Тврдењето дека Бугарија ја одложила модернизацијата на бугарскиот дел, министерството за БТА го оценува како медиумска шпекулација.

„Министерството за транспорт и врски со години прави напори за развој на Коридорот 8, кој го поврзува Јадранското Море со Црното Море преку Албанија, Република Северна Македонија и Бугарија. Од вкупно 1220 километри железница, повеќе од половина од нејзината должина – 747 километри, е на територијата на Република Бугарија. Од нив останува да се изградат само 2,5 километри железничка пруга – од Ѓуешево до Деве Баир (границата со Република Северна Македонија). Делот е финансиран во рамките на Програмата за транспортна поврзаност 2021 – 2027 година и ќе биде завршен согласно распоредот до 2029 година. За споредба, делницата што недостасува на територијата на РСМ е приближно 70 километри“, соопшти Министерството, пренесува БТА.

Според бугарското Министерство, железничката линија Радомир – Ѓуешево е во функција и по завршувањето на делницата од Ѓуешево до Деве Баир во должина од 2,5 километри, преку прекуграничен тунел ќе може да се приклучи на мрежата на операторот на Република Северна Македонија.

„На 15 јануари 2025 г. согласно утврдената процедура, Бугарија ѝ предаде на Република Северна Македонија нацрт-договор за прекуграничен железнички тунел со Република Северна Македонија, во кој се претпоставува дека страните имаат заедничка цел – изградба на прекуграничен железнички тунел меѓу Република Бугарија и Република Северна Македонија во граничната област, вклучително и преку спроведување на јавна набавка за изградба и надзор на изградбата на тунелот од страна на една од договорните страни и напорите за обезбедување грант помош за негова изградба, бидејќи изградениот објект треба да ги исполнува барањата на ЕУ и НАТО за ваков тип на инфраструктура. До денес нема официјален одговор од РСМ“, наведуваат во својот став од бугарското Министерство.

Министерот за транспорт и врски Александар Ниоловски, денеска одлуката на бугарската Влада средствата за реконструкција на делот од Софија до Перник и од Перник до Радомир да ги пренасочат за изградба на пруга од Софија до Бургас, ја оцени како политичка порака во однос на нивната посветеност, односно непосветеност, на изградбата на железничкиот Коридор 8.

„Испратени се писма до Европската делегација, до Европската транспортна заедница, но исто така и до двете банки Европската инвестициска банка и Европската банка за обнова и развој, откако вчера бугарската Влада информираше дека нема предвидено средства за железничката пруга, која треба да ги поврзи Софија-Скопје преку железничкиот Коридор 8“, изјави Николоски.

Нашата држава, рече тој, останува силно посветена на изградба на Железничкиот Коридор 8. Во овој момент активно се работи на втората секција, во должина од 34 километри, којашто оди од Бељаковце до градот Крива Паланка.

The post КОРИДОР 8 Е НАЦИОНАЛЕН ПРИОРИТЕТ ЗА БУГАРИЈА Изградбата на пругата не е одложена, вели бугарското Министерството за транспорт и врски appeared first on plusinfo.mk.

– Имавме нецели две недели подготовки. Првата ја искористивме за базични подготовки во Маврово и успеавме да поставиме систем според играчите со кои располагаме во овој момент, бидејќи, знаеме дека дел од тие играчи не се појавија на овој собир поради оправдани причини, тоа се повреди. Првпат почнуваме едни квалификации за ЕП во кои немаме натурализиран играч, тоа ќе биде голем хендикеп за нас, особено што имаме дефицит на високи играчи и ќе се обидеме со она кое располагаме да одговориме на предизвикот Данска – изјави Јончевски за сајтот на КФСМ.

И покрај се, новиот македонски селектор очекува оние кои ги одбра да атакуваaт на првиот триумф во овој втор круг од претквалификациите за пласман на Евробаскетот 2025.

– Секако дека одиме на победа на натпреварите. Со стручниот штаб работиме веќе подолго време на индивидуалните карактеристики на противникот. Во овие две-три недели Данците не одиграа пријателски натпревари, па ќе ги гледаме нивните претходни натпревари од квалификациите, против Косово и Норвешка. Знаеме со што располага противникот, имаат квалитетни играчи, можам да го издвојам Лудберг кој беше во НБА, а сега потпиша за евролигашот Виртус Болоња. Тој е најголемата опасност за противниците на Данска – додава Јончевски непосредно пред тргнувањето за Нествед.

Натпреварот ќе се игра в четврток навечер, од 19 часот.

