Овен Купер, ѕвездата на серијата „Адолесценција“ ја доби телевизиската награда БАФТА за најдобар спореден актер, победа со која се заокружува невидениот број големи признанија за неговата прва улога.

 

View this post on Instagram

 

A post shared by BAFTA (@bafta)

16-годишникот од Ворингтон сега ги освои сите значајни телевизиски признанија достапни за една улога, откако претходно стана најмладиот изведувач што ги освои четирите главни американски ТВ награди.

Купер ги освои наградите „Primetime Emmy“, „Златен глобус“, „SAG Award“ и „Critics Choice“ по неговата улога во драмата на Нетфликс.

Неговата победа на лондонската церемонија, доаѓа приближно 14 месеци по премиерата на „Adolescence“ и по наградите „Gotham Awards“, „Independent Spirit Awards“ и „Royal Television Society Awards“.

Купер ги победи другите номинирани, вклучувајќи ја и ко-ѕвездата Ешли Волтерс, Фехинти Балогун, Џошуа Мекгваер, Пади Консидин и Рафаел Мате.

Примајќи ја наградата, Купер забележа:

– Прилично е тешка, искрено. Минатата година во ова време ја доделував наградата и сега ја добивам, па ова е малку лудо.

Младиот актер се заблагодари на BAFTA и го опиша тимот на „Adolescence“ како семејство пред да им оддаде посебна почит на Битлси, бендот од неговиот роден град.

– Со зборовите на Џон Ленон, нема да добиете ништо освен ако немате визија да го замислите – ѝрече тој на публиката и продолжи:

– Според мене, мислам дека ви требаат само три работи за да успеете: прво, ви треба опсесија; второ, ви треба сон; и трето, ви требаат Битлси.

Неговата колешка од „Адолесценција“, Кристин Тремарко, ја доби наградата БАФТА за најдобра споредна женска улога за нејзиното портретирање на мајката на Манда Милер.

Нејзината победа дојде како изненадување, бидејќи таа ја победи колешката Ерин Доерти, која беше номинирана за нејзината изведба како психологот Брајони Аристон.

– Се чувствувам толку привилегирана што стојам тука држејќи ја оваа БАФТА. Се чувствувам толку почестена што сум дел од „Адолесценција“ – рече Тремарко по примањето на наградата. „Ја држам високо оваа БАФТА.“

The post ЅВЕЗДАТА ОД „АДОЛЕСЦЕНЦИЈА“ ИСПИША ИСТОРИЈА Со победа на ТВ наградите БАФТА Овен Купер ги освои сите значајни телевизиски признанија appeared first on plusinfo.mk.

САД понудија награда до 10 милиони долари за информации за водачот на ирачката шиитска милиција Катаиб Сајид ал-Шухада, поддржана од Иран.

Американскиот Стејт департмент, преку својата програма „Награди за правда“, го идентификуваше водачот и ја означи неговата група како терористичка организација, објавува „Гардијан“.

Во објавата на платформата X се наведува дека „членовите на оваа група убиле ирачки цивили и нападнале американски дипломатски мисии во Ирак, како и американски воени бази и персонал во Ирак и Сирија“.

Овој потег е дел од одговорот на САД и Израел на зголемените напади од страна на иранската мрежа на милитантни групи низ Блискиот Исток врз американски, израелски и сојузнички цели.

The post САД ЈА УЦЕНИЈА ГЛАВАТА НА ЛИДЕРОТ НА ШИИТИТЕ ВО ИРАК Нудат 10 милиони долари appeared first on plusinfo.mk.

„Реплек“ уште еднаш потврдува дека стратешкиот и современ пристап во менаџирањето со вработените е еден од клучните предуслови за деловен успех. Оваа фармацевтска компанија освои второ место за најдобра регионална HR практика во категоријата компании до 1.000 вработени, на 14. издание на конференцијата HR Days, која се одржува од 21 до 23 април во Ровињ, Хрватска.

Платформата „РЕсет – РЕцепт за добросостојба“ на „Реплек“ беше препознаена по својот пристап кон добросостојбата на вработените, преку која успешно се интегрираат грижата за физичкото и менталното здравје, како и создавањето здрави навики, не само во рамки на компанијата, туку и пошироко во заедницата.

– За нас, во фокусот се луѓето, чија добросостојба, мотивација и чувство на припадност се двигател на одржливиот развој. Од една оригинална интерна иницијатива, „Ресет“ прерасна во платформа која создава вредност и за заедницата, поттикнувајќи здрави навики, позитивни промени и носејќи значајни резултати – истакна Тања Иванова Ѓорѓиевска, директор на секторот за луѓе во „Реплек“, која ја презентираше практиката на настанот.

