Аргентинскиот претседател Хавиер Мајли му даде на Обединетото Кралство две недели да ја запре работата на проектот „Морски лав“ во близина на Фолкландските Острови.

Во спротивно, Аргентина ќе побара од Меѓународниот трибунал за морско право со седиште во Хамбург да наложи привремено суспендирање на проектот, изјави Мајли во соопштение објавено на платформата X.

Проектот „Морски лав“ во северниот Фолкландски басен се спроведува врз основа на британски дозволи, кои Аргентина ги смета за нелегитимни.

Архипелагот, познат во Аргентина како Малвински Острови, е британска прекуокеанска територија од 1833 година. Сепак, Буенос Аирес го темели своето територијално барање на правното наследство на поранешната шпанска колонијална империја. Во 1982 година, избувна вооружен конфликт околу малиот архипелаг во Јужниот Атлантик откако тогашната аргентинска воена хунта нареди окупација на островот.

Тогашната британска премиерка Маргарет Тачер одговори со испраќање илјадници војници на десетици воени бродови. Британските сили успеаја да ги вратат островите во рок од 11 недели, убивајќи стотици војници.

The post БОРБА ЗА НАФТАТА КАЈ ФОЛКЛАНДСКИТЕ ОСТРОВИ Аргентина бара Обединетото Кралство да ја запре работата на проектот „Морски лав“ appeared first on plusinfo.mk.

Експертот за енергетика Џозеф Вебстер од американскиот тинк-тенк Атлантски совет предупредува дека конфликтот на Блискиот Исток влегува во нова и поопасна фаза, откако беше нападнат саудискиот нафтовод „Исток-Запад“.

– Се наоѓаме на праг на нова и опасна фаза од конфликтот – вели Вебстер во интервју за италијанскиот весник „Ла Република“.

Според него, нападот врз нафтоводот значително ги зголемува ризиците за глобалниот пазар на нафта, бидејќи покрај проблемите со извозот преку Црвеното Море, сега се отвора и прашањето за безбедноста на клучната инфраструктура во Саудиска Арабија.

Вебстер оценува дека Хутите освоиле значителна територија од саудиските сили и сега се во многу подобра позиција да го попречуваат поморскиот сообраќај низ теснецот Баб ел-Мандеб.

Нападот врз саудискиот нафтовод „Исток-Запад“ го стеснува пазарот на нафта и создава притисок врз Саудиска Арабија и САД, вели тој.

Особено загрижувачко, според Вебстер, е прашањето дали нападите би можеле да продолжат. Тој вели дека тогаш би се отворило сериозно прашање за способноста на Саудиска Арабија не само да произведува, туку и да извезува нафта во досегашниот обем.

Експертот предупредува и на можноста Иран и Хутите да ги прошират нападите врз енергетската инфраструктура.

Ако Иран и Хутите можат да го погодат нафтоводот „Исток-Запад“, мора да се постави прашањето дали Иран може да ја нападне и саудиската извозна инфраструктура на Персискиот Залив. Одговорот веројатно е да, вели Вебстер.

Тој додава дека САД, иако денес се нето-извозник на нафта, сепак се голем потрошувач и секој значителен раст на цените на енергенсите би имал последици врз американските потрошувачи.

Според Вебстер, последиците би биле значајни и за Кина, која е најголем светски увозник на енергенси. Колку подолго трае конфликтот, толку повеќе Пекинг би морал да ги користи своите резерви, што би ги зголемило трошоците.

The post НАФТОВОДИТЕ СЕ ПОД ЗАКАНА, ОВА Е ОПАСНА ФАЗА ОД КОНФЛИКТОТ Експертите предупредуваат од светски недостиг на гориво appeared first on plusinfo.mk.

The post ПОД ЗАКАНА Е ГЛАВНАТА ВРАТА НА СВЕТСКАТА ТРГОВИЈА Катар предупредува на катастрофа ако Хутите го затворат Баб ел-Мандеб appeared first on plusinfo.mk.

Украина во текот на ноќта со дронови нападна индустриски објект во Русија, оштетувајќи го објектот и неколку станбени згради во југоисточниот регион Самара, соопштија руските власти.

Околу 40 дронови беа соборени, соопшти денеска руската државна новинска агенција Тас, повикувајќи се на регионалниот гувернер Вјачеслав Федоришчев. Не се пријавени смртни случаи.

