Русија од мај повеќе нема да транспортира нафта од Казахстан до Германија преку нафтоводот „Дружба“, соопшти рускиот вицепремиер Александар Новак.

Новак, кој е задолжен за енергетиката, изјави дека испораките на казахстанска нафта за Германија преку „Дружба“, која повеќепати беше цел на напади за време на конфликтот во Украина, од 1 мај ќе бидат пренасочени поради „актуелните технички можности“.

Тој додаде дека за ова ја информирал казахстанската страна за време на разговорите минатата недела.

Казахстанскиот министер за енергетика Ерлан Акенженов претходно изјави дека Русија планира целосно да го прекине транзитот на нафта преку „Дружба“ до рафинеријата ПЦК во германската покраина Бранденбург.

Акенженов рече дека Москва се повикува на технички тешкотии во транспортот на казахстанската нафта и посочи дека тоа би можело да биде поврзано со неодамнешните напади врз руската инфраструктура.

Новак, исто така, нагласи дека Русија нема интерес да биде транзитна земја, додавајќи дека Германија веќе се откажала од руската нафта и дека „на нивна страна сè функционира“.

Казахстанската нафта беше клучна за Германија во намалувањето на зависноста од Русија по инвазијата врз Украина.

Казахстан не планира да го намали производството и може да ги пренасочи испораките преку други рути, изјави Акенженов на маргините на еколошки форум во главниот град Астана.

Германската филијала на Росњефт добила известување од казахстанските партнери дека од мај се очекуваат потешкотии во испораките.

– Мораме да разгледаме како да обезбедиме алтернативни испораки доколку е потребно, за ПЦК да продолжи да работи со полн капацитет – изјави портпарол на Росњефт Германија.

Нафтоводот „Дружба“ во последните месеци е предмет на спорови во Европската Унија, при што Украина тврди дека транзитот кон Унгарија и кон Словачка е прекинат поради руски напади, што ја натера Будимпешта да блокира европски фондови за Киев.

Сепак, украинскиот претседател Володимир Зеленски вчера соопшти дека нафтоводот е поправен. ЕУ денеска се согласи да одобри заем од 90 милијарди евра за Украина и да воведе нови санкции кон Русија, откако Унгарија ја повлече својата повеќемесечна блокада по изборите на 12 април, на кои изгуби премиерот Виктор Орбан.

The post РУСИЈА НЕМА ДА ТРАНСПОРТИРА НАФТА ОД КАЗАХСТАН ДО ГЕРМАНИЈА ПРЕКУ „ДРУЖБА“ Москва тврди дека има технички тешкотии appeared first on plusinfo.mk.

Украина заврши со поправка на оштетениот дел од нафтоводот Дружба и се подготвува за повторно пуштање во употреба, изјави денеска украинскиот претседател Володимир Зеленски.

Toj предупреди дека нема гаранција дека Русија нема повторно да го ракетира нафтоводот.

Претседателот на Европски совет, Антонио Кошта на платформата Икс му се заблагодари на Зеленски за поправката на нафтоводот, кој според Киев беше оштетен при руски напад со дронови.

Поправката на Дружба е спорно прашање поради што беше одложено одобрувањето на кредит од Европска Унија за Украина во висина од 90 милијарди евра.

Унгарија и Словачка два месеци не добиваа руска нафта преку Дружба, поради што Будимпешта и Братислава ја обвинуваа Украина дека ја опструира доставата.

Претходно Зеленски изјави дека не сака да дозволи руската нафта да поминува низ неговата земја.

The post УКРАИНА ГО ПОПРАВИ НАФТОВОДОТ „ДРУЖБА“ Се подготвува повторното пуштање на нафтата appeared first on plusinfo.mk.

Од 1 мај, Русија ќе го суспендира извозот на казахстанска нафта во Германија преку нафтоводот „Дружба“, пишуваат западните медиуми кои се повикуваат на повеќе извори.

Новиот распоред за извоз на нафта веќе е доставен до Казахстан и до Германија.

Овој потег доаѓа во време на затегнати политички и деловни односи меѓу Русија и Германија поради конфликтот во Украина.

Руското Министерство за енергетика засега не ги коментира изјавите.

Извозот на казахстанска нафта во Германија преку рускиот нафтовод „Дружба“ изнесуваше 2,146 милиони метрички тони, или околу 43.000 барели дневно во 2025 година, што е зголемување од 44% во споредба со 2024 година.

