Вишото јавно обвинителство во Белград ја отфрли кривичната пријава против поранешниот началник на Полициската управа за град Белград, Веселин Милиќ, во делот во кој му се ставаше на товар кривичното дело помагање на сторител по извршено кривично дело, бидејќи, како што наведува обвинителството, не постојат основи за сомневање дека е сторено кривично дело кое се гони по службена должност.

Во делот од пријавата што се однесува на кривичното дело непријавување на кривично дело и сторител, обвинителството соопшти дека продолжува со преземање доказни дејствија.

Од обвинителството наведуваат дека во рамки на истрагата за тешкото убиство на А.Н., извршено на 12 мај 2026 година во ресторанот „27“, биле анализирани снимки од надзорни камери од адресите на оштетениот и на осомничениот Веселин М., како и снимки од локалот „Кофи Дрим“. Дополнително биле проверени податоци од базни станици, извршени вештачења на телефоните на припадниците на обезбедувањето на осомничениот, како и анализа на исказите на сведоците, одбраната на осомничениот и други докази.

„Неспорно и недвосмислено е утврдено дека Веселин М. не бил, ниту можел да биде на местото на настанот, односно во ресторанот ‘27’“, се вели во соопштението на обвинителството.

Во однос на сомневањата за непријавување на кривично дело и сторител, обвинителството наведува дека досега собраните докази укажуваат на основано сомнение дека Веселин М. во ноќта меѓу 12 и 13 мај бил телефонски известен од сопственикот на ресторанот, осомничениот Н.Л., за случувањата во објектот, во кој во тој момент имало и други гости.

Според обвинителството, иако дознал за кривични дела кои се гонат по службена должност, тој не ги пријавил до надлежните органи, иако бил должен да го стори тоа.

Обвинителството додава дека веќе презело повеќе доказни дејствија и наложило соодветни вештачења за да се утврдат сите околности на случајот, а понатамошниот тек на постапката ќе зависи од содржината на доказниот материјал што дополнително ќе биде доставен.

„НЕ НОСИ ОБЕЗБЕДУВАЊЕ“ Началникот го намамил Баја во ресторанот во Белград?

The post ПРЕСВРТ ВО СЛУЧАЈОТ „МИЛИЌ“, ОТФРЛЕН ДЕЛ ОД ПРИЈАВАТА Началникот не бил во фамозниот белградски ресторан „27“ во време на убиството на Баја appeared first on plusinfo.mk.

Јеменските бунтовници Хути соопштија дека е убиен „во вршење на должноста“ началник на Генералштабот, Мухамед Абд ал Карим ал Гамари.

Хутите без директно да го обвинат Ерусалим за убиството на ал Гамари, објавија дека конфликтот со Израел не е завршен и оти ќе „биде казнет за злосторствата што ги сторил“.

Израелскиот министер за одбрана Израел Кац на платформата Икс објави дека ИДФ го елиминирала началникот на Генералштабот на Хутите, Мухамед Абд ал Карим ал Гамари.

Кац посочи дека ал Гамари е убиен заедно со други високи претставници на Хутите во израелскиот напад врз Сана во август.

Израел во август го нападна главниот град на Јемен, Сана при што ги таргетираше Генералштабот, министерот за одбрана и други високи функционери. Во нападите убиени се премиерот на владата на Хутите во Јемен и неколку други министри.

Ал Гамари беше член на „канцеларијата за џихад“ на Хутите, одговорна за надгледување на воените операции предводени од Абдул Малик ал Хути, братот на убиениот основач на движењето.

Од октомври 2023 година, кога почна во Појасот Газа, Хутите лансираат ракети и дронови кон цели во Израел и нападнаа повеќе од 100 бродови во Црвено и Арапско Море, теснецот Баб-ел-Мандеб и Аденски Залив, во знак на поддршка со Палестинците. Како одговор на нападите, Израел постојано напаѓа цели во областите на Јемен контролирани од Хутите.

Јеменските бунтовници контролираат големи делови од земјата, вклучително и Сана, каде што Хутите ги воспоставија своите политички институции. Меѓународно признатите јеменски власти се протерани од Сана во Аден.

The post „КОНФЛИКТОТ НЕ Е ЗАВРШЕН“ Убиен е висок заменик началник на Хутите, Израел ја презеде одговорноста appeared first on plusinfo.mk.