Конференцијата, во организација на Alma Career Croatia, обедини повеќе од 500 HR лидери, менаџери и експерти од регионот, кои дискутираа за најактуелните предизвици на пазарот на труд, како што се забрзаното влијание на вештачката интелигенција, недостигот на работна сила, одливот на млад кадар и новите регулаторни рамки.

Настанот го одбележаа и инспиративни предавања од докажани експерти од странство, презентирајќи нови знаења и перспективи од оваа област.

Во една таква динамична средина, HR Days повторно ја афирмираше својата улога како платформа каде се среќаваат идеи, искуства и конкретни решенија.

Ова регионално признание претставува јасен показател дека практиките кои се развиваат во „Реплек“ не само што носат вредност за вработените, туку се и препознаени како пример за современо и одговорно управување со луѓето во пошироки рамки.

Платформата РЕсет минатата година беше прогласена за најдобра HR практика во Македонија од Македонската асоцијација за човечки ресурси.

Со повеќе од 80 години традиција и јасна ориентација кон иднината, „Реплек“ продолжува да инвестира во луѓето како свој највреден капитал, градејќи култура која создава долгорочна вредност за компанијата, за вработените и за заедницата.

The post ВТОРО МЕСТО ЗА „РЕПЛЕК“ НА HR DAYS ВО РОВИЊ „РЕсет“ меѓу водечките регионални HR практики appeared first on plusinfo.mk.

Со настапот на младите македонски балетски надежи и на ѕвездата на Париската опера, Роксан Стојанов, како и со солистот Антонио Конфорти, вчеравечер, на сцената на Македонскиот народен театар, беше отворено 22. издание на „Танц фест“, на кое првпат беше доделена и наградата „Роксан Стојанов“, која годинава ја доби Виола Имери, ученичка по класичен балет во ДМБУЦ „Илија Николовски – Луј“ во Скопје.

Како што посочија од „Танц фест“, се случи историски ден бидејќи на македонската сцена првпат можеше да се проследи магијата создадена од врвните балетски уметници од Париската опера.

Пред присутните настапија најдобрите пет финалисти од вкупно 13 учесници на конкурсот за наградата „Роксан Стојанов“, кои беа избрани дента – Антонија Атанасоска, Виола Имери, Јана Кепевска, Мила Николова и Теа Серафимов.

Жири-комисијата составена од Роксан Стојанов, ѕвезда на Париската опера, Антонио Конфорти, солист на Париската опера, Сандра Мијалкова, примабалерина на НОБ, Кристоф ле Риголер, амбасадор на Франција, и проф. д-р Рисима Рисимкин, кореографка и уметнички директор на натпреварот, ги избра најдобрите три учесници на конкурсот за наградата. Третото место го освои Јана Кепеска, второто Антонија Атанасова, а првото Виола Имери, која доби еднонеделен професионален престој во Париз, под менторство на Роксан Стојанов. Атанасова и Кепеска, пак, добија диплома и стипендија за „Сит кампот“ во Скопје.

Во рамките на програмата беше изведен и 3. чин од „Бајадерка“ – „Кралство на сенките” од Балетскиот оддел при ДМБУЦ „Илија Николовски – Луј“, на музика на Лео Минкус и во кореографија на М. Петипа, додека Роксан Стојанов и солистот на Париската опера, Антонио Конфорти, изведоа фрагмент од „Богородичната црква во Париз“ – во кореографија на Роланд Пети и на музика на Морис Жар. Натпреварот е под покровителство на претседателката на државата, Гордана Сиљановска Давкова. Настаните од програмата на „Танц фест“, кој ќе трае до 5 мај, освен во Скопје, ќе се случуваат и во Битола.

Роксан Стојанов е исклучителна уметница со македонско потекло, чија кариера започнала во Скопје, а врвните достигнувања ги остварила во Европа, но и пошироко во светот.

– За мене е голема емоција што сум вечерва тука во Скопје, за првото издание на наградата „Роксан Стојанов“. Ова место има посебно значење за мене, затоа што тука ги направив моите први чекори во танцот. Тогаш не можев да замислам дека еден ден ќе станам ѕвезда на Париската опера. Патот се создаде меѓу средби и можности кои ми помогнаа да верувам во еден сон што тогаш не се осмелував да го замислам – рече Роксен на отворањето.