The post ПРВПАТ БЕЗ НАТУРАЛИЗИРАН МАКЕДОНЕЦ Селекторот вели дека ќе одговорат на предизвикот со играчите што ги има appeared first on plusinfo.mk.

МЗТ Скопје беше подобриот тим во финалето кое се одржа во СРЦ „Кале“, „металците“ водеа во текот на целиот меч и на крајот заслужено се радуваат на големиот трофеј.

Во финишот од мечот Работнички успеа да се доближи до четири негатива, но МЗТ Скопје во последните минути беше поприсебен и не дозволи да го загуби водството, на крајот славеше со 77-69.

Најдобар во составот на МЗТ Скопје беше Дамјан Стојановски со 19 поени, тој беше прогласен и за МВП, Крстевски постигна 16, Гравет и Олуџоби по 13. Кај Работнички најдобар беше Аска со 20 поени, Питс постигна 13.

Возбудувањата во македонската кошарка продолжуваат веќе во среда кога се играат првите четвртфинални средби од плејофот.

The post МЗТ Скопје по десетти пат го освои Купот на Македонија appeared first on plusinfo.mk.

Податоците можат да ги користат државните органи, стопанството и граѓаните кои со еден клик на геопорталот може да дојдат до бараната информација.

– Со новиот НИП геопортал се олеснува пристапот, пребарувањето и користењето на стандардизираните геопросторни податоци и услуги на ефикасен и ефективен начин. Тој претставува најсовремена платформа за геоинформации во нашата држава и е дел од иницијативата на Владата за зголемување на транспарентноста на работата на јавниот сектор и достапноста до геопросторните податоци. Кориснички е ориентиран и содржи многу информации и податоци кои им се потребни на корисниците – рече вицепремиерот Фатмир Битиќи.

Податоците, додаде тој, се хармонизирани со соодветните европски регулативи.

Директорот на Агенција на катастар на недвижности, Борис Тунџев рече дека НИП геопорталот содржи повеќе компоненти како веб-базирано решение на кое се објавени просторни податоци и услуги кои, како што рече, може да се пронајдат, прегледаат и преземат од страна на корисниците.

– Порталот претставува систем за пристап до неколку регистри управувани на централно ниво во кои преку моделот за електронска продавница се овозможува купување на податоците и услугите. Тие се достапни во електронска форма и може да се преземат и користат за целата територија на државата или за одредено подрачје во зависност од потребата и форматот дефиниран од страна на корисникот – рече Тунџев.

Во НИП геопорталот има 161 метаподатоци, 79 услуги и 82 датасетови од 20 институции кои се координирани од Агенција на катастар на недвижности

The post На еден клик достапни просторните податоци складирани во Катастарот appeared first on plusinfo.mk.

Израелската Влада го продолжи националниот карантин воведен поради коронавирусот. Одлуката е донесена откако во државата беа регистрирани рекордни 10.021 случај на инфекција дневно, јави ДПА.

Тековниот карантин, трет по ред, требаше да заврши во петокот. Сега е продолжен до крајот на месецот, се вели во соопштението од кабинетот на премиерот.

Училиштата и градинките се затворени, трговските центри се затворени, а рестораните можат само да доставуваат храна. На луѓето не им е дозволено да ги посетуваат домовите на други луѓе кои не се дел од нивното семејство. Ограничени се и движењата на повеќе од 1 км од домот.

Кампања за вакцинација против коронавирусот е во тек во Израел. Досега 2,2 милиони луѓе се вакцинирани во државата.

The post Продолжен националниот карантин во Израел appeared first on plusinfo.mk.

– Откако Ибрахимовиќ ја објави можноста дека би сакал повторно да игра за националниот тим, решив да се сретнам со него во првата прилика и да разговарам за тоа. Бев во четвртокот во Милано и можам да кажам дека состанокот се одвиваше во позитивна атмосфера и се согласивме да ќе го продолжиме дијалогот во наредните месеци – изјави Андерсон за шведскиот интернет портал „Svenskfotboll“.

Во 2016 година, Ибрахимовиќ престана да игра за репрезентацијата на Шведска, чиј најдобар стрелец е на сите времиња со 62 погодоци на 116 натпревари.

Ибрахимовиќ иако има 39 години, игра одлично во дресот на Милан, кој по осум кола го држи првото место во италијанскиот шампионат, а шведскиот голгетер е најдобар стрелец во лигата со десет погодоци.

The post Кавгата заврши, Ибрахимовиќ на 39 години се враќа во репрезентацијата appeared first on plusinfo.mk.