По серијата остри реакции и објавената снимка на која се слуша како полициски начални инсистира на приведување на директорката на средното училиште во Демир Хисар, случајот ќе го разгледува Секторот за внатрешна контрола при Министерството за внатрешни работи (МВР).

Јавноста и правните експерти реагираат на однесувањето на полицаецот, кој, и покрај предупредувањата од медицинскиот тим дека здравствената состојба на директорката Маја Лозановска не дозволува нејзино спроведување на сослушување, изјавил дека „ако треба ќе оди со амбулантно возило и на носилка во полициска станица“.

Од МВР најавуваат дека по завршување на проверките ќе информираат дали ќе има санкции за полицаецот.

„Во однос на реакциите на јавноста за постапувањето на полициските службеници за време на претресот, Одделот за внатрешна контрола, криминалистички истраги и професионални стандарди презема мерки и активности од своја надлежност. За резултатите дополнително ќе ја известиме јавноста“, соопштија од МВР.

Од снимката се слуша како полицаецот бара директорката веднаш да биде сослушана, иако нејзиниот адвокат потсетува дека судската наредба предвидува претресот да се изврши во рок од 15 дена. Тој нагласува дека времето на постапување го определува тој, а не полицијата. Од Обвинителството појаснуваат дека не издале наредба за итен распит.

„Основното јавно обвинителство Битола нема издадено наредба за приведување или итен распит на лице во конкретниот случај“, наведуваат од институцијата.

Од МВР додаваат дека претресот бил поврзан со сомнение за фалсификување или уништување на деловни книги.

„ОВР Демир Хисар од Основното јавно обвинителство Битола побара издавање наредба за претрес на три локации – службените простории на училиштето, домот и автомобилот на пријавеното лице. Обвинителството побара од Основниот суд во Битола да ја издаде наредбата заради обезбедување предмети од кривично дело. Судот ја оцени основаноста и го прифати барањето, по што ОВР Демир Хисар вчера изврши претреси на трите локации. За евентуално пронајдени и одземени предмети сè уште не е доставено официјално известување до обвинителството“, информираат од МВР.

The post 🎥 СЛУЧАЈОТ СО ДИРЕКТОРКАТА ОД ДЕМИР ХИСАР ЈА ВКЛУЧИ ВНАТРЕШНАТА КОНТРОЛА НА МВР Под истрага е началникот кој бараше итен распит appeared first on plusinfo.mk.

Според информациите до кои дојде Плусинфо, сменети се седум раководни лица од СВР Штип и Кочани, вклучително и началници и командири од клучните сектори.

Oд функциите се разрешуваат:

– Началникот на Секторот за внатрешни работи Штип

– Помошник началникот на СВР Штип

– Началникот на Одделението за полиција Штип

– Началникот на Одделението за криминалистичка полиција Штип

– Началникот на Одделението за внатрешни работи Кочани

– Командирот на Полициската станица од општа надлежност Кочани

– Началникот на Надворешната канцеларија за криминалистички работи Кочани

Од Министерството најавуваат повеќе детали во текот на денот, кога ќе се одржи официјална прес-конференција на која Тошковски ќе ја образложи својата одлука.

The post ЧИСТКА ВО ПОЛИЦИЈАТА ВО КОЧАНИ И ВО ШТИП Паѓаат командири и началници appeared first on plusinfo.mk.

Судот им определи осумдневен притвор на двајцата осомничени за напад на полициски началник пред дискотека во Кавадарци. Основното јавно обвинителство соопшти дека е поведена постапка и прифатен предлогот на обвинителството за мерката притвор.

Полицискиот началник, според написот, бил на должност во раните утрински часови и постапувал за откривање на сторители на шверц со дрога.

„Основното јавно обвинителство Кавадарци поведе постапка против две лица за кривично дело – Напад врз службено лице при вршење работи на безбедноста согласно член 383 став 2 во врска со став 1 од Кривичниот законик.

Двајцата соизвршители осомничени за ова кривично дело, на 15 февруари во раните утрински часови, во дискотека во Кавадарци нападнале службено лице – полициски началник кој во моментот бил на должност и постапувал за откривање на сторители на недозволена трговија со дрога“.

