Просечната годишна плата по вработен во Европската Унија за 2024 година изнесува 39.808 евра. Разликите меѓу земјите-членки се огромни – тие се движат од само 15.387 евра во Бугарија до дури 82.969 евра во Луксембург, што е 5,4 пати повеќе.

Освен Луксембург, просечна плата над 50.000 евра е евидентирана во пет други земји: Данска, Ирска, Белгија, Австрија и Германија. На дното на скалата, заедно со Бугарија, се Грција и Унгарија, каде што просечната годишна плата е помала од 20.000 евра.

Евростат забележува дека податоците се прилагодени за да го прикажат просекот како сите вработени да работат со полно работно време, со оглед на тоа што во многу земји голем дел од луѓето работат со скратено работно време.

Бројките јасно покажуваат дека платите се генерално повисоки во Западна и Северна Европа, а пониски во Источна и Југоисточна Европа.

Џулија Де Лацари, економист во Меѓународната организација на трудот (МОТ), вели дека економската структура и продуктивноста на нациите се клучните причини за разликите меѓу земјите.

-Повисоката продуктивност им овозможува на земјите да одржуваат повисоки плати – вели таа за Euronews Business.

Таа додава дека земјите со поголем удел во секторите со висока додадена вредност, како што се финансиите, ИТ и напредното производство, имаат тенденција да имаат повисоки плати во споредба со земјите каде што вработеноста е концентрирана во секторите со пониска додадена вредност, како што се земјоделството, текстилот или основните услуги.

Јазот во платите станува помал кога се земаат предвид разликите во трошоците за живот, т.е. кога платите се мерат според стандардите на куповна моќ (PPS). Една единица БДП теоретски може да купи иста количина стоки и услуги во секоја земја.

Прилагодените плати, според тоа, се движат од 21.644 во Грција до 55.051 во Луксембург, намалувајќи го односот помеѓу највисоките и најниските на 2,5.

Освен Луксембург, на врвот на рангирањето според Белгија, се Данска, Германија и Австрија има највисока куповна моќ, сите со износи над 48.500 според стандардот на куповна моќ. Пет најниско рангирани земји се Грција, Словачка, Унгарија, Бугарија и Естонија, сите под 28.000 SKM.

Лазари од МОТ вели дека трошоците за живот и нивото на цените влијаат на платите.

– Земјите со повисоки нивоа на потрошувачки цени генерално покажуваат повисоки номинални плати – објаснува таа.

Рангирањето на некои земји значително се менува кога се споредуваат вредностите во евра со SKM.

На пример, Романија се искачува од 22-ро на 13-то место, додека Естонија паѓа од 16-то на 22-ро место откако ќе се земат предвид разликите во цените.

Доколку просечниот раст продолжи со истото темпо како во последните пет години, се очекува просечната плата во ЕУ во номинални услови да достигне 41.600 евра во 2025 година и 43.400 евра во 2026 година, иако стапките на раст значително се разликуваат меѓу земјите.

The post ЕВРОПЕЈЦИТЕ ПРОСЕЧНО ГОДИШНО ЗАРАБОТУВААТ ПО 39.808 ЕВРА Но, меѓу најниската и највисоката просечна плата има јаз од 5,4 пати appeared first on plusinfo.mk.

Издадено е итно предупредување до сите кои патуваат во земјата, бидејќи четворица туристи загинаа, а повеќе се водат како исчезнати поради рекордно високите температури, пишува Индипендент.

Екипите за пребарување во Грција моментално трагаат по тројца исчезнати туристи. Грчките власти издадоа предупредување за топлина од трето ниво и испраќаат автоматизирани предупредувања до телефоните, повикувајќи ги луѓето да работат од дома и да избегнуваат напорни активности на отворено, објави репортерот Рич Бут од Грција.

Метеорологот на грчката државна телевизија Панос Јанопулос рече: „Во 20 век никогаш немавме топлотен бран пред 19 јуни. Имавме неколку во 21 век, но ниту еден пред 15 јуни“.

Туристичките локации во Атина и пошироко беа затворени по извештаите за луѓе кои се онесвестиле додека чекале на ред.

Ханија, град на северозападниот брег на Крит, забележа највисока температура, при што живата во четвртокот достигна 44,5 степени Целзиусови.