Во декември 2024, таа е прогласена за ѕвезда на Париската опера, највисокото уметничко признание на оваа светска реномирана институција. На 21. издание на „Танц фест“ таа ја доби наградата „Менада“ за особен придонес во областа на танцот.

Натпреварот за наградата „Роксан Стојанов“ е организиран од „Интерарт“ и од Францускиот институт во Скопје, со поддршка на Амбасадата на РС Македонија во Париз.

The post НАГРАДАТА „РОКСАН СТОЈАНОВ“ ЈА ДОБИ ВИОЛА ИМЕРИ Ѕвездата на Париската опера се потсети на почетоците на скопските штици appeared first on plusinfo.mk.

Битолчанецот Н.С. ја освои најпосакуваната ВЛТ добивка – СУПЕР МИЛИОНЕР ЏЕКПОТОТ, вреден 5.537.950 денари. Џекпотот беше освоен на 17.03.2026 година со играта „20 Супер Хот“, на видеолотариските терминали кај деловниот соработник „Евротип“ во Битола.

– Искрено му честитаме на нашиот добитник и му посакуваме многу среќа и во иднина. Среќата на нашите играчи е најголемата награда за нас, а овие големи добивки ја покажуваат возбудата и потенцијалот на нашите ВЛТ игри – изјавија од Видеолотарија Касинос Австрија.

Во периодот од 16 до 22 март 2026, Видеолотарија Касинос Австрија исплати вкупно 13.083.707 денари на играчите на ВЛТ терминалите низ Македонија, и тоа:

1 СУПЕР МИЛИОНЕР џекпот – 5.537.950 денари
4 МИЛИОНЕР џекпот добивки – вкупно 5.916.670 денари
МИНИ џекпот добивки – 1.629.087 денари

Компанијата повеќе од една деценија работи успешно во согласност со сите законски регулативи и меѓународни стандарди. Минатата 2025 година беше година на рекорди, со многу среќни ВЛТ добитници – Видеолотарија Касинос Австрија им исплати на играчите импресивни 814.512.912 денари, односно повеќе од 13 милиони евра за џекпот добивки.

The post БИТОЛА ДОБИ СУПЕР МИЛИОНЕР Џекпот од 5,5 милиони денари за еден среќен играч на ВЛТ appeared first on plusinfo.mk.

Во организација на Културниот центар „Интерарт“, кој годинава одбележува 30 години постоење, на 18 април ќе биде отворен 22. фестивал „Танц фест“.

Фестивалот ќе биде отворен со настап на Роксан Стојанов и Антонио Конфорти од Париска опера. Ќе се одржи и гала натпревар за наградата „Роксан Стојанов“ на кој ќе учествуваат петмина финалисти, млади македонски балетски уметници.

Наградата е востановена од Францускиот институт во Скопје и Фестивалот „Танц фест“ со поддршка на Амбасадата на Франција со цел да се поддржи професионалната кариера на млади балетски уметници од 16 до 20 години.

Наградата е иницирана од балерината со француско-македонско потекло Роксан Стојанов, откако лани ја доби наградата „Менада“ на „Танц фест“. Таа живее и работи во Париз и е носителка на престижното признание „Ѕвезда на Париската опера“. На нејзиното минатогодишно гостување на „Танц фест“ во Скопје е родена идејата за оваа награда со која таа сака да им помогне на млади македонски уметници. Роксан го почнала образованието во Скопје и продолжила да ја усовршува кариерата во Франција, освојувајќи ја светската сцена.

Наградата се состои од седумдневен престој во Париз каде што добитникот ќе ја посети Операта и други институции од уметноста во француската престолнина и ќе биде под директно менторство на Роксан Стојанов.

По објавениот повик за наградата и направената селекција, на 18 април во МНТ ќе биде избран и прогласен победникот, со одлука на интернационално жири во кое ќе членуваат и првенци од Париската опера.

Рисима Рисимкин, основачка на „Танц фест“ и на Културниот центар „Интерарт“вчера на прес-конференција рече дека гостувањето на ѕвезди од Париската опера во Скопје е историско и дека првпат кај нас ќе биде изведено дело на легендарниот француски кореограф Ролан Пети, а покровителка на настанот ќе биде претседателката на државата Гордана Сиљановска Давкова.

Во рамки на програмата на „Танц фест“ ќе има Форум за танц и технологија (22-24 април), Денови на македонски кореографи и Скопје танцова платформа со 50-ина професионалци од Европа во чии рамки ќе се одржи Генералното собрание на танцовите фестивали во Европа со учество на 25 директори на фестивали во ЕУ. „Танц фест“ на 5 мај ќе биде затворен во Битола со неколку перформанси во Народниот театар.

