Август 2025 година беше третиот најтопол август досега во светот, со просечна температура од 16,60 степени Целзиусови, според службата за климатски промени на ЕУ, Коперникус.

Месецот беше за 0,22 степени поладен од рекордните августи во 2023 и 2024 година, но 1,29 степени над прединдустриските нивоа. 12-месечниот период од септември 2024 до август 2025 година беше за 1,52 степени потопол од просекот од 1850 до 1900 година.

– Југозападна Европа го доживеа својот трет голем топлотен бран во сезоната, придружен со сериозни пожари – изјави Саманта Бургес од Европскиот центар за среднорочни временски прогнози (ECMWF), кој ја води службата на ЕУ.

Со оглед на тоа што океаните остануваат невообичаено топли, овие настани ја нагласуваат и итноста и потребата од прилагодување кон почестите и интензивни климатски екстреми, додаде таа.

Особено силен топлотен бран го погоди поголемиот дел од Иберискиот Полуостров и југозападна Франција од 8 до 18 август, додека северна и североисточна Европа останаа под долгорочните просеци.

Севкупно, летото 2025 година беше четвртото најтопло во Европа досега, со температури 0,90 степени над референтниот период од 1991 до 2020 година. Западна и југоисточна Европа, како и Турција, беа најпогодени.

Сушата погоди големи делови од западна и јужна Европа, додека локализирано имаше обилни врнежи од дожд во јужна Франција, Италија и Германија. Надвор од Европа, делови од САД и Канада, исто така, доживеаја сушност, додека источна Азија и Јужна Америка доживеаја повеќе врнежи од дожд.

Коперникус редовно објавува податоци за температурата на површината на Земјата, покривката од морскиот мраз и врнежите. Наодите се базираат на компјутерски генерирани анализи кои вклучуваат милијарди мерења од сателити, бродови, авиони и метеоролошки станици низ целиот свет.

The post АВГУСТ 2025 БЕШЕ НАЈТОПОЛ АВГУСТ ДОСЕГА ВО СВЕТОТ Ова лето беше четврто најтопло во Европа appeared first on plusinfo.mk.

Гевин Шмит, директор на Институтот за вселенски студии Годард на НАСА за Би-Би-Си вели:

– Ако до крајот на летото сè уште гледаме вакви рекордни температури во Северниот Атлантик или на друго место, тогаш навистина се наоѓаме на непозната територија.

Не е само март, последните 9 месеци биле нај-најжешки!

Секој од последните 9 месеци е рангиран како најжежок досега забележан во споредба со соодветниот месец во претходните години.

– Не станува збор само за 10-тиот последователен месец кој го собори сопствениот топлотен рекорд, туку и глобалната просечна температура во последните 12 месеци е највисока досега забележана и го надминува просекот од прединдустрискиот период за 1,58 степени Целзиусови поради деценија емисии на стакленички гасови, чиј ефект од средината на 2023 година е особено нагласен со феноменот Ел Нињо – рече заменик директорката на Службата за климатски промени Коперник, Саманта Берџес.

Таа тврди дека тоа е долгорочен тренд со исклучителни рекорди за кои сме многу загрижени, додавајќи дека следењето и проучувањето на ваквите записи месец по месец навистина ни покажува дека нашата клима бргу се менува.

Сетот на податоци на Коперник датира од 1940 година, а научниците го споредија со други релевантни податоци за да потврдат дека минатиот месец беше најтоплиот март од прединдустриското време.

2023 година веќе беше најтоплата година на планетата според светските рекорди кои постојат од 1850 година.

Екстремните временски услови и исклучителните температури направија хаос на глобално ниво оваа година. Сушата предизвикана од климатските промени во прашумите на Амазон, од јануари до март, поттикна рекорден број шумски пожари во Венецуела, а сушата во јужна Африка ги уништи посевите и остави милиони луѓе да се соочат со глад.

Рекордно се вжешти и површината на морето

Берџес рече дека податоците за морињата и океаните не се „помалку шокантни“ бидејќи новиот глобален рекорд на температурата на површината на океаните, поставен во февруари, повторно беше соборен во март.

Океаните покриваат 70% од планетата и ја одржуваат површината на Земјата погодна за живеење апсорбирајќи 90% од вишокот топлина произведена од загадувањето со јаглерод диоксид, резултат на човековата активност од почетокот на индустриската ера.

Научниците минатиот месец предупредија дека затоплувањето на океаните на Јужната хемисфера ќе доведе до масовно белење на коралите и дека тоа може да биде најопасно во историјата на планетата.

Примарната причина за исклучителната топлина се емисиите на стакленички гасови предизвикани од човекот, се вели во билтенот на Коперник.

Други фактори кои влијаат на зголемувањето на температурата е и Ел Нињо, природен метеоролошки феномен, поврзан со затоплувањето на површинските води на источниот екваторијален Тихи Океан, коj се случува циклично во период од 3 или 8 години.

Ел Нињо слабее

Ел Нињо го достигна врвот во декември и во јануари, а сега слабее, што може да помогне да се прекине жешката серија кон крајот на годината.

Потоплите океани значат повеќе влага во атмосферата. Научниците велат дека воздухот генерално може да задржи околу 7% повеќе водена пареа за секој степен Целзиусов на температурен пораст.

Ова резултира со сè понепредвидливи временски услови, како што се жестоки ветрови и обилни дождови.

– Знаеме дека периодот во кој живееме сега веројатно ќе биде најтоплиот во последните 100.000 години – рече Саманта Берџес.

И додека се уриваат климатските рекорди, научниците расправаат дали екстремната топлина забележана лани била во границите на прогнозата или станува збор за нешто сè уште непознато.

– Главниот предизвикувач на затоплувањето се емисиите на фосилни горива – вели климатскиот научник Фридерике Ото.

Неуспехот да се намалат овие емисии ќе го зголеми затоплувањето на планетата, што ќе резултира со поинтензивни суши, пожари, топлотни бранови и обилни врнежи, предупреди Ото.

The post ПОСЛЕДНИТЕ 9 МЕСЕЦИ СЕ НАЈЖЕШКИ ВО ИСТОРИЈАТА! „Се наоѓаме во непознатото“ appeared first on plusinfo.mk.