Јапонија денес ќе почне да троши нафта од своите стокови резерви, бидејќи се очекува увозот на сурова нафта значително да се намали од крајот на март поради затворањето на Ормускиот теснец, кој е клучен за транспортот на нафта на светскиот пазар, изјави денес главниот секретар на кабинетот, Минору Кихара.

– Планираме да вложиме напори (нафтата од стоковите резерви) непречено да циркулира на пазарот – рече Кихара, пренесува агенцијата Кјодо.

Тој додаде дека владата „ќе продолжи да презема чекори за да обезбеди стабилно снабдување со енергија, преку меѓународна координација и без исклучување на какви било опции“.

Меѓународната агенција за енергија (ИЕА) вчера соопшти дека планираното координирано ослободување на нафта од стоковите резерви од страна на нејзините 32 земји-членки, вклучувајќи ја и Јапонија, „наскоро ќе започне“.

Минатата недела беше објавено дека земјите ќе пуштат 400 милиони барели нафта на пазарот како одговор на нарушувањата предизвикани од конфликтот на Блискиот Исток.

Јапонската влада ќе го намали 70-дневниот услов за резерви за рафинериите за нафта и трговските компании според законот за складирање нафта на Јапонија на 55 дена, а минатата недела јапонскиот премиер Санае Такаичи објави дека околу 80 милиони барели нафта ќе бидат достапни од стоковните резерви, што е најголемата количина досега ослободена од стоковните резерви.

Таа количина нафта е еквивалентна на 45 дена домашна потрошувачка и е 1,8 пати поголема од она што беше ослободено од стоковните резерви по разорниот земјотрес и цунами во 2011 година што ја опустошија североисточна Јапонија.

На крајот на 2025 година, Јапонија имаше резерви од приближно 470 милиони барели нафта, што е еквивалентно на 254 дена домашна потрошувачка, од кои 146 дена беа во државна сопственост, 101 ден беа во приватниот сектор, а остатокот го делеа земјите производители на нафта.

Ова е седми пат кога се искористуваат јапонските нафтени резерви, од почетокот на резервниот систем во 1970-тите.

Јапонија увезува повеќе од 90% од својата сурова нафта од Блискиот Исток, што ја прави многу ранлива на затворањето на Ормускиот теснец, што го прекина транспортот на нафта и гас од добавувачите во Персискиот Залив, како и наглиот пораст на цените на суровата нафта од почетокот на војната.

The post ЈАПОНИЈА ПОЧНА ДА ГИ ТРОШИ НАФТЕНИТЕ РЕЗЕРВИ На домашниот пазар пушти 80 милиони барели appeared first on plusinfo.mk.

Државните резерви со нафта и деривати се стабилни и според расположливите информации нашата земја стои меѓу најподготвените во регионот во однос на покриеноста и сигурноста на снабдувањето. Агенцијата за задолжителни нафтени резерви (МАКОРА) постојано ги следи и одржува државните резерви на нафта и нафтени деривати, обезбедувајќи сигурност на снабдувањето, стабилност на пазарот и подготвеност за навремена реакција во случај на какво било нарушување на увозот или снабдувањето, соопшти Министерството за енергетика и рударство.

Оттаму велат дека внимателно се следи состојбата на меѓународните пазари, особено во контекст на актуелните геополитички случувања и воениот конфликт на Блискиот Исток.

-Доколку се појави евентуален недостиг или прекин што би можел да го загрози снабдувањето, Владата ќе реагира навремено и соодветно, во интерес на граѓаните и стопанството – велат од Министерството.

Државата, според Министерството за енергетика,  располага со резерви од сите видови нафтени деривати и тоа: еуродизел – 138.877.053 литри, еуросупер БС-95 – 32.098.680 литри, екстра лесно масло за домаќинство (ЕЛ-1) – 10.772.342 литри и мазут М-1 НС – 5.287.794 килограми

-Покрај стратешките резерви, редовната набавка на нафтени деривати се одвива повеќепати во текот на годината, а резервите се дополнуваат континуирано и соодветно, согласно динамиката на потрошувачката и законските обврски. Со тоа обезбедуваме стабилност, предвидливост и сигурност во снабдувањето на граѓаните и економијата – велат оттаму..

Нафтените резерви се безбедно складирани кај овластени трговски друштва – складиштари и тоа во ОКТА – Рафинерија на нафта, Макпетрол АД Скопје, Лукоил Македонија ДООЕЛ и Супер Трејд ДООЕЛ.

Од Министерството велат дека овие капацитети се редовно мониторирани и контролирани од страна на надлежните државни органи, со цел да се обезбеди целосна безбедност, техничка исправност на складиштата и навремена достапност на резервите доколку се појави потреба. Со ваквиот систем на надзор и контрола се гарантира сигурноста на државните резерви и стабилноста на снабдувањето.

-Доколку се појави евентуален проблем со увозот од какви било причини – затворање на граници, прекини, штрајкови или блокади – државата има обезбедено и дополнителен сигурносен механизам. Во функција е продуктоводот Солун–Скопје, кој преку поврзувањето со Солун обезбедува алтернативен и непречен доток на сите видови на нафта и нафтени деривати, што значително ја зголемува стабилноста на системот и ја намалува зависноста од други транспортни правци – велат од Министерството.

Истовремено, Агенцијата континуирано ја следи и дневната потрошувачка на нафтени деривати, со цел државните резерви да се одржуваат согласно законски пропишаното ниво и реалните потреби на пазарот.

Системот е поставен превентивно, со повеќеслојна заштита – преку стратешки резерви, алтернативни транспортни коридори и постојан мониторинг на потрошувачката – со што се гарантира енергетска сигурност и стабилност.

Иако актуелните случувања во Блискиот Исток можат да предизвикаат нарушувања во снабдувањето со нафтени деривати на светско ниво, државата има обезбедено сигурен проток и увоз на деривати од повеќе различни извори и земји.

-Со оваа диверзификација на снабдувачите, комбинирано со стратешките државни резерви и функционирачкиот продуктовод Солун–Скопје, се обезбедува непречено и стабилно функционирање на пазарот на нафтени деривати. На овој начин се гарантира дека граѓаните и стопанството нема да почувствуваат недостиг, а државата останува целосно подготвена да реагира навремено доколку се појави какво било нарушување на снабдувањето- велат од Министерството за енергетика.

The post ДРЖАВАТА ИМА ДОВОЛНО РЕЗЕРВИ ОД НАФТА И НАФТЕНИ ДЕРИВАТИ Снабдувањето е сигурно и од повеќе извори и од повеќе земји appeared first on plusinfo.mk.

Венецуелскиот претседател Николас Мадуро и неговата сопруга Силија Флорес се префрлени во Њујорк по голема американска воена операција спроведена во Венецуела.

Мадуро е задржан во притворен центар во Бруклин, каде што го очекува судење по обвиненија за трговија со дрога и оружје. Во меѓувреме, американскиот претседател Доналд Трамп изјави дека Соединетите Американски Држави ќе ја водат земјата сè додека не се постигне трансфер на власта и воспоставување контрола врз огромните нафтени резерви на Венецуела.

Во исто време, Врховниот суд на Венецуела ја именуваше потпретседателката Делси Родригез за вршител на должноста претседател. Меѓу венецуелските граѓани, според американските медиуми, владее мешавина од радост, надеж и вознемиреност поради драматичниот развој на настаните.

Maduro, tras llegar detenido a Brooklyn: “Happy new year” https://t.co/jhvqXQS3ZQ pic.twitter.com/TQJ1WJrvC1

— EL PAÍS (@el_pais) January 4, 2026

JUST IN: Close up video of Nicolás Maduro being escorted out of a plane by US authorities in New York.

pic.twitter.com/SNP9KHDBxO

— BRICS News (@BRICSinfo) January 4, 2026

The post 📽️ МАДУРО ВО ПРИТВОР ВО ЊУЈОРК Контролата врз Венецуела привремено ја преземаат САД appeared first on plusinfo.mk.

Американското Министерството за енергетика ќе им дозволи на компаниите да позајмуваат нафта од резервите, а потоа да ја вратат, со камата. Компаниите наместо сурова нафта ќе можат да вратат и деривати. Министерството може да ги продава резервите, но поретко го користи тој инструмент.

Сѐ уште не е прецизирано колкава количина нафта ќе биде на располагање на компаниите.

Американскиот претседател Џо Бајден ги повика Кина, Индија, Јужна Кореја и Јапонија им се придружат и на координиран начин да дадат нафтата од сопствените резерви.

Јапонски и индиски претставници соопштија дека ја разгледуваат таквата можност, додека Кина не сака директно да одговори на барањето на Вашингтон. Пекинг уште во септември им понуди на компаниите нафта од резервите.

Резервите би требало да бидат пуштени во оптек под надзор на Меѓународната агенција за енергија (ИЕА).

Американските претседатели одобрија итна продажба на нафта од стратешките резерви за време на војната во војната во Персискиот залив во 1991 година,  по ураганот Катрин во 2005 и во текот на војната во Либија во 2011 година.

The post ДРЖАВНИТЕ НАФТЕНИ РЕЗЕРВИ НА РАСПОЛАГАЊЕ НА КОМПАНИИТЕ Бајден во обид да го запре растот на цената на нафтата appeared first on plusinfo.mk.