Казахстан ја снабдува Германија со нафта преку северната гранка на „Дружба“ што минува низ Полска, а претходно снабдувањето беше прекинато неколку пати поради напади на украински беспилотни летала врз нафтовод во Русија.

Рафинеријата PCK во германскиот град Швет, една од најголемите во земјата, делумно се снабдува со казахстанска сурова нафта транспортирана преку тој нафтовод по прекинот на снабдувањето со руска нафта од почетокот на конфликтот меѓу Москва и Украина во 2022 година.

Во 2022 година, Германија ги стави локалните единици на најголемиот руски производител на нафта „Роснефт“ под старателство, со што ги прекина долгогодишните енергетски врски со Русија.

The post ПУТИН ГИ ЗАТВОРИ ВЕНТИЛИТЕ НА НАФТОВОДОТ ДРУЖБА ЗА ГЕРМАНИЈА Од 1 мај Казахстан има нов распоред за извоз на нафта appeared first on plusinfo.mk.

Победникот на унгарските парламентарни избори, Петер Маѓар, денеска изјави дека испораката на руска нафта преку нафтоводот Дружба би можела да продолжи следната недела.

Тој рече дека од унгарската нафтена и гасна група МОЛ му рекла дека „врз основа на информации од нивните партнери, очекуваат нафтоводот Дружба да биде рестартиран следната недела“.

Унгарија и Словачка се исклучени од нафтоводот Дружба од крајот на јануари, откако руски напад со беспилотни летала оштети нафтовод во западна Украина.

Унгарија го блокираше европскиот заем за Украина поради Дружба, а словачкиот министер за надворешни работи Јурај Бланар вчера изјави дека Словачка ќе блокира нова рунда санкции на Европската Унија против Русија доколку не добие гаранции за испорака на нафта преку нафтоводот Дружба.

Украинскиот претседател Володимир Зеленски минатиот петок изјави дека Украина постигнала значителен напредок во реставрацијата на оштетениот нафтовод Дружба и дека поправките ќе бидат завршени пролетва.

-Ќе ги завршиме поправките бидејќи тоа е договорот. Им реков дека ќе ги завршиме оваа пролет – рече Зеленски.

The post ИСПОРАКИТЕ НА РУСКА НАФТА ЗА УНГАРИЈА ЌЕ ПОЧНАТ СЛЕДНАТА НЕДЕЛА Најавено рестартирање на нафтоводот Дружба appeared first on plusinfo.mk.

Шефот на словачката дипломатија Јурај Бланар изјави дека Словачка ќе ги блокира новите санкции на Европската Унија против Русија доколку не добие гаранции за испорака на нафта преку нафтоводот „Дружба“, што беше оштетен во руските напади врз Украина на 27 јануари.

Словачка и Унгарија, кои се во голема мера зависни од руската нафта, ја обвинија Украина дека се обидува да ја одложи поправката на нафтоводот.

– Доколку нафтоводот „Дружба“ не биде оперативен до одобрувањето на 20-тиот пакет санкции ние нема да го одобрим. Немаме друг начин да ги принудиме украинскиот претседател Володимир Зеленски и Европската комисија да ја поправат „Дружба“ – рече Бланар.

Нафтоводот „Дружба“ испорачува нафта за Словачка и Унгарија, две земји без излез на море, кои некогаш беа членки на Варшавскиот пакт.

Словачкиот премиер Роберт Фицо изјави дека Европската Унија останува силен и вреден проект, но дека нејзиното сегашно управување е во лоша состојба и не ги одразува интересите на земјите-членки.

– Европската Унија е прекрасен проект, тоа е прекрасна организација, но проблемот е што денес е во многу лоши раце. Раководството на Европската Унија воопшто не им служи на интересите на земјите-членки – рече Фицо.

Тој оцени дека сегашните европски лидери немаат никакво меѓународно влијание, издвојувајќи ја шефицата на европската дипломатија Каја Калас, претседателката на Европската комисија Урсула фон дер Лајен и претседателот на Европскиот совет Антонио Кошта.

Роберт Фицо и Виктор Орбан, кој во неделата претрпе пораз на унгарските избори, се сметаат за најблиските сојузници на рускиот претседател Владимир Путин во рамките на Европската Унија.

The post СЛОВАЧКА ЌЕ СТАВИ ВЕТО НА НОВИОТ ПАКЕТ САНКЦИИ ЗА РУСИЈА Услов е да се поправи нафтоводот „Дружба“ appeared first on plusinfo.mk.