• ТРОЈЦА КАВАДАРЧАНИ СЕ ТЕПАЛЕ СО ПОЛИЦАЈЦИ Двајца нападнале полицаец во кафеана, трет пред болница

Понатаму во соопштението на ОЈО се вели:

„Кога во дискотеката го забележале началникот на кого и претходно му упатувале заканувачки пораки преку други лица, осомничените на возраст од 31 и 33 години започнале да го туркаат и да го удираат со боксови по главата и телото, при што му ја скинале облеката и му нанеле повеќе повреди – набиеници и расекотини.

Јавниот обвинител до судијата на претходна постапка од Основниот суд во Кавадарци достави предлог за определување мерка притвор за осомничените. Предлогот е прифатен и судот им определи притвор во траење од осум дена“.

The post ОСУМДНЕВЕН ПРИТВОР ЗА КАВАДАРЧАНИТЕ КОИ НАПАДНАА ПОЛИЦАЕЦ ВО ДИСКОТЕКА Началникот бил на должност, испитувал шверц на дрога appeared first on plusinfo.mk.

Оставката на Халеви ќе стапи во сила на 6 март, рече портпаролот, пренесе ДПА.

Чекорот дојде „во време кога израелската војска постигна значајни достигнувања и е во процес на спроведување на договорот за ослободување на нашите заложници“, изјави Халеви.

Досега неколку израелски воени претставници поднесоа оставка откако 1.200 луѓе беа убиени од палестински милитанти во јужен Израел на 7 октомври 2023 година.

Околу 250 луѓе беа киднапирани во Појасот Газа во нападите без преседан, кои го наведоа Израел да почне војна на палестинската територија.

Многу Израелци го обвинија премиерот Бенјамин Нетанјаху дека не преземал лична одговорност за политичкиот и воениот неуспех на 7 октомври.

The post ОСТАВКА ПОДНЕСЕ НАЧАЛНИКОТ НА ГЕНЕРАЛШТАБОТ НА ИЗРАЕЛ Халеви се повлече поради нападите на Хамас од 7 октомври appeared first on plusinfo.mk.

На 11.07.2024 година, тој ги поминал наплатните станици Кадрифаково и Преод, при што покажал само службена легитимација на вработените во кабините, избегнувајќи плаќање на билетот за патарина.

Одделот за внатрешна контрола, криминалистички истраги и професионални стандарди при Министерството за внатрешни работи поднесе кривична пријава против А.М., кој е вработен како началник на Отсекот за криминалистичко разузнавање, статистика и документирање во ОВР Кочани – СВР Штип. Видеоматеријал од безбедносните камери на наплатните станици го потврдува настанот.

„Министерството за внатрешни работи презема сериозни мерки за утврдување на одговорност во сите случаи на кршење на службената дисциплина. Секој поединец ќе одговара за своите постапки“, изјавија од Министерството за внатрешни работи.

Покрај кривичната пријава, МВР најави и дисциплинска постапка. Во меѓувреме, пријавениот ќе биде отстранет од работното место до завршување на постапката.

The post 📽️ ЗНАЧКАТА КРЕВА МЕТАЛНИ РАМПИ Полициски началник ја злоупотребил службената положба за да избегне патарина appeared first on plusinfo.mk.

Уставниот суд на денешната седница поведе постапка за Правило на АРМ со кое се забранува вршење верски обреди.

„Уставниот суд поведе постапка за Параграф 4 алинеја 1 од Правилото за сместување и ред во Армијата на Република Македонија бр.02-295/1 од 16.07.2012 година. Оспорена содржина: „Во воените објекти се забранува вршење на верски обреди“, информираат од Судот.

Во оваа фаза од постапката, Судот изразил сомнеж дека оспорениот акт не е во согласност со темелните вредности на уставниот поредок утврдени во член 8 став 1 алинеи 1,3 и 11 од Уставот, односно на основните слободи и права на човекот и граѓанинот, владеењето на правото, како и на членовите 3,8 и 20 од Законот за правна положба на црквата, верска заедница и религиозна група.

Според Уставниот суд, со донесувањето на ваква одредба, началникот на Генералштабот на АРМ ги пречекорил своите законски овластувања и се ставил во улога на Законодавец, бидејќи таква содржина не може да биде уредена со подзаконски акт.

Уставниот суд по направената анализа оцени дека уредувањето на условите под кои може да се оствари правото на слободно вршење на верски обреди во рамки на вооружените сили претставува исклучиво „materia legis”, oдносно законска материја и во никој случај не може да се регулира со Правило.