Презентерот Мајкл Мозли е пронајден мртов на островот Сими во додеканската група острови во близина на Родос. Тој колабирал за време на прошетка на температура од 37 степени и бил пронајден мртов во неделата, четири дена откако исчезнал.

Турист исчезнал во вторникот попладне додека се шетал на островот Аморгос на југоисток од земјата.

На малиот остров Матраки, недалеку од Крф, исчезна уште еден американски турист. Овој 55-годишен турист не е виден од вторник, 11 јуни, јавуваат локалните медиуми. На островот Самос, 74-годишен холандски турист исчезна додека планинареше во неделата.

Спасувачките тимови на туристичкиот остров во источниот дел на Егејското Море соопштија дека мажот исчезнал во областа Маратокампос. Потрагата по овие тројца туристи се уште трае.

Димитрис Катацис, шеф на спасувачкиот тим на Самос, рече дека туристите не се свесни за ризиците со кои се соочуваат пешачејќи по жештината. Велат дека често излегуваат од колосек, а потоа се губат.

– Видовме неколку странци како ја шетаат патеката 41 степен без капи – изјави тој за локалните медиуми.

Спасувачките екипи советуваат туристите да не шетаат на високи температури и во најтоплите делови од денот.

Задолжително понесете капи, крема за сончање и вода.

The post ИТНО ПРЕДУПРЕДУВАЊЕ ЗА СИТЕ ШТО ЛЕТУВААТ ВО ГРЦИЈА! Внимавајте на топлото време, полицијата трага по исчезнати, издадени заштитни мерки appeared first on plusinfo.mk.

Ваков проект под името Мукаб најави престолонаследникот на принцот на Саудиска Арабија, Мохамад бин Салман бин Абдулазиз, јавува ИнтересноИнженерство. Искуството е како да бидеш потопен во нова реалност, се пишува за овој смел проект. Коцката однадвор не изгледа така бидејќи е покриена со шари кои наликуваат на арабеска иако нивната шема е повеќе триаголна.

А внатре во коцката? Кула, ама не стандардна туку во форма на спирала. Внатре ќе има сè како во мал град, од туристички атракции и комерцијални простори па до станбено домување. Во бројки тоа се стотици илјади жители, односно 1,8 милиони квардатни метри станбен простор, 1,4 милиони квадратни метри канцеларии, 9.000 хотелски собри, 980.000 квадратни метри малопродажен простор…

И да, коцката би требало со своите 400 метри да биде највисока зграда во светот. Дали ќе биде и најеколошка? Има предвидени многу зелени површини и велосипедски патеки, но уште не се знае колку оваа коцка, или овој мал град ќе биде пријателски насторен кон животната средина.

Во проектот Саудиска Визија 2030 коцката го зема централното место. Проектот го финансира Фондот за јавни инвестиции на Саудиска Арабија.

Претходно, проектот за градот НЕОМ, исто така на Саудиска Арабија беше критикуван не само поради влијанието на средината, туку и поради прекршувањето на човековите права.

Еве како изгледаше промо-видеото за тој проект за град и самиот предизвик за урбанистите.

The post ОБЛАКОДЕРОТ-КОЦКА КОЈ ОДВНАТРЕ ПРОЕКТИРА ХОЛОГРАМ Мукаб во Саудиска Арабија треба да е готов до 2030 година (ВИДЕО) appeared first on plusinfo.mk.

Според податоци на ДЗС, највисоката просечна-нето плата во овој период е исплатена во секторот Компјутерско програмирање, консултантски и сродни дејности и истата изнесува 84.019 денари, следи Воздухопловен транспорт  63.289 денари, па Останати стручни, научни и технички дејности 53.843 денари, Производство на основни фармацевтски производи и препарати 53.353 денари и Финансиски и услужни дејности, освен осигурување и пензиски фондови  49.787 денари.

Најниска просечна нето- плата и во ноември е исплатена во кожарската индустрија од 21.764 денари.Во текстилната индустрија за производство на облека просекот од нето-плата е  22. 821 денари, а во дрвната индустрија 23 329 денари.

The post КОМПЈУТЕРЏИИТЕ НА ВРВОТ СО ПРОСЕК ОД 84.019 ДЕНАРИ Просечната нето- плата во ноември изнесува 33.011 денари appeared first on plusinfo.mk.

