Државната награда „Гоце Делчев“ за 2025 година денеска им беше доделена на  група автори: проф. д-р Веселинка Лаброска, академик и проф. д-р Марјан Марковиќ, проф. д-р Коста Пеев, проф. д-р Васил Дрвошанов, проф. д-р Еленка Стоевска-Денчова, проф. д-р Светлана Давкова-Ѓоргиева, проф. д-р Гоце Цветановски, д-р Ангелина Панчевска, м-р Соња Миленковска, д-р Давор Јанкуловски, д-р Македонска Додевска, д-р Дарко Томовски, м-р Ѓорѓе Геновиќ, постхумно на проф. д-р Аритон Поповски, проф. д-р Маријана Киш и проф. д-р Убавка Гајдова за научното дело „Македонски дијалектен атлас“ (од ризницата на картотетката-лексички материјали)“.

На доделувањето на наградата во Собранието присуствуваше министерката за образование и наука Весна Јаневска, која истакна дека со државната награда „Гоце Делчев“ се оддава општествено признание за особено значајно остварување во сите области од науката од интерес на Македонија.

– Научното дело „Македонски дијалектен атлас“ (од ризницата на картотеката-лексички материјали), изработено од група автори,  ја отсликува работата на сите претходници и современици, а со тоа исцртува не само слика за лексичкото богатство на македонската дијалектна територија, туку и слика за долгогодишната ангажираност на дијалектолозите во овој мошне значаен проект за македонистиката и за славистиката.  На добитниците на наградата им упатувам искрени честитки и им посакувам уште поголеми успеси и значајни научни достигнувања во иднина, потенцира министерката за образование и наука – рече Јаневска.

Министерката Јаневска нагласи дека државата има должност да создава услови за напредок на науката, истражувањето и иновациите и со тоа да помага во креирањето на глобалните позитивни промени. За Владата, како што рече, унапредување на националниот научно-истражувачки екосистем е еден од програмските приоритети и во изминатите неколку месеци, значително е подобрен третманот на науката и на високото образование, преку зголемени инвестиции, но и преку јакнење на регулативата која ги уредува овие области.

– Прв наш чекор во таа насока беше изработката на Предлог Националната програма за научно-истражувачка дејност – стратешки документ кој долго време недостасуваше во креирањето на релевантни политики.  Сега работиме на нови законски решенија за високото образование и научно – истражувачката дејност, кои треба да обезбедат повеќе права и можности за засегнатите. Дел од вас присутните се вклучени во процесот на нивно креирање и очекувам до крајот на годината да ги имаме новите закони – рече Јаневска.

Во однос на расположливите средства за наука, истражувања и иновации, таа изрази благодарност до сите владини членови, кои, како што рече, поддржаа да издвоиме и усвоиме најголем буџет досега, кој изнесува 680 милиони денари, и речиси двојно е поголем од ланскиот.

– Започнавме со негова распределба. Веќе се објавени три конкурси за финансирање на национални научно истражувачки проекти на јавните високообразовни и научни установи, на МАНУ и проекти изработени во партнерства со бизнис заедницата, со фокус на исполнување на целите од Стратегијата за паметна специјализација.  Преку трите конкурси ќе се доделат 376 милиони денари, па еве, денешнава е уште една добра прилика да ги повикам сите научници и истражувачи, како и компании посветени на науката и истражувањата, да креираат и да аплицираат со иновативни проекти, посочи министерката Јаневска.

Според неа, овие мерки се дел од нашата визија за модерна, отворена и конкурентна држава, заснована на знаење, иновации и наука.

– Ќе продолжиме со уште посилен фокус и посветеност кон создавање услови за научен развој и меѓународна соработка – најави Јаневска.

Претседателот на Одборот за доделување на наградата „Гоце Делчев“ академик Живко Попов им го врачи признанието на годинашните добитници. Од името на наградените се обрати проф. д-р Веселинка Лаброска, која истакна дека авторите на овој атлас претставуваат пример за сплотеност и соработка меѓу Интитутот за македонски јазик „Крсте Мисирков“ и Истражувачкиот центар за ареална лингвистка (ИЦАЛ) при МАНУ.