„Танц фест“ ќе продолжи да ја доделува наградата „Менада“ за врвни уметници (македонски и светски), чиј добитник за 2026 ќе биде соопштен пред отворањето на годинашниот фестивал.

Фестивалот е поддржан од Министерство за култура и туризам со 2.400.000 денари.

На прес-конференцијата присуствуваа Марија Ѓоргова, државен секретар во Министерство за култура и туризам, Грегоар Жислер, директор на Француски институт во Скопје, Никола Кимовски, директор на Македонски народен театар и Кире Павлов од Национална опера и балет.

Програмата на фестивалот ја претставија Матеа Мијановиќ, директор, и Рисима Рисимкин, основач на Интерарт Културен Центар и Танц фест.

The post ТАНЦ ФЕСТ ЌЕ ГО ОТВОРАТ ЅВЕЗДИ ОД ПАРИСКАТА ОПЕРА Фестивалот ќе се одржи од 18 април до 5 мај appeared first on plusinfo.mk.

Тимот на Публицис Груп ја освои наградата за Најдобар корпоративен настан на овогодинешниот BEAM Festival, за организирање на прославата за 40 роденден на НЛБ Банка Скопје.

Одделот за организација на настани на Публицис Груп, заедно со креативниот тим на Saatchi&Saatchi и во соработка со тимот на НЛБ Банка Скопје организираа спектакуларен гала концерт со маестро Симон Трпчевски, кој настапи во придружба на квинтетот Македонисимо и Камерниот ансамбл – солисти од Факултетот за музичка уметност во Скопје, како и поп-дивата Каролина Гочева.

– Со огромна чест и задоволство ја примаме оваа награда и притоа сакаме да се заблагодариме на НЛБ Банка Скопје за укажаната доверба да организираме еден олку важен настан, кој одбележува јубилеј со кој малку компании во земјава можат да се пофалат. Честитки до целата екипа која беше вклучена во процесот и која помогна да го направиме невозможното – возможно – изјавија од Публицис Груп.

Настанот кој се одржа на 26 ноември 2025 година во Националната опера и балет на едно место ги собра претставниците на институциите, партнерите и соработниците, клиентите, важните и истакнати поединци на Банката, како и вработените, кои ја имаа можност да уживаат во спектакуларна прослава која уште долго ќе се памети.

Претходно, истиот ден беше организирана и конференцијата „NLBNext“ на тема „Иднината на банкарството“ која понуди интересни панел дискусии и го задржа вниманието на присутните. Беше креирана и интензивна ПР комуникација која неколку дена ги исполни економските рубрики на најрелевантните медиуми во земјава.

– Нашата прослава инспирирана од јубилејниот слоган „Што ако можеш сѐ?“ и четирите децении посветеност, иновации и раст е доказ дека кога ќе се спојат луѓето, визијата и храброста, само небото е граница. Море од идеи, неколку креативни концепти и стотици часови тимска работа за да се создаде искуство што се памети. Јубилејот на Банката беше повеќе од само настан. Тој беше живописно патување низ историјата, сегашноста и иднината, прослава посветена на извонредност и партнерства – изјавија од НЛБ Банка.

Наградата од BEAM Festival уште еднаш ги потврдува високите стандарди кон кои се придржува Публицис Груп, особено кога е во прашање реализацијата на идеите на своите клиенти. Но, исто така претставува мотивација за енергичниот и креативен тим на Агенцијата да продолжи да ги тестира своите можности и да ја поместува границата на она што го дефинираме како успех.

The post ПУБЛИЦИС ГРУП ДОБИ НАГРАДА ЗА ПРОСЛАВАТА НА НЛБ БАНКА Статуетка за Најдобар корпоративен настан на BEAM Festival appeared first on plusinfo.mk.

Меѓународниот Аеродром Скопје и оваа година ја доби престижната награда за квалитет на аеродромските услуги (ASQ) за 2025-та година за „Најпријатно аеродромско искуство во Европа“ од Меѓународниот совет на аеродроми(ACI), соопшти ТАВ Македонија.

Наградата која скопскиот аеродром ја добива по 11 пат е уште едно признание од патниците во заминување кои што ги пополнуваа анкетите за задоволство од квалитетот на аеродромските услуги, преку кои се мерат клучните индикатори како што се ефикасноста на пријавувањето на патници и багаж (чекирањето), безбедносната проверка, снаоѓањето низ аеродромот, како и целокупната леснотија при движење низ аеродромот.

