Две нови единки на редок балкански рис се забележани на територијата на Национален парк Шар Планина, со што вкупниот број на ова заштитено диво животно во паркот се зголеми на пет.

Од управата на паркот информираат дека рисовите биле регистрирани со помош на трап-камери за време на редовниот мониторинг на дивиот свет, на подрачје кое административно припаѓа на Врапчиште.

Според нив, новозабележаните единки се во добра здравствена состојба, што се смета за позитивен сигнал за постепено закрепнување на популацијата на овој редок вид на планината.

Од паркот посочуваат дека резултатите се плод на долгогодишните активности за заштита на природата и дивиот свет. Тие најавуваат дека ќе продолжат со мониторингот и мерките за зачувување на екосистемите на Шар Планина.

Балканскиот рис важи за еден од најзагрозените цицачи во регионот, а секоја нова регистрирана единка се смета за значаен чекор во напорите за негов опстанок.

The post 📽️ РЕДОК ГОСТИН НА ШАР ПЛАНИНА Снимени две нови единки на балканскиот рис appeared first on plusinfo.mk.

Националниот парк „Шар Планина“ предупредува дека во моментов на планината владее висока опасност од лавини, особено на терени над 1.700 метри надморска височина, каде што снежната покривка е нестабилна и ризикот е сериозен.

Од паркот информираат дека опасноста е резултат на комбинација од временските услови во изминатите денови – температурни промени, силен ветер и нови снежни врнежи, кои заедно со стрмниот планински рељеф создаваат услови за ненадејно активирање на лавини.

Предупредувањето доаѓа откако беше пријавена лавина на подрачјето на паркот од операторот за слободно скијање со ратраци „Ескимо спорт“. По добиената дојава, екипи на Националниот парк излегоа на терен и извршија увид на локацијата. Претходно, операторот направил пребарување со лавински уреди, при што било утврдено дека нема затрупани лица, а досега не се пријавени исчезнати лица. За среќа, инцидентот поминал без човечки жртви.

Паралелно со увидот, била спроведена и експертска анализа на стабилноста на снежната покривка од стручен тим специјализиран за безбедност во планинскиот туризам. Според проценката, лавинската опасност е оценета како степен 4 – висок ризик, според европската скала за лавинска опасност, каде што 5 е највисоко, а 1 најниско ниво на ризик.

Од Националниот парк апелираат посетителите да бидат исклучително внимателни, да избегнуваат движење низ потенцијални лавински зони и да не се упатуваат во повисоките делови на планината без придружба на стручно обучени и искусни водичи. Посетителите се повикуваат и навремено да ја пријават својата посета преку официјалната веб-страница на паркот.

Стручните служби на Националниот парк „Шар Планина“, во соработка со туристичките оператори и лавинските експерти, најавуваат дека состојбата на теренот ќе се следи постојано, а јавноста ќе биде навремено информирана за сите промени.

Од паркот потсетуваат дека иако Шар Планина нуди спектакуларни зимски пејзажи, движењето во вакви услови бара високо ниво на одговорност и информираност, бидејќи лавините се појава која тешко се предвидува и може да има сериозни последици.

The post 📷 ВИСОКА ОПАСНОСТ ОД ЛАВИНИ НА ШАР ПЛАНИНА Апел до планинарите и скијачите да не се движат без водич appeared first on plusinfo.mk.

Шпекулантско базично новинарство, базирано на еуфорија и сензационализам во корелација со несовесни лица од новопечениот Национален парк ги нарушуваат децениските туристички релации на Попова Шапка, каде фирмата која макотрпно управува со фрирајд операциите на Шар Планина речиси 20 години опслужува повеќе од 1.500 странски скијачи секоја сезона.

Скијањето со ратрак е изолиран и супер специјализиран туристички производ далеку од очите на македонската јавност, но сепак на видното поле на туристичките работници и најважно светската скијачка сцена долги години наназад, реагира СкиМакедонија во напис.

Поминале бројни патеписци и продуценти од познати и непознати медуми, угледни и авторитетни специјализрани травел магазини. Скијачки великани од Северна Америка, Западна Европа и Скандинавија.

Направена е невидена афирмација на Македонија и Шар Планина деценија наназад преку бројни насмeани лица, задоволни странски авантуристи скијачи, дипломати, амбасадори и македонски домашни гости.

Повеќето туристички капацитети односно хотели како и многу локално население директно и индиректно живеат токму од овој оператор и тие гости.

И сега наеднаш имаме некоја нова ултра бирократска институција каде наеднаш под превезот на екологија, биодиверзитет им смета се или сакаат да маваат таму каде што навидум некој може да трпи ќотек. Паралелно дозволувајќи загадување , сеча , градење диви објекти насекаде низ планината.

Во однос на најважната медиумска драма што се случи утринава каде операторот беше спречен заедно со странските гости да излезе на терен важно е да се напомене, не е точно дека полицијата интервенирала поради загрозување на безбедноста од страна на операторот, објави СкиМакедонија.

Напротив, полицијата беше повикана по дојава на самиот оператор, поради незаконско и присилно постапување на терен, по што ренџерите беа отстранети од местото на настанот, а не обратно.

Ваквото известување свесно или несвесно, а ите како непрофесионално извртување на фактите се создава лажна слика во јавноста, се нарушува угледот пред се на државата, дестинација Попова Шапка, потоа операторите, хотелите и индивидуалци со сериозни репутациски и финансиски последици.

Спротивно на изнесеното во објавите по медиуми, операторот постапувал согласно доставениот допис од Национален парк Шар Планина и нивниот официјален тарифник, врз основа на кој, по барање на самата установа, е извршена авансна уплата во износ од 5.000 евра, со образложение дека установата е самофинансирана и нема друг редовен прилив на средства.

И покрај ова, ратраците беа физички спречени да движат, без претходно навремено писмено решение, без формална забрана и без спроведување на соодветна законска постапка на лице место, што претставува пречекорување на овластувањата, а не законско постапување.

„Во овој контекст, основано сметаме дека станува збор за сплет на интереси помеѓу поединци вработени во установата Национален парк Шар Планина, како и за обид за саботажа и уништување на веќе воспоставен туристички производ, наместо за транспарентно и законско управување со заштитеното подрачје.

Логично се наметнува прашањето: зошто институција чија основна улога е развој и унапредување на одржливиот туризам во Националниот парк, игнорира препораки и настојува да спречи и уништи веќе постоечки, светски познат туристички продукт, наместо да го регулира и унапреди особено што се игнорираат многу барања од операторот кој наложува високи стандарди на работење?!

Остануваме цврсто определени за почитување на законите, заштита на природата и развој на одржлив туризам, но истовремено инсистираме на законско, транспарентно и непристрасно постапување, без селективност и без влијание на поединечни интереси”, вели операторот.

The post ПОЛИЦИЈАТА ГИ ОТСТРАНИЛА РЕНЏЕРИТЕ, А НЕ РАТРАЦИТЕ НА ПОПОВА ШАПКА Кому му пречат фрирајд скијачите? appeared first on plusinfo.mk.