Облакодерот има 53 ката, наменети за канцеларии, ресторани и две простории за опсервација. Именувана по Варсовија, латинското име за Варшава, зградата служи како порта за развој на новиот деловен парк „Варсо место”, сместен во центарот на Варшава. Комплексот се поврзува со основната железничка станица во градот. Дизајнирано од британската архитектонска фирма „Фостер и партнерите”, зданието се истакнува со стаклена фасада со тројно застаклување и шпицест врв од околу 80 метра.

Ze szczytu Varso pic.twitter.com/GBU95oVqlI

— Szymon (@Cinnamoneque) October 29, 2022

– Веруваме дека кулата, исполнета со активност и извонредни јавни простории на покривот, ќе даде силен, позитивен придонес за овој прекрасен град. Се надеваме дека ќе стане центар за околниот и меѓународниот бизнис и симбол на современа Полска – рече во изјавата Грант Брукер, висок претставник на фирмата.

Во поглед на околината, дрвјата и клупите околу оваа кула нудат мирен амбиент за уживање, на пример во паузите, но и за граѓаните воопшто. Исто така, и 53. кат, како и посебни лифтови, се наменети за посетители кои би сакале да го искусат панорамскиот поглед. На 49. кат се наоѓа целосно уреден бар на тераса – највисока градина во Варшава.

The post ЗАВРШЕНА НАЈВИСОКАТА КУЛА ВО ЕУ Од горната тераса се гледа цела Варшава (ВИДЕО) appeared first on plusinfo.mk.

Просечната месечна исплатена нето-плата по вработен во октомври 2021 година, во однос на октомври 2020 година, се зголемила за 4.5.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: „други услужни дејности“ (11,7 отсто), „објекти за сместување и сервисни дејности со храна“ (10,1 отсто) и „информации и комуникации“ (10,1 отсто).

Зголемување на просечната месечна исплатена нето-плата по вработен, во однос на претходниот месец, е забележано во секторите: „трговија на големо и трговија на мало“; „поправка на моторни возила и мотоцикли“ (3,5 отсто), „објекти за сместување и сервисни дејности со храна“ (2,1 отсто) и „други услужни дејности“ (2 отсто).

И овој месец лидери во висина на платата се  програмерите кои просечно заработуваат по 73.540 денари. Кај нив за една година платите пораснале за 10 отсто.

Еве како изгледа листата од 5 највисоки примања во земјава.

1. Компјутерско програмирање  73.540 денари  –  плус 10,0 отсто
2. Стручни и научни дејности     49.352 денари  – плус 8,2 отсто
3. Фармација-производство         47.933 денари   – плус 2,9 отсто
4. Воздухопловен транспорт        45.656 денари   – плус  8,0 отсто
5. Финансиска дејност                   44.995 денари    – плус 3,4 отсто

На дното, пак, се вработените во „заштитни и истражни дејности“ кои во  октомври оствариле просек на плата од 16.216 денари. Во оваа дејност за една година платите се намалиле за 3,7 отсто. Малку повисоки плати или 18. 131 денари имале во „услуги поврзани со одржување на згради“.

1. Заштитни и истражни дејности                                16.216 денари     –  минус  3,7 отсто
2. Услуги поврзани со одржување на згради            18.131 денари      –  плус  2,9 отсто
3. Производство на облека                                             18. 864  денари   – плус 7,8 отсто
4. Дејности за подготовка на оброци
   и служење на храна                                                      19. 754 денари     – плус 8,7 отсто
5. Производство на мебел                                               21. 180  денари   – плус 6,7 отсто

The post ПРОГРАМЕРИТЕ И НАТАМУ НА ВРВОТ СО ПЛАТА ОД 73.540 ДЕНАРИ Кои се ТОП 5 највисоки и најниски плати? appeared first on plusinfo.mk.

Просекот на плати се движи во распон од 15 933 денари во заштитните и истражни дејности до 76 223 денари  исплатени во дејноста комјутерско програмирање.

На дното покрај работниците во заштитните  и истражните дејности се и платите на раобтниците во кожарската индустрија  каде што просекот на плата во декември е  16 777 денари и во производство на облека 18 184.

Меѓу нив се и платите на вработените во најпогодените сектори од коронакризата угостителството и туризмот. Просекот кај угостителите во декември бил 17 697, додека кај туристички агенции, организатори на патувања (туроператори) и останати резервациски услуги како и дејностите поврзани со нив 17 189 денари.

