Во категоријата за најдобра копродукција ја освои главната награда „Весна“ за најдобар филм. Во националната категорија за најдобар словенечки филм со исклучок од  жирито „Најсреќниот човек на светот“ доби 2 награди: „Весна“ за најдобар костим доби словенечката костимографка Моника Лорбер, која е долгогодишен соботник на нашата режисерка Стругар-Митевска,  и награда „Весна“ за најдобра шминка за Мојца Горогранц-Петрушевска.

Овие две награди најчесто им се доделуваат на словенечки автори за словенечки филмови, а не на малцински копродукции, но со одлука на жирито тие се доделени за  „Најсреќниот човек на светот“.

Во петокот филмот имаше премиера и на Филмскиот фестивал во Загреб. По македонската премиера во четвртокот, филмот се прикажува на редовниот репертоар на кино „Милениум“.

The post НЕ ДЕКА Е НАШ АМА НАЈДОБАР Е „Најсреќнот човек на светот“ освои 3 награди во Словенија appeared first on plusinfo.mk.

Како што најавија од продукција Митевски, во текот на месеците кои следат промоцијата на филмот низ светот ќе се одвива во силен ритам собирајќи нови признанија од селекција на престижни фестивали до ексклузивни прикажувања и започнување на редовно кино прикажување во многу земји.

– Започнавме со ексклузивна проекција на филмскиот фестивал во Киев, Украина кое беше проследено со предавањето од страна на режисерот Теона С. Митевска. Полната сала во Киев, и крајно емотивната проекција на филмот во Киев проследена со звуци од сирени, зборува за значајноста на оваа приказна и овој филм кој крајно искрено говори за тешкотиите и можностите за помирувањето по воените разорувања, за длабоките траги и трауми кои остануваат врежани засекогаш кај сите оние зафатени од немилосрдниот виор на војната – истакна актерката Лабина Митевска.

Од Киев, „Најсреќниот човек на светот“ продолжува во Хаифа – Филмскиот фестивал во Израел од 8 до 17 октомври каде ќе биде прикажан во исклучителната силна главна конкуренција. Потоа патува во Бразил на Интернационалниот филмски фестивал во Рио де Жанеиро кој почнува на 21 октомври. Во октомври филмот ќе биде прикажан и на Филмскиот фестивал во Загреб, по што веднаш следува и кино дистрибуција на филмот во Хрватска.

Турнејата на „Најсреќниот човек на светот“ за октомври ќе заврши во Словенија, каде ќе се натпреварува за наградата „Весна“ за малцински копродукции на Филмскиот фестивал во Ровињ.

The post ПРЕМИЕРА НА „НАЈСРЕЌНИОТ ЧОВЕК НА СВЕТОТ“ Претставникот за Оскар ќе патува на 5 светски фестивали appeared first on plusinfo.mk.