Словачкиот премиер Роберт Фицо се закани дека ќе ги блокира новите санкции на ЕУ кон Русија поради блокадата на нафтоводот „Дружба“, преку кој Украина ја прекина испораката на нафта пред два месецa.

„Ако Европската комисија ѝ даде предност на Украина во однос на Словачка, може да заборави на поддршката за 20-тиот пакет санкции кон Русија или на нашата подготвеност да соработуваме во (спроведувањето на плановите) за брз пристап на Украина во ЕУ“, порача Фицо во видеопорака на Фејсбук.

Фицо наведе дека Европската комисија не направила ништо за да го принуди украинскиот претседател Володимир Зеленски да се нормализираат испораките преку нафтоводот „Дружба“.

„Ги регистрираме изјавите на украинскиот претседател дека тој апсолутно нема интерес за обновување на транзитот на руска нафта. По прекинот на транзитот на руски гас, ова го означува вториот отворено непријателски и економски штетен потег на Володимир Зеленски против Словачка“, истакна Фицо.

Според него, доколку испораките на нафта преку нафтоводот „Дружба“ продолжеле, Словачка и регионот на Централна Европа немало да се соочат со тешка ситуација поради зголемените цени на горивото.

Украинските власти тврдат дека нафтоводот „Дружба“ претрпел штета во руски напад во јануари, но одбиваат да им дозволат на европските експерти да го прегледаат.

The post ФИЦО СЕ ЗАКАНИ ДЕКА НЕМА ДА ГИ ПОДДРЖИ САНКЦИИТЕ КОН РУСИЈА Европа не прави ништо за да го принуди Зеленски да го пушти нафтоводот „Дружба“ appeared first on plusinfo.mk.

Експерти од ЕУ пристигнаа во Украина за да ја проценат состојбата на нафтоводот „Дружба“, објави денеска украинската државна енергетска компанија „Нафтогас“.

Затворањето на гасоводот во јануари предизвика спор со Унгарија, која го блокира големиот заем од ЕУ за Украина во износ од 90 милијарди евра.

Брисел минатата недела предложи да се испраќати мисија за инспекција на гасоводот. Киев ја прифати понудата на ЕУ за обезбедување техничка помош и за финансирање на обновувањето на протокот на нафта низ оштетениот нафтовод.

Унгарија и Словачка останаа без нафта преку нафтоводот „Дружба“ кон крајот на јануари, откако Киев соопшти дека руски напад ја погодил опремата на нафтоводот во западна Украина и дека ќе биде потребно време за нејзино поправање.

„Нафтогас ја цени понудата на ЕУ за финансиска и техничка помош за обновување на инфраструктурата на пумпната станица Броди“, објави извршниот директор на „Нафтогас“, Серхиј Коретски доцна синоќа.

Коретски рече дека работата на „техничката работна група“ треба да им помогне на „Нафтогас“ и нејзината подружница „Укртранснафт“ да го обноват цевководот „во согласност со највисоките европски инженерски и безбедносни стандарди и да спречат понатамошни терористички напади“.

Тој не кажа дали групата експерти планира да го посети оштетениот цевковод.

ШТОМ НЕМА НАФТА ВО „ДРУЖБА“ НЕМА НИ ПАРИ ЗА УКРАИНА Унгарија и Словачка го блокираат заемот од 90 милијарди евра за Киев

The post ЕВРОПСКИ ЕКСПЕРТИ ЌЕ ЈА ПРОЦЕНАТ СОСТОЈБАТА НА НАФТОВОДОТ „ДРУЖБА“ Ќе помогнат во обновата на оштетената инфраструктура appeared first on plusinfo.mk.

Ако украинскиот претседател Володимир Зеленски сака да биде финансиран од Брисел, Украина мора да ги обнови испораките преку нафтоводот „Дружба“, рече денеска премиерот на Унгарија, Виктор Орбан.

– Ако нема нафта, нема пари – нагласи Орбан во видео објавено на Фејсбук.

Тој наведе дека денеска разговарал со претседателот на Европскиот совет, Антонио Кошта и со премиерот на Словачка, Роберт Фицо за украинската блокада на испораките на нафта.

Орбан истакна дека ставот на Унгарија останува непроменет.

– Ако Зеленски сака да добие пари од Брисел, мора да ја обнови работата на нафтоводот „Дружба“ – истакна Орбан.