– Паметни држави кога ќе се случат вакви големи кризи, а ова за Македонија е најголема криза по осамостојувањето, паметни држави ги повикуваа најдобрите луѓе кои ги имаат без разлика на политичката профилација, градат заеднички ставови и се обидуваат да се изборат. Затоа ние бараме влада за национален спас која ќе се избори од една страна со економските и здравствените последици на корона кризата, од друга страна ќе се спротистави на националните понижувања од Бугарија и ќе најде начин да го отвори патиот за интегрирање на Макдонија во Европската Унија. Тоа може само најпаметните и најспосбните да го направат со една широка општествена и политичка поддршка тоа секако го нема во оваа влада на Зев –  рече Николоски.

Николоски говореше и за буџетот за 2021 година и посочи дека во период на корона криза власта предвудува 20 милиони евра плус за вработување кои ќе бидат чисто партиски и 22 милиони евра за ситни набавки.

-Денес во Собранието почнува да се разгледува буџетот за 2021 година. Во услови на корона криза имаат предвидено 20 милиони евра плус за вработување во јавна администрација кои ќе бидат чисто партиски вработување. Не предвидуваат пари за амбулантни возила, за респиратори, не предвидуваат пари за нови ковид оддеелинија, но за нови вработувања предвидуваат 20 милиони евра, а на тоа уште 22 милиони евра предвидуваат за таканаречени ситни набавки и тоа е превод столици, тонери печатари и слично. И оттука се поставува прашањето што толку е потребно во текот на оваа година 22 милиони евра да се потрошат на ова, а да не се трошат на потребен медицински материјал за луѓето да не можат да се спасуваат од оваа болест која што го зафати целиот свет – рече Николоски.

Тој додаде дека овие две ставки покажуваат како душмански се однесуваат и тоа оди од најниско до највисоко ниво.

-Тој кој е на најниско ниво во хиерархијата на СДСМ гледа се вработи, а тој кој е највисоко да украде и и да продаде и е филозофија која функционира во СДСМ од основањето на партијата до денес – рече Николоски.

The post Николоски: Потребна е влада за национален спас која ќе се справи со здравствената криза appeared first on plusinfo.mk.

Бразилскиот напаѓач Нејмар ноќеска постигна хет-трик во квалификациски дуел за Светското првенство 2022 против Перу. Средбата во Лима заврши со триумф на кариоките од 4:2.

Со трите погодока Нејмар стигна до 64 на своето конто во репрезентативниот дрес. Легендарниот Роналдо во кариерата дојде до 62 погодока.

Лидер на вечната листа на стрелци кај Бразилците останува Пеле со 77 голови.

The post Нејмар го престигна Роналдо по број на голови за националниот тим appeared first on plusinfo.mk.

Долгот на Соединетите Американски Држави во вторникот на 9 јуни изнесуваше 26.003.751.512.345 долари, според податоците на американското министерство за финансии.

Зголемувањето на долгот е последица на кризата предизвикана од пандемија од коронавирусот.

Американската администрација од март одобри околу пет трилиони долари за фондот за ублажување на економските последици од пандемијата.

Не е само долгот проблемот за американската економија, туку тоа е и буџетски дефицит. Во текот на првите осум месеци од фискалната година (која трае од 1 октомври до 30 септември), буџетскиот дефицит достигнал 1.88 трилиони американски долари, односно 1.880 милијарди долари, повеќе од кој било годишен буџетски дефицит во историјата на САД.

За споредба, дефицитот за целата фискална година 2019 година (1 октомври 2018 година – 30 септември 2019 година) изнесувал 738,6 милијарди долари, додека сега за осум месеци е двапати поголем.

Американскиот долг расте веќе со години, но врвот на растот следеше поради пандемијата од коронавирусот.

Според фондацијата Питер Петерсон, Соединетите Американски Држави трошат милијарди долари на ден само на камата на националниот долг.

Кога се дели со бројот на населението, моментално националниот долг на САД е околу 70,000 американски долари по човек, или околу 179.000 долари по домаќинство.

The post Рекорден долг: Секој Aмериканец должи по 70.000 долари appeared first on plusinfo.mk.

Со одлука на Лигата на Власите и другите влашки граѓански здруженија, во 1991 година овој ден е прогласен за Национален ден на Власите од целиот свет.

На 23 мај 1905 година, со посебен документ (Ираде)  на султанот Абдул Хамид Втори, влашкиот народ бил признат како посебен народ со право на богослужба на влашки јазик, право на образование на мајчин јазик во нивните училишта, со право да избираат муфтии, така како што налагале законите на Отоманската империја.

The post Национален ден на Власите appeared first on plusinfo.mk.