Добивањето на ваква престижна награда, како што рече, обврзува да работиме уште посплотено и да покажеме дека тимската работа поткрепена со индивидуална одговорност е вистинската формула за успех, не само во лингвистиката, туку  во сите сфери.

– Народот што сам се цени, си го цени најпрво сопствениот јазик, јазикот на кој ги обликува своите мисли и чувства, а потоа ги учи другите јазици. Наш јазик е македонскиот и за нас тој е најубавиот и најбогатиот јазик – потенцира Лаброска.

The post ДОДЕЛЕНА Е ДРЖАВНАТА НАГРАДА „ГОЦЕ ДЕЛЧЕВ“ Ја добија група автори за научното дело „Македонски дијалектен атлас“ appeared first on plusinfo.mk.

Докмановиќ е добитник на наградата за делото „Сами на своето – кратка историја на македонската независност (1990 – 1993)“.

Претседателот на МАНУ академик Љупчо Коцарев, на доделувањето на наградата рече дека за да опстоиме, за да се спротивставиме на минливоста предложи науката да прерасне во вистински водич на иднината на земјава.

-На Македонија денес науката и е потребна повеќе од кога било од две причини. Еднаш и засекогаш треба да се обединиме во целост околу научните факти, признаени од светската наука со кои се потврдува дека македонскиот народ и неговиот историски, јазичен, културен и религиски континуитет се автохтони категории. Нагласувајќи дека македонскиот јазик, како впрочем и сите други јазици, не само словенските, има свој просторен и свој временски, да бидам прецизен, милениумски континуитет – нагласи Коцарев.

Македонскиот национален супстрат, како што рече, го претставуваат Македонците кои живеат во државата Македонија, но и оние во соседството, како државјани на соседни земји, вклучувајќи ги тука и Грција и Бугарија, како и низ целиот свет.

Според него, научно-истражувачката дејност во земјава е целосно маргинализирана, сведена под неопходниот минимум. Тој рече дека има појава на квазинаучни трудови, трудови што целосно се плагијати, купени магистерски и докторски тези…, а секторот наука, како што рече, е системски планирано и намерно уништуван од незвисноста до денес. тој додаде дека на земјава насушно и е потребна Национална стартегија за развој што ќе биде подготвена во синергија од МАНУ, универзитетите и стопанските комори, а која денешната и идните влади ќе бидат обврзани да ја имплементираат.

Докмановиќ им се заблагодари на сите оние кои придонеле за неговото дело, семејството, рецензентите на книгата и издавачот на книгата Фондацијата „Фридрих Еберт“. Наградата им ја посвети на сите колеги и колешки од Универзитетот „Св. Кирил и Методиј“- Скопје и на академската заедница во земјава со кои, како што рече, секојдневно се бориме за подобро образование.

Тој порача дека државата и националниот интерес во 21 век не се бранат со митинзи, со декларации, со фејсбук статуси и транспаренти, брзоплето и неодговорно, туку со мудри и долгорочни политики со јасно пресметани цели за опстанок на земјата, со дела, а не со зборови.

-Нашето востание одамна е кренато. Денеска се бориме да бидеме еднакви со сите европски народи – потенцира Докмановиќ.

Мишо Докмановиќ е редовен професор на Правниот факултет „Јустинијан Први“ во Скопје. Ги предава предметите историја на правото и современа македонска историја на додипломските студии и предметите Балканот и американската дипломатија, Дипломатски протокол и Историја и дипломатија на Блискиот Исток на последипломските студии. Во периодот 2007 – 2013 г. го предавал и предметот право и информатичка технологија.

За врвните резултати во научноистражувачката дејност д-р Докмановиќ е добитник на наградата „Научник на годината“  на Универзитетот „Св. Кирил и Методиј“ во Скопје за 2013 година. Тој е најмлад добитник на оваа награда досега.