Тој, исто така, ја обвини Украина дека ја користи блокадата на нафтата, за да влијае на домашната политичка ситуација во Унгарија во корист на опозициската партија Тиса.

The post АКО НЕМА НАФТА ПРЕКУ „ДРУЖБА“ ЌЕ НЕМА НИ ЕВРОПСКИ ПАРИ ЗА УКРАИНА Орбан повторно го предупреди Зеленски appeared first on plusinfo.mk.

Унгарскиот премиер Виктор Орбан денеска порача дека неговата земја мора да победи во борбата со Украина за повторно отворање на нафтоводот „Дружба“ нарекувајќи го тоа егзистенцијално прашање за државата.

Орбан истакна дека унгарската стратегија е веќе во сила и изрази уверување дека ќе даде резултати уште пред претстојните избори.

– Никогаш нема да се согласиме под притисок на уцени. Тие попрво ќе останат без пари отколку што ние ќе останеме без нафта –  изјави Орбан, додавајќи дека Киев отворил „западен конфликт“ против Унгарија наместо да се фокусира на војната со Русија.

Унгарскиот премиер се осврна и на енергетската безбедност, потсетувајќи дека Унгарија избегнала подлабока криза со гасот благодарение на изградбата на јужната заобиколна рута која не поминува низ Украина. Тој предупреди дека доколку Северен тек биде уништен, и јужните рути би можеле да станат цел. И покрај нафтената блокада, Орбан нагласи дека Унгарија нема да преземе одмазднички чекори што би им наштетиле на обичните Украинци, иако околу 40 отсто од електричната енергија во Украина пристигнува токму преку Словачка и Унгарија.

Во однос на долгорочната иднина, Орбан повтори дека влезот на Украина во Европската Унија би претставувал сериозен ризик за Унгарија. Според него, во тој случај „сите пари на Унгарија би отишле во Украина“, поради што Будимпешта поддржува стратешко партнерство, но не и полноправно членство во Унијата.

The post НАФТОВОДОТ „ДРУЖБА“ Е ЕГЗИСТЕНЦИЈАЛНО ПРАШАЊЕ ЗА УНГАРИЈА Орбан рече дека нема да им се одмаздува на Украинците appeared first on plusinfo.mk.

Унгарскиот премиер Виктор Орбан најави остри мерки против Украина поради спорот со испораките на руска нафта. Тој предупреди дека Будимпешта ќе ги употреби сите средства ако Киев не го деблокира транзитот преку нафтоводот „Дружба“.

Според Орбан, Унгарија нема да дозволи, како што рече, „уцени од Киев“.

Орбан порача дека Украина не може да ја уценува Унгарија, а истовремено да очекува поддршка од Будимпешта во Европската Унија.

– Украинците побрзо ќе останат без пари отколку Унгарија без нафта – нагласи унгарскиот премиер.

Киев ја сопре нафта, Будимпешта дизелот

Орбан изјави дека Унгарија веќе презела први чекори. Посочи дека е запрен извозот на дизел кон Украина.

– Го запревме извозот на дизел во Украина. Сè уште го одржуваме извозот на електрична енергија. Ќе ги запреме транзитните пратки што минуваат низ Унгарија, кои се важни за Украина, сè додека не добиеме одобрение од Украина за испорака на нафта – рече Орбан.

Според него нема технички пречки за испораката на руска нафта преку нафтоводот „Дружба“.

„Имаме договор со Русите, Украинците се однесуваат како бандити“

Унгарскиот премиер остро го нападна украинското раководство. Тврди дека Киев ги прекршува меѓународните договори.

– Имаме договор со Русите, редовно плаќаме, а Украина со меѓународен договор се обврза дека ќе дозволи трансфер на нафта. Ова е однесување на бандити. Она што се случува денес е државен бандитизам – изјави Орбан.

Тој додаде дека Унгарија ќе мора да преземе соодветни мерки.

Кој ги задржа украинските банкари?

Во меѓувреме украинската влада упати контраобвинувања. Киев тврди дека унгарските власти задржале група украински банкарски службеници.

Според украинските власти, тие низ Унгарија пренесувале 35 милиони евра и 9 килограми злато.

The post СО СИТЕ СРЕДСТВА ПРОТИВ „БАНДИТИТЕ ОД КИЕВ“ Орбан го сoпре дизелот, на Украина брзо ќе ѝ снемаат пари? appeared first on plusinfo.mk.