи да веруваме дека израелскиот премиер Бенјамин Нетанјаху и израелскиот министер за одбрана Јоав Галант извршиле воени злосторства и злосторства против човештвото, вклучително и гладување како метод на војување, убиства, прогон и истребување – изјави Амал Клуни.

Таа претходно беше критикувана на социјалните мрежи дека не зборува јавно за војната во Газа.

– Законот кој ги штити цивилите во војна е воспоставен пред повеќе од 100 години и се применува во секоја земја во светот, без разлика на причините за конфликтот. Не прифаќам каков било конфликт да биде надвор од дофатот на законот, ниту пак кој било сторител да биде над законот – рече Клуни.

Амал Клуни е адвокат во Доти Стрит Чемберс во Лондон, група на здружени адвокати специјализирани за човекови права и е дополнителен професор на Правниот факултет Колумбија во Њујорк. Таа ја основаше Фондацијата Клуни за правда со нејзиниот сопруг, актерот Џорџ Клуни, непрофитна организација која обезбедува бесплатна правна поддршка на жртвите на кршење на човековите права.

The post АМАЛ КЛУНИ ИМАЛА КЛУЧНА УЛОГА ВО НАЛОГОТ ЗА АПСЕЊЕ НА ХАМАС И НЕТАНЈАХУ По неколкумесечна анализа на доказите експертите се едногласни за злосторства против човештвото во Израел и во Газа appeared first on plusinfo.mk.

– Да замислиме дека шефот на држава, на нуклеарна сила оди, на пример, во Германија и таму е уапсен. Што е тоа? Објавување војна против Русија. Ако тоа се случи, тогаш сите наши капацитети, проектили и така натаму, ќе паднат врз Бундестагот, канцеларијата и така натаму – изјави синоќа рускиот функционер за локалните медиуми.

На 17 март МКС издаде налог за апсење на рускиот претседател Владимир Путин, кого го сомничи за воени злосторства, вклучително и нелегална депортација на деца од Украина во Русија.

The post АПСЕЊЕ НА ПУТИН ЌЕ ЗНАЧИ НУКЛЕАРНА ВОЈНА СО РУСИЈА! Медведев за потерницата од Хаг appeared first on plusinfo.mk.

„Истражниот комитет отвори кривична постапка против обвинителот на Меѓународниот кривичен суд Карим Ахмад Кан, како и за судиите на Меѓународниот кривичен суд Томоко Акане, Росарио Салваторе Аитала и Серхио Херардо Угалде Годинез“, се вели во соопштението што го пренесува агенцијата Риа.ру.

Постапките на обвинителот на Меѓународниот кривичен суд покажуваат знаци на кривично дело според руските закони, објави Комитетот, посочувајќи дека станува збор за свесно обвинување на невино лице за злосторство и „подготвување напад на претставник на странска држава, кој ужива меѓународна заштита, со цел да се комплицираат меѓународните односи“.

Рускиот потег е симболичен гест на пркос како одговор на налогот за апсење на Путин, со кој тој и комесарот за правата на децата се обвинети за воено злосторство. На 17 март, судскиот совет на Меѓународниот кривичен суд чија јурисдикција Русија не ја признава, издаде налог за апсење на рускиот претседател Владимир Путин и детскиот правобранител Марија Лавова-Белова, кои се сомничат за воени злосторства, вклучително и илегалната депортација на деца од Украина во Русија.

Москва ги отфрла обвинувањата, нарекувајќи го потегот неприфатлив и нагласува дека тој нема правна сила во Русија.

Заменик претседателот на Советот за безбедност на Русија Дмитриј Медведев оцени дека одлуката на Меѓународниот кривичен суд ќе има „монструозни последици“, односно уривање на принципот на правото. Тој на Телеграм напиша дека судиите се осмелиле да „кренат рака на најголемата нуклеарна сила“.

Министрите за правда од сите земји членки на Меѓународниот кривичен суд ќе се сретнат денеска во Лондон за да разговараат за зголемување на финансиската поддршка за судот.

– Се собираме во Лондон обединети со една цел – да ги повикаме воените злосторници одговорни за злосторствата извршени во Украина за време на оваа неправедна, неиспровоцирана и незаконска инвазија. Обединетото Кралство, заедно со меѓународната заедница, ќе продолжи да му обезбедува на Меѓународниот кривичен суд ресурси, луѓе и експертиза за правдата да биде задоволена – рече британскиот вицепремиер Доминик Рааб.

Велика Британија вети милион фунти на МКС оваа година, а Министерството за правда соопшти дека се очекува и други земји да ветат финансиска поддршка за време на конференцијата во Лондон, чиј домаќин ќе бидат Велика Британија и Холандија. Средствата ќе бидат искористени за обука на истражители за истрага на наводните воени злосторства, како и за психолошка и практична поддршка за жртвите, објави Министерството.

The post МОСКВА СО „КОНТРАИСТРАГА“ ПРОТИВ ХАШКИТE СУДИИ Ќе ги гони зашто издале налог за апсење на Путин appeared first on plusinfo.mk.

„Друг диктатор го посети Мариупол. Знаеме како заврши неговата приказна. Многу историчари и современици тврдат дека токму тука Хитлер за првпат сфатил дека војната е изгубена“, напиша Герашченко.

Рускиот претседател Владимир Путин дојде во ненајавена посета на Мариупол и тоа ќе биде прво патување на лидерот на Кремљ на териториите на украинската област Доњецк под руска окупација од почетокот на војната. Посетата вчера ненајавено патуваше на Крим за да ја одбележи деветгодишнината од руската анексија на полуостровот, а пред само два дена Меѓународниот кривичен суд издаде налог за негово апсење за воени злосторства.

Инаку, германскиот фирер Адолф Хитлер, кој ретко посетувал воени дејствија и линии на фронтот, навистина пристигнал во Мариупол на 2 декември 1941 година, каде го посетил Врховниот штаб на Групата Југ и таму од врховниот командант, фелфмаршалот Герд фон Рунстед, бил информиран за сите логистички и воени проблеми со кои се соочувал Вермахтот на Источниот фронт.

Another dictator also visited Mariupol once. We know how his story ended.

: Hitler visiting Army Group South HQ at Mariupol, Ukraine in December 1941.

“Many historians and contemporaries claim that it was here that Hitler first realized the war was lost” – WarHistoryOnline pic.twitter.com/jcWUjyxLzG

— Anton Gerashchenko (@Gerashchenko_en) March 19, 2023

The post И ХИТЛЕР ТАКА ГО ПОСЕТУВАШЕ МАРИУПОЛ! Украинците му вратија на Путин appeared first on plusinfo.mk.

Путин пристигна во Севастопол, Крим, по повод одбележувањето на деветгодишнината од анексијата на овој остров, пренесува агенцијата РИА Новости.

Русија го анектираше овој остров во 2014 година, а меѓународната заедница го осуди овој потег како незаконски.

Путин приехал в Севастополь сам за рулем. pic.twitter.com/srXTtfGHBe

— ALEKSEY (@aleksejtank1820) March 18, 2023

The post ПУТИН ПРКОСИ НА НАЛОГОТ ЗА НЕГОВО АПСЕЊЕ Се појави на Крим, на деветгодишнината од анексијата на островот (ФОТО+ВИДЕО) appeared first on plusinfo.mk.