Ова континуирано меѓународно признание е уште еден доказ за посветеноста на вработените на аеродромот кон квалитетот на услугите, грижата за патниците и постојаното унапредување на стандардите во работењето. А наградата, која се темели на оценките од патниците, покажува дека скопскиот аеродром ги исполнува нивните очекувања.

-Оваа награда, целосно заснована врз повратните информации од патниците преку програмата за квалитет на аеродромските услуги, го потврдува нашиот стратешки фокус на ефикасност, сигурност и патничко искуство. Во ТАВ Македонија, ние остануваме целосно посветени на обезбедување беспрекорно, висококвалитетно патување и континуирано подобрување на нашата работа – изјави Неџат Курт, генерален директор на ТАВ Македонија.

Џастин Ербачи, генерален директор на ACI World, изјави:

-Добивањето на ASQ наградата за квалитет на аеродромските услуги од ACI ја потврдува континуираната посветеност на Меѓународниот аеродром Скопје да ги слуша своите патници. Ова признание ја одразува вашата заложба за постојано унапредување и обезбедување исклучително патничко искуство за сите патници.

Меѓународниот Aеродром Скопје припаѓа во ASQ панел од 20 аеродроми, во категоријата аеродроми во Европа со големина од 2 до 5 милиони патници годишно. Покрај Меѓународниот Aеродром Скопје, другите аеродроми во овој панел се аеродроми во Италија, Шпанија, Португалија, Норвешка, Естонија како и уште два аеродроми управувани од ТАВ Аеродроми, аеродромот во Загреб и Тбилиси во Грузија.

Досега, за 2012, 2015, 2013 и 2018 Меѓународниот Аеродром Скопје ја доби ASQ наградата – Најдобар аеродром во Европа во големината до 2 милиони патници, додека за 2019, 2020, 2021, 2022, 2023 и 2024 аеродромот ја доби ASQ наградата, но во големина од 2 до 5 милиони патници годишно, врз основа на порастот на бројот на патници кој автоматски овозможи да се натпреварува со таа група на аеродроми во регионот на Европа.

The post СКОПСКИОТ АЕРОДРОМ ДОБИ УШТЕ ЕДНА МЕЃУНАРОДНА НАГРАДА ЗА КВАЛИТЕТ НА УСЛУГИТЕ Патниците му дадоа епитет „најпријатно аеродромско искуство во Европа“ appeared first on plusinfo.mk.

Во Берлин синоќа, со филмот „Нема добри луѓе“ од авганистанскиот режисер Шарбан Садат, беше отворен 76. Меѓународен филмски фестивал („Берлинале“). Во првата вечер, холивудската ѕвезда и „Оскаровка“ Мишел Јео ја доби почесната „Златна мечка“ за животно дело.

Годинава, 22 филма се натпреваруваат за главните награди на фестивалот, „Златната“ и „Сребрената мечка“, а претседател на жирито е германскиот режисер Вим Вендерс. Примајќи го почесното признание, Јео се потсети на своите почетоци и поддршката што ја добивала во германскиот главен град.

– Кога сè уште се барав каде припаѓам, Берлин ме прифати. Тоа рано добредојде беше важно. Покажа дека има место за гласовите од маргините, за уметници кои сè уште се дообликуваат – рече малезиската глумица, држејќи ја наградата в раце.

Претседателот на меѓународното жири, Вендерс, за „Варајети“ (Variety) рече дека филмовите можат да го променат светот, но не директно преку политиката.

– Ниеден филм не го променил мислењето на политичар, но може да го промени начинот на кој луѓето размислуваат за тоа како сакаат да живеат. Уметниците треба да работат во интерес на луѓето, а не на политичарите – изјави Вендерс, дополнувајќи дека филмот е противтежа на политиката.

Тој нагласи дека овој фестивал се издвојува по разноликоста и по тематската разновидност на филмовите, наведувајќи дека публиката може да види „повеќе лица од светот отколку на кој било друг фестивал“ на планетава.

И покрај дождот и студеното време, Бела Ремзи, Нил Патрик Харис, Даниел Брил и Ларс Ајдингер прошетаа по црвениот тепих, додека некои учесници ја искористија можноста да испратат и политички пораки, носејќи транспаренти со натписи против фашизмот и во поддршка на иранскиот народ. Овогодишното издание на „Берлиналето“ трае до 22 февруари, а членовите на жирито, предводени од Вендерс, ќе го објават добитникот на „Златната мечка“ за најдобар филм на свеченото затворање на 21 февруари.