Украинските медиуми јавија дека цел на индустрискиот објект била рафинерија за нафта.

Нападот следува откако американскиот претседател Доналд Трамп вчера изјави дека Русија и Украина се согласиле да се воздржат од напади врз енергетската инфраструктура на другата страна, пренесе ДПА.

Американскиот претседател Доналд Трамп изјави дека Киев и Москва се договориле да не напаѓаат енергетски цели, што од украинска страна го потврди и претседателот Володимир Зеленски, изразувајќи сомнеж дека и Русија ќе се согласи на тоа, пренесуваат агенциите.

– Украина се согласи да не ги напаѓа руските енергетски цели. Русија се согласи да го стори истото! – нагласи Доналд Трамп, додавајќи дека растот на цените на дизел-горивото е предизвикан од војната во Украина, а не од војната со Иран.

Украинскиот претседател Зеленски изјави вчера дека Киев е подготвен да го поддржи предлогот на САД за прекин на нападите врз енергетските постројки, но само доколку Вашингтон може да гарантира дека Москва навистина е подготвена да ја прекине војната против Украина.

Москва сè уште не ја коментирала изјавата на Трамп.

Веднаш по оваа изјава на Трамп, цената на нафтата „Брент“ падна на околу 106 долари за барел, откако во понеделникот достигна четиримесечен максимум од 110 долари.

Украина во текот на ноќта со ракети нападна и магацини на онлајн трговецот „Озон“ во рускиот град Таганрог. Гувернерот на Ростовскиот Регион, Јуриј Сљусар, изјави дека нема пријавено жртви. Оштетени се и магацини на земјоделски претпријатија, станбени згради и образовна институција, рече тој.

Украина изврши жестоки напади врз руската нафтена индустрија во последните месеци, што повремено предизвика недостиг на гориво во земјата.

Москва одговори со целни напади врз енергетските објекти во Украина и погоди бензински пумпи.

Во меѓувреме, руски дронови во текот на ноќта го погодија Киев, соопшти градоначалникот Виталиј Кличко на Телеграм. Погодена е бензинска пумпа, додека едно лице е повредено во друг регион.

The post УКРАИНА НАПАДНА РУСКА РАФИНЕРИЈА И ПОКРАЈ АПЕЛИТЕ НА ТРАМП Русија не ги коментира неговите изјави за „енергетско примирје“ appeared first on plusinfo.mk.

Поради војната во Иран стратешките резерви на сурова нафта на САД паднаа под 300 милиони барели – достигнувајќи минимум во последниве 40 години, што според експертите може да доведе до оштетување на структурата па дури и колабирање на подземните пештери во Тексас и Луизијана, каде тие се складираат.

Резервите на нафта на САД се чуваат во околу 60 поранешни подземни пештери за сол долж бреговите на Тексас и Луизијана, во Заливот на Мексико, сега преименуван во Американски Залив.

Преголемото црпење на нафтата го менува внатрешниот притисок на ѕидовите на овие паштери и соодносите на нафтата и водата во пештерите, што во извештаите за надзор на владата се забележува дека може да доведе до непожелни форми, намалено растојание помеѓу куполите и долгорочно физичко оштетување, се забележува во владините извештаи за надзор.

Предупредувањата пристигнуваат во време кога американските возачи се соочуваат со невидено високи цени на бензинот за крајот на летото. Според владините податоци, во САД галон обичен бензин чини 4,07 долари, што е највисоко ниво досега за средината на август.

Загриженоста за физичките ограничувања на стратешките резерви на нафта се заснова на специфичната геологија на нејзината мрежа за складирање. Суровата нафта се чува во 60 пештери со сол илјадници метри под земја на четири локации низ Тексас и Луизијана.

За да се извлече сурова нафта, операторите пумпаат свежа вода во дното на пештерата за да ја туркаат нафтата до влезовите на цевководот. Сепак, професорот по нафтено инженерство Сидарт Мисра од Универзитетот Тексас А&М изјави за CNBC дека повторените брзи намалувања ги бришат ѕидовите од солта.

– Овој процес создава порамнет, помалку стабилен покрив и сериозно ги истенчува критичните столбови со сол што ги одделуваат соседните пештери, значително зголемувајќи го геолошкиот ризик од структурно пропаѓање – рече Мисра.