Согласно ова, Уставниот суд цени дека оспорената одредба може да се доведе под сомнеж за неговата уставност и законитост.

The post УСТАВНИОТ СУД ПОВЕДЕ ПОСТАПКА ЗА ПРАВИЛО НА АРМ СО КОЕ СЕ ЗАБРАНУВА ВРШЕЊЕ ВЕРСКИ ОБРЕДИ Началникот на Генералштабот влегол во улога на законодавец, тврди Уставниот суд appeared first on plusinfo.mk.

Претседателката Гордана Сиљановска Давкова, во пресрет на 18 Август, Денот на Армијата, потпиша укази за унапредување на бригадниот генерал Сашко Лафчиски во чин генерал-мајор и за негово поставување за Началник на Генералштабот на Армијата.

Со укази на претседателката Сиљановска Давкова, поради истек на мандат, разрешен е досегашниот началник на Генералштабот, генерал-потполковник Васко Ѓурчиновски и тој е поставен за Советник на началникот на Генералштабот на Армијата за борбена готовност и операции.

Свеченото примопредавање на должноста началник на Генералштабот ќе се одржи на Денот на Армијата, 18 Август.

The post САШКО ЛАФЧИСКИ Е НОВ НАЧАЛНИК НА ГЕНЕРАЛШТАБОТ НА АРМ Ѓурчиновски ќе му биде советник за борбена готовност и операции appeared first on plusinfo.mk.

„Станува збор за Аднан Синани, началник во Одделот обезбедување во Министерството за внатрешни работи и лице кое работи како лично обезбедување на заменик министерот за внатрешни работи, Назим Буши. Работа која вклучува ВИП обезбедување, учество во домашни и странски делегации и присуство на меѓународни настани.

Претходно, на социјалните мрежи тој имаше јавен пост во кој има недвосмислени елементи на говор на омраза што е кривично дело предвидено во Кривичниот закон.

Оттука, се поставува прашањето дали безбедносните проверки за ова лице се направени стручно и професионално со оглед на високиот безбедносен ризик при обезбедување на домашни и странски ВИП личности и делегации.

Дали функционерите на ДУИ, како Бујар Османи, кој јасно го осуди нападот на Хамас врз Израел, се свесни дека нивен поддржувач има дијаметрално спротивни ставови, а чува нивни колеги од Владата, како и претседателот на Собранието, Талат Џафери.

Министерството за внатрешни работи треба да даде одговор на следните прашања:

1. Дали МВР и Оливер Спасовски и Сашо Тасевски имаат поинаков став од МНР на Бујар Османи и Владата за нападот на Хамас врз Израел?
2. Зашто директорот под чија директна надлежност е Управата за обезбедување досега не поднел дисциплинска постапка за високиот полициски службеник?
3. Дали АНБ ќе направи чекор и ќе му го одземе безбедносниот сертификат на овој началник бидејќи неговото делување е спротивно на официјалниот државен став по однос на Израел?
4. Дали сега Стево Пендаровски ќе излезе со став по однос на овој анти-НАТО наратив на висок полициски службеник или ќе премолчи за да не му биде замерено пред кампања?
5. Дали доколку во земјава би престојувал официјален претставник на Израел, ова лице ќе биде дел од придружбата и ќе има контакт до агендата и локацијата на израелските гости?
6. Дали со вака искажаниот став истиот всушност свесно се става на располагање на ќелиите на Хамас задолжени за операции и саботажи надвор од Израел?

Повиците на Хамас вчера беа: Смрт на Израел, смрт на Америка 7. Дали со давањето јавна поддршка на Хамас, овој началник на МВР всушност го посакува истото за најзначајниот стратешки партнер на Македонија

Секое премолчување, неосудување и несанкционирање на ваков безбедносен инцидент е уште една потврда дека македонскиот безбедносен систем на чело со СДСМ и ДУИ е фрлен на колена и дека безбедносните реформи се само празна флоскула“, пишува Чулев.

The post „НАЧАЛНИК КОЈ ГО ОБЕЗБЕДУВА ЏАФЕРИ, НО И СТРАНСКИ ГОСТИ ГО ПОДДРЖУВА ХАМАС“ Наќе Чулев бара одговори од Спасовски, Пендаровски и од ДУИ appeared first on plusinfo.mk.