Докмановиќ е претседател на Македонско – американската алумни асоцијација, претседател на Управниот одбор на Институтот за стратешки истражувања и едукација – ИСИЕ. Член е на Одборот за акредитација и евалуација на високото образование. Од  октомври  2017  година  проф.  д-р Докмановиќ е член на Делегацијата на Република Македонија во Меѓународната алијанса за сеќавање на холокаустот (Intenational Holocaust Remebrance Alliance).

Тој е автор и коавтор на преку 70 научни и стручни трудови, објавени во референти списанија во земјата и странство на англиски и француски јазик. Проф. Докмановиќ е автор на првиот универзитетски учебник за  американската  надворешна  политика  објавен  на  македонски  јазик -„Балканот  и американската дипломатија во XX  век“.  Член е на повеќе меѓународни здруженија вклучувајќи го Европското друштво за компаративна правна историја.

На врачувањето на наградата „Гоце Делчев“ во Собранието присуствуваа академици, професори, пратеници…

The post ВРАЧЕНА НАГРАДАТА „ГОЦЕ ДЕЛЧЕВ“ Лауреатот Докмановиќ вели националниот интерес се брани со дела не со митинзи appeared first on plusinfo.mk.

Од Владата за Плусинфо рекоа и дека поради ситуацијата со пандемијата, нема да се одржи церемонијата на која вообичаено се доделува наградата во просториите на Собранието, но дека за сите добитници се подготвени статуетки и признанија и истите ќе им бидат доставени. Од Владата, меѓутоа не отркија кои се добитниците на ова признание за 2020 година.

Плусинфо неофицијално дознава дека добитници на наградата се научните трудови „Интерна медицина“ од група автори, одговорен уредник проф. д-р Соња Генадиева Ставриќ и „Сите лица на речта: беседи“ од академик проф. д-р Катица Ќулавкова.

Државната награда „Гоце Делчев“ не беше доделена во 2018 и 2019 година. Причина за откажување на доделувањето на оваа награда во 2018 година беше пробивањето на роковите. Во 2019 година, пак, наградата не беше доделена бидејќи, како што беше тогаш соопштено, немало доволно пари за тоа, а и мандатот на составот на Комисијата за доделување на наградата бил истечен.

Со државната награда „Гоце Делчев“ се оддава општествено признание за особено значајно остварување во сите области од науката од интерес на Македонија. Оваа награда за првпат е доделена во 1949 година кога ја добил академик Блаже Конески.

Лани на 25 декември Министерството за образование и наука го објави конкурсот за доделување на државната награда „Гоце Делчев” во 2021 година. Во конкурсот е утврдено дека таа ќе биде доделена на 4 мај, денот кога е убиен македонскиот револуционер Гоце Делчев.

The post Владата се правда: Наградата „Гоце Делчев“ ќе се додели без церемонија, но има статуетки за добитниците appeared first on plusinfo.mk.

Лани во декември за прв пат се распиша конкурс. Донесена е и одлука, која, според некои објаснувања, сè уште не била објавена во „Службен весник“. Наводно, тоа е причината што наградата официјално не е доделена на 4 мај, денот на погибијата на големиот македонски револуционер Делчев, како што е традиција.

Плусинфо неофицијално дознава дека добитници на наградата се научните трудови “Интерна медицина“ од група автори, одговорен уредник проф. д-р Соња Генадиева Ставриќ и „Сите лица на речта: беседи“ од академик проф. д-р Катица Ќулавкова.

Законска обврска за доделување на наградата за највисоки достигнувања во областа на науката има Министерството за образование и наука, со кое раководи министерката Мила Царовска.

Неофицијално дознаваме дека владиниот врв не може да се помири со одлуката еден од добитниците на оваа престижна награда да биде академик Ќулавкова. Поради тоа постои опасност воопшто да не се организира свечено доделување на наградата, а „виновник“ ќе биде пандемијата.

The post После три „посни“ години, распишан конкурс за наградата „Гоце Делчев“, кај да се падне баш во рацете на академик Ќулавкова?! appeared first on plusinfo.mk.