Мисра забележа дека иако 70 милиони барели е апсолутниот праг потребен за да се држат цевките за довод под нафта, а не под вода, „практичниот оперативен долен праг за залихите на сурова нафта е помеѓу 250 милиони и 300 милиони барели“.

Под 300 милиони барели, ризикот од структурно оштетување на пештерите се зголемува, додека системот ја губи својата способност да пумпа нафта со голема брзина, бидејќи проретчувањето на слоевите на нафта овозможува растечката тиња да стигне до горните залихи.

Резервите се дизајнирани да издржи пет целосни испуштања во текот на својот животен век. Наместо тоа, таа системот поминал низ десетици циклуси во текот на изминатите 40 години.

Мисра изјави за CNBC дека „бидејќи системот не е дизајниран за толку многу циклуси, повторното вбризгување вода и екстракцијата на нафта предизвикале сериозна деформација на пештерите, ја забрзале стапката на масивни паѓања на сол од таваните и значително го ослабнале целокупниот структурен интегритет на стареечката резерва“.

Податоците на Министерството за енергетика на САД, објавени неодамна, покажаа дека залихите на SPR паднале под 300 милиони барели за прв пат од првичното полнење во раните 1980-ти. Сегашното ослободување од 172 милиони барели ќе ја остави резервата на приближно 243 милиони барели по завршувањето.

Пазарните аналитичари во „Рапидан Енерџи“ проценуваат дека функционалниот минимум на резервата е околу 170 милиони барели, по што „интегритетот на пештерите и ограничувањата на инфраструктурата за пумпање се спротивставуваат на понатамошните црпења“.

The post АМЕРИКАНСКИТЕ СТРАТЕШКИ РЕЗЕРВИ ЗА НАФТА ПРЕД СЕРИОЗНИ НЕВОЛЈИ Пребрзото исцрпување може да ги урниса подземните пештери во кои се складирани appeared first on plusinfo.mk.

Американската војска во ризична операција во вторникот го обезбеди преминот низ Ормускиот Теснец за 40 комерцијални бродови со вкупно 18 милиони барели нафта. Ова е рекорден број бродови што поминале низ Ормус од почетокот на војната, а операцијата беше спроведена додека САД и Иран се напаѓаа меѓусебно, потврдија за Си-Ен-Ен двајца американски функционери запознаени со операциите.

Пред почетокот на војната на САД и Израел против Иран, околу 20 милиони барели нафта минуваа низ теснецот секој ден.

The U.S. Navy continues to strictly enforce the U.S. blockade against Iran. As of Sept. 2, U.S. forces have redirected 86 commercial vessels, disabled 3 and boarded 2 to ensure compliance. pic.twitter.com/y5ZbqkvVod

— U.S. Central Command (@CENTCOM) September 2, 2026

Официјалните лица велат дека САД користеле воздушни, поморски и вселенски средства за да ги уништат капацитетите на Иран за напад врз бродови. Американските сили истовремено одбиваа напади со беспилотни летала и спроведоа операција за придружба на бродовите што превезуваа милиони барели нафта. За време на операцијата, американските сили неутрализираа и крстосувачки ракети против бродови, рече еден од функционерите.

Овие потези се дел од промената во воената стратегија на САД, која сега е фокусирана на цели околу теснецот. Приоритет е да се придружува комерцијалниот бродски превоз низ клучниот воден пат и да се одржи поморската блокада на иранските пристаништа. Официјалните лица велат дека тоа е дел од стратегијата на администрацијата на американскиот претседател Доналд Трамп за „сеопфатен притисок“ , која има цел да го зголеми економскиот притисок врз раководството на Иран.

Иако операцијата беше успешна, официјалните лица не очекуваат брзо решавање на конфликтот. Енергетските компании остануваат претпазливи при испраќање бродови низ теснецот, дури и со воена придружба, поради високите ризици. Цените на енергијата остануваат високи и предизвикуваат нестабилност на глобалните пазари на обврзници.

Другите приоритети на претседателот Трамп, како што се операциите за уништување на делови од нуклеарната програма на Иран, во моментов се ставени настрана. Еден функционер повтори дека Централната команда на САД (CENTCOM) добила инструкции да ги фокусира сите ресурси на теснецот и да го спречи Иран да увезува и да извезува нафта.

Самиот Трамп неодамна посочи дека не е загрижен дека резервите на високо збогатен ураниум на Иран остануваат сокриени. Тие резерви не беа целосно уништени во минатогодишните напади на САД врз три клучни ирански нуклеарни објекти. Трамп сега има намера да ги следи со сателитски снимки, иако претходно изјавуваше дека обезбедувањето на материјалот е врвен приоритет во конфликтот.