The post ОСКАРОВКАТА МИШЕЛ ЈЕО ДОБИ „ЗЛАТНА МЕЧКА“ ЗА ЖИВОТНО ДЕЛО Филмот „Нема добри луѓе“ го отвори Берлинале 2026 appeared first on plusinfo.mk.

Стивен Спилберг се приклучи на престижниот клуб EGOT (акроним за наградите Еми, Греми, Оскар и Тони, ознака што им се дава на луѓе кои ги освоиле сите четири главни награди за изведувачки уметности во Соединетите Американски Држави).

Славниот режисер го постигна овој статус со освојувањето на наградата Греми за најдобар музички документарец за неговиот документарец „Music by John Williams“, посветен на неговиот долгогодишен соработник, композиторот на некои од најпознатите филмски музички теми.

Гремито ја заокружи колекцијата на Спилберг од четирите најважни награди во индустријата за забава, приклучувајќи се кон мала група од 20 други уметници од светот на филмот, телевизијата, музиката и театарот, пишува Variety.

Наградениот документарец достапен на платформата Disney+, ја следи кариерата на легендарниот композитор и неговото децениско партнерство со Спилберг. Нивната соработка започна со филмот „The Sugarland Express“, а продолжи преку класици како „Jaws“, „Шиндлеровата листа“ и „Спасувањето на војникот Рајан“.

Самото резиме на Спилберг поврзано со Оскар го става во одбрано друштво. Тој е номиниран за најдобар режисер девет пати, трет во историјата, зад Мартин Скорсезе (номиниран 10 пати) и Вилијам Вајлер (номиниран 12 пати).

Тој ја освои наградата двапати, за епот за холокаустот „Шиндлеровата листа“ (1993) и воената драма „Спасувајќи го војникот Рајан“ (1998).

Како продуцент, го држи рекордот со 14 номинации за најдобар филм, од кои најновата беше за драмата на Клое Жао „Хамнет“.

На телевизија, Спилберг ја освои наградата „Прајмтајм Еми“ за најдобра анимирана програма за „A Pinky and the Brain Christmas“ (1995). Исто така освои три награди Еми за најдобра ограничена или антологиска серија: за воената драма „Band of Brothers” (2001.), научно-фантастичната мини-серија „Taken“ (2003) и серијата „The Pacific“ (2010), сите продуцирани од HBO.

Патот до наградата Тони започна во 2022 година, кога го продуцираше наградуваниот мјузикл „A Strange Loop“ со неговата сопруга Кејт Кепшо и колешката со EGOT статус Џенифер Хадсон. Иако Спилберг не беше наведен поединечно на официјалната веб-страница на наградите Тони, списанието Variety доби потврда од организаторите дека ја добил статуетката како дел од продуцентска група наведена под етикетата „et al“. Спилберг беше номиниран и за најдобар мјузикл за претставите „Water for Elephants“ (2024) и „Death Becomes Her“ (2025).

Во својата изјава, Спилберг им се заблагодари на гласачите.

– Ви благодарам на сите гласачи за Греми, чие признание за „Music by John Williams“ ми значи сè, како и на нашиот тим во Амблин, Дарил Френк и Џастин Фалви, и честитки до нашите партнери во „Имеџин“ и компанијата „Волт Дизни“. Ова признание ми значи многу бидејќи го потврдува она што го знам повеќе од 50 години: влијанието на Џон Вилијамс врз културата и музиката е неизмерно, а неговата уметност и наследство се неспоредливи – рече тој.

Со победата на Спилберг, клубот EGOT останува една од најмалите и најексклузивните почести во индустријата за забава. До денес, има 20 победници на EGOT во натпреварувачките категории: Ричард Роџерс, Хелен Хејс, Рита Морено, Џон Гилгуд, Одри Хепберн, Марвин Хамлиш, Џонатан Туник, Мел Брукс, Мајк Николс, Вупи Голдберг, Скот Рудин, Роберт Лопез, Ендру Лојд Вебер, Тим Рајс, Џон Леџенд, Алан Менкен, Џенифер Хадсон, Виола Дејвис, Елтон Џон, Бенџ Пасек и Џастин Пол.

The post 🎥 СТИВЕН СПИЛБЕРГ ОСВОИ ГРЕМИ Култниот режисер се приклучи на престижниот клуб ЕГОТ appeared first on plusinfo.mk.