Овие се и просечните плати исплатени под  20.000 денари во декември. Над овој износ се исплатени најголемиот дел од просечните плати во другите дејности.

Највискои плати и во декември земале вработените во информатичката дејност и комуникациите каде што просекот на нето исплатена плата достигна 56 998 денари. Но и овде предничи просекот исплатен во  дејнсота компјутерско програмирање, консултантски и сродни дејности  од 76 223 денари. Во  телекомукациската дејснот, пак, просекот е  50 034 денари.

Зад нив се вработените во фармавевтските компании со просек од 47 940 денари и  финансиските дејности и осигурувањето каде што просекот е 46 795 денари. И енергетскиот сектор традиционално има исплатено високи плати . Овде просекот е 40 530.

Високи плати се исплатени и во дејности на организации врз база на зачленување каде што просекот е  40 840

Од производните сектори највисоки просеци на плати се исплатени во рударството и вадење камен  каде што просекот е  39 655. Но и во овој сектор има разлика во просекот на плати. Најниска плата во овој сектр од 21.556 денари добиле работниците кои ваделе  јаглен и лигнит,  а највисока од 40.980 денари рударите кои даделе руди на метал.

Над државниот просек од декември се  платите на здравствените работници  каде што во декември е исплатени просечна плата од  35.950 денари.

The post Компјутерските програмери во декември заработиле во просек по 76 223 денари appeared first on plusinfo.mk.

Генералниот секретар за трговија и заштита на потрошувачи Панајотис Стамбулидис на денешната редовна прес конференција за ковид-19 во Министерството за здравство на Грција ја соопшти одлуката, објаснувајќи дека во моменти кога голем дел од бизнисите се затворени поради карантинот, а Владата поддржува здрава конкуренција, неопходно е да се спречат случаи на профитерство.

– Министерот за развој и инвестиции во следните денови ќе достави соодветен амандман според кој ќе може да се одредат највисоки крајни цени за добра и услуги неопходни за заштита на јавното здравје и економските интереси на граѓаните. По гласањето и објавувањето во Службен весник ќе се издаде министерска одлука со која ќе стапат во сила највисоките цени за вршење испитувања за коронавирусот SARS-COV2 за секој од приватните центри што ја нудат оваа услуга – објасни Стамбулидис.

Тој соопшти дека молекуларниот тест ќе чини најмногу 40 евра, а рапид тестовите 10 евра.

Цените на ПЦР тестовите во приватните лаборатории во Грција сега се од 70 до 90 евра.

The post Профитерите во загуба во Грција: Одредена највисока цена за тестовите за ковид-19 appeared first on plusinfo.mk.

Еден час работа отсега ќе се наплаќа 23 швајцарски франци, што е рамно на 22 евра, со што минималната месечна плата ќе изнесува 4.000 франци (3.736 евра).

Женева, меѓутоа е и скап град.Изнајмување соба чини 1.000 франци месечно, здравственото осигурување е 500 франци за едно лице.

Новата минимална плата е обврзувачка за сите компании и работодавци не зашто владата ја наметна, туку зашто граѓаните ја предложија како „иницијатива на народот“. Тие собраа доволно потписи за свикување референдум, на кој иницијативата доби поддршка од 58% гласачи, чиј збор е конечен во швајцарскиот систем на директна демократија.

На ниво на држава, најголема минимална плата во Европа имаат Луксембург (2.200 евра), Ирска (1.700) и Холандија (1.650).

The post Во Женева се исплаќа највисокиот минималец во светот appeared first on plusinfo.mk.

Гувернерот Јурико Коике ја опиша ситуацијата во јапонскиот главен град како „многу тешка“.

Таа ги повика жителите да се воздржат од непотребно патување и вети дека ќе се интензивира тестирањето за Ковид-19 преку употреба на опрема од универзитетите.

– Сега сме во доста тешка ситуација – предупреди Коике.

Црвениот код е највисок од четири степени во системот за тревога во главниот град на Јапонија.

Според здравствените експерти, постои значително зголемување на заразани меѓу младите луѓе. Има се повеќе и повеќе случаи на заразени лица кои не покажуваат симптоми.

The post Токио прогласи највисока „црвена“ тревога поради коронавирусот appeared first on plusinfo.mk.