Во согласност со новата стратегија, САД спроведоа сложена операција во Ормус во вторникот. Беа погодени речиси 60 воени цели околу теснецот, вклучувајќи позиции за воздушна одбрана, радарски системи, поморски средства, опрема за поставување мини и комуникациски центри. Во исто време, американските сили ги следеа бродовите, потврдија двајцата функционери.

Друг функционер вели дека американската војска очекува повеќе напади во близина на теснецот. Причината е што Иран покажа способност да ги обнови своите капацитети, што бара континуирана интервенција на САД. Овие операции се опишани како „косење трева“ или континуирано потиснување на новите закани со цел да се ослабне способноста на Иран да го загрози комерцијалниот бродски превоз.

Нападите се, исто така, клучен дел од пошироката воена стратегија насочена кон систематско намалување на способноста на Иран да го користи теснецот како средство за притисок.

Трамп во средата изјави дека најновите американски напади не биле насочени само кон радарските системи, туку имале поширока цел – да го спречат Иран да ги следи бродовите низ Ормускиот Теснец.

– Тие се обидуваа да ги следат бродовите. Веќе не можат да ги видат бидејќи немаат радар. Го уништивме, а синоќа уништивме и многу повеќе од радар – рече Трамп.

Тој не прецизираше што друго било цел на нападите. Сепак, повтори дека САД го контролираат теснецот и покажале способност истовремено да напаѓаат ирански цели на брегот и да ги бранат бродовите од напад. Дали овие воени операции на крајот ќе го принудат Иран да се предаде и колку време ќе потрае е отворено прашање.

The post 🎥 АМЕРИКАНСКАТА ВОЈСКА ОБЕЗБЕДИ ПРЕМИН НА 40 БРОДА НИЗ ОРМУС Пренесена рекордна количина нафта appeared first on plusinfo.mk.

Американската нафтена компанија „Норт Американ Блу Енерџи Партнерс“ (НАБЕП) ќе преземе дел од нафтените полиња во Венецуела кои претходно беа управувани од кинески компании и руска фирма, како дел од широкиот договор за производство на нафта што американскиот претседател Доналд Трамп го објави со Венецуела.

НАБЕП доби 14 нови договори од венецуелската влада, а според официјални лица, пет од тие проекти претходно ги водеа кинески компании, додека еден го управуваше руска фирма.

НАБЕП претходно беше во сопственост на американскиот нафтен магнат Хари Сарџент, а сега е контролиранa од венецуелскиот бизнисме н Алехандро Бетанкур, кој го потврди договорот. Компанијата ќе има оперативна контрола врз бизнисот, додека американската влада ќе има право на 35 проценти удел во компанијата, како и преференцијален пристап до 20 проценти од нејзиното производство, по производствена цена.

Трамп минатата недела објави дека САД, преку партнерство со приватниот сектор, обезбедиле пристап до околу 64 милијарди барели од докажаните резерви на нафта на Венецуела.

The post АМЕРИКАНСКА КОМПАНИЈА ПРЕЗЕМА НАФТЕНИ ПОЛИЊА ВО ВЕНЕЦУЕЛА Досега ги управуваа кинески и руски компании appeared first on plusinfo.mk.

Уште еден нафтен танкер беше нападнат во Ормускиот теснец, соопшти Агенцијата за поморски трговски операции на Обединетото Кралство (UKMTO), наведувајќи дека бродот бил погоден од „непознат проектил“.

Нападот се случил во вторникот во водите меѓу Иран и Оман, соопшти „UKMTO“ во известувањето објавено рано утрово. За разлика од повеќето претходни извештаи, агенцијата првично не објави попрецизна локација, па остана нејасно дали танкерот бил погоден во близина на брегот на Оман или поблиску до Иран.

Екипажот е на безбедно, соопшти „UKMTO“, додека напаѓачот засега не е идентификуван.

Во понеделникот, „UKMTO“ исто така пријави напад врз танкер во близина на брегот на Оман.

Иран во најголем дел продолжува да го блокира сообраќајот низ Ормускиот теснец преку закани и напади врз бродови. Овој стратешки воден пат е клучна рута за извоз на нафта, гас и други енергенси од земјите од Персискиот Залив, поради што нарушувањето на пловидбата предизвикува загриженост за глобалната економија.

Ормускиот теснец стана една од централните точки во војната меѓу Соединетите Американски Држави и Иран. Пред почетокот на војната, овој воден пат беше отворен за пловидба.

The post УШТЕ ЕДЕН ТАНКЕР НАПАДНАТ ВО ОРМУСКИОТ ТЕСНЕЦ Бродот е погоден од непознат проектил, екипажот е безбеден appeared first on plusinfo.mk.

Нафтата поскапи за речиси 6% оваа недела, поттикната од растечката неизвесност на Блискиот Исток и отсуството на знаци за смирување на конфликтот меѓу САД и Иран.

Нафта Брент денеска се тргува за 93,2 долари за барел и е на пат да забележи втор последователен неделен раст, со што цената порасна за  5% оваа недела. Американската суровата нафта денеска се тргува за  86 долари за барел и е на пат да забележи втор последователен неделен раст, кој неделава изнесува речиси 6%.

Зголемувањето на цените на нафтата дојде откако конфликтот меѓу САД и Иран не покажа знаци на смирување, при што двете страни се заглавени во спор околу Ормускиот Проток.

САД се обидуваат да ја изолираат економијата на Иран во она што претседателот на САД Доналд Трамп го опиша како „економски ден Д“, а деталите за иницијативата се очекуваат во понеделник.

Предложените мерки веројатно се дизајнирани да го отсечат Техеран од меѓународните финансиски и комерцијални канали, вклучувајќи банки, бизниси, регистри за превоз, трансфери на готовина и мрежи за шверц.

Вашингтон има за цел да го зголеми економскиот притисок врз Иран и да го поттикне Техеран кон преговори за конфликтот, неговата нуклеарна програма и контролата на Хормуз.

Движењето на цената е дополнително под влијание на настаните на истокот од Европа. Серијата украински напади врз руската енергетска инфраструктура предизвика недостиг на гориво во одредени региони на Русија, што дополнително го оптоварува веќе стегнатиот глобален пазар на нафта.

The post НАФТАТА ПОСКАПЕ ЗА 6% НЕДЕЛАВА „Економскиот ден Д“ на Трамп ги вознемири пазарите appeared first on plusinfo.mk.

Иран и Оман се приближуваат до конечен договор за воспоставување безбедна рута за бродовите низ Ормускиот Теснец. Техеран потврди дека преговорите продолжуваат, додека сообраќајот низ стратешкиот премин останува драстично намален.

Иранскиот министер за надворешни работи Сејед Абас Арагчи ја потврдил решеноста на Иран да го финализира договорот со Оман. Тој за ова разговарал телефонски со турскиот министер за надворешни работи Хакан Фидан.

Има согласност, за договор ќе се почека

Двајцата министри разговарале и за регионалните случувања и за дипломатските напори за спречување нова ескалација. Техеран и Мускат претходно постигнале согласност за географските координати на предложената рута. Заедничкиот документ е во завршна фаза.

Сепак, тоа не значи дека Ормускиот Теснец веднаш ќе се врати во нормала.

Иран го поврзува целосното нормализирање на пловидбата со пошироките преговори и со американската блокада на иранските пристаништа.

Бродовите се бројат на прсти

Размерите на кризата се гледаат и во бројот на бродови. Само шест товарни бродови поминале низ Ормускиот Теснец во понеделникот, покажуваат прелиминарните податоци за пловидбата. За споредба, десетдневниот просек бил 11.

Ниту еден голем танкер за сурова нафта или за течен природен гас не бил регистриран меѓу шесте бродови. Можно е дел од пловилата да минувале со исклучени транспондери.

Од 130 на само 5 бродови

Само неколку дена претходно ситуацијата била уште подраматична. Во саботата биле регистрирани 5 товарни бродови, а во неделата ниту еден. Пред почетокот на војната во февруари, низ теснецот дневно минувале повеќе од 130 бродови.

Ормускиот Теснец е една од најважните енергетски артерии во светот. Пред кризата, низ него минуваше приближно петтина од глобалната трговија со нафта и течен природен гас.

The post ИРАН И ОМАН БЛИСКУ ДО ДОГОВОР ЗА КЛУЧНИОТ ТЕСНЕЦ Се црта рута за Ормуз, но бродовите уште се бројат на прсти appeared first on